العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > الملتقى العام

 
إضافة رد
 
أدوات الموضوع انواع عرض الموضوع
#1  
قديم 08-08-14, 07:48 AM
المديرالعام
المجمر غير متواجد حالياً
Sudan     Male
SMS ~
اوسمتي
وسام المشرف المتميز 
لوني المفضل Darkred
 رقم العضوية : 22
 تاريخ التسجيل : Dec 2009
 فترة الأقامة : 3589 يوم
 أخر زيارة : 20-03-19 (10:41 PM)
 المشاركات : 12,454 [ + ]
 التقييم : 10
بيانات اضافيه [ + ]

اوسمتي

افتراضي يوميات سودانى /ياسر على عبد الرحمن



الحلقه الاولي

تقوم من الصباح ست اللبن مرتبه 3 ارطال يوميا بعشره جنيه
يعني تستفتح يومك وتحتفل بمروق اول عشره جنيه
تقول تمشي تاخد ليك حمام عشان تقابل يومك وانت مبتسم يلحقك ولدك"
ياابوي ياابوي عايزين قروش الشاي الحب والسكر
كم يا ولد
جيب عشره جنيه
وعايزين بسكويت ياابوي
امشي ياولد تمشي ركبك انا مش قلت الممنوعات دي ما تجي البيت ده؟
المهم تتخارج من الولد باي اسلوب
وتجي تقد وسط اولادك في محاوله لشرب الشاي معهم علك تشعر بشعور الابوه وتنعش فكرك بانك ما زلت الابن القادر علي رعاية ابناءه
المهم في اول شفطه من كباية الشاي ينط ليك الولد
ياابوي قالو عايزين كراسين واحد هندسه والتاني عربي كبير
وقبال ماتاخد الشفطه التانيه يجيك التاني عايز علبة هندسه
والتالت داير جلاد
و........وو.........
كده بتكون مرقت ليك عشرين جنيه
..................
حتي هذه اللحظه انت بتكون متماسك
تذهب للنت وعالم الكمبيوتر عشان تتابع اخبار المريخ
في اللحظه دي يكون باقي ليك قروش الفطور
انت في هذه اللحظه ملزم باستخراج 15جنيه
ويعم الهدوء ارجاء المنزل
وتتنفس الصعداء
وتقوم تلبس عشان تبقي مارق
لتتفاجئ بست البيت دايرين المصاريف
جيب لينا معاك اللحمه والبصل والتوم
وماتنسي الزيت والرغيف وحبه بهارات
الشطه تكون"دنقابا"ما يغشوك زي المره الفاتت
واقبف علي اللحمه كويس
تكون عجالي
وحسي ادينا 30 للفطور وما تتاخر
طبعا هنا انت بتطلع القروش سريع لانك لابس وما عاوزهم يتزكروا حاجه تانيه
تفتح الباب عشان تعمل شتات
تلقي واحد واقف شايل فاتورة وكوريك
انتو منو؟
احنا ناس القطع
عليك متاخرات مويه ياصاحبي
المتاخرات انا دفعتها والله
خلاص ادينا 15 القطع عشان ما نقطع ليك المويه انت هنا نازل قطع
وادفع الفاتوره
خلاص امشو انا بدفع الفاتوره هناك
مافي حاجه اسمها هناك
دفتر الفواتير معانا
نظام تحصيل خارجي
ياتدفع يا نقطع
لا لا لا لا
ماتقطعوا
دقيقه نشوف ليكم جارنا بالحيطه
تطلع في الحيطه عشان تنادي جارك حتلقي جارك زاتو طالع في الحيطه عايزك
الليله ووووب عليك ياعطيه
وانت لسه ما حليت مشكلتك دي عينك تقع علي عداد الكهرباء القاعد في نفس الحيطه الانت متشعبط فيها
الجمره الخبيسه
باقي كيلو واحد
تبقي مارق بس
تركب المواصلات وتتمني ماتلقي زول بتعرفوا
اصلو الباقي جنيهين بس
واول ماتصل تحاول الاتصال بي الناس الداير منهم قروش
ياااااااااااه الرصيد خلصان
ما مشكله
ياولد حول لي 5جنيه ونتحاسب بعدين
واول اتصال
يازول متين اصبحت وبعدين احنا ماقين من العيد يادوووووب
تعمل شنو؟
تسوي شنو؟
تتلفت يمين شمال يمكن تلاقي ليك زول يخفف عنك
تلقي جارك في السوق
تشيل كرسيك وتمشي عليهو
حتلقي اجابتو"اصبر بس كلنا صابرين
اممممممممممممممم
طيب ياخ ما بلقي عندك 100جنيه امشي بيها حالي؟
جدا اسلفك
وتبدا رحلة الدين
10جنيه لزوم فطورك والقهوه وحق مواصلات الرجعه
الباقي ليك 90جنيه
اللحمه بي40وباقي الحاجات بي 50
انتهت الحكايه
تلمم اطرافك وترجع البيت
الدور ده انت راجع وما عندك مصاريف بكره ومتدين وماسوتك مقطوعه
تقعد في العنقريب الفي العصريه وتسرح بعيييييييد
ياريتني لو مرقت بره في المانيا ولا قطر ولا السعوديه
كان زماااااان التلاجه مليانه والحال انعدل
اجيب من وين ياناس
انا ما طالب ابقي غني
انا عايز وليداتي ياكلو ويبلسو ويتعلموا
ما طالب اكتر من كده
باقي المتع في الجنه ان شاء الله
المهم حسي طالبين الستره
ونوااااااااااااااااااصل __________________



 توقيع : المجمر


رد مع اقتباس
قديم 08-08-14, 07:51 AM   #2
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



.............اها طبعا جيت راجع البيت وشايل العيش والحاجات الجبتها
وشعرت بانك ملك متوج خارج ارضه بفضل ما احضرته من اشياء
وتبدا تنادي بصوت عالي فيهو حبة خشونه:
يا وليه افتحي الباب انا شايل تقيل
وطبعا بتعلي صوتك عشان الحله كلها تسمع
يجي الود الصغير يفتح ليك الباب ويكورك"ابوي جا"
يتلموا الباقيين كلهم ويكوركوا ويلفوا حولك بصوره دائريه مش عشان الرغيف والتبش الانت جايبهم بس بيحلموا بانو ابوهم تكون اتفتحت ليهوا طاقة ليلة القدر وجاب ليهم حاجه غير الاكل,زي الموبايلات والجلاكسي
وفي اللحظه ديك يقول ليك ولدك الصغير داك الانت بتريدوا وما بتقدر تدقوا"ياابوي انت ما وعدتني تجيب لي موبايل ولا بلاي استيشن,,,انا جيت الاول وانت وعدتني بالموبايل
هنا يجر ليك شريط زمااااااان داك وكت تجي في العشره الاوائل وابوك يوعدك بي عجله دبل,,,كل يوم ابوك يجي خاشي تفتكر انو جابا معاك
الفرق بينك وبين ابوك انو ابوك كان مقتدر وبينسي اما انت يابروتز فشغال وعد بلفورد ساااااااااكت
داير الاولاد ينجحوا وخلاص
المهم تتدحرج منك دمعه دمعتين وتحاول تقشهم من غير ما يلاحظوا ليك وتستجمع قوتك وتقول ليهم بي هرشه كده:
انا مش قلت ليكم لمن اجي مافي زول يسالني
انا عايز ارتاح وانوم
تمشي تترمي في نص السرير وتبدا رحلة النوم الاولي
ياسلااااااااااام
لازول بيكورك ولا زول بيزعج
لازم تستمتع باللحظات دي
زي فترة السماح البدوها لي ناس المرابحات
استجمام,,,, ويبدا يدور في راسك موضوع بكره تعمل فيهو شنو؟
المهم تخش في النومه وفجاه تصحيك مرتك
قوم يا راجل ولدك ده عيان
لا لا لا لا ما عيان بس بيكون حبة تعب
يا راجل ولدك محموم
مافي بندول
اديتو حبتين وما نفع
اها العمل شنو؟
تسالني انا يا راجل؟
قوم ارح المستشفي
هنا الشغله بتكون "كتمت"
ارح يا وليه قومي لبسيهوا
بيلبسوا في الولد وانت بتلبسوالتسوهوا شنو ما عارف؟
طبعا انت شايل الولد وحتمشي للزلط
والمره جاريه وراك وتبكي
الليله ياحشاي الليله ووووب
يا وليه اسكتي ما تعملي لينا فضايح
تتلفت وراك تلقاها مدنقره لانو شبشبا انقطع
تهرشا بي صوت عالي:-
اهو دا شبشبك الكرهتيني بيهو العيد
حسي ده يستاهل 140جنيه
كلوا فيهو 3سيور عامل زي بابور اللستر كده
حسي ده شبشب ليكي
مخكن ضيق

ياراجل الولد بيموت وانت شغال لي في الشبشب
حسي لو كنت زي الرجال ما كنا بي عربيتنا زي بقية خلق الله
قلتي شنو؟ زي الرجال؟ سمح لمن نرجع
وتبدا تطنطن"قال زي الرجال

يعني اسرق
ولا اموت واخلي ليكم الدنيا

يلي اركبي المواصلات كرهتونا الدنيا بنقتكم الكتيره دي
وانت جوه الحافله لازم تصل الكمساري عشان ما يفضحك وسط الناس
لازم تشرح ليهو موقفك احتمال يكون ود ناس
وفجاه تجيك فكره
امممممممممممممك دي كانت وين؟
مافي غير "التاج" بتاع الرصيد
وتبدا رحلة الكضب
الو التاج
مرحبا
ماعندك رصيد سوداني
لا عندي زين
معليش يااخوي انا عايز سوداني
عايزو انتا؟
اي لانو داير احولوا لاختي مسافره في الطريق وبكرا انت تعال شيل قروشك
خلاص اديني تلفون اختك
لا لا لا لا لا حولوا لي هنا وانا بدفروا
خلاص جاييك
الحمد لله دي ميه جنيه افكها بي 90جنيه امشي بيها حالي
ويصل الرصيد وتبدا عليك علامات السعاده
وترتسم علي وجهك ابتسامه وكانك ملك
وصوتك يبدا يرجع لمكانو الطبيعي
بالله لو سمحت نزلني المستشفي
واول من تنزل تفك الرصيد وتدي الكمساري
هنا تبدا لحظه الابتهالات
ان شاء الله ياربي تكون بسيطه
يااله المستضعفين
وتبدا قطرات الدمع بالانهمار
ياربي تجيب العواق سليمه
يا ربي انا ماعندي غيرك وانت عارف اكتر مني

لغاية ما تصل لي باب الحواث
تلقي واحد يقول ليك الدخول للطبيب بي 5جنيه"المقابله
ماشي ,,,هاك
تقابل الطبيب
اعمل لي الفحوصات دي
انت واقف وهو يبدا يكتب
تشيل منو الورقه وتمشي علي المعمل
تقابلك جارتك ,,,هييي ده مودي وين ده؟
اعمل تحاليل
تحاليل شنو ؟الود ده ودوا الخرطوم هناك العلاج الصاح
شوف الود بقت حالتو كيف لا اله الا الله
كمل عديييل كده
راجيين بيهوا شنو؟
ود ناس فلان داك قدر ما فحصوا ليهو ما عرفوا ليهو درب الا ودهوا الخرطوم تصدق طلع من "اللاكتيك
وفلان داك بيعالجوهوا من الملاريا طلعت حمي مالطيه
قوموا الخرطوم طوااااالي؟
هنا تتشعبط فيك الوليه
بس الخرطوم وكما داير تقوم اديني ولدني بقوم براي


تقومي براكي كيف يعني؟


ونواااااااااااااااااااصل


 
 توقيع : المجمر



رد مع اقتباس
قديم 08-08-14, 07:55 AM   #3
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن






 
 توقيع : المجمر



رد مع اقتباس
قديم 08-08-14, 08:07 AM   #4
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



تحاليل شنو ؟الود ده ودوا الخرطوم هناك العلاج الصاح
شوف الود بقت حالتو كيف لا اله الا الله
كمل عديييل كده
راجيين بيهوا شنو؟
ود ناس فلان داك قدر ما فحصوا ليهو ما عرفوا ليهو درب الا ودهوا الخرطوم تصدق طلع من "اللاكتيك
وفلان داك بيعالجوهوا من الملاريا طلعت حمي مالطيه
قوموا الخرطوم طوااااالي؟
هنا تتشعبط فيك الوليه
بس الخرطوم وكما داير تقوم اديني ولدني بقوم براي
تقومي براكي كيف يعني؟

وفجاه تجيك فكره شيطانيه

لازم تدقس الوليه,,,وتبدا في الكلام معها بطريقه عقلانيه
فطريق النرفزه والعصبيه سيؤدي الي الطلاق لا محاله
"اسمعي يا....بالمناسبه احنا ممكن نسافر بالولد
بس قبل ما نسافر لازم نعمل فحوصات هنا اول
نطمئن عليهو احسن
خلاص ما عندي مشكله
يلا
وتبدا الفحوصات وتستمر حوالي نصف ساعه
اتفضل يادكتور,,,اها مشكلتوا شنو؟
لا لا ابدا مجرد ملاريا والتهابات
ادوهوا الادويه دي
تشكر يادكتور
والجماعه مرقو بره
شفتي الحكايه بسيطه كيف؟ملاريا بس
كنتي عامله لينا هوليله ساكت
يعني شنو ياراجل انا بكره مسافره يعني مسافره
اقيف اتصل ب"عماد اخوي" اصلو في المينا البري
الو عماد
اي يااختي مالك بتبكي اوع الراجل يكون دقاكي
لا لا لا الولد تعبااااااان ياعماد
وبكره لازم تحجز لي مقعدين
ويقاطعها الراجل"
مقعد واحد ياوليه
لا مقعدين يعني دايرني اشيلو في كرعيني؟
طيب شكرا
يلا اديني القروش
داااايره كم يعني"الصوت مجروش طبعا"
التذاكر 220ماشي 220جاي=440 قول خمسميه
تاكي من الميناء لام درمان 40جنيه
ومقابلة الدكتور بي 150جنيه والعلاجات خت 500جنيه
جيب 2000جنيه
شنوووووووووووووو؟
كمممممممممممممم؟
منو ده؟
قلتي كم؟
انتي دايره تشليني؟
اجيب من وين؟
ما بعرف اتصرف مش انت الراجل؟
وتبدا ضربات القلب بالتسارع
مخهن ضيق العوين ديل اعمل شنو حسي
ما باقي لي الا المسدس ابيعو,,بجيب ليهو 2500جنيه
انا عارف كان بعتو الليله بكره الحرامي بتلب
الراجل مشي باع المسدس وسلم المرا 2000جنيه
وشعر بي حبة نصره كده
وبدا في الونسه
انتي عارفه اول ما تصلي"وقبل ان يكمل كلامو"
شنو شنو شنو؟
قبل ما اصل وين؟
انا قلت حاجه غلط؟
يعني انت ما حتمشي معاااااي؟
طبعا لا ما ممكن انا علي التزامات ولو مشيت الواطه بتتلخبط
ده كلام شنو الرجال كلهم بيسافرو بي اولادهم ما شفت سوسن سافرت مع راجلا تونس خلي الخرطوم ونهي سااافـ..
خلاااااااص اسكتي اقفلي خلاص
طيب في حاجه تانيه اخلاص اختي دايره تقعد مع الاولاد في البيت ولازم نخلي ليهم مصاريف البيت والمدارس جيب مليون والباقي تحت الحساب من البقاله
لا حول ولا قوة الا بالله العلي العظيم
يا وليه حرام عليكي انتي قايلاني بنك السودان؟
اتصرف ياخي
وانا اعمل شنو بس؟
فضل مركوب النمر بتاع المناسبات



 
 توقيع : المجمر



رد مع اقتباس
قديم 08-08-14, 08:07 AM   #5
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



وتوووووش المركوب دخل السوق
1500ثمن المركوب
ونام الجميع وعم الهدوء
...............
ضرب جرس المنبه حوالي الرابعه والنصف صباحا
الراجل صحي اول زول
يلا قوموا عشان نحصل الباصات
الولد بكل فرحه قال"احنا حنركب كم باص ياابوي؟
انتو حتركبوني التونسيه خلي الباصات
قوم البس ارح سريع
وفجاه البيت اتقلب خليه نحل
ناس ماشه المدارس وناس مسافره
وين شنطتي وين صابونه الحمام
ارفعو المويه انا في الحمااااااااام
وداك يصرخ وده يكورك
اسمعوا ماشي اجيب لي تاكسي
وصحبك وقف في نص الزلط
"تاااكسي
فرمله بالعجلات الاربعه وحركت خلف
ماشي وين يااخينا؟
المينا البري
اركب
وبعد ان ضمن صاحبنا الركوب
"
اسمع يااخوي لف بي هنا نغشي المدام"
كوكوكوكوكو
افتحوا ياجماعه
الباب فتح والناس كلها مرقت
بتاع التاكسي قلبوا طار
شنو ده كلهم مسافرين
ههه لا ابدا المدام والولد
ايواااااااااااا
وصلت العربه للمينا البري وبدا الباص بالتحرك
جه شاب ظريف كده قال للراجل
"
لو سمحت اختي مسافره ممكن تقعد جنب مرتك دي؟
وانا امشي وين؟
اقعد محل تذكرتا
وبكل شهامه"
جدا جدا اتفضلي"
وعاين للتذكره رقم اربعين
ده شنو ده"العظمه" الله يصبرنا
وبعد مرور 4 ساعات توقف الباص ووصل الي منتضف الطريف
مرحبا بكم في كافتريا الـ(....)
حنعمل شنو هنا ياوليه؟
الفطور طبعا
نزلوا
داير فول مصلح وبيض وطعميه اها داير كم
فول بي 7 واليض بي8 والطعميه بي2 كلو 17
كم؟ سبعتاشر اديييييل(الصوت مبحوح)
..........................

هنا طبعا الوليه شعرت بالرضا تجاه زوجها وبدا في
الونسه
تتذكر يا زوجي العزيز اول سفريه لينا
شهر العسل بتتذكر
وبصوت غليظ وهو مدنقر
"آآآآآآآي بتذكر"
تتذكر لمن كنت بتفتح لي باب التاكسي لمن اجي اركب
آآآآآآآي بتذكر"
بتتذكر بالليل وكت قلت ليك انا جعااانه

آآآآآآآي بتذكر"
خلاص ياوليه تمي اكلك خلينا نتفكفك
مااالك بتكورك ياخ الواحده ما تتونس معاك؟
يلا المغسله وودي الولد الحمامات
دايره اربعه جنيه
لشنو؟
للحمامات؟
هي بي قروش
آآآآآآآآي 2 جنيه للفرد
رجال ونسوان نفس القيمه؟
يا راجل انت جنيت ادينا القروش
شيلي من قروشك
لا ابدا دي حقت العلاج
يعني الواحد يشرب موية صافيه بي2جنيه ويطلعلا بي 2جنيه
غااايتو جنس غاااايتو
قوموا ارح يلا
المهم بي جاي بي جاي الجماعه وصلو المينا البري
يااااااه العاصمه مزدحمه بي شكل
نشوف التاكس ده
ياعم ياعم
دايين نمسي ام درمان
وين في ام درمان
والله ما عارف لكن نديك ودعمنا بالتلفون يوريك الوصف
وبدات محادثة التلفون
اهيئييييييك دي بعيده خلاص
80جنيه
شنو لا لا لا لا
ارحكاكي لبتاع الرقشه يااخوي توصلنا بي كم؟
والله انا الكبري ما بقدر بطلعوا؟
ليه خافي شمبر؟
شمبر شنو الرقشات ممنوعه من الكباري
ليه بتجيها لفة راس؟
يازول مالك انتا ياخ؟
والشكله داير تقوم احجزك احجزك احجزك
نرجع لي بتاع التاكي
وفي داخل التاكسي بدا الرجل يهمهم
"200جنيه لي حسي واحنا ما قلنا بسم الله
الله يطولك ياروح
وبعد الوصول
اها الود دايرين تودوهوا ياتو دكتور
والله احنا ما حددنا لكن قالوا عندكم مستوصف ال(...)ده خطييير عديييل كده احنا جايبين ليهو الولد
خلاص انا بكره بمشي معاكم
ومع الصباح لقوا مواصلات ووصلوا للمستشفي الخاص
قابلو الدكتور ياجماعه
الدكتور:
اها ياجماعه ان شاء الله خير
الراجل"
هو لو خير كان جيناك؟
الدكتور شكلو بدا يشم ابو الولد
الدكتور"
لا مافي مشكله عادي اها الولد بيشعر بي شنو؟
الراجل
:والله يادكتور الولد ده نفسو بقي عالي يعني التنفس بي صعوبه وقالوا لينا التهاب عادي وملاريا
وبدا الطبيب بالكشف
الدكتور
"طيب انا محتاج لفحص دم عاااجل
خير يادكتور
الدكتور:
لا اطمنوا كدي افحصو الاول
وبعد اخذ العينه الممرضه اخبرته بضرورة فحص العينه في معمل خارجي متخصص
الراجل
"امشي وين يعني؟
الممرضه امشي معمل ال(...)
خلاص جيبي العينه
تاكسي تاكسي تاكسي وديني المعمل
التاكسي"40 جنيه
الراجل
:ما مشكله اصلها خربانه بنايه ام قش
المعمل:
خلاص تعال لينا بعد ساعه
يعني امشي وين الا انتظر
الراجل قعد يبحلق في المعمل ناس طالعه وناس نازله
ناس باين عليها النعيم
وناس دايره تعمل "جك:بس
المهم في راجل طلع من جوه ونده اسمو
ااااي نعم
المعمل"
دايرين80جنيه
شنو ؟
فحصتو ليهو شنو اصلو الايدز؟
يا زول احنا فحصنا المكتوب هنا
لا حول ولا قوة الا بالله
جيب الزفت ده تلقاها كلها علموها صاح صاح زي "لترتشة زمان" وبعد ده ما فاهمين حاجه
وركب تاني صاحبنا للمستوصف
هاك يا دكتور
الدكتور:
شوفوا يا جماعه اهم حاجه هي ثقافة المرضوكيف تتعاملوا معاهو
المره:
سجمي يادكتور هو عندو شنو؟
الدكتور:
للاسف ابنكم مصاب بسكري
الليله ووووووووب "حالة اغماء للمراه
نوااااااااااااصل


 
 توقيع : المجمر



رد مع اقتباس
قديم 08-08-14, 08:08 AM   #6
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



هنا صاحبنا اتكي في الكرسي وسرح بعييييييييد
الدكتور قاطعوا:شوف يااخي انا حاسي بكمية الالم الانت بتعانيها والصدمه الحصلت ليك
انت عندك كم ولد

كتار ماشاء الله
انا ممكن اوديك للغرفه المجاوره وحتشوف العجب العجاب
في شواطين يادكتور
شواطين شنو؟انا حاوريك نموزج انسانه عندها خمسه اولاد كلهم اصيبو بتضخم حجم المخ وهي صابره
لا لا لا لا لا يااخوي الفيني مكفيني
خلاص احمد ربك علي المبتلي واجمع قواك وارح معاي
نمشي وين؟
في جهاز لازم تجيبو اسمو"اوتوجك"
دي خرامه؟
خرامة شنو؟ ده جهاز فحص السكر في الدم
ممكن سؤال يادكتور
اتفضل
السكر في الدم والسكر في البول الفرق بيناتهم شنو؟

وليه في ناس بتفحص سكر الدم وفي ناس بتفحص سكر البول
__________________


 
 توقيع : المجمر



رد مع اقتباس
قديم 15-08-14, 10:16 PM   #7
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



الحلقة
4
بقلم الراوىء
ياسرعلى عبد الرحمن
لملم اطرافه واستجمع قواه ويهمهم

"استغفر الله العظيم من كل ذنب عظيم


ياربي الطف بحالي فانت اعلم به مني

قرر ان يترك اهله ومعهم الطفل بعد ان اطمان علي سلامة ابنه وان كانت مده الاستشفاء قد تاخذ وقتا

لابد من الرجوع الان حتي لا تؤثر طول المده علي اموره التجاريه.


الساعه الان السابعه صباحا

التوجه ناحيه الميناء البري

اثنان يسابقون التاكسي وكل يمسك بابا العربه

"ايوه مدني كسلا القضارف اي حته في السودان

نزل صاحبنا من التاكسي

اجماعه صلوا علي النبي" ان حاجز اصلا


ماعايز تذاكر

طيب ماتقول كده من قبيل مجرينا كيلوا كامل ورا العربيه


والله انا قايكلم دايرين التاكسي يمكن في اذمه مواصلات


وعاد صاحبنا الي بلده وكله شوق الي الاهل

ولكن باله دائما مشغول بالامور الحياتيه واحوال السوق

الو"انا جيت الحمد لله السوق كيف


مافي سوق ولا حاجه بس الزيت مرتفع الجركانه عملت خمسمايه الف

شنو الواحده؟


امال لوري؟

.............

اييييييه يا زمن كده حنطلع بره السوق والدنيا كلها


وقبل ان يتجه علي دكانه فكر في السلام علي جاره

اهلاااااان اخونا محمود كيفك؟


تمام حمدا لله علي السلامه


اخبارك وكيف الوليد؟


تماااااام بس شكل الامور كده جااايطه


انا زاتي جايطه معاي بس امبارح كنت بحكي مع صلاح


صلاح منو؟


جارنا في الحله جا قبل اسبوع من الدهب يازول ان شاء الله حالك


كيف؟


اخد ليهو عربيه دبل قبين 2012 طبلون خليجي احمر تقول ياغربتي وعمل حفله ثلاثه يوم هيا زوووول الراجل ده ارتاح راحه.


سرق بنك ولا شنو؟


بنك شنو انت كمان الراجل استرزق من الدهب


ياخي دي اشاعات ساكت الدهب ده خرافات زي حكايات الغول والبعاتي الزمان ديك.


كدي خليك من الكلام ده انا عايزك تمشي معاي الليله مشوار عشان تقتنع زاتك


لي وين؟


لي صلاح وتشوف بي عينك


................

الساع الان الثامنه مساء صاحبنا وجارو بالسوق الان داخل بيت صلاح الدهابي

مرحب مرحب اتفضلوا لي جوه

اعرفك ياصلاح بجاري في السوق


اهلا مرحب شرفت والله

طبعا جاري ده قال الدهب ده خزعبلات وما معترف بيهو


هههههههههه

وفجاه

يازول ما تقرصني احنا ما في بينا حجاب وانا زاتي متفق مع صلاح ارجع معاهو


وبي همسه"ترجع معاهو وين


صلاح قال لي عندو كم بير كده داير يفتحم وقال لي ارح معاي وانا مصمم علي الرحله


تمشي تموت في الصحراء عطش؟


وضحك صلاح حتي قهقه

صحراء شنو ياخي طبعا دي السمعه المارق بيها الدهب.الناس الماتت في الصحراء ديل كانو في بدايه حكاية الدهب الواحد يشيل جهاز ويروح في الصحراء لا لا لا احنا شغلنا ما كده




 

رد مع اقتباس
قديم 15-08-14, 10:17 PM   #8
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



وشغلكم كيف؟


المنطقه الاحنا فيها دي في الشماليه ولو مشيت حسي تحلف تقول ما فضل راجل في المدينه العالم كلها بي هناك. وطبعا بقت فيها اسواق ومحلات تجاريه ومطاعم ودنيا

طيب كيف بطلعوا الدهب؟


ده موضوع طويل نقعد ليهو بعدين انا حسي لازم ارحب بالضيوف اشوفكم بعدين

شنو انت ما قلت لي ماشي مع صاحبك ده الدهب؟


هو انت اديتني فرصه صوالي شبكتني خزعبلات


والدكان حتخليهو لمنو؟


بقفلوا 3شهور امشي اجرب حظي


يلا نقوم نتعشي ونتخارج

...................

رجع صاحبنا الي البيت وبدا في السرحان

والله حقوا امشي مع الجماعه ديل


يمكن القي لي كيلو دهب


الكيلو حصل 450مليون

اااااااااه لو لقيتو

ااااااااااااااه


وفي الصباح الباكر
الو محمود اسمعني كوييييس امبارح انا فكرت كويس انا لازم امشي معاكم الدهب.لازم امشي عشان الحال ده ينعدل مافي اي طريقه غير الدهب.

كدي لمن نجي السوق يبقي نتكلم في الموضوع ده
انا راجيك ما تتاخر
جدا
سلام
وبدات رحلة التجهيز والقيام الي الولايه الشماليه بحثا عن الذهب
شنو يامحمود اتاخرت كده انت عارفني عايزك ضروري؟
ان شاء الله عافيه؟
ما تستعبط !!!موضوع امس بتاع الدهب يااخي
ايواااااااااااا بالمناسبه انا كلمت صلاح وقال داير يقابلك
قوم ارح حسي انا ما قادر انتظر
انا تعبان يامحمود ويمكن ربنا جعل الفرج علي ايدك يلا نمشوا ليهو
................
وفي بيت صلاح
شوفوا ياجماعه انا بي صراحه ماشي ومعاي مجموعه وما عندي مانع تنضموا لينا بس الاولوا شرط اخرو نور
معاك قول ياصلاح
اولا عيشة امسماك دي شويه صعبه
ام شنو؟
هههههه الدهابه هناك ده اسمهم
ايوااااااااااا

بمجرد خروجنا من هنا لازم تنسوا حاجه اسمها مدينه كل شبئ في حياتكم حيتغيير
زي شنو مثلا؟
مافي حاجه اسمها حمام هناك يصادف تلاته شهور ما تستحمي ومافي شاي الصباح ووجبة الفطور والكلام ده الناس هناك عندها ال"قدوك"وبس ولزوم التحليه حبة تمرات والموضوع ده داير ناس عندها عزيمه
طيب احنا ممكن نخش النار بس ورينا احنا حنشتغل شنو؟
جيتو لي بيت القصيد اهلنا قالو زمان البكاتل بي حربه ما زي البكاتل بضراعوا
مافهمنا؟
يعني لو مشيت من هنا جاهز ما زي تمشي ايدك فاضيه
كدي وضح؟
انتو عندكم قروش في يدكم؟
زي كم كدا؟
يعني 15مليون
هاهاههاهاهاااااااااااااي احيييي يابطني وده لو عندنا ماشيين لييه؟
خلاص تمشو معاي عمال يوميه؟
لا لا لا لا احنا دايرين الدهب يااخوي
خلاص الدهب لو كان هين كده ما كان بقي غالي ولا انتو قايلين انو اول من تصلوا تلقوهو مجدع
ماتزعل يابوصلاح والله احنا مافاهمين اي حاجه براحه علينا
خلاص شوفوا ليكم قروش وارح معاي لانو انتو ماحتفهمو كلامي
خلاص نتقابل بكره
..............
الساعه الثامنه صباحا بالدكان
يامحمود احنا لازم نتصرف ونجيب قروش
من وين؟
ماعندك قطعه ارض؟
هي لو في كنت ماشي الدهب؟
خلاص نكتب شيكات ونشتري بضايع تلاجات مثلا ونبيعا ونبقي مارقين لمن نجي نسدد رايك شنو؟
والله فكره اقيف نجيب الشيكات بس ما توري زول بي سفرنا ولا مافي زول حيتبايع معانا

وفي داخل السوق ومع السمساري عوضين
شوف ياعوضين احنا دايرين لينا خمسه تلاجات؟
شنو دايرين تعملوا كافتريا سياحيه؟
اشووووووووو ما يسمعك زول
بي صراحه دايرين نبيهم كاش لانو عندنا مشروع انا ومحمود وداير ليهو كاش وانت طبعا عارفنا في السوق وبنسدد
نظامكم كيف دفع شهري؟
لا لا لا لا احنا عايزنها بي طرقه واحد(اي بشيك واحد) ودايرين المده سته شهور
كل شيء بي تمنو وانا حقي مليون
ماشي الحال شوف السعر بي كم
.............
رن التلفون
اسمع عوضين ضرب
الو
اي قلت كم؟
لا حولا ولا قوة الا بالله

خلاص برجع ليك
وقفل الخط
مالك مخلوع؟
انت عارف قال يكتبوا الشيك بي كم؟
بي 30مليون
ياخي ما فرقت ال 30دي شنو قصاد الدهب الحنجيبوا
وافرض ما لقينا دهب؟مش احتمال
ياخي خت الرحمن في قلبك اصلوا احنا خاشين السجن خاشين لو كتبا ولو ما كتبنا الحال ده ماشي لي ورا عشان كده نجازف ويمكن ربنا يكرمنا
والله زي ما قلتا الواحد ما يستعجل دخول السجن نجرب الدهب
الحاجه الثانيه احنا ماشين مع زول خبره حيوفر علينا الكتيييييير
يازول مبروك اقيف نتصل علي عوضين
توووت تووووت
الو ايوا ياعوضين تعال شيل الشيك
وبعد فتره
اها الكاش جاهز اتصل بي صلاح
ممكن بس لازم نخلي قروش للعيال
نخلي ليهم كم؟
الخمسه الفوق دي نقسما انت 2.5وانا زيك نخليها ليهم لانو الظروف ما معروفه واحتمال نتاخر او تنقطع الاتصالات ونمشي بالعشره مليون
فكره جهنميه هاك واتصل علي صلاح
الو الو الشبكه شكلها كعب ولا شنو؟
لا ما كعبه لكن زي القفل التلفون
ويقفلوا ليه؟
زول عندو قروش ومرتاح مالو ومال الو وحصلنا وكاني وماني


 
 توقيع : المجمر



رد مع اقتباس
قديم 15-08-14, 10:19 PM   #9
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



وفجاه بدا القلق يساور صاحبنا وبدا بالسرحان ورحله التوهان الذهني
"وبعديييييييين نعمل شنو؟ياربي انا ماشي صاح ولا البسو فيهو ده غلط,انا خايف النتيجه تكون سلبيه واكون زدت الطين بله كدي نشاور محمود
يامحمود ..يامحمود

مالك يازول؟
عليك الله استحملني شويه وما تتضايق
"وبنفس ساخن"اها قول
احنا بدل الدهب ممكن نغترب ,,يعني,,,اااقصد
شوف لو داير تغترب داك ياهو الاغتراب وانت براك شايف المغتربين
مالم المغتربين؟
شفت ليك مغترب مشي وجا راجع سريع,,ديلك ياهم قاعدين ليهم عشرين سنه بره القدر فيهم لمه عيالو قدر والماقدر تري قاعد مستني الامور تستعدل ,,كان داير كده امشي ,,وبعدين تعال هنا احنا مهمتنا دي شهرين تلاته ونجي راجعين بالمليارات
خلاص خلاص كدا ريحتني
جهز نفسك بكرا السفر تصبح علي خير
.........................
يااااااااااه ده كلو وانا ما كلمت الاولاد لازم نجر ليهم تلفون
ترررررررررن
الو الو
حبابك كيفك
انا تمام اخبار الولد شنو؟
ادونا الانسولين الثابت وخرجونا امبارح وصحتو ماشه كويس
في موضوع كده داير اقولوا ليكي بس متردد والله وما عارف ابد من وين؟
وووووب علي ياراجل داير تعرس فوقي الليله وووووب و....توووت(انقطاع الخط)
انا ناقص ياشبكه الفيني مكفيني
وفجاه اتصال من حماتو
ازيك ياوليدي علك طيييب
تمام ياحاجه اخبارك؟ انا عارفك ضاربه لي بخصوص موضوع العرس ياحاجه عرس شنو انا والله الفيني مكفيني والوليه دي فهمت غلط كدي اديني ليها
الو...ده شنو ياوليه العملتيهوا ده عرس شنو وكلام فاضي شنو كل الموضوع انا ماشي الدهب
شنو الدهب؟خلاص نويت تمشي ما تجي الليله ووووب اخير لو عرستا بتكون قاعد معانا هنا تمشي وين تخلينا دهب شنو ياراجل؟ اعقل وخليك معانا ,,انت ما شايف البي والعلي بدونك ما بنقدر نعمل حاجه
اسمعي اسمعي انا لازم امشي ولا بخش السجن
السجن ارحم اهو كل مره بنطل عليك اقلاها عارفين مكانك وبنسمع صوتك وبتسمع صوتنا والسجن زاتو بداية حل مافي زول شنقوهوا في قروش
اسمعيني انتي ما حتفهمي انا ماشي شهر واحد وراجع وده اخر كلام
وقفل الخط
نسوان ما بفهمن بس دايرين دايرين ودي نتيجتا

وفجاه راي صاحبه يجري نحوه
اسمع السفر بكره صلاح قال تجهز بعد صلاة الفجر بنجي غاشينك
خلاص خلاص هاك القروش خليها معاك
.................
طوال الليل لم ينم صاحبنا وبدا يطمئن في نفسه
(يازول انت خايف مالك انت ماشي مع ناس خبره ,,يعني كنت حتعمل شنو لو مرقت زي الناس الدقشت الخلا براها كلها شهر شهرين وتلعب بالمليارااااات لعب)
حتي بزغ الفجر وحضرت العربه

يلا جيب 500جنيه صلاح قال النفر 250
شنو هو حيدفعنا قروش؟
ونزل صلاح من العربه الممتلئه اصلا بالبشر وبدا في الاتجاه نحونا

شوفوا ياناس انتو فيكم الكان في الدهب وفيكم الماشي يادوب انا عايز اقول ليكم كلام تعلقوهوا في اضنينكم ,,,الداير يركب معاي ما يسالني حنصل متين ولا حنلقي شنو ولا راجعين متين,,انتو ناس اعتبروا نفسكم بره الدنيا ,,,احنا ما عندنا حساب لي زمن ومن حسي الماقادر يفارق امو اليقعد جنب صاج عواستا وهناك مافي زول بيمسح دمعه زول كل زول في هموا يعني الرحمه حتفارقوها هنا تاني حاجه النقه والكلام الكتير والمشاكل احنا ما اهلها ..انا ما داير زول يتكلم لي عن الدهب لغاية ما نصل


براحه صاحبنا بدا يهمس لمحمود
"اااسمع ...دي زي خطبة الحجاج...هو الليله صلاح مالو اتغير كده؟
يلا نركب ونقول بسم الله

يلا يازول


 
 توقيع : المجمر



رد مع اقتباس
قديم 15-08-14, 10:24 PM   #10
المديرالعام


الصورة الرمزية المجمر
المجمر غير متواجد حالياً

بيانات اضافيه [ + ]
 رقم العضوية : 22
 تاريخ التسجيل :  Dec 2009
 أخر زيارة : 20-03-19 (10:41 PM)
 المشاركات : 12,454 [ + ]
 التقييم :  10
 الدولهـ
Sudan
 الجنس ~
Male
 SMS ~
لوني المفضل : Darkred

اوسمتي

افتراضي رد: يوميات سودانى /ياسر على عبد الرحمن



الحلقة 5
بقلم ياسر على عبد الرحمن
ركبوا جميعا العربه الت لا تبعد عن الخرطوم الا سويعات وبدا
صاحبنا ينظر الي كل الراكبين



اسمع يامحمود:انت ملاحظ انو انا وانت بس الجداد في عالم الدهب كل الجماعه ديل عندهم الخبره احيييييي لو بس واحد قعد يتونس معاي يبرد ناري يخفف الامي



داير تعرف شنو بس؟


نعرف احنا ماشين وين وحنسوي شنوي شنو احنا في النهايه بشر


وفجاه قاطعهم صلاح



اسمعو احنا حنركن هنا جهزوا الاجراءات




الاجراءات دي شنو يامحمود؟



دي بهيمه بيضبحوها في بداية الرحله لزوم كرامه وكده

.........



ونزل كل الحاضرين وبصمت شديد قامو بذبح الخروف واتوقدوا نارا وعملو حلة المكرونه,,,قطعوا الخروف كلو مع المكرونه ووضعوه في صواني وبداوا الاكل وبعد الاكل كل منهم ذهب ليستلقي




يامحمود انت الناس دي دايره تنوم هو احنا متين اتحركنا



والله ده البرنامج

................

وفي المدينه لاحظ عوضين السمسار بان الدكانين مقفلين ,,حاول الاتصال ولكن التلفونات مقفله بدا القلق يساور عوضين

لا لا لا ده اصلوا ما ممكن الجماعو ديل فزوا ولا شنو؟ ده قصد عديييييل كده


الشيك مكتوب بي اسمي لازم اتصرف انا

وذهب عوضين الي منزل محمود

كو..كو..كو


منو في الباب؟


انا عوضين صاحب محمود


الليله ووووب جايب خبر راجلي

وفتحت الباب وهي منزعجه


محمود مالوا يازول؟

انا زاتي جيت اسال عليهو دكانو مقفل هو وجارو ان شاء الله عافيه


هو ما كلمك قال ليك ماشي الدهب؟


لا ابدا بس مشي ياتو اتجاه


والله قالو الشماليه لكن وين ماعارفه؟

اممممممممممممم


.....................

وعلي الطريق

يلا يامحمود الناس ركبت العربيه


قوم ارح

ياسبحان الله ده طريق الشمال البقولو عليهو شريان الشمال؟


ااااي ياهو وبرضو اسمو طريق التحدي

لا طريق التحدي داك بتاع كردفان الداير..سبحان الله الطريق ده يودي ثلاثه عربات في نفس الاتجاه وجديد ولامع التقول طربيزة بلياردوا


يازول قول ما شاء الله بتقلب بينا العربيه

انا سمعت انو الطريق دا تحدي ابناء الشمال المغتربين


والله هم ممكن يكونوا ساهموفيهو الشيء البعرفوا انوالحكومة هي السوتوا وكان تحدي ليها

زمان الناس كانو بيموتوا عطش لكن بعد الزلط الحمد لله


اجمل حاجه العلامات البجانب الطريق مكتوب عليها كيلو101

باقي لينا 200كيلو للملتقي وده بيربط كل اتجاهات وتفرعات الشمال

دخلت العربه عصرا الي الملتقي



 
 توقيع : المجمر



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
نعى اليم وفاءة والد الاخ ياسر على 66 المجمر صالون الدعوات والترحيب 2 19-04-13 07:45 PM
خروف العيد مع الكابتن ياسر على ...! المجمر رياضة عالمية 70 01-11-12 11:24 AM
معلومة نادرة شكرا ياسر على المجمر رياضة عالمية 3 07-10-11 05:18 AM
ياسر عرمان المجمر رياضة عالمية 0 24-04-11 12:30 AM

الساعة الآن 05:24 AM.

Powered by vBulletin® Version 3.8.5
Copyright ©2000 - 2019, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com