العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > رياضة عالمية

 
إضافة رد
 
أدوات الموضوع انواع عرض الموضوع
#1  
قديم 26-05-13, 02:35 AM
المديرالعام
المجمر غير متواجد حالياً
Sudan     Male
SMS ~
اوسمتي
وسام المشرف المتميز 
لوني المفضل Darkred
 رقم العضوية : 22
 تاريخ التسجيل : Dec 2009
 فترة الأقامة : 3682 يوم
 أخر زيارة : 20-03-19 (10:41 PM)
 المشاركات : 12,454 [ + ]
 التقييم : 10
بيانات اضافيه [ + ]

اوسمتي

افتراضي السلك**بابكر سلك



Xالسلك**بابكر سلك
بعدما كوكتونا ما تتوكونا


* الكوكى يسلم التقرير.
* محترفين من العيار الثقيل.
* بترشيح من الكوكى فى طريقهم للمريخ.
* وغيرها من الاخبار التى تشير الى الابقاء على الكوكى مدربا للدورة الثانية.
* زمااااااااان.
* لما رشحوا الكوكى.
* قلنا ما تستعجلوا وتكوكونا.
* وهسى بعد اتكوكنا بشهادة الجميع.
* وبشهادة الواقع.
* اتحالت لينا التكويكا.
* الكوكى حايواصل.
* بل جايب لينا محترفين من العيار الثقيل.
* وان شاء الله أختيار الكوكى اامحترفين مايكون زى اختيارو للشعار الاجبرنا على شرائه.
* أيها الناس.
* المدرب عشان يبعد الشبهات.
* مفروض ما يتدخل فى عملية احضار واختيار وتسجيل اللاعبين.
* يوضح مواصفات اللاعب الذى يحتاجه.
* المجلس يكون لجنة فنية مختصة تختار لاعب بالمواصفات التى طلبها المدرب.
* ويمكن ان تصل لخيارات.
* ان استعصى عليها الامر.
* تطرح الخيارات للمدرب.
* ماضرورى يكون بعرف اللاعبين.
* فيديوهات ليهم كفاية.
* وبعدها يتم الاختيار.
* لكن مدرب يقول لى فى لاعب اسمو سلك بلعب فى الفريق الفلانى انا محتاج ليهو.
* وانا بقدر اقنعوا.

* وانا عندى طريقة اتصال بيهو.
* سلك ده بالذات ما بدقها معاى.
* على اقل تقدير فى عهد المدرب الذى رشحه.
* أيها الناس.
* الكوكى فشل.
* لابصمة واضحة.
* ولا اكتشاف موهبة.
* ولا توظيف جديد.
* حتى ارجاع مرتضى كبير للدفاع.
* كان سقطة.
* ومنقصةلامكانيات اللاعب.
* اطرافنا مشكلتنا.
* لا جديد فى المستوى.
* يلعبون بفهم تلاتة خمسة اتنين.
* فى طريقة اربعة اربعة اتنين.
* جاريين سااااااااااااااااااااى.
* والكوكى قاعد يعاين.
* ايها الناس.
* مواسير تونس دى كفانا منها.
* وعمر الكوكى فى المىعب كلاعب لا يصل لنصف عمر اى دولى سابق فى المريخ.
* وخبرته فى التدريب تقل كثيرا عن تلك التى يتمتع بها ابناء المريخ.
* وشهادته التدريبية حصل عليها بعد سنوات من تلك التى حصل عليها ابناؤنا.
* عشان كدة.
* مافى حاجة بتخلى الكوكى مديرا فنيا للمريخ وهو بهذا المستوى وتلك الخبرات.
* وبهذا الفشل الكبير الذى حصل عليه فى الدورة الاولى.
* ايها اللوردات.
* زمان قلنا ما تستعجلوا وتكوكونا.
* وبعد اتكوكنا.
* بنقول.
* بعد كوكتونا ما تتوكونا باستمرارية هذا المدرب.
* ما ممكن نتكوك ونتوك فى موسم واحد المهم.

* المهم
* سليمانى ماش يعرس.
* ياربى دى العرسة الكم؟؟؟؟
* الزول ده ما ممكن يكون عزابى لى اسى وهو فى العمر ده.
* لكن العاجبنى فيهو صريح.
* قال ماشى اعرس.
* ايها الناس.
* فترة توقف الدورى بين الدورتين مابتكفى الكوكى لى عمل شى.
* لانو فترة معسكر تونس ماقدر يعمل فيها شى.
* الزول ده اكسبوا زمنكم معاهو.
* المهم.
* كورة شندى مفروض نسميها مباراة طبق البيض.
* ناس بيضت الكورة فى الهدف الاول لاهلى شندى بالهبل.
* والمستوى.
* بيض شديد.
* لكن بصراحة.
* البرير شجاع.
* وله من الايجابيات الكثير.
* والحرب التى وجدها لو وجهت لى زول تانى كان شرد بدرى.
* البرير عمل فى اجواء غير مستقرة.
* وبرغم ذلك.
* انجز الكثير.
* وحقو الناس تفتح دفاتر البرير.
* بكل شفافية تجمع سلبياتو وايجابياتو.
* وشوفوا الاكتر ياتها.
* ايها الناس.
* مافى زول صاح طواااااااااااالى.
* ومافى زول غلط طواااااااااالى.
* لو فى زول غلط طوااااااالى يبقى شيطان مازول.
* ولو فى زول صاح طوااااااااااااااالى يبقى ملاك مازول.
* وعشان الزول زول.
* مفروض الناس تخت فى راسها انو ممكن يصيب وممكن يخطئ.
* ولا شنو؟؟؟؟؟؟؟؟؟؟؟؟؟؟
* اها.
* نجى لى شمارات والى الخرتوم.
* اكان شفت يا والينا .
* الناس اكبرت فيكم تكوينكم لى لجنة لدراسة امر المواقف الجديدة.
* لكن الموضوع ما محتاج لجنة.
* الحكاية واضحة.
* الناس تعبانة.
* ناس تمشى من جاكسون لى شرونى وتدعى.
* وناس تقول آآآآآآآآمييييييييييييييييييييييييين.
* وكت اصلو فى طريقة للدراسة.
* موش كان افضل تدرسو الموضوع اول؟؟؟؟؟؟؟
* تاعبننا فى شنو؟؟؟
* مودننا موقف كركر.
* ومكركرننا لى شنو؟؟؟
* والينا.
* واحة الخرطوم اتبنت فى محل ما بتاعها.
* من واحة الخرطوم غربا وحتى ابوجنزير شرقا.
* موقف يكفى الخرطوم حتى عام الرمادة ذاتو.
* تلتقى فيه كل خطوط المواصلات.
* وضاع هذا الموقف بقرار غريب.
* وبدأ المواطن يدفع فى ثمن ذلك القرار الفردى السلطلوى العلوى.
* يوم جاكسون.
* ويوم شرونى.
* واخرتها يكركرو فينا من محل لى محل.
* لا نملك الا الدعاء.
* ولا يملك غيرنا الا التامين على الدعاء.
* عيون مرهقى متعبة قليلة الحيلة تنظر الى السماء
* وايادى مكرمشة تبسط بوهن شدبد.
* ولسات جف من كثرة الترحال يهمهم.
* آآآميييييييييييييييييييييييييييييييين.

سلك كهربا


* ننساك كيف ونصنا يدعو والنص الآخر يقول أمين والقرار فوووووووووق
والللللللللللللللى لقاء
سلللللللللللللللللللك



 توقيع : المجمر


رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فوائد أكل السمك العمرابي صحتك بالدنيا 7 12-10-14 10:44 PM
بابكر سلك/ في حلة الأرباب المجمر الدورى الممتاز السوداني 0 25-09-14 09:07 AM
في السلك بابكر سلك حسن زيادة رياضة عالمية 1 01-04-12 08:03 AM
فى السلك يا سلك المجمر رياضة عالمية 0 07-12-11 02:53 AM
فى السلك المجمر رياضة عالمية 0 27-11-11 07:36 PM

الساعة الآن 06:27 PM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com