العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > الملتقى العام

 
إضافة رد
 
أدوات الموضوع انواع عرض الموضوع
قديم 15-08-14, 10:25 PM   #11
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



الشبكه جات يامحمود


اتكلم لانو تاني حتفارقا فراق الطريفي لي جملوا

نضرب للوليه الو سلام عليكم


عليكم السلام

مالو صوتك تعبان كده؟


ده يادووب يوم واحد والله ما قدرنا نستحملو بدونك

ياوليه كبري عقلك اصبري ,,هو انا مشيت عشان شنو؟عشان اريحكم مره واحده استحملي شويه واصبري الناس اغتربت سنين وسنين انا كلها شهر وبجيكم


الو...الو.........


ساد الصمت

عارفك بتبكي بالطريقه دي بتعذبيني معاااكي


ردي علي عليكي الله

ياابوي ياابوي لقيتو الدهب؟

هو يابتي الدهب ده مكشوح في الزلط اديني امك


هاك امي

اسمع ضربت لي زوجة صاحبك محمود وقالت في راجل بيسال عليكم اسمو عوضين

اووووعك تديهو التلفون ده


ليه؟ هو مالوا

لا لا لا بس كان داير يمشي معانا ,,خلاص خلاص اقفلي الخط انا مستعجل


يامحمود يامحمود

ماااالك؟

عوضين بفتش علينا


ومالك مخلوع ما يفتش براحتو,,هو شيكو حلا(يعني استحق السداد) ما بقدر يعمل لينا حاجه الا بعد سته شهور




طيب نتصل عليهو ونطمنوا الراجل ما يجيهو ضغط وسكري



انت وكت اشتريت منو التلاجات عمل معاك كونترات لحضور يومي




لا ابدا




خلاص جلي الفكره

..............

صباح اليوم التالي خرجت العربه من الملتقي متوجهه الي الشمال


وظل صاحبنا ينظر من النافذه الزجاجيه ويترقب اللافتات المكتوب عليها ارقام الكيلو

يااااااااه احنا في الكيلو 480 السودان ده كبيير بي شكل,,انا بس داير اعرف الناس بتتشاكل علي شنو؟ وليه الاراضي غاليه كده دي كلها اراضي زراعيه ومافي زول شغال بيها والله السودان ده جنة اله علي الارض


 
 توقيع : المجمر



رد مع اقتباس
قديم 15-08-14, 10:26 PM   #12
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



وفجاه قاطعه صلاح


يااخوانا احنا داخلين دنقلا


حنتغدي ونستحمي الحمام الاخير واي زول داير يتصل دي اخر فرصه ليهو تاني شبكه تك"يعني مافي"

ايييييييك دي كلها ركشات والله التقول تاني مافي ركشه في اليابان هي دنقلا كبيره كده


كيف دنقلا من اكبر المدن وبها مطار محترم

والله انا من زمان سامع بي دنقلا العجوز والله قايلا فيها شجرتين نخيل تعبانات كده وتاني ببح


كدي خلينا احنا وصلنا دنقلا صلاح ده مودينا وين-البحر المتوسط؟


ياخي شيل الصبر


وانا بلا الصبر عندي شنو؟والله انت ماشفت ام عيال عامله شنو؟التقول الواحد يرجع حسي


التقول براك العندك اولاد حسي انا بي اولادي حصل شكيت ليك

يامحمود انا عندي ولد عندو سكري والمرض جديد عليهو والحكايه جاااايطه


ترررررررررن دقيقه بس التلفون ضرب دي ام العيال


الو اي معاكي

حصل متين ده

خلاص تمام ربنا يساعد

في شنو مالك وشك اتغيير كده

الوليه


مالا

حااااااامل


ياخ خلعتني الف مبروك وربنا يديك الذريه الصالحه

ياربي ده وكت يمرق بكون انا وييييين


يلا يااخوانا اركبو احنا مارقين من دنقلا

وركبوا جميعا السياره


يامحمود احنا لسه ماشين حسي الكيلو600صلاح ده ماشي وين؟


انا زاتي بديت اقلق

وفجاه انعطفت العربه يمينا عند الكيلو 624


وخاطبهم صلاح

حمدا لله علي السلامه


وصلنا؟


احنا في الطواحين


الطواحين دي البطلعو منها الدهب؟


لا لسه الدهب قدام


حالة اغماء لصاحبنا


 
 توقيع : المجمر



رد مع اقتباس
قديم 15-08-14, 10:27 PM   #13
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



وبعد الافاقه من الاغماء قرر صاحبنا محادثه صلاح

ياصلاح
نعم
محل الدهب قريب ولا بعيد؟
احنا حنفارق الظلط وحنمشي في الصحراء زي ساعتين ونص وحيركبو معانا جماعه من هنا عشان يورونا الطريق لانو اي شارع غلط بنروح فيها ودي اصعب حته في الدهب
حنصل مكان اسمو"البوم" وده اسم جبل اطلقوا الرئيس السابق جعفر نميري وفي مره قال
"انا عندي جبل اسمو "البوم"انا مستعد اتحدي بيهو العالم كلو
وده طبعا من خيراتو

وليه سموهو البوم
بيكثر فيه طائر"البوم"
البوم الواحد الفقر ده؟
ااااي وسبب تواجد البوم لان المنطقه بها فئران لا تحصي ولا تعد
واسمع كويس اياك تحاول تقتل فار سامع

ليه؟
ديل اهل المنطقه وسكانها وبعدين ديل "بسم الله الرحمن الرحيم
شنو؟شواطين؟ الا ديل كرهتي في الدنيا العفاريت والشواطين
كدي لمن نصل عندي معاك قعده اجهزوا للسفر
وركبو الجميع وسارو تجاه جبل البوم

ياخي الصحراء دي مخيفه بي شكل
ياما ماتوا فيها رجال
انا من جيت غير الشواطين والموت ما لاقيت شيء
ووصلت العربه منجم الذهب المعروف بالبوم
حيث بدا الجميع بالغناء وهم يقولون
"البوم ما خلي زول مظلوم
ساعه في البوم ولا عز الخرطوم

حمدا لله علي السلامه


 
 توقيع : المجمر



رد مع اقتباس
قديم 16-08-14, 10:33 PM   #14
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



الحقلة 6وصلنا؟




احنا في الطواحين




الطواحين دي البطلعو منها الدهب؟



لا لسه الدهب قدام


حالة اغماء لصاحبنا


*************************




وفي المدينة قررت زوجة محمود الزياره لزوجة صاحبنا فعمدت علي الاتصال اولا




ازيك ياندي



منو معاي؟



انا هنادي



اهليييين كيفك كدي لحظه اطفي النار وارجع ليكي



خلاص اتصلي علي



لا لا لا لا خليكي في الخط كيفك بالله



انتي في البيت؟



اااي قاعده



خلاص انا جايه عليكي



في انتظارك



وبدات تهمم"في شنو مالا الوليه ان شاء عافيه يكون في شنو جايه علي ما كان توريني بالتلفون كدي خليها تجي



******************





وبعد نصف ساعه خبط باب البيت




اهلا اتفضلي لي جوووه



كيفك الجماعه ما اتصلوا ولا منهم خبر؟



بري يااختي يطرشني



لغاية اول امس محمود كان بيضرب لي



وبدات تنظر الي هنادي بقعر عينها وتقول في نفسها
نا متمنيه اعرف المرا دي جات ليه؟


الا كان وراها حاجه




وساد الصمت حتي بدات هنادي في الكلام




شوفي ياندي بي صراحه انا الزول الاسمو عوضين ده كتر علي الجيات في البيت وما مصدق انو انا ماعارفه محل راجلي وين.وما تنسي ناس الحله كلهم عارفين راجلي سافر وكل مره الزول دي يخبط باب البيت




سجمي سجمي هو ما بختشي والله كان جاني انا افرج عليهو الغاشي والماشي وان شاء الله راجلي ولا محمود يتصل عشان نوريهو ليهو


اسمعيني كويييييس كلمي اخوكي بالموضوع ده وخليهو يقعد معاكم كم يوم كده ويلاقي عوضين ده لا لا يااختي الا السمعه وما تنسي حادثة الافك حصلت في بيت الرسول والناس ماعندها غير قلنا وقالو





انا جيت ليكي مش خايفه من عوضين لكن عوضين نبهني لشي انا ما كنت جايبه خبروا الا بعد ما سافر محمود


شنو هو اللفت نظرك؟


الناس كلها عارفه اني وحدانيه وراجلي مسافر وده خطر علي يطمع الحراميه واولاد الحرام فيني
حتي اولادي الصغار اولاد الحله بقوا يحقروهم لانو ابوهم مافي
وامبارح بتاع البقاله دقه ولدي كف قال شنو"الولد ما مؤدب"عليكي الله لو ابوهم قاعد كان دقشوا كف؟





ووووب علي خوفتيني والله كان كده نرجع بيت امي يااختي كلوا ولا المهانه




خلاص امشي انا واكلم اخوي يقعد معانا




عليكي الله اقعد اتونسي




لا والله ماشا ومستعجله عندما عرس جارتنا



جارتكم منو؟



سوسن,,كان شفتيها مرا كبيييييره فاتت الاربعين



ومالو العريس احوص ولا مبدل؟



بري يااختي ابوها مات من هنا وورثت كل عقاراتو والعريس جا بي هنا
يايمه وليد سغيير حلات الدنيا عليهو قالوا خريج مكنيكه عطبره




هييييييي ده زمن الكاش البقلل النقاش


الله يرحم ابوها التم ليها العرس حي وميت


خلاص انا ماشه




طيب بينا التلفون


وفي منطقة الطواحين




اسمع يامحمود ارح نتفرج علي الطواحين دي



ارح يازول شق الديار علم

وبعد القاءنظره



دي الطاحونه؟ مخير الله


مكنه لوري وجربكس مربوطه في الطاحونه ذي طاحونه الحله

شوف الغبار ده مارق كيف




ارح قريب




ديل شنو الناس الماسكين طشاطه جوه المويه ديل؟




ديل الغسالين




الناس ديل عندهم غسيل قدر ده؟



يااخي انت ما تفتح معانا شويه غسيل ملابس يعني؟
ده غسيل الدهب اخر مراحل استخراج الدهب. يارب اوعدنا




دي كلها طواحين ديل دايرين يطحنو شنو اصلو




يااخوي نرجع الجماعه ديل ما يفوتونا

وبالفعل وجدوا صلاح جاهز للسفر وركبوا جميعا




الله الصحراء دي شكلها جميل والله سبحان الخالق



حاول ركز علي اشكال الجبال واحفظ الدرب كويس الدنيا ما معروفه

شوف الجبل داااك يشبه الحصان بي لجاموا


صحي يامحمود الكلم الناس دي بانو في دهب منو؟



دا نفس الزول العمل الحلو مر

ههههه وتعالت الضحكات

**************



وبعد ساعتين

حمدا لله علي السلامه وصلنا الجبل انزلوا انت ومحمود ونزلو حاجاتكم معاكم وفي كوريك ومشمع نزلوا واعملو التايه لمن اجيكم



التايه؟ هي شنو التايه؟



وانطلقت العربه وتركتهم لوحدهم في الصحراء




يازول صلاح ده نصيح كده؟



الزول ده ماشي يوزع الناس وبجي راجع




واحنا نسوي شنو يعني ؟هو فاكرنا حنعمل "تايه"



شوف هناك يامحمود في تايه هناك ارح ليها نشرب مويه ونتظر صلاح

****************




وبجانب ال "تايه"




سلام عليكم



مرحب حباب الضيف




طلع لهم رجل يقارب الثمانين من عمره قدم اليهم الماء والبلح

بدا محمود ينظر في ارجا ال"تايه" الرجل يفترش الارض ومعه ابريك وباغه للمياه وحله صغيره وكفتيره وكبايتين ومصلايه





كيفك ياحاج



بخييير يااولادي انتو جايين من ووين؟




احنا من القطينه جنب الخرطوم



مرحب حبابكم عندكم ابار هنا ولا اول مره تجوا




والله اول مره ياحاج قلنا نجرب حظنا مع الدهب ههه



الرازق الله يااولادي بس الصبر




يعني لو صبرنا ياحاج بنلقي الدهب




ضحك الحاج حتي ظهر الضرس الاوحد الاخير في اخر فمه

الله يجازي محنكم انا لي طوله من الضحك





وهمس لمحمود
"
انت عارف عمك ده شكلو خبره وممكن ينورنا ويساعدنا بدل صلاح الما داير يقول حاجه لليله التقول شغال هزااز


نواااااااااصل


 
 توقيع : المجمر



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نعى اليم وفاءة والد الاخ ياسر على 66 المجمر صالون الدعوات والترحيب 2 19-04-13 07:45 PM
خروف العيد مع الكابتن ياسر على ...! المجمر رياضة عالمية 70 01-11-12 11:24 AM
معلومة نادرة شكرا ياسر على المجمر رياضة عالمية 3 07-10-11 05:18 AM
ياسر عرمان المجمر رياضة عالمية 0 24-04-11 12:30 AM

الساعة الآن 11:52 PM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com