العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > اخبار الصحف

 
إضافة رد
 
أدوات الموضوع انواع عرض الموضوع
قديم 28-05-14, 05:11 PM   #281
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



الوزير والتسيير !!



· قدم الوزير بلة يوسف مرافعة قانونية قيمة وفند بمضوعية متناهية الاسباب التي أجبرته على اتخاذ قرار تعيين لجنة تسيير جديدة لنادي الهلال وكان مقنعا للحد العيد.

· الدفوع القانونية التي استند اليها الوزير لم تخلو من لمسات مولانا محمد عثمان الخليفة بحكم منصبه وخبراته وتخصصه القانوني وهو معني بما يدور في الاندية.

· منطلق الوزير ومدير الرياضة هى البحث عن المزيد من الاستقرار الاداري حتى تتحقق الوعود والبرامج التي تضطلع بها الوزارة.

· لكن القرار الذي شمل عدداً كبيراً من الاسماء والعناصر المجربة كان صادماً للأهلة محبطا بل خيبا للامال ويكاد لسان الحال يقول تمخض الجبل فولد فارا.

· لم يكن اكثر المتشائمين يعتقد بامكانية التجديد لبعض الاسماء الخاملة التي لم تقدم مثقال ذرة من خرد بل منحها الوزير شرفاً رفيعاً باختيارها لادارة واحد من اكبر الاندية الجماهيرية.

· وزادت مساحات المتطلعين لدخول المجلس بتوسيع دائرة الداخلين دون ان تكون هنالك مسوغات قانونية او ادارية او تأهيل في تخصص يمنح المختارين هذا الشرف.

· أصاب الترهل جسد اللجنة الجديدة ولم يستفد الوزير من العدد الكبير الذي اقعد اعمال اللجنة المنتهية ولم يحدد خطاب التكليف الجديد أية مهام واضحة باستثناء اليباجة المحفوظة.

· ولعل المجاملة في السماح باستمرار بعض العناصر تسبب في تعجيل استقالة أمين المال وربما لحق به نائبه في اللجنة الجديدة وعدد المعتذرين مرشح للزيادة لأن الالية التي كلفت بالاختيار لم تدقق بما يكفي وانجزت التكوين الأخير على عجل لارضاء بعض الشخصيات.

· وربما الخوف من الفراغ الاداري حتم على الوزير والجهات المختصة التسرع في اعلان القائمة دون الرجوع لبعض الاسماء ودون ان يتوفر الحد الادني من الهارموني المطلوب لمهمة عسيرة وشاقة اهمها المال عصب الحياة وتحديات البطولة الافريقية والتسجيلات.

· غلب التعجل على تكوين اللجنة وظهر الارتباك في الاصرار على التوسع الافقي في العدد دون النظر للكيف الرأسي والاسماء والمؤهلات ولا نقصد المالية فحسب فهناك الفكرية والادارية وغيرها.

· لا نطعن في كفاءة الاخ اللواء السر احمد عمر الذي شغل الامانة العامة في اللجنة السابقة فاما انه نجح بامتياز في ادارة القلب النابض للمجلس وهو الامانة.

· او انه فشل في القيام بالمهمة ربما لظروفه العملية وفي هذه الحالة كان يتعين ابعاده نهائيا عن اللجنة وليس تحويله ليكون مساعدا للرئيس.

· وهنالك الخلاف الكبير على اداء اللواء احمد عطا المنان في القطاع الرياضي ربما لخلافات وتطلعات واشواق بعض الراغبين في الاتقضاض على القطاع وازاحة الرجل المهذب اللواء عطا المنان.

· لم تأت القائمة بجديد سوى العقاد وعلي حمدان والطاهر يونس واحمد عبد القادر صاحب الخبرة السابقة في مجلس الفريق المدهش.

· ونتوقع ان يكون عمر النقي اضافة نوعية للمجلس بما يملك من كاريزما وفكر وشخصية وقدرة على التعاطي مع الملفات.

· لا نتفاءل بالفعل الاداري في المرحلة القادمة لأننا نتوقع ان يتركز العمل على افراد يحسبون على اصابع اليد الواحدة.

· يجب الا يركز رئيس اللجنة على الاعداد للانتخابات ويهمل الملفات المهمة والحساسة فالهلال واحد من الفرق المرشحة بقوة للمنافسة على اللقب الافريقي مهما كانت نتيجة الزمالك.

· ونطرق للمرة الالف على التسجيلات ونتمنى ان يكون ايقاع اللجنة اسرع مما هو عليه الان.

· استمرار الدكتور حسن على عيسى سيضيف الكثير للمجلس ونتوقع ان ينجز ما يسند اليه بكفاءة عالية.

أشتات!!

· خسر فيتا مباراة مازيمبي وهى تماثل الديربي تماما ونتوقع الا يكون بذات القوة التي ظهر بها امام الغربان.

· الفوز بمباراة فيتا وبعدد كبير من الاهداف سيقلص فرصه في التأهل.

· وعلى المجلس الجديد الدعوة لاجتماع عاجل مع المدرب لمعرفة طريقة تفكيره وكيفية تنفيذ خططه للمباريات القادمة.

· معاودة الاصابات لعدد كبير من اللاعبين تتطلب اعادة اللجنة الطبية برئاسة الاخ الدكتور عباس عبد الكريم.

· كما ينبغي التنسيق الكامل بين مدرب الاحمال والطبيب واخصائي العلاج الطبيعي الى جانب مسئول التغذية فالمرحلة القادمة حساسة ولا تحتمل التفريط والغيابات.

· الرهان على العناصر التي يضمها كشف الهلال افضل من الرهان على المدرب الذي لن يجد صعوبة في اختيار البدائل لسد النقص ولكن هل يتخذ كامبوس القرار الصحيح.

· نتمنى ان يتحرك التاج محجوب اكثر واكثر لجسر الهوة بين المدرب واللاعبين لأن الكادر الوطني أقدر على فهم نفسية اللاعبين.


( الأستاذ / ياسر عائس - عمود وهج الحروف )


 
 توقيع : العمرابي



رد مع اقتباس
قديم 31-05-14, 08:51 AM   #282
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



الطيران من سيكافا يعيديكم الى (شليل وين راح)


·
…و

· الحراسة في المريخ منطقة صراعات وخلافات دائمة ..وهي كذلك ملف تجاوزات يحدث فيها الكثير من (الفساد) كسرا للقوانين واللوائح – والما بشترى يتفرج.

· ملجة بس.

· سموها زي ما عاوزين ..(يعني بقت على الاسماء).

· ما فارقة.

· و…

· (افتح المروحة وارجع ليكم).

· الناس تذكر للمريخ تعاقده مع الحارس النيجيري (شيكوزي) قبل ان يمنع التعاقد مع الحراس الاجانب ـ إلّا ان (شيكوزي) استمر في المريخ وقتها باعتبار ما كان ، بعد منع التعاقد مع الحراس الاجانب.





· شيكوزي الاجنبي (150) سم كان حارسا للمريخ ..الي ان انهى (هيثم طمبل) عقده مع المريخ عندما كان طمبل يلعب في الهلال فقد امر الاخير هذا اللاعب واعاده الي (كانو) في اول طيارة متجهة الي نيجيريا.

· رجعوه بي كدارتو.

· بعد شيكوزي كان ان اتجه المريخ بعد سنوات من تعاقده مع الحارس النيجيري الي المدرسة (الفلسطينة).

· قالوا هجوم الهلال دا ما في ليه حل إلّا يجيبوا ليه حارس من فلسطين..ناس اكرم الهادي سليم ديل غلبتهم عديل كدا.

· ما انستروا.

· فكان الاتجاه نحو الحارس الفلسطيني رمزي صالح.

· ح تقولوا لي طيب دا سجلوه كيف؟.

· اقول ليكم.

· سجلوه بـ (جامعة الدول العربية).

· انتوا قايلين (جامعة الدول العربية) دي قاعدة ليه؟ – ما قاعدة للحاجات الزي دي.

· انتوا فاكرنها ما عندها فائدة.

· لا – الجامعة العربية برضو ليها عوذة وقد كان فقد استعان بها مجلس المريخ من اجل تسجيل الحارس الفلسطيني رمزي صالح.

· رمزي صالح تطير عيشتو.

· هسع الجابو هنا شنو؟.

· في زول عاقل كدا ..يجي يلعب في بلد فيها ناس (بشه).

· المريخ تعاقد مع الحارس الفلسطيني وقال الاتحاد العام لكورة القدم ان التعاقد مع الحارس الفلسطيني هو تعضيد لقوانين جامعة الدول العربية.

· بالله.

· نحن وقتها كنا فاكرين (جامعة الدول العربية) دي قفلوها.

· جامعة الدول العربية ظهرت لينا (فجأة) في حكاية تسجيل رمزي صالح.

· شلنا (جركانات) الاستغراب حقتنا ..وجرينا وقفنا في الصف.

· قلنا نشوف (الاستغراب) دا حدو وين؟.

· المريخ جاب رمزي صالح وسجلوه عن طريق المادة 19 من لائحة الدول العربية فرع (الحالة واحدة).

· مواد قاطعها معتصم جعفر من رأسه.

· اتسجل رمزي صالح في المريخ ..ومحمد احمد بشه الكلام دا ما عجبو.

· بشه زعل في التجاوزات دي.

· بشه قال نحن جامعة الدول العربية عارفين ليها شنو غير الاستنكار والادانة؟.

· كمان جامعة الدول العربية مع الاستنكار والادانة جابوا ليهم تسجيل للحراس.

· و….

· (اصبروا).

· محمد احمد بشه (رصد) ليك رمزي صالح ووضعه ليك في قائمة (المحظورات).

· بشه انتظر اول مواجهة للقمة السودانية …واستلم ليكم اوراق رمزي صالح.

· بشه دا قدر ما قعدنا معاه عشان يتفهم الموضوع ..ويعمل ليه حساب لجامعة الدول العربية رفض واستعصى وقال لا بعرف جامعة الدول العربية ولا بعرف جامعة النيلين.

· بشه قال لو رمزي صالح دا جاني من جامعة الخرطوم ما برحمو ناهيك عن جامعة الدول العربية الما بنعرف ليها اي حاجة.

· جامعة الدول العربية دي والبلد غرقانة ومع الامطار والسيول والفيضانات جامعة الدول العربية كانت بتطلع (بيانات) تستنكر فيها (الفيضانات).

· بشه قدر ما حنسوه عشان يجامل شوية رمزي صالح – رفض مبدأ المجاملة اطلاقا.

· وقد كان سجل بشه هدفين في الحارس رمزي صالح في مباراة واحدة – بعدها المريخاب بقوا يشوفوا ليك جامعة الدول العربية عشرة – عشرة.

· شفوها ليك كلية – كلية.

· فصل – فصل.

· المريخاب هسع تجيب ليهم سيرة (ود ام بعلو) وما تجيب ليهم سيرة رمزي صالح.

· نكروه ليك حطب – جايبين لينا حارس بقاعدة من قواعد جامعة الدول العربية هي كورة وإلّا الصمغ العربي؟.

· مثل شيكوزي ..لملم رمزي صالح عفشو ورجع اهلو (بلا جامعة دول عربية بلا لخمة معاك).

· المريخاب بعد رمزي صالح ..قالوا احسن يشوفوا ليهم حارس كبير ..وقت اصلا هنالك (تجاوزات) احسن يشوفوا ليهم (قنبلة) كدا ينهوا بيها الكارثة دي.

· عارفين ناس المريخ فكروا في منو المرة دي؟.

· فكروا في عصام الحضري ذاتو …(احسن حارس في افريقيا في ثلاث بطولات امم افريقية).

· جابوا الحضري بعد ان حلحلوا ليك مشكال الحضري كلها.

· مشكلة الحضري مع الاهلي المصري.

· مشكلة المريخ مع سيون.

· مشكلة الحضري مع الاسماعيلي.

· مشكلة الحضري مع الزمالك.

· كل مشاكل الحضري حلوها ليك.

· قالوا ليك الحضري دا كان عندو مشكلة مع صاحب (الشقة) التى يسكن فيها – جمال الوالي حلّ ليك مشكلة الحضري مع صاحب الشقة.

· ابعد من دا – الحضري عندو مشكلة في (المصران) ناس المريخ حلوا ليه مشكلة المصران.

· ما خلوا ليه حاجة.

· الحضري جاء ولعب في المريخ بحنك جديد.

· حنك (جامعة الدول العربية) ما نفع.

· الحضري لعب في المريخ بالحريات الخمس.

· الحريات الخمس مع مصر.

· حريات شنو البتمنحوها للحضري ..نحن حرية واحدة ما لاقنها.

· المهم بتجاوز جديد وعن طريق كسر اللائحة لعب عصام الحضري في المريخ عن طريق (الحريات الخمس).

· حريات خمس لي شنو؟.

· الحضري بعد ان وقع في المريخ …ناس الهلال اتشاكلوا فيه …كل لاعب في الهلال قال خلوا لي موضوع الحضري.

· بشه قال خلوه لي – مهند الطاهر قال إلّا الحضري – ساني ذاتو ما قصر.

· ساني شنو؟.

· عبداللطيف بويا ما رحمو.

· بويا – عمر بخيت ..ما خلوا ليه حاجة ..الحضري لو قعد اسبوع واحد محمد عبدالرحمن كان شال نصيبو من (الحريات الخمس) التى منحوها لعصام الحضري.

· مهند الطاهر في الحضري من اي حتة جاب ليه قون.

· من الشرقي …من الصقعي …من الرومي ..اي حتة قبل عليها جاب منها قون في الحضري.

· الحضري بقى زي (الصومعة).

· الحضري شاف الاقوان كترت عليه..قال البلد دي لا بقعد فيها ولا حاجة.

· لملم عفشو واتخارج من البلد….(قال بلا حريات خمس بلا كلام فارغ معاكم).

· حريات خمس بتمرقك لكن يا الحضري.

· هسع ناس المريخ بعد فهمهم كمل في جامعة الدول العربية وفي الحريات قالوا عاوزين يجيبوا ليهم حارس من يوغندا اسمه جمال سالم.

· اها دا ح يلعب كيف في المريخ؟.

· ح يلعب بقاعدة من قواعد جيش الرب.

· وقعتوا اتفاقية كمان مع جيش الرب.

· يا هلالاب نبشكركم ..(نزار الصاقعة) مسك ملف الحارس اليوغندي دي.

· نزار الصاقعة قال ما عاوز يعرف اسمو ..بس جيبوا لي (جنسيتو) وخلوا لي الباقى.

· موضوع جمال (سالم) الاسم دا ح نشوف حكايتو شنو في الايام القادمة.

· طبعا عصام الحاج اول حاجة بكون اعتراضه على الاسم.

· جايبين ليكم حارس اسمو (جمال)…هي ناقصة.

· على كدا بكرة يمكن تجيبوا ليكم مدافع من كينيا اسمو (همد).

· منتهى الفوضى.

· و…

· واحد ضرب تلفون لاكرم الهادي سليم قالوا ليه هذا المشترك تمت اعارته.

· المشكلة ما في دي.

· المشكلة في موسى الزومة.

· عارفين قالوا ليك شنو للزول الضرب تلفون لموسى الزومة.

· واحد ضرب تلفون لموسى قالوا ليه لقد تم اغلاق الشريحة ..(الشريحة غير مسجلة).

· اما سعيد السعودي فقد قيل عنه انه قام في شندي يسخن …واحد من ناس شندي الصعبيين حلف عليه.

· قال ليه والله لو ما اتغديت ما بتدخل.

· تفاصيل اوفى عند (نزيه).

· انتوا يا ناس البطيروا من سيكافا يعملوا ليهم شنو؟.

· البطيروا من سيكافا مفروض طوالي يرجعوهم الى (شليل وين راح).

· ناس باسكال ديل فيكيهم يلعبوا (شليل وين راح).

· كورة شنو البتلعبوها انتوا؟.

· ناس يطيروا من سيكافا ويتكلموا في المجموعات.

· بكرة ما ترجوني ..(شيلوا شيلتكم).

· لحق بلة جابر واحمد الباشا كشف الشطب.

· تراوري ذاتو عاوزين بيه شنو؟..وقت بتطيروا من سيكافا.

· اعملوا ليكم قدرة فول..واقعدوا احرسوها.

· و…

· انتوا تعالوا هنا في ريحة حلة حرقت في النار.

· ريحة بصلة حرقانة.

· يا زول حلة شنو؟.

· اطلع سريع ما تلخبط.

· انتهى.

( الأستاذ / محمد عبد الماجد )


 
 توقيع : العمرابي



رد مع اقتباس
قديم 16-06-14, 07:19 PM   #283
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم




انت والي ولا حاوي !

ضحكت عندما قال لي صديقي ان الاتحاد السوداني كلو متواجد في البرازيل فمن ينفذ لجمال الوالي كلما يريد وبهذه السرعة .. قلت ليهو نحن في عصر السرعة .. تلفون معتصم جعفر (رومنق) يعني زي وزي رومينغا في المانيا .. زر واحد وبجيب القون .. التكنلوجيا يا حبيبي خلت كل حاجة ممكنة .. يعني الوالي موجود في الامارات ومعتصم في البرازيل وعصام شعبان في امدرمان وعلي الامين في الاتحاد والحارس اليوغندي سوداني وفي الرديف كمان !! معقول يا عصام شعبان !!!

لكن يا خالد انت غلطان .. جمال الوالي مافي الامارات في لندن !! حولا !!!!! هو وصل لندن ؟ ما قال ما ماشي وعمل نفي وجنن ضياء الدين بلال رئيس تحرير صحيفتو (السوداني) ونفى الخبر برضو في صحيفة الصدى .. وقال خبر استقرارو في لندن غلط في غلط .. بس في حاجة غريبة ما عمل نفي في اليوم التالي ! لييه يا والي .. جمال الوالي الي لندن لمدة 45 يوما .. دي جديدة والله ما ادونا ليها قبل كده .. اول مرة زول يعلن عدد ايام اجازتو لعاصمة الضباب في الصحف .. 45 يوما .. انا في الاول قريتها 45 دقيقة .. قلت احتمال تكون الكهرباء قطعت والحكم منتظر !

جمال الوالي يغادر الي لندن وجمال اليوغندي يصل الخرطوم ! الوالي يبحث عن استقرار في عاصمة الضباب واحتمال جنسية بريطانية وجمال اليوغندي ماشاء الله تبارك الله عمل جنسية سودانية وبقى حارس المريخ بديلا لاكرم الهادي سليم .. برضو انت يا خالد غلطان ..ليييه ؟ بديل اكرم الهادي سليم ايهاب زغبير .. جمال اليوغندي تم تحويله للفريق الرديف !!!!!!!!

معقولة بس .. المريخ يسجل لاعب اجنبي في حراسة المرمى ويعمل ليهو جنسية ويحوله للرديف وكل ده في يوم واحد .. انت والي ولا حاوي ! اقول ليكم حاجة تانية .. تصدقوا في الرديف المريخ كان (مزنوق) برضو في خانات قام زادوا خانات الرديف خانتين .. من 23 لاعب رفعوا الكشف لي 25 لاعب !!!!!!!!

ااي والله كده العايزو جمال طوالي معتصم بعملوا لي .. ولو معتصم مافي بعملوا لي اسامة ولو اسامة مافي بعملوا لي الطريفي .. طريفي منو يا خالد ! الطريفي طوالي مافي !!

يعني جمال سالم والاسم سالم .. حيحرس مرمي رديف المريخ ؟ في حاجة غريبة في المريخ ! او في الحقيقة في حاجة غريبة في السودان .. ممنوع مشاركة حارس اجنبي في الدوري الممتاز .. والمريخ في كل موسم بلعب بحارس اجنبي .. مرات مصري ومرات نيجيري ومرات فلسطيني ومرات يوغندي ! ومافي نادي تاني في الدوري الممتاز عندو قدرة يجنس حارس اجنبي .. حتي الهلال السجل جمعة من ايام السودان الموحد عندو مشكلة في التجنيس .. النادي الوحيد الذي يجنس حراس اجانب والنادي الوحيد الذي يلعب له حراس اجانب هو المريخ !

يعني خانة مخصصة لجمال الوالي فقط لا غير ! عشان كده ناس الاتحاد لغوا كل قيود الانتقالات الا حراسة المرمى .. عشان المريخ يكون متميز فيها ! منو غير المريخ بقدر يجنس حارس اجنبي .. بالمناسبة (التجنيس) ده عشان يضحكوا بينا ساكت أصلا الحارس بجي اجنبي .. الاتحاد السوداني بطلب اوراق اللاعب كلاعب اجنبي وبخلي له خانة لاعب اجنبي .. حتى جمال سالم اليوغندي طلبه الاتحاد في خانة لاعب اجنبي وطلبه كلاعب اجنبي يوغندي الجنسية .. وبعدين عشان ناس خالد عزالدين ما يزعلوا ومعتصم جعفر ما يتحرج وعشان في الرديف في لائحة بتمنع مشاركة الاجانب والمريخ عايز يسجل اليوغندي في الرديف والاتحاد ما كان عامل حسابو قام جابو قصة الجنسية دي وعملوا جنسية لجمال سالم ! تقول لي المعارضة تفوز في الانتخابات ؟ والله يا نادر مالك الا تنزل بي جنسيتك الامريكية دي غير كده (ضرب في النخرة ).

المريخ من بايرن ميونخ لي جامعة فكتوريا .. هو مش اسمو برضو كان فكتوريا ! ومن الفريق العالمي لطيش حوض النيل .. ومن عصام الحضري لجمال سالم .. وبرضو جمال عايز يبقي سالم ! تتخيلوا بعد ده كلو ما عايز معارضة .. قام زعلان مشى لندن .. اوعه يكون يا خالد ماشي ينضم للمعارضة !! لا لا كلو شئ ولا الكلام في السياسية !!!!!


( الأستاذ / خالد عز الدين - عمود بدون حجاب )


 
 توقيع : العمرابي



رد مع اقتباس
قديم 16-06-14, 10:03 PM   #284
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: من أقوالهم





 
 توقيع : المجمر



رد مع اقتباس
قديم 23-06-14, 03:21 PM   #285
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



هيثم..بكوا منه ثم عليه ثم منه !!


o تعرض قيثارة الكرة السودانية هيثم مصطفى لابشع عملية تشويه على مستوى السودان عندما أراد ان يرتدي شعار الهلال وتعرض لهتافات ساقلة وبذيئة في احدى مباريات القمة انتقاما للعجب كما قال البعض ولم يكن المستهدف هيثم في شخصه ولا مقصودا القصاص للعجب.

o كان الغرض الخفي هو اخراج هيثم من جو المباريات لانه كان مايسترو الهلال وصاع اللعاب الماهر والملهم الفنان والقائد الروحي قاد الفريق لتسجيل عدد كبير من الانتصارات على الوصيف الدائم وخرجت كل التمريرات الساحرة المكارة من تحت قدميه وسببت الاذى الجسيم لشباك المريخ.

o بكوا من هيثم بكاء مرا لانه كان المفتاح السحري والسري لانتصارات الاسياد وزداوا البكاء لان هيثم وصل الى عندهم بقدميه ورفضوه فالتقطه الهلال ونجح في تحيله من لاعب مغمور مرفووض الى علامة فارقة في تاريخ الكرة السودانية استمد وهجها بالعبور عل كل المتخبات الوطنية.

o هوجم هيثم شر هجوم ونعتوه بالبشع الافلاظ واقذع العبارات ووصموه بما لا يقال ومع ذلك احتمل الامر في صبر وجلد واخلاق الفرسان وانتظر النصر من السماء فكان يتدفق عليه مدرارا.

o وعندما اشتجر الخلاف بين هيثم والبرير ولا نقول الهلال وقفوا الى جانب البرير نكاية في هيثم حتى اذا سن الاخير سيف الشطب واعمل النصل الحاد في العنق الانيق وحكم عل عمره الزاهر بالنهاية في الكشوفات الزرقاء انبرى اهل المريخ كدعاة لحقوق الانسان والفضيلة وانشأوا حزبا للتضامن وذرفوا على شطبه دموع التماسيح.

o انقلبوا هذه المرة وبكوا عليه بدلا عن البكاءمن تمريراته واحباطه للعديد من محاولات خطف لاعبي الهلال.

o ودبجوا المقالات عن حرية العمل وحق التعبير والانتقال للمريخ وزمن الاحتراف ولغة العصر وانتهاء عهد الولاء والوفاء الا للمال والشعار الذي يرتديه اللاعب.

o وقدموا جملة من المبررات والمسوغات التي لم تنطلي على العارفين ببواطن الامور.

o وبرروا الخطوة واعتبروها مثالية رغم انها انتقامية الغرض منها تتويج انتصار وهمي للمريخ وتصدير الازمات للهلال.

o ودارت دورة الايام كما تقول البلابل ليكتشف اهل المريخ ان هيثما لا يريد الاستمرار مع الاحمر وقد نقل رغبته للرئيس المحبوب وعبر عن ذلك صراحة وطالب انهاء حياته الرياضية بالملاعب وهو متوشحا بالقميص الازرق.

o وهنا عادت الدموهع مجددا للانهمار بغزارة وبدات الولولة ولطم الخدود وشق الجيوب والتذكير بعدم الاستماع للنصح.

o بكوا اخيرا من هيثم ونعتوه بذات الصفات السابقة واضفوا عليها مفردات جديدة من شاكلة الجحود والنكران وعدم احترام الشعار بل وانسلت عبر الاقلام لتسود الصفحات بعض النظريات القانونية التي ترفع هيثم قدرا فوق الماحسبة وتطالبه بعدم الامتثال للمحاسبة ورفض ماقابلة لجنة التحقيق.

o ومن اشف ان الارباب رئيس احد اكبر الاندية في القارة يشجع لاعبا عل هتك القانون وتمزيق اللائة والاحترام وان يدوس بقدميه على العقد الذي وقعه باللعب للمريخ.

o لماذا يتدخل الارباب في قضيه هيثم وهو لما يزل لاعبا للمريخ.

o الاجبة طبعا لان الارباب يصمم برنامجه الانتخابي بالعزف على وتر هيثم وغدغه مشاعر الاهلة واستمالتها للتصويت له لو لمجموعته.

o لكنه سيفقد تعاطف النخبة والمثقفين والاهلة الصادقين المخلصين.

o لا يجروء المريخ على ايقاف هيثم لاطول من الفترة المتبقية من عقده وهو اصلا متوقف.

o والفيصل هو خصم المرتبات او عدم دفعها فهى البقاي الوحيد من بنود التعاقد.

o بكى المريخاب عل هيثم عندما بزغ بدرا بالهلال توهج واجاد وامتع وابدع…لانهم لم يسجلوه.

o وبكوا عليه عندما شطبه الهلال وتنادوا لتنظيم مناحات جماعيه ترفض الظلم والقر وتنادي بحقوق الانسان وتبشر بالحريات.

o وعندما استفاق من غضبه وقرر الذهاب للهلال مجددا بكوا منه وسلقوه بالسنة حداد وكلمات قاسية.

o سبحان مغير الاحوال من حال اى حال…وبكرة يا ما تشوفو.

أشتات !!

o لحق النسور بالاهلي وقام بتقديم موعد مباراته امام الهلال تقديرا لالتزامته الافريقية واستحق الاشادة والتقدير واثبت انه ناد يملك قراره ولا يدار بالريموت كنترول.

o نتمنى نجاح مساعي الهلال للحصول على تجربتين وديتين بالكنغو قبل مواجهتي فيتا والغربان.

o فرق الدوري الكنغولي قوية وتقدم فائدة كبيرة للاسياد فضلا عن التعود على الطقس وارضية الملاعب.

o اخرس المهندس الفاضل التوم الالسن وتحدث بلغة الواثق من نفسه وقرر عرض ميزانيته عبر مؤتمر صحفي ليسكت الاصوات التي ظلت تغمز ادارته لمال الهلال.

o وفي يوم الامتحان يكرم المرء او يهان وننتظر اليوم الموعود لنسمع الرد الحاسم ولغة الارقام التي لا تكذب.

o اشادة الارباب بعدم مثول هيثم امام لجنة التحقيق مضرة للهلال لان الارباب محسوب على الاسياد لا الارسنال.

o سيلعب الاسياد ايام 25 يونيو وفي الاول والخامس والثامن من يوليو ثم الحادي عشر والخامس عشر قبل السفر في السادس عشر من يوليو للكنغو.

o سمحة المقدرة..هلال يملا العين ويقدم مباريات في لغة تحمل التحدي والاصرار والرغبة ف خوض اكبر عدد من المباريات للتزود لملحمتي الكنغو.

o ومع ذلك يعترض التمهيداب.

o ونكتب لاحقا عن اقتراب الانتخابات وظهور الانسلاخات.

وهذا ما يغضب السلطة ويفرض عليها الاتجاه ليكون التعيين هو الخيار الافضل.

( الأستاذ / ياسر عائس - عمود وهج الحروف )


 
 توقيع : العمرابي



رد مع اقتباس
قديم 23-06-14, 03:41 PM   #286
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



فلاحتكم في الإتحاد العام ..!!

الدوري المقلوب .. عبارة تثير كوامن الغيظ والحنق لدى اهل الاتحاد السوداني العام لكرة القدم رد الله غربة اهله من بلاد (السانبا)البرازيلية.. تثير غضبهم بسبب تكرار الحديث عنها لسنوات طويلة من قبل الإعلام الرياضي الذي ظل على الدوام يتناول بالنقد خطأ توقيت رزمانة الدوري السوداني الممتاز الذي ينطلق بالتوازي مع انطلاقة البطولات الإفريقية التي تدخلها فرقنا قبل حتى ان يكتمل اعدادها .. وفي الأثناء تكون الأندية الإفريقية المنافسة قد خاضت عددا كبيرا من المباريات في دورياتها المحلية لتصل لمرحلة الجاهزية الكاملة لخوض غمار التنافس الدولي .. فيتسبب هذا الفرق في الجاهزية البدنية والفنية في معاناة انديتنا ومضاعفة إحتمال خروجها من هذه المنافسات ..


أضف لذلك عدم توافق رزمانة الدوري الممتاز مع الظروف المناخية في البلاد ودخول فصل الخريف وعدم جاهزية ملاعب الدوري السوداني واستعدادها لتصريف (جركانة موية ) تدلق عليها ..فتبدأ عملية تأجيل المباريات .. ورغم كل ذلك لم يفكر الإتحاد العام في دراسة الأمر بجدية ومنهجية وظل متمسكا برأيه (رجالة حسنة )عملا بالنظرية القديمة (دا كلام جرايد )والتي تقول شوف الجرايد بتقول شنو .. واعمل عكسه ..!! ولو ان الاتحاد كان قد دعى كل الأطراف لدراسة الأمر وعقد ورش عمل لتقييم كل الأراء لما استمر هذا الجدال طوال هذه الاعوام ولوصل الجميع لنقطة تلاقي في الرؤى والأفكار .. مع فرضية ان الإتحاد يمكن ان يكون على حق وهل المجادلة هم المخطئون ..!!

ما ساقني لهذا الحديث هو ان يكون مقدمة للحديث عن أمر (مقلوب )هو الآخر ..هو موعد انطلاق العام الدراسي الذي قرع والي الخرطوم جرس إنطلاقته من احدى مدارس الخرطوم بحري .. وليت السيد والي الخرطوم لم يكتفي فقط بقرع الجرس ثم العودة لمكتبه وظل موجودا في المدرسة حتى (الحصة التالتة ) على الأقل ليرى بنفسه معاناة (شفع الناس ) من الإرتفاع الكبير في درجات الحرارة وعدم وجود ما يعين التلاميذ للتحصيل الدراسي والنيل من العلوم والأخلاق في ظل الظروف السيئة داخل الفصول التي لا تحتوي سوى عدد قليل من (مكيفات الهواء )هي شبابيك الفصول تلك التي تدخل حر السموم من هنا ليخرج من هناك بعد ان يكون قد لفح ولطم وشوى وجوه التلاميذ المساكين .. وبعد ان تنفض وتنتهي حصص (الشواء ) ينتشر (شفع الناس ) في الأسواق ومواقف المواصلات لتكتمل عملية (التحميص) و(التحمير)لما تبقى من رطب اجسادهم ليعودوا من بعد ذلك لبيوت اهليهم عبارة عن (اقاشي ) .. وكأنهم قادمون من سوق (العتالة ) والأشغال الشاقة ..!!

العام الدراسي ينطلق في ظروف مناخية غير مناسبة ابدا .. وبما ان الدولة غير قادرة على توفير معينات تساعد الطلاب على تخطي هذه الظروف فإنه حري بها ان تراجع توقيت انطلاق العام الدراسي (المقلوب ) .. فالشمس التي تضرب رؤوس وجباه ابنائنا بكل قسوة (ما شمس نصاح ) .. والفصول التي يجلسون داخلها لا تحوى اقل متطلبات الإنسانية ..
و ليت الوالي جلس حتى الحصة الثالثة حتى يقول لي .. ولله كلامك صاح.

دعوة لوزارة التربية والتعليم لمراجعة توقيت التقويم المدرسي .. معقولة نكون لا كورة .. لا قراية ..!!


( الأستاذ / الطيب علي فرح - عمود كي بورد )


 
 توقيع : العمرابي



رد مع اقتباس
قديم 23-06-14, 04:06 PM   #287
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم




إنتخابات الهلال(حمدو في بطنو)! ؟!


*يدور في الاذهان!


*ويمشي علي قدمين في الشارع الهلالي!


*جماهير الموج الازرق ما بين متخوف وقلق ومرتقب لما تسفر عنه الايام القليلة القادمة!


*أعلن تنظيم الاصالة والصدارة رسميا دخول الانتخابات ودشن تحضيراته امس الاول بتنوير اعلامي بدار الشرطة ببري حضره نفر من قيادات التنظيم في غياب الرئيس السيد صلاح الدين احمد ادريس الارباب.


*تنظيمي عزة الهلال والمستقبل لم يعلنا رسميا حتى اللحظة ترشح ايا منهما لدخول الانتخابات رغم الاخبار المتواترة هنا وهناك وما تتناوله بصورة اكبر الزميلة(الاسياد).


*المجلس الهلالي الحالي لم تتضح رؤيته بعد رغم بعض الاحاديث التي تدور سرا عن نية عدد من الاسماء العاملة الان تقديم ترشيحاتها عبر بعض المواعين الهلالية.


*يبقى الاهم في حسبة الجمعية العمومية القادمة موقف الباشمهندس الحاج عطا المنان رئيس لجنة التسيير من الانتخابات وما يدور من حديث هنا وهناك عن نيته التقدم لرئاسة النادي في دورة انتخابية جديدة رفقة بعض الاسماء التي يضمها مجلسه الحالي واخرين من خارجه..وهنالك اتجاه اخر يقول بأن الرجل فضل الإبتعاد عن سكة الهلال في المرحلة المقبلة.


*تضارب الأخبار حول ترشح الباشمهندس الحاج عطا المنان يفتح الباب واسعا لكل التنظيمات والاسماء الهلالية للدخول عبر بوابة الانتخاب خصوصا وان كل جهة تتحدث عن عضوية وغيرها من الادوات المعينة، وكل تنظيم يتحدث كما جرت العادة في مثل هذه الاحوال عن جاهزيته التامة لخوض الانتخابات واكتساحها بفارق كبير من الاصوات.


*نعم..عدم وضوح الرؤية حول ترشح الباشمهندس عطا المنان يفتح المجال لبقية الاسماء التي ستتقدم الصفوف لخوض المعركة الانتخابية التي ربما تكون اكثر شراسة من سابقاتها باعتبار ان العضوية التي وصل تعداد اعضائها الي احد عشر الف عضو سيكون اكثر من ثلثي ذلك الرقم محل تنازع وسباق محموم حول من يترأس البيت الكبير مع مجموعته المختارة خصوصا وان الاسماء المترشحة محل خلاف في الشارع الازرق ما يعني فتح الباب علي مصراعيه لمن يجيد ادارة اللعبة الانتخابية ويستفيد من عامل الوقت والزمن او من يمتلك النفس الطويل الذي يحسم لصالحه (اللفة)الاخيرة في معركة الانتخابات.


*الباشمهندس الحاج عطا المنان الرئيس الحالي للهلال يعتبر اكثر الرؤساء الذين يجدون إجماعا في الشارع الهلالي الان اذا تقدم بترشيحه لرئاسة النادي في دورة انتخابية جديدة لاعتبارات عديدة اهمها طريقته في ادارة النادي وشخصيته الوفاقية وعدم انصرافه لقضايا جانبية في احلك الظروف وتقبله للنقد الاعلامي دون الدخول في معارك اضافة لانجازه اخطر الملفات في وقت وجيز وبارقام خرافية والاهم من كل ذلك قدرته في ادارة الملف المالي واستقطاب الدعم الرسمي والشعبي في ظل الظروف الضاغطة التي تمر بها البلاد والحصار المفروض عليها خاصة في ظل المتغييرات الاقتصادية وارتفاع سعر الدولار عن السنوات السابقة التي عملت فيها مجالس مختلفة للمرشحين الاخرين لرئاسة النادي.


*المفوضية من جهتها اعلنت امس من خلال حديث مولانا الفاتح حسين رئيس المفوضية الولائية لهيئات الشباب والرياضة الولائية بان ليس هنالك مبررا لتأجيل الانتخابات مرة اخرى واكد ان مفوضيته تعمل بجد واجتهاد من اجل قيام الجمعية العمومية للنادي الكبير في موعدها المعلن والذي يوافق شهر رمضان الكريم.


*حديث مولانا الفاتح حسين يؤكد ان الجمعية العمومية للهلال اصبحت حقيقة ماثلة وبأن الاسابيع القليلة القادمة ستشهد حراكا كبيرا في الشارع الهلالي يدور حول حشد العضوية وتأمين الاقبال عليها منذ وقت مبكر.


*خلاصة القول ان الساعات القليلة القادمة ربما تشهد متغييرات جديدة في ساحة الاحداث الهلالية ولكن يبقى الاهم ان تتواصل العملية الديمقراطية حتي النهاية من اجل اغلاق ملف التعيين في البيت الكبير وفتح الباب لممارسة ديمقراطية جديدة يصحبها وقت كافي واستقرار فعلي ..ونعود بحول الله.


آخر الرميات


*الحق يقال أن الأرباب والبرير والكاردينال من ابناء الهلال الخلص..لكن الصرف علي النادي الكبير لا يتحمله فرد مهما بسط الله له من رزق وتجربة صلاح ادريس والبرير وفي ظروف أفضل من هذه الايام مثال حي لما يمكن ان يؤول اليه الحال!


*الساعات القادمة ستقول الكثير!


*صمت أهل المريخ وربما استجابوا لصوت العقل!


*الهلال ممثل السودان الوحيد في كبرى البطولات القارية وقرار الاتحاد بالموافقة علي تعديل موعد مبارياته في الممتاز لم يأت من فراغ!


*إنتخابات الهلال(حمدو في بطنو)!


( الأستاذ / بابكر مختار - عمود رمية تماس )


 
 توقيع : العمرابي



رد مع اقتباس
قديم 27-06-14, 03:39 AM   #288
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم




المريخاب في دنقلا قالوا يا الله قون
• …و


• اشترى ليك (بطيخة) قطعها على اربعة.
• او على خمسة لو كنت مصعب الحكاية شديد.
• اهتم بالكيف وليس الكم.
• اضرب قطعتين ..ودخل قطعتين في التلاجة …دي ثقافة البطيخ قبل رمضان.


• اي واحد ما عندو ثقة في نفسو الايامات دي بتلقاه شايل ليه (بطيخة) وداخل البيت.
• موسم هجرة البطيخ الي البيوت.
• البطيخ الايامات دي زي (ناظر المدرسة) البتلقاه حايم بالفصول – (حايم بالشبابيك) ..عشان يشوف (الاساتذة) شغالين وإلّا لا؟.
• ناظر صعب.
• و…
• (نسيت).
• ما في علاقة بين البطيخ ..وسياسة ترشيد الكهربة …كلو ثقافة من الثقافات دي طريقها براها.
• ما تلخبطوا لينا الحاجات ساكت.
• ممكن تكون في علاقة بين انتخابات الهلال ..والبطيخ.
• ممكن.
• كلو (بطيخ).
• اصلو ما بتقنعوني انو ما في علاقة ..وان الامور طبيعية…(انتظروا نتيجة الفحص).
• الايامات دي تمشي تفحص الملاريا.
• تنتظر نتيجة الفحص.
• تقول لبتاع المعمل يا دكتور النتيجة شنو؟..في صيام وإلّا ما في صيام؟.
• واحد مشي للدكتور….مشى بي (شفقة) مبالغ فيها.
• شفقة زي النوم في الفصل.
• الدكتور شاف شفقتو قال ليه افحص لي الدم ..والكلي …والمصران ..والقلب والرأس.
• ما خلى ليه حاجة.
• اي حاجة فحصها.
• النتائج كلها طلعت (نضيفة).
• زولكم وقت شال نتائج الفحوصات – قال للدكتور ..يا دكتور لو شعرت لي بي (دوشة) افطر.
• الدكتور قال ليه (دوشة) تجيك من وين؟…نتائج الفحص كلها (سليمة) ما عندك مشكلة في اي حاجة – (صحتك زي الحديد).
• صاحبكم قال للدكتور يا دكتور ..عليك الله هسع (الطيران) من سيكافا دي ..ما بعمل (دوشة).
• ناس الهلال عذبونا عذاب ..بقوا لينا في رقبتنا.
• الدكتور قال ليه : (سيكافا) ما بتفطر.
• زولكم عاين لنتائج الفحص تاني ..وقال طيب يا دكتور (هدف) واحد في دنقلا ..ما بفطر.
• الدكتور غضب ..قال ليه يا زول ما تلعب ..انت زول (مستهبل)..نوع الحركات دي نحن عارفنها.
• نحن حافظنها حفظ.
• مرة جاني زول هنا ..قال لي زوجتي عندها (ضرس)…قمت فطرت.
• قلت ليه البفطرك شنو؟.
• قال لي يا دكتور زوجتي وقت يكون عندها (ضرس) انا بمسك (الشافع)…وبغسل العدة ..وبكوي الهدوم.
•الدكتور قال ليه الكلام البتعمل فيه دا …اخير منو (وجع الضرس).
• و…
• (اتذكرت).
• ناس المريخ ديل.
• جماعتنا بتاعين (النقة) في الطابونة ..سافروا دنقلا.
• عملوا ليهم بعثة.
• وساقوا ناس الباشا ورمضان عجب.
• وبرهان ومحسن سيد ..تقول (عالم الرياضة).
• عشان شنو؟.
• عشان يغلبوا 1 / صفر.
• يا الله قون.
• الموضوع دا ما عاوز ليه (بعثة).
• ولا محتاج ليه (سفر).
• ما عاوز التعب دا.
• ولا في داعي لبرهان تية ..ومحسن سيد …عندكم جهاز فني متل (القطاع الرياضي).
• ابراهومة يمشي كوستي ..ومحسن سيد يجي المريخ.
• فاروق جبرة يمشي الفاشر …وبرهان تية يمسك المريخ.
• وجمال الوالي يطلع من البلد ..يدور النادي بي (تحويل) الرصيد.
• ناس صديق علي صالح شغالين مع جمال الوالي بـ (المسكول).
• ماشيين دنقلا ..عشان تجيبوا ليكم هدف.
• طيب لو لاعبين ضد مازمبي في الكنغو ..كنتوا ح تعملوا شنو؟.
• و…
• (اكمل يا جماعة).
• الهلال في (تمبول)…فاز بـ (7) اهداف.
• الهلال لا بعرف جوة – لا بعرف برة.
• الملاعب بقت كلها عند الهلال واحد…ما فارقة معاه في شيء.
• الملاعب شنو؟.
• الزهرة تمبول – عندو زي المريخ.
• هسع يا ناس المريخ بي فريقكم (الملتق) دا..عاوزين تلعبوا قدام الهلال.
• ناس برهان تية ديل الى الان شغالين بي ماكينة الرابطة كوستي.
• برهان تية بستوعب بعد الشوط التاني انو مدرب للمريخ وليس للرابطة كوستي.
• محسن سيد عاوز ليه (4) مواسم عشان يستوعب انه المدرب العام للمريخ.
• محسن سيد لمن يستوعب بكون رجع مريخ الفاشر.
• الشيء الغريب ..ومدهش ..ان المريخ بقى فيه اكتر من مدرب (برهان ومحسن).
• والمريخ فيه كمية من الكباتن …علاء الدين يوسف والباشا وبلة جابر.
• كباتن المريخ بقوا اكتر من رابطة مشجعين المريخ في الكلاكلة.
• كل يوم يجيبوا ليهم (كابتن).
• الكابتنية في المريخ بتلف زي (صرفة الصندوق).
• كل صرفة بي كابتن.
• هسع بي كباتنكم الكتار ديل …جيبوا ليكم هدف واحد في دنقلا.
• انتوا مشيتوا دنقلا حملة تطعيم.
• ناس دنقلا ديل عاوزين يشوفوا ليهم كورة ..واهداف ..ويتمتعوا زي ما اتمتع الجمهور في تمبول بالهلال.
• الهلال جاب ليه (7) اقوان.
• مباراة على نظام كأس العالم ..على طريقة الاهداف الغزيرة التى تسجل في مباريات كأس العالم.
• انتوا يا ناس المريخ ما قاعدين تتابعوا (كأس العالم).
• الظاهر ما عندكم (كرت).
• انتوا الكرت تعملوا بيه شنو يا ناس المريخ – لا عندكم مجموعات ولا عندكم (سيرجيو).
• ديل (سيرجيو) ما عندهم.
• قاعدين مرتاحين كدا.
• لا كرت ..ولا يحزنون.
• اكتر حاجة ممكن يعملوها يحولوا (الطبق).
• الطبق دا بنزلكم التانية.
• جماعتكم من دنقلا الى الفاشر.
• نحن من تمبول الى برازفيل.
• الكرت تعملوا بيه شنو؟.
• كأس العالم ذاتو ما في داعي تتابعوه يا ناس المريخ.
• تدخلوا في مقارنات محرجة ساكت مع بلة جابر.
• الدخلت فيكم بعد مباراة بايرن موينخ الى الان ما طلعت.
• قالوا ليك موسى الزومة الى الان رافع ايدو بطالب بالغيار.
• يا موسى غيار شنو؟..انت شطبوك عديل كدا.
• اكرم الهادي سليم بعد مباراة بايرن ميونخ عمل ليه (7) عمليات جراحة ..وتمت اعارته الى الاهلي الخرطوم.
• اوليفيه طلع من البلد.
• اوليفيه براهو.
• جمال الوالي ذاتو عمل (شتات).
• عبدالصمد عرفها من زمان ..استبق خطوة جمال الوالي ومشي قعد في بيتو.
• عبدالصمد قاعد في بيتو.
• وهيثم مصطفى قاعد في بيتو.
• زعل حايم.
• وجمال الوالي قاعد في بيتو برة البلد.
• المريخ كما طار من البطولة الافريقية وطار من سيكافا ح يطير غريبا من كأس السودان.
• جهزوا جرادل اللبن – الطيران بقى.
• ناس الباشا ديل لو شاركوا في مناسبة زواج بطيروا من الفاصل الاول.
• و…
• اندومي كيف معاكم؟.
• اندومي شنو يا زول؟.
• ألحق اطلع سريع ..(ورسل العمود).
• و…
• انتهى.


( الأستاذ / محمد عبد الماجد - عمود - ..... و ..... )


 
 توقيع : العمرابي



رد مع اقتباس
قديم 17-07-14, 04:28 PM   #289
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



هل قصد الارباب ان ياخذ بيسراه ما اعطاه بيمينه



انه لامر مؤسف ان يتعرض الهلال لازمة جديدة وهو مقبل على تصفيات هامة بعد ايام ان لم تكن ساعات تحدد مشوارة فى البطولة الافريقية وهى اخر ما تبقى للسودان اولا والهلال ثانية فى البطولة الحالية وهو موقف يفرض على كل من يتمتع بالانتماء للهلال ان يغلب مصلحته على اى مصلحة اخرى ايا كانت.
لهذا اقول لكم هو مؤسف ان يصدر عن لجنة الاستئنافات – ان صح ما نشر- بوقف رئيس النادى المنتخب فى جمعية ارتضاها الطرفان المتصارعان لحين النظر فى الاستئناف بالرغم من كل سوالب هذه الجمعية من الجانبين المتنافسين حيث ان الضرورة وحدها ومصلحة الهلال تفرض على الطرف الخاسر ان يغلب مصلحة الهلال فى هذا التوقيت تحديدا وهذا ما لايحققه الاستئناف وطلب الايقاف.
ولكم اكبرنا ما صدر عن الاخ صلاح ادريس من انه وجه الصادق المهدى لسحب استئنافه من اجل تهيئة الاجواء للهلال
ولكن جاءت المفجأة والصحف تورد خبرا بان الصادق لم يسحب الاستئناف وان لجنة الاستئنافات اصدرت امرا مؤقتا بتجميد رئاسة الكاردنال للهلال لحين النظر فى الاستئناف مما يعنى ان القرار يقدم الهلال فى طبق من ذهب لمنافسيه مازيمبى والزمالك وفيتاكلوب طالما ان القرار جمد الممول الوحيد للهلال فى هذه الفترة الهامة بعد هروب لجنة التسيير حيث ان نائب الرئيس الذى تولى رئاسة الهلال فى هذه الفترة العصيبة لا اظنه يوفر حق المواصلات لبعثة الهلال لانه ليس من اصحاب المال.
لااخفى علي الاخ الارباب انه لن يصدق احد ان الصادق او غيره من الانصار يملك ان يعصى لك امرا خاصة وان الاستئناف خاص بمنصب كنت الوحيد المنافس فيه فهل قرر الارباب ان ياخذ بيسراه ما اعطاه بيمينه يوم اعلن سحب الاستئناف.
من حق الاهلة ان يفهومها هكذا ,
ومع ذلك يبقى السؤال الاكبر اذا قبلنا ان من تقدم بالاستئناف تقدم بحق يكفله له القانون ولكن ما لن يقبل منه اومن الارباب المعنى شخصيا بالاستئناف ان يتقدم المستانف بطلب ايقاف الرئيس المنتخب لحين نظر الاستئناف لان لجنة الاستئنافات لا تقرر هذا الامر الا اذا تلقت طلبا منفصلا من المستانف بالايقاف فلماذا اذن يصر المستاتف على تعطيل ماكينة الهلال ومصدر تمويله الوحيد فى هذه الفترة العصيبة وهو يعلم ما يترتب علي ذلك من اضرار بالهلال حتى يعبر الهلال التصفيات الهامة فلمصلحة من قدم طلب الايقاف اذا كان الضرر الاكبر على الهلال
اذن المعنى من هذا الاجراء واضح وهو الحاق الضرر بالهلال وليس الكاردنال المنتخب فالكاردنال قد يعود غدا لمنصبه لو صدر الحكم لصالحه ولكن من يعيد للهلال ما لحق به فى فترة الايقاف
الهلال اذن هو المقصود وليس الكاردنال لانه يمكن ان يعود لموقعه ولكن ما يضيع على الهلال لن يعود اليه فهل المعنى بهذا الا يحقق هذه البطولة اذا كانت ستحسب للكاردنال رئيسا للهلال بل وللسودان كاول انجاز له فى تاريخ الكرة السودانية هذا اذا كانت هناك ولو نسبة ضئيلة من الفرص لتحقيق هذا الحلم فانه يتم اضعافه دون مراعاة للهلال الكيان.
حقيقة ما يشهده الهلال وبصفة خاصة من تصعيد لهذه الحروب التى اصبحت سمة ملازمة له يؤكد لاى مدى بلغت الحرب بين اصحاب المال هذه الدرجة بالغة الخطورة والتى تنذر بالكثير الذى سوف نشهده فى مقبل الايام ربما حتى فى المباريات المحية من اجل افشال من يتولى التكليف الادارىخاصة وان الصحافة الهلالية نفسها تحزبت بين المتحاربين.
ولكن ما يستحق وففة هامة هنا لماذا وكيف استحابت لجنة الاستئنافات لهذا الطلب وهى تعلم ان من اهم مقومات قبول الطلب الا ينتج عنه ضرر لايمكن تداركه بالهلال الكيان وهو ما سيحدثه قرارا الايقاف للكاردنال
فاللجنة تعلم وان لم تكن تعلم فهذه مصيبة اكبر فاالهلال هو المتضرر من قرار الايقاف وليس الكاردنال لان ايقاف الكاردنال دون ان يكون هناك ممول بديل يملك القدرة المالية لتحمل التزامات الهلال فى هذه الفترة العصيبة انما يعنى الحكم بالاعدام على الهلال فى اشد اوقاته حاجة للمال.
فماذا يكون الموقف لو ان الكاردنال تخلى عن الصرف على الهلال وهذا من حقه فمن الذى يعوض الهلال او يرفع عنه هذا الضررر الذى الحقته به لجنة الاستئنافات فى احرج الاوقات طالما انها لم تجنب الهلال هذا الضرر الكبير الذى يلحقه به قرار ايقاف الرئيس المنتخب حتى لو كان محل استئناف لان خسارة الهلال للتاهل لنصف النهائى التى تتهدده بسبب القرار هو ضرر لايمكن جبره مما يؤكد سوء تقدير اللجنة وهى تستجيب لطلب الايقاف
ويبقى اخير السؤال اى اين يقود مسلسل الحرب والتى يمكمن ان تنتقل لساحة القضاءمن الجانبين ليصبح الهلال الضحية لحرب اصحاب المال حتى نهاية الدورة المتنازع عليها .
عشنا وشفنا والله يستر من الما شفناه لسه وهلالك راح يا ود عبدالله


( الأستاذ / النعمان حسن - عمود لدغة عقرب )


 
 توقيع : العمرابي



رد مع اقتباس
قديم 17-07-14, 05:39 PM   #290
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



متى يتعلم الارباب1/2




**يتمتع الأخ صلاح ادريس بمزايا حسنة كثيرة على صعيد التعامل الشخصي ولكن في مجال العمل العام فان له الكثير من الأخطاء وهي أخطاء وارده ويقع فيها الكثيرون ولكن الأرباب احيانا يصل باختلاف الرأي مرحلة تصل الى حد العداوة والشحناء
**خاصم الارباب طه على البشير وقال فيه ماقال وفي لحظات صفاء اعترف بخطائه وكتب في عموه الشهير (ضربة مرمى) الاعتذار الجميل للحكيم بعنوان (قسي ليزدجر)اي انه قسى على نفسه حتى لايكرر ما كتبه عن الحكيم ولكن هيهات هيهات!!
**واصل الارباب في مسيرته ولم يسلم منه احد اصدقائه والمقربون منه واؤلئك الذين يعملون معه بحب واخلاص ومن عجب أنه احيانا يقرب اليه من يحسبون في خانة اعدائه (كما ذكر معتصم محمود قبل ايام)
** شنّ الارباب حربا لاهوادة فيها على الكاردينال ونصب نفسه المدافع الاوحد والقائم على أمر الهلال كأنه ملك له
**كانت المشكله الحقيقية بين الارباب او فلنقل الخلاف بين الاثنين أن الارباب قد اخذ على الحكيم أنه أستقال وسافر الى انجلترا حتى يعو بالتعيين مرة اخرى ويعين معه اعضاء ج ويتخلص من البعض وعلى رأسهم البرير وقال في ذلك للحكيم(هل تعتقد بأن الهلال ضيعه خاصة بك تأتي اليها متى تشاء وتذهب منها متى تشاء ومن هنا انلعت الحرب بين الاثنين
**وقياسا على ذلك فاننا نقول له بان الهلال لس ضيعه خاصة بالارباب يأتي اليها ويذهب متى شاء فقد استقال من المجلس وخطط مع البعض بأن يأتي منتخبا بع اشهر ثلاث اذا خسر انتخابات الاتحا العام ولكن سعد العمدة كان له بالمرصاد وافشل المخطط
** اذكر قبل فترة وفي لقاء جماهيري بالنادي وكان في الجهة الشرقية امام الصالات وليس في المسرح كما كان معتادا كان الكاردينال يجلس مع الارباب وقال الارباب بأن (طه على البشير والكارينال خط احمر ومن يمسهما يكون قد مسّ الهلال واذكر بانني ابديت امتعاضي من هذا التعبير ففي الهلال ليس هنالك حصانه او خط احمر لمن يعمل في الهلال واردت أن أرد على الارباب ولكن بعض الزملاء والاخوان قد منعوني وفي نفس الوقت قفل الارباب باب النقاش
**هاهو الارباب يستعمل اسلحة محرمه في حربه ضد الكاردينال بالاساءة والشتيمة ياأخي اذا كان الاسلام يجب ماقبله اي الكفر البواح فما بالك بخطأ بشري عادي يمكن التوبة منه والاصلاح وهو ما فعله الكاردينال وهل الارباب محصن ضد الوقوع في الأخطاء؟
** الأخ صلاح ادريس عليه أن يعلم بأن الهلال ملك للجميع وليس هنالك من اح مهما كانت مكانته وقوته وجبروته أن يفرض رائه على الهلال وأن يدعي بأنه الوحيد الذي يعلم مصلحة الهلال
**الكاردينال جاء الان عبر انتخابات حرة ونزيهه وكنت منافسا فيها فعليك أن تحترم ارادة جماهير الهلال
**اخي الارباب انت تعلم قبل غيرك باننا نحبك لوجه الله تعالى وعملنا معك من قبل باخلاص لم نتطلع لمكسب مادي او عيني فقط من اجل خدمة الهلال ولذلك فاننا لك من الناصحين
اخر الكلم
**غدا باذن الله نتحدث عن تنظيم الاصاله والصارة المسروق ودفاع الارباب الهش عنه

( الأستاذ / صلاح الحويج - عمود شواهد )


 
 توقيع : العمرابي



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

الساعة الآن 08:41 AM.

Powered by vBulletin® Version 3.8.5
Copyright ©2000 - 2020, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com