العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقسام المتخصصة > صحتك بالدنيا

 
إضافة رد
 
أدوات الموضوع انواع عرض الموضوع
قديم 17-03-12, 09:41 PM   #161
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



انت عكاز عمايا.......
لقدجعل الإسلام رعاية الوالدين ضرباً من ضروب الجهاد يُقدّم أحياناً على الهجرة وملاقاة الأعداء والتوق لنيل الشهادة بما في ذلك من أجر وثواب، فقد أقبل رجل إلى رسول الله -صلى الله عليه وسلم- فقال: أبايعك على الهجرة والجهاد، أبتغي الأجر من الله، قال له رسول الله: (فهل من والديك أحد حي؟) قال الرجل: نعم .. بل كلاهما حي، فقال (ص))فتبتغي الأجر من الله؟) قال الرجل: نعم، قال (ص): (فارجع إلى والديك فأحسن صحبتهما(، وفي رواية أخرى أنه جاء رجل إلى رسول الله -صلى الله عليه وسلم- فقال: جئت أبايعك على الهجرة، وتركت أبويّ يبكيان، فقال (ص):
(ارجع إليهما فأضحكهما كم أبكيتهما(.
وقال الله تعالى في معرض الوصية بالوالدين:
(إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلاهُمَا.)
كلمة (عندك) في قوله تعالى إنما تشير إلى ما يجب على الأبناء نحو آبائهم خصوصاً في مرحلة الكبر، ولزوم أن يكونوا (عندهم) أي تحت نظرهم، وفي محل رعايتهم واهتمامهم، وهذا الشرط لا يتحقق بتنقّل الوالدين بين بيوت الأبنا
انـت لــمـا خـلاص كـبـرتـا دار تسيبني أعيش برايا .
دار تـفـارقـني وتـسـافــر والـحــزن يصـبــح جـزايا
كيف يـهـون لك تحـزن أمـك شـان تحـقـق ليـك غاية
كان مسـافـر شـان عـلاجي بـلـقي في شـوفتـك دوايا
وكان عشـان تـســقـيــنـا نهـلك نحـن بي حنـك روايا
كان عشـان كــرعــيــنـا راحـل نحن بي بـعدك حفايا
كان مهاجـر شــان تـعـرس خـيـر أبـوك مالي التكايا
لا تسـيـب أمــك تـهـاجــر يـمـه محـتـــاجــي الحـمايا
لا تسـيـبـني وراك تـرحـل إنـت يـاك ضُـلـي وضرايا
أنـت فـوق الـحـوبــة مـقـنــع إنـت للـمـكشـوف غطايا
دايري مـنـك تـبــقـي جنـبي . جنبي في فـرحي وبلايا
دايـري كـان قحـيـت اتـبـنـك ارفـع اقـســمـلـك غـتـايا
أنت سـاعـة تـبـقي جنـبـي تـبـقـي ضُـلــي وتـوب قفايا
ومـا بخــاف ظـلـم الـلــيــالي وأنـت يــاك عكاز عمايا
مـاني عــارفـي سـبــب رحـيلك يـا وليدي شنو الحكاية
إلا تبـقي بـــراك شــايـف فـي فــــراق الــوالــدة غـايـه .
ما بعاتبك وما بلومك لو رحلت بلـقي في الأمثال عزايا
عـلـي حـجــر دايـمـاً قليـبـك وقليـبـي كـله عليـك جنـايا
وصدق من قال (قلبي علي جناي وقلب جناي علي حجر)



 
 توقيع : المجمر


التعديل الأخير تم بواسطة المجمر ; 17-03-12 الساعة 09:44 PM

رد مع اقتباس
قديم 05-10-12, 12:49 AM   #162
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



بحق السبعة المثانى الفاتحة.....ان تفتح لنا ابواب رحمتك ...وبحق اعظم ايات القراءن اية الكرسى وبحق سورة البقرة...وبحق آل عمران ....وبحق سورة النساء... وبحق سورة المائدة....وبحق سورة الأنعام ...وبحق هذه السورة الكريمة الأعراف ..... وبحق سورة
الأنفال ...ان تحفظ المنتدى وبحق سورة التوبة....ان تتقبل منا توبتنا وبحق سورة سيدنا يونس عليه السلام .... وبحق سورة سيدنا هودعليه السلام.... وبحق طبية وحكمة وصبر سيدنا يوسف عليه السلام .... وبحق صوت الرعد....وبحق سيدنا وابو الانبياء إبراهيم...وبحق سورة الحجر....وبحق عظمة ويخرج من بطونها اية الشفاء النحل ....بحق سورة الإسراء....وبحق كل من قراء سورة الكهف... يوم الجمعة ان تتقبلها منه وتجعلها حفظا وحرسا لنا ولمنتدانا ومريخنا ..وبحق نبينا وحبيبنا طه ...ان تحفظنا من كل حملة تمس رسولنا الكريم العظيم .. وبحق الأنبياء... ان تجعلنا من العابدين الشاكرين لك... وبحق سورة الحج... والحجيج فى هذه الايام المباركات ان تجعلنا من الفائزين والحاملين الكاس الافريقية وبحق جميع المؤمنون.... ان تنور قلوب المريخاب بالايمان والتقوى وبحق سورة النور... وبحق الفرقان ....العظيم ان تجمعنا فيك ولا تجعل بيننا شقيا ولا مطرودا ولا محروما ..وبحق سورة الشعراء.... وبحكمة النمل.... وبحق سورة القصص ....وبحق حكمة العنكبوت....وبحق سورة الروم...وبحق حكمة وعظمة وصية سيدنا ا
لقمان....ونحن ساجدين لك عابدين لك متوسلين لك وبحق السجدة.....الواحدة ان تتقبلها منا وبحق سورة الأحزاب....وسر وعظمة الملكة سبأ..... يا فاطر السماوات والارض بسورة فاطر....وبحق سورة يس.... قلب القراءن الكريم ان تجعلها المعممة لنا فى الدنيا والاخرى وبحق سورة الصافات ...ان تصفى قلوبنا من الحسد والكبرياء والرياء وتبعد عنا الشياطين والجن ...وبحق سورة ص... ان تصبرنا على كل الابتلاء فى حياتنا ومنتدنا الزعيم وبحق سورة الزمر....وبحق سورة غافر ....ان تغفر لنا وتعفو عنا... وبحق سورة فصلت ....وبحق سورة الشورى...ان تجعلنا من اهل الشورى.... والاتفاق فى رفعة لا اله الا الله ومحمد رسول الله وبحق سورة
الزخرف....وبحق سورة الدخان.... وبحق سورة الجاثية ...وبحق الأحقاف ....وبحق سيدنا وحبيبنا وشفيعنا سيدنا محمد.... ان تفتح لنا ابواب رحمتك ويحق سورة الفتح... ان تفتح لنا الانتصارات على كل المتبارين ...معهم بحق سورة الحجرات ....وسورة ق ....وسورة الذاريات....وبحق سورة الطور.... وبحق سورة النجم ....وبحق سورة القمر... ان ترحمنا بسورة الرحمن.... وتنفعنا فى فهم البيان وسر عظمة القراءن
وان تغنينا بسورة الواقعة....وان تحفظنا من باس الحديد ... وتنفعنا بسورة الحديد ولا تجعلنا من اهل المجادلة...فى الفارغة وان تحشرنا يوم الموقف العظيم مع الصديقين والشهداء والصالحين ونكون مع رفقة الانبياء.... يوم الحشر..ولا تمتحنا يوم الموقف العظيم ....بحق سورة الممتحنة..... واجعلنا فى صف الصراط المستقيم بحق سورة الصف... وان تتقبل دعانا فى يوم الجمعة ....ولا تجعلنا من المنافقون ...بحق سورة التغابن ....بحق سورة الطلاق .....وسورة
التحريم.... يا مالك الملك.... اجعل قلمك يكتبنا من الشاهدين لك بانك انت الله ومحمد رسولك ونبيك.... بحق سورة القلم.... وبحق سورة الحاقة...وبحق سورة المعارج ....حتى تعرج بنا فى مشاهدة ملكوتك وبحق سيدنا نوح... انت خالق الجن.... والانس وبحق المزمل.... ان تجعلنا من القائمين الليل لك وحدك ..وبحق سيدنا المدثر صل الله عليه وسلم خاتم الرسل والانبياء الصديقين ....وبحق يوم القيامة... بحق سورة الإنسان.... وبحق سورة المرسلات... ان نسمع
النبأ العظيم ....بفوز مريخنا ...وبحق سورة النازعات... وبحق سورة عبس.... وبحق سورة التكوير...وبحق سورة الإنفطار....وايات المطففين...وبحق سورة الإنشقاق.... وبسورة البروج... وسورة الطارق ....ان تجعلنا فى الأعلىمقاما ..وبحق سورة الغاشية ..وبسر الفجروسورة
البلد...وعظمة الشمس ان تجعلنا من اهل الليل راكعين ساجدين متوسلين لك ....وبحق ركعات الضحى ان تشرح صدورنا وتيسر امورنا جمعيا بحق سورة الشرح ....وبحق التين ....وبحق سورة العلق ....وبحق سورة القدر...ان تبين لنا كل الحاسدين والقاصدين المريخ والمنتدى ان تبين لنا البينة .....وان تزلزل كل من عادنا بالزلزلة....بحق سورة العاديات ...وبحق سورة القارعة....وبحق سورة
التكاثر....وبحق سورة العصر تجعلنا من المؤمنين التائبين ...وبحق سورة الهمزة ....ان ترمى اعدائنا بسر سورة الفيل.....وبحق سورة قريش....بحق سورة الماعون...اجعلنا من الشاربين المرتوين من الكوثر....ولا تجعلنا من الكافرون....انصرنا بسورة النصر....بحق سورة المسد...ان تجعلنا من المخلصين لك بحق الإخلاص...يا رب الفلق....يا رب الناس ...اذهب عنا الشقاء والبلاء ...
امين يارب العالمين


 
 توقيع : المجمر



رد مع اقتباس
قديم 21-10-12, 12:34 PM   #163
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



كلمنى يا حلو العيون
حيرنى صمتك ياحنون
كلمنى حاول حس بي ..
عاتبنى ارمى اللوم على
كلمنى والكاين يكون


****

بفرق كثير .. ويتحسب كل يوم يمر
بفرق كثير .. طعم الحلو لو يبقى مر
وتمر بي من غير كلام
ولا حتى بس همسة سلام


***

لو شفتى كيف مرو الليالي
حال المساكين الحيارة كأنو حالي
بتذكرك انا والشواطي مع العصارى
همسك وصمتك والنسيم ساري فى خيالي
بتذكرك انا والهواجس والظنون

***

كلمنى حاول حس بي
عاتبنى ارمى اللوم على
كلمنى والكاين يكون


كلمنى يا حلو العيون


 
 توقيع : المجمر



رد مع اقتباس
قديم 22-10-12, 03:54 PM   #164
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: مكتبة المجمر



أخي المجمر
أسمح لي بالولوج إلى مكتبتك العامرة و تقديم
إحدى روائع المبدع حاتم حسن الدابي
زمن الفيس بوك
كلمات: حاتم حسن الدابى

مهما هربنا من واقعنا..خلاص صبح الزمن مقلوب
دة الماذينا والموجعنا..وبقينا نسوي فى الحي ووب
كل ما نقول عدلنا وضعنا..نلقاهو الوضع مخروب
للموضات ترانا تبعنا..أدمنا وغلبنا نتوب
لما الهم مسك شارعنا..وكلنا قلنا فيهو الروب
اليوم الشباب في محنة..بين البدعة والمرغوب
قالو ثقافة بتفتحنا..وتتقلب الثقافة ذنوب
إرث اجدادنا ياهو سمحنا..تقاليد دينا هى الاسلوب
اسع منهن وين نحنا..حسينا الفقد يادوب
وما عارفين محل صالحنا..لا راكبين ولانا اقروب
وين ابواتنا اهل الحارة..اهل العمى والمركوب
والعراقى دمورية...وجاري وراهو سربادوب
ديل ربونا بالطورية..والعرق الدوام مصبوب
ترباة الاسر دينية..رزقا بالحلال مجلوب
حليل اماتنا امات طرقى..الفردى ولباس التوب
نار الدوكى والمشاطة..والواقود ورود الموية ليهو دروب
حش القش تحت فى الساقى..رفع الجدول المخروب
زمن المحفضة المندلى..واصل سيرة للعرقوب
حل علينا زمن كلو..ضيق ولبس مكروب
الولد والبت فد خلقى..وكل زول عن رفيقو ينوب
لبسة(حبيبى شطفنى)(ادينى حقنة)(وداق سستم) المحبوب
وشبشب قالو اسمو(الليزر) زي شقيانة العروب
بناطلين جنز(اخراج موية)..مفتوحة وملانى هبوب
وتلقى الشاب معلم الله..وفى الشى اللابسو عشرة جيوب
وحدث لا حرج فى الشارع..اجساد لا فهم لا قلوب
لا تقدير اهل لا خجل..حبيبة وماسكة فى محبوب
مجلبطة وشها وماسحاهو..كل كريم براهو يذوب
واي كريم مغالط التانى..انو هو وحدو المطلوب
وسبحان الله شفتو الحكمة..الوش زي كمينة الطوب
والروج والرموش بي غادى..كل تلاتة عاملى قروب
زمنكم يازمان الدسكو..زمان جاكسون وزمان البوب
زمن مافيهو حتى ثقافة..عن عنتر ولا شيبوب
زمن الدادا ماما وبابا..لا حبوبة ولا حبوب
ماحضرتو اللعب فى القمرة..طول الليل تصول وتجوب
واسع يازمن علمنا..قول اكشفلنا المحجوب
يازمن(البلى استيشن)..الدجتال أو الحاسوب
ايميل ولا انترنت..واليوم كلو فى اللابتوب
الفيس بوك مع الماسنجر..واخر صيحة فى اليوتيوب
sms من الموبايل..حليل زمن الخطاب مكتوب
راح زمن اللبن بالكسرة..وتحلية الفطيرة بالروب
والقراصة كمين بوصة..تخليك للعصر مكروب
بصلة وشطة بي ليمونة..يسيل عرقك تقول مصبوب
اسع جانا زمن البيرقر..وفيهو تمصر الكاتشوب
وكيفن هى البلد ما بتفقر..إذا جات فيها وجبة حبوب
زمان كان الحليب من امو..والقنانة فوقو تذوب
كان ناقصنا كلو يتمو..كان ماكلنو كان مشروب
اسع جانا(بست)(كابو)..وخلينا الصحن والكوب
بعد صبح الشطر كيس نايلون..مفتوح وبالطرف مثقوب
ليكم حق زمنكم ذاتو..فرق الناس شمال وجنوب
زمنا فيهو ما انطامنا..عدا وطنا كلو حروب
ارجعو لى ورا عيدوهو..عز اجدادكم المسلوب
عيدو الهيبة لى سوادنا..ليسلم مايعيش مرعوب
امرقو من زمن يحتاج..عُمر نوح ومال قارون وصبر ايوب


 

رد مع اقتباس
قديم 22-10-12, 06:55 PM   #165
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



العمرابى تسلم يا اخى ...فعلا ابداع ...تسلم كثير ...


 
 توقيع : المجمر



رد مع اقتباس
قديم 13-04-14, 08:33 AM   #166
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



انا للبيع السريع ....
عرض خاص ....لفترة محدودة ...والسعر مفاجأة ...انا للبيع ؟
انا لاعب كورة محترف ...
ماعندكم وكيل لاعبين معتمد ولا سمسار ...ولا مقاول ..انا جاهز ...

ما عندكم رئيس لجنة تسويق ولا عضؤ لجنة كورة يحلل القروش دى بدل ما يخش النادى ايده فاضية ..يدخل للمجلس باستمارة قيد نجم جديد حايكسر الدنيا ضجيج ..
ماعندكم رئيس نادى معاه مليون اتنين تلاتة محيراه محل يؤديها وين ؟؟وفاز فى الانتخابات لمجلس الشعب ...الاخيرة ..وعضؤ فى المجلس الوطنى ...ورئيس منظمة انا الفقير ...!! وام اولاده تكون رئيسة منظمة ستات الكسره الاسترالية والاكل بالنية ..!!المهم الريس
يستغل مواهبى الكروية وقدراتى البهلوانية فى تهدئة ثورة جماهيره ...اذا كانت الهزائم عالمية ..؟
اه يا مهودا ايه رايك تاخد cdعشان الشغل يتم ..
انا ممكن اتنازل عن صفقة التعاقد معاى ...وانا غير متعاقد مع اى نادى ...يعنى جاهز على الزيرو ...
انا موافق على المليون اتنين ونص ما مشكلة ممكن اقايض فى اى حاجة قطعة واطة ناصية فاتحة على الشارع ..ممكن اقبل سيارة ...مع اتنين تة شيرت وبنطلون جنز وقميص كاروهات مسطر بشعار النادى ...لزوم الانتماء .. واقعد فى دكة الاحتياطى عام كامل بدون ما اهبش الكورة ...ولا بزعل ولا بحرد ولا بجيب سيرة لزول يعكنن لى معيشتى خاصة ناس العكننة قاعدين ...!!
وعشان الله يبارك لينا فى البيعة دى ....انا عندى لغات لاى مدرب يقوم بتدريبى ... المانى هندى تركى المهم انا بستحم كل يوم تلاتة مرات وبنوم 18ىوبتمرن ساعة وباكل اى حاجة بجيبوها لى لحم قرود لحم تيس لحم بقر لحم حمير وانا ظريف وخفيف بستحمل اى حاجة كلام جرايد كلام قنوات رياضية على النضيف .. ومن اول لقاء صحفى بتكلم واتكلم واسرح فى الكلام بانى جاى احرز بطولات قارية مع النادى وجاى اتقلد منصات التتويج والريس موفر لينا اى حاجة واتكم الريس لزيت الودك رسلوا لى اختى فى داخلية الطالبات ماهى اساسا طالبة بتقراء سايكلوجى زمان مما امتحنت الشهادة درجتها ما دخلتها قعدت فى البيت تلاتة سنة لا شافت قراية ولا عرس ....قعدت لينا فى البيت زى جامع الوقف ...هسع مما اسجلت دفعت ليها رسوم الجامعة والداخلية ...والريس ما قصر معانا ..امى سفرها عمرة رجب الفات قبل التسجيلات ....عشان كده انا جاى احقق امنية الريس فى احراز البطولات الخارجية ولو ربنا ما وفق نشوف البطولات الداخلية ولو كمان ربنا اراد وتحكيم مجدى شمس طرنا نشوف لينا بطولة صالات ...!!ولن اقلد لاعبى اليومين ديل ... زى بكرى المدينة حالق شعره زى نيمارا ...!!بس اشترط ان يكون المدرب واحد بفهم فى الكورة عشان يفهم الكيمياء بتاعتى ...ولا ارفضه مدير فنى ...المهم البيعة تتم ...انا ممكن العب فى اى مراحل سنية ...دى ميزة غير موجودة حاليا ...مع الاشبال مع الرديف مع اولاد الحى ....ممكن العب معاهم كونكان كوتشينة ...بلى اشتيشن ...اتارى ..كمبلت ...الحراسة ..شليل ...!!
الفحص الطبى تمام ..وكل الاشعات نضيفة بس فى كسرة زماااان وقعت من راس البيت ...كنت بحاول اقلد بطل فلم اسمه شاشى كابور ..رحت ناطى اتكوبرت وانكسرت ..!! تانى من ديك وعيك كان لقيت هندى فى الشارع اكسر ليهو يدو ..بس كيتن فى شاشى كابور قريبهم ده ...!!
يعنى ما مهم ..المهم البيعة تتم ..عمليا ممكن النادى يتعاقد معاى والاستفادة منى ...بالاستغناء عنى فى عملية الاستبدال والاحلال القادمة ...وما بشتكى للفيفا ..ولا بحتاج الى مجدى يسمكر لى اعارة ولا اتحاد يحفظ لى حقوقى الباقية ...ممكن باقى القروش اعفيها بس بشرط يخلونى ابيع تسالى.. دوم ..شاى...اوزع هبهان فى الاستاد ...!
بس كيف اقنع رئيس النادى بانى لاعب على الزيرو ............
ممكن البيع يتم على طريق التقسيط المريح لو رئيس النادى عندو حالة فلس مزاجية ...او ما مصدق المجمر ده بيلعب كورة او بيلعب بيهو ..!
المهم البيع يتم
.... ممكن اتباع قطع غيار اذا تم التعاقد معاى ....كل شىء بثمنه ...!يعنى ما بيع الاعضاء قالوا يجوز شرعا ..!!وكمان عندهم عيادات !!
واى واحد يحتاج لقلب جامد ممكن ياخد قلبى ....لا فيهو شق ولا طق ...الشريان التاجى تاج قلبى والاورطى تمام ودقات القلب منتظمة جدا ...لا يوم دق من خوف ولا رهاب ضلمه ولا دق لى حب الزمن ده ...قلب سليم ...زاكر وعابد ...قلب غير الله ما بيعرف شىء ....قلب لا بخاف ولا بعرف الخوف ....بس عيبه وحيد بخاف من التحكيم الحاكم البلد .....
واى واحد يحب يكون وجه وجيه ممكن اديهو وشى.. الخالى من الصرة ومد البوز من الصباح ...الخالى من الكريمات بتاعت الفنانين اولاد الزمن ده ولاعبى الزمن ده ....انا طوالى باسم ...والبسمة حسنات..يعنى لو مهزومين من فريق بعوضها اليكم بسمات بدل تكسبوا نقاط دورى ممتاز اكسبوا حسنات من وراء البسمات ...!!
يعنى مفيد حتى ....فى السوق ...ممكن اكون قاعد فى المعسكر بدون ما ازعل .. اكل واشرب وانوم فى حد ماخد منها حاقه ؟؟.... ممكن اقعد فى الكنبة الاحتياطى بدون ما اتزمر ..ممكن اساعد بتاع العلاج الطبيعى اشيل معاهو النقالة لزوم تفكيك العضلات وكده ...انا لاعب مفتح جدا .. ..
ممكن تاخد مخى ... مخ ولا مخ موستاز فى الموسيقى .. ولا مخ ستالين فى القيادة ...ولا مخ بلاتر زاتو ..وحاتكم ممكن احير ليكم عيسى عبد النبى حياتو ...!!مخ ناضج ومستوى على الاخر ...اما العيون .... ممكن نتنازل شوية ...فى السعر...بس مرات ...انا قلت مرات وليس دائما ...فى طشاش ..وبعدين الزمن ده البشوف القلب ما العيون !!


 
 توقيع : المجمر



رد مع اقتباس
قديم 12-04-17, 10:48 PM   #167
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



سباق بين اسرع كدايس في العالم الكديس السوداني احتل المرتبة الاولى بين المتسابقين لحنة الحكام اعترضت والجماهير كمان اعترضت وقالو كيف الكديس السوداني يفوز على كدايس العالم قالو يعيدو السباق وللمرة التانيه فاز الكديس السوداني وبرضو الجماعه اعترضو وقالو يعيدو السباق للمره الاخيره وبرضو فاز الكديس السوداني واتلمو الناس حوالينه وسألوه كيف شعورك وانت الكديس الاسرع في العالم قالهم الله يرحم انا قبل ناس الانقاذ ديل كنت نمر
قال رأوى بني الانقاذ على خمس :قالو ماهى :قال أولا” تاكل ماتشبع وثانيا عندك ماعندك تدفع وثالثا تمشى الجنوب ماترجع ورابعا”تلبس مرقع فسكت :فقالو ثم مأذا ؟؟قال تفتح خشمك صليبك بيطلع …لو راجل افتح خشمك؟؟
كلب سودانى لقى كلب امريكى قاليهو انا جايكم السودان لانو هناك قالو بالجد بتحس انك كلب قاليهو القال ليك صدق بس فى مشكلة واحدة قاليهو شنو قاليهو فى السودان ممنوع تهوهو
شافع راكب مع ابوهو المواصلات شاف صورة البشير قاليهو بابا عاين داك الزول الفى التلفزيون البتتف فيهو كل يوم ابوهو رفعو سريع يا اخوانا فى ولد ضايع هنا ده تبع منو
على عثمان وصل لى سوال المليون فى من سيربح المليون وكان السوال ماهو الحيوان الذى يعرف بالسرقة قاليهم ولا ما بخسر صحبى عشان مليونكم ده
عسكرى فى الحرس الجمهورى قايدو قال ليهو الريس اول ما يجى تضرب 21 طلقة العسكرى قال والله يا سعادتك المغسة الفينى من اول طلقة بتجيبو

يسال العسكرى هل انت تعرف تقرا وتكتب فان قال نعم وزعوهو الجوازات وان قال لا ودوهو النظام العام وان وقف وما فهم السوال يودوهو النجد والعمليات عشان يحاربو بيهو الطلبة
نشال قبضوهو فى الاستاد الناس دايرين يدقوهو طلع ليهم بطاقة مكتوب فيها كوز تحت التدريب
البشير ركب تكسى لقى سواق التكسى معلق صورة المهدى والازهرى والمتعافى سالو ديل منو قاليهو الاول حارب الانجليز والتانى حرر البلد من الانجليز قال ليهو اها والتالت قاليهو لا ده شريكى فى التكسى
البشير لى على بى صراحة يا على انا احسن ولا الصادق انت طبعا ياريس ده بيخاف من الشعب وانت لا ..طيب انا ولا نميري انت طبعا ياريس ده بيخاف من الامريكان وانت لا ..طيب انا ولا عمر بن الخطاب انت طبعا ياريس ده كان بيخاف من الله وانت لا
كوزين بتحدو بعض فى الحرامى اكتر منو الاول قال للتانى شفت الشارع ده مكلف فى الورق تلاتة مليار وفى الحقيقة ماتامى مية مليون الباقى كلو فى جيبى التانى قال شايف الشارع الهناك داك قاليهو هناك مافى شارع قاليهو ده مكلف فى الورق 10 مليار


 
 توقيع : المجمر



رد مع اقتباس
قديم 12-04-17, 10:49 PM   #168
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



البشير ونافع وعلى راكبين عربية نافع قال ليهم انا لمن ادى خطاب الف نفر بيصفقوا لى على قاليهو انا مية الف البشير قال ليهم عاين ديل عليك الله انا مليون السواق اتلفت عليهم قاليهم انا والله اقلب العربية دى بيكم 40 مليون بيصفقو لى
لجنة الفساد رفعت للبشير تقرير بى انو نافع سارق ليهو ارض متر فى متر فى نيالا والمتعافى نفس الشئ فى بورتسودان عشان يسوهم محلات البشير قال ليهم دى بسيطة ما مشكلة قالو ليهو المشكلة دايرين يدمجو الدكانين مع بعض
يحكى بان هناك شيخ اسمه حسن تحدى علماء عصره وقال بان الحمار ايضا يمكن ان يتعلم اذا توفرت له السبل الصحيحة للتعليم فاحضر حمار واصبح يعلم فيه والحمار اسى ماشاء الله بقى رئيس جمهورية
كوز قال فى لقاء صحفى البشير ده ابو السودانين كلهم طلع ليهو واحد قال ليهو اخرتا يالكيزان دايرين تطلعونا اولاد حرام
البشير صحى مرعوب من النوم وداد قالت ليهو قول بسم الله مالك الحاصل عليك شنو قال ليها حلمت بى واحد رافع لى لوحة بيقول لى فيها ابتسم … قالت ليهو طيب ما كويس قال ليها كاتب ابتسم فانت الان فى جدة
واحد لقى مصباح سحرى دعكو طلع ليهو الجان قال ليهو قبل شبيك لبيك عندك ساعة قال ليهو اى قاليهو جيبا اداها ليهو سالو عندك موبايل وقروش قال ليهو اى قاليهو الجان جيبهم اداهم ليهو والجان نزل المصباح تانى الزول دعك المصباح الجان تاوق وقال ليهو مالك قاليهو انت انا اشيل منك ولا اديك قال ليهو انا عامل ليك خطة الفية عشان اربحك قاليهو انا ما داير قال ليهو ما على كيفك انا موتمر وطنى وبعرف مصلحتك اكتر منك


 
 توقيع : المجمر



رد مع اقتباس
قديم 12-04-17, 10:49 PM   #169
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



واحد شغال فى فرز اللجان الإنتخابية…فواحد صاحبه بيسأله :اسى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال ليهو : ولا بنفرز ولا حاجة التعليمات واضحة وصريحة نحن نرمى الورقة بتاعة الناخب فى الهوا ولو نزلت على وشها أو ضهرها يبقى وطنى ولو ما نزلت يبقى معارض

مرة واحد سمع انو البلد فيها ديموقراطية قال يبقى لازم اقول راى بكل وضوح طلع الشارع وبقى يقول الموية وين الكهرباء وين اللحمة وين قفة الخدار وين انا وين الضوء مشى وين انتو سايقنى وين وييييييييييين
واحد اتزنق في زحمة المرور قام جاءهو واحد بيدق فى شباك العربية
فتح الشباك و سأله: فى شنو ؟
قاله : الرئيس البشير خطفوه و الفدية 5 مليون دولار و لو الفدية ما اندفعت .. الخاطفين هددوا يكبو فيهو بنزين و يحرقو.. ونحنا بنجمع تبرعات .. تحب تشارك ؟
الزول سآله: التبرع بي كم جالون بنزين؟

واحد جاء حلة لقى الناس كلها جاريين ثبت واحد قاليهو جارين مالكم قال ليهو الحكومة اصدرت قرار انو اى زول عندو اكتر من عشرة اصابعين فى رجلو يقطعو ليهو الزايد الزول استغرب قال ليهو يعنى الحلة دى كلها عندها اكتر من عشرة قال ليهو لا بس الكيزان بيقطعو حتى بعد داك بيعدو


 
 توقيع : المجمر



رد مع اقتباس
قديم 12-04-17, 10:50 PM   #170
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: مكتبة المجمر



وداد ضربت للبشير وهو فى اجتماع مع الوزراء قالت ليهو البيت اتسرق قال ليها دى مستحيلة قالت ليهو ليه ؟ قال ليها الحرامية كلهم معاى هنا
سألوا البشير عن رأيه في التغيير ، قال : التغيير ده سنة الحياة . قالوا :طيب وسيادتك ما حتتغير؟ قال : أنا فرض ما سنة
نقلاً عن موقع:

أنا لست مؤتمر وطني


 
 توقيع : المجمر



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
المجمر إلى القاهرة العمرابي صالون الدعوات والترحيب 2 12-10-14 07:06 PM
يا المجمر شندي كيف العمرابي رياضة عالمية 4 03-04-13 09:39 AM
المجمر .......كنز لا يعرفه الا من افتقده ياسرعلي رياضة عالمية 4 24-10-12 06:40 AM
الأحمر يغادر إلى بورتسودان المجمر رياضة عالمية 5 07-03-11 12:08 PM
ذوو الشعر الأحمر مختلفون؟ المجمر رياضة عالمية 10 20-01-11 03:25 AM

الساعة الآن 01:37 PM.

Powered by vBulletin® Version 3.8.5
Copyright ©2000 - 2019, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com