العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > رياضة عالمية

 
إضافة رد
 
أدوات الموضوع انواع عرض الموضوع
#1  
قديم 01-04-12, 07:02 AM
عضؤ..مميز
حسن زيادة غير متواجد حالياً
لوني المفضل Cadetblue
 رقم العضوية : 614
 تاريخ التسجيل : Mar 2010
 فترة الأقامة : 3812 يوم
 أخر زيارة : 26-08-15 (07:29 AM)
 المشاركات : 163 [ + ]
 التقييم : 10
بيانات اضافيه [ + ]

اوسمتي

افتراضي في السلك بابكر سلك



بسم الله الرحمن الرحيم
في السلك

بابكر سلك
المصارنه غلبوا نسابتنا

* اليوم نقابل الخرطوم الوطني
* بالقلعه الحمراء
* لا نطالب بالنصر فقط
* ولكن نطالب بعرض يطمئن الجمهور علي مباراة العبور
* اي تراخي او تكاسل يعني احباط الجمهور
* واحباط الجمهور يعني سقوط اهم سلاح في معركة العبور
* كوره زي الكوره
* وعرض زي العرض
* واقوان مطر
* وبعده اتركوا شأن العبور للجمهور
* ايها الناس
* من لا يؤدي بغيره يجب ان نأتي بغيره
* لا كبير علي المريخ
* ولا للركون للاسماء فقط
* و لانحب عبارة بجي منو
* يا يجي منو في اي زمان اي مكان
* او يترك مكانه ويشوف ليهو مكان خارج الكنبه
* لان الكنبه يجلس عليها الفرسان الجاهزين لحمل الرايه متي ما يطلب منهم
* ايها الناس
* ايها الشفوت
* تناسوا حكاية فئات التذاكر في المباراه الماضيه
* تعالوا كلنا
* من عصرا بدري
* عشان نعمل بروفة كورة العبور
* اذا احسنا التشجيع سنعبر
* شفوت
* جاهزين ؟؟؟؟
* اها
* امس المصريين غلبوا نسابتنا
* نسابتنا زاتهم كورتهم زي كورتنا
* واقفين كتار بره الخط بتاعهم
* ويسكوها ليك
* شئ سلام ملك
* وشئ ردم
* وشئ الكوره تقدم يشيلوها منهم
* والغريبه المصريين في الاستاد كتاااااااااااااااار
* ناس السفاره
* وناس البيع في الحله بالاقساط
* وعمال السراميك
* لكن الاستاد مافيهو ولا زول من نسابتنا
* مع انو نسابتنا في البلد دي قاعدين من قبل النسب زاتو
* يكونوا ياربي مابحبوا الكوره نسابتنا ديل ؟؟؟؟
* المهم
* اسمع سمعنا انو البرنس تعرض لاصابه جديده
* يكون ياربي ده سبب الابعاد الجديد !!!!
* زول في قامة هذا الرجل يعامل بالطريقه دي !!!!
* واحد صاحبي هلالابي قال لي انت بتلمح لقيام البرنس بانهاء حياتو الرياضيه في المريخ
* والبرنس ده خط احمر
* قلت ليهو عشان احمر دي بنلمح
* ايها الناس
* حفظ الجميل جميل جدا
* ويقود للجمال
* جمال بالجا ؟؟؟؟؟
* كدي فرطوا
* ايها الناس
* سمعنا بمرض ام سادومبا
* لكن مرض طفلي سادومبا دي جديده دي
* الله يشفي
* اكيد الدكتور كتب ليهم دولارسايكولين وريال ديكساميدين ويورو يوز بالوريد
* الدواء ده ياربي شايفو وين شايفو وين ؟؟؟
* ايوااااااااااااااااا
* في حي الصفا
* عليكم الله البقابل سادومبا يقول ليهو روشتتك دي صيدليتها في حي الصفا
* وحدها الاخير للصرف شهر سته
* الضني حار يارجاله
* والدولار برضو حار
* اها
* امس ناس روشا كتبوا الاتي
* الكاردينال : كل ثروتي تحت تصرف الهلال
* الهلال ابو من غير شعار ياروشا ولا الهلال ابو شعار
* لو الهلال ابو شعار يبقي بخت الراجل الكسب القضيه
* ولو بقي الهلال ابو من غير شعار يا روشا
* يبقي في سؤال
* انتوا صدقتوا !!!!!!!!!!!!!!!!
* ده موش الكردينال القال قودوين بجي !!!!
* ده موش الكاردينال القال بس الانتخابات تنتهي ولو حتي مافزت بعمل الاستاد عالمي ؟؟؟
* الانتخابات لسه ما انتهت يا روشا ؟؟؟؟
* كدي جيبوا قودوين من المطار بعدين شوفوا باقي كلام الكاردينال
* تعرف ياروشا العباره دي ذكرتني عباره قديمه كنا بنستخدمها كفزوره
* قالوا في قديم الزمان كان يا ما كان في مارشال
* المارشال ده غني خلاص
* وهو في فراش الموت كتب وصيه يقول فيها
* كل اموالي واملاكي لابني الصغير
* قام الولد الكبير بعد رفع الفراش لقي الوصيه
* وماعرف يتصرف معاها كيف
* وداها لضراع ابوهوا اليمين وشاوروا
* ضراع ابوهوا قال ليهو انا ما بقدر اغير وصية ابوك كتير
* بسمح ليك بوضع حرف واحد فقط
* والحرف ده بورثك مع اخوك الصغير
* الولد الكبير بقي يفتش في الحرف شنو ويختو وين
* مافي زول عرف
* آخر شئ الولد الكبير لقي ليهو بتاع بحر في الزمن داك قاعد جمب البحر
* وعرض عليهو الموضوع
* بتاع البحر قال ليهو بسيطه
* خت حرف الف قبل واملاكي
* تبقي الحكايه كل اموالي او املاكي لابني الصغير
* عشان كده يا روشا ختوا الف علي عبارة الكاردينال يمكن تطلعوا بي حاجه
* بس اوعكم يا روشا تختوا الالف قبل العباره زاتها
* بتطلعوا كيت
* لان العباره بتطلع تهكميه
* أ كل اموالي تحت تصرف الهلال !!!!!!!!!!
* وبعدها طبعا بكون في جنيتوا مستتره لوجود الاموال تحت التصرف
* قال كاردينال قال ...قال
* خليهم يقولوا
* ايها الناس
* كثير من اخوتنا في الاتفاقيه يرون نجاح المجالس في محاربة رموز الفريق
* ده عدم عشره عديل كده
* نحنا بنحب الخط الاحمر وكل شئ احمر
* واتحمري
* سطاشر سنه وماشاء الله هيثم لم تقعده اصابه عن تلبيه نداء الهلال
* الجده شنو السنه دي !!!!!
* غارزيتو ده بمرنو بالطوب اصلو ؟؟؟؟
* ايها الناس
* اليوم ندشن بروفة التشجيع لمباراة العبور
* مريخ يا
* يعيش
* مريخ يا
* يعيش
* مريخ يا
* يعيش يعيش يعيش
* وانشاء الله فخري يعيش تاني ما يجيب لينا لاعب
* ايها الناس
* السنجاب لسه ماجاب ؟؟؟؟؟
* اها
* نجي لشمارات والي الخرتوم
* كان شفت يا والينا ناس شمبات قالوا رش الباعوض مانفع
* المبيد طلع سنجاب ساي
* وكان شفت يا والينا
* اتني بتاعين بحر اصحاب شديد
* واحد كان ماشي علي البحر
* والتاني جاي من البحر
* اتقابلوا جمب البحر
* الاول قال للتاني الجديد شنو ؟
* التاني قال ليهو الدولار فات الخمسه وماشي
* الاول قال للتاني الحمي الكل يوم بترتفع دي مالقوا ليها بندول ؟
* التاني قال ليهو البندول جابوهوا لكن البلعوا منو ما معروف
* الاول قال ليهو بلعوها الناس الماعندهم حمي ديل
* التاني قال ليهو الله في والسحائي في
* وكان شفت يا والينا عندي صاحبي قال لي سايق المره العمره
* بعد سافر اتضح انو المره هي الساقتو محرم

سلك كهربا
ننساك كيف والحمي خلتنا نهضرب سااااااااااااي , حمي سهراجه
والي لقاء
سلك




رد مع اقتباس
قديم 01-04-12, 08:03 AM   #2
عضؤ..مميز


الصورة الرمزية حسن زيادة
حسن زيادة غير متواجد حالياً

بيانات اضافيه [ + ]
 رقم العضوية : 614
 تاريخ التسجيل :  Mar 2010
 أخر زيارة : 26-08-15 (07:29 AM)
 المشاركات : 163 [ + ]
 التقييم :  10
لوني المفضل : Cadetblue

اوسمتي

افتراضي رد: في السلك بابكر سلك



سلك كهربا
ننساك كيف والحمي خلتنا نهضرب سااااااااااااي , حمي سهراجه
والي لقاء
سلك


 

رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
فوائد أكل السمك العمرابي صحتك بالدنيا 7 12-10-14 10:44 PM
بابكر سلك/ في حلة الأرباب المجمر الدورى الممتاز السوداني 0 25-09-14 09:07 AM
السلك**بابكر سلك المجمر رياضة عالمية 0 26-05-13 02:35 AM
فى السلك يا سلك المجمر رياضة عالمية 0 07-12-11 02:53 AM
فى السلك المجمر رياضة عالمية 0 27-11-11 07:36 PM

الساعة الآن 09:52 AM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com