العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > اخبار الصحف

 
إضافة رد
 
أدوات الموضوع انواع عرض الموضوع
قديم 17-02-15, 08:10 AM   #381
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم




اول مرة اشوف لي زول بجيب ليه هدف (دبل كيك) بي رأسو


• بوبكر كيبي دا (اطهر الطاهر) عكس ليه كورة ..وكيبي كان متقدم ..الكورة وقعت وراه.
• الزول دا خلى جسمو قدام ..ورجع بي رأسو.
• قام كدا قلب ليك الكورة في الشبكة.
• انا اول مرة اشوف لي قون بالطريقة دي.
• قون بتاع (غرف).
• زي الزول العاوز يغرف ليه (دمعة).
• عمل كدا ..وجاب ليك الكورة بشعور خلفي منسبق من العصب الوجداني.
• في اللحظات دي الملعب كلو قال الزول دا ما نصيح.
• الزول دا جنّا.
• الزول دا عاوز يعمل شنو؟.
• الزول دا ما هنا.
• اتاريه الزول دا كان عندو فهم.
• اتاريه كان عندو احساس براهو.
• جلب ليك الكورة زي (الصورة)..ومحورها ليك في الشبكة.
• حارس كي ام كي ..قدر ما بلع (ريقو) ..بلع ليه صفيحة بتاعة (ريق) برضو
ما قدر يعمل حاجة.
• قدر ما اتمطّى ليك في (الجو) عشان يجيب الكورة ..ما قدر يجيب حاجة.
• زي الزول العاوز يتغطى بي (بطانية) مقصرة.
• يقعد الليل كلو يجابد فيها.
• يغطي الرأس ..الكرعين تظهر.
• يعمل العكس ..الرأس يظهر.
• كدا فتشوه.
• كدا اتبنوه.
• كدا اسألوه.
• شوفوه ..الزول دا بكون على الاقل في الحركة دي فقد ليه (13) سن و (4) ضروس.
• نحن القاعدين برة هبشنا (سنونا) لقيناها ناقصة.
• لو كمان ما (الجقور) دي كان قمنا عملنا بالغ .. لكن خفنا يقولوا لينا
يا جماعة انتوا ما عندكم عقل؟.
• الكوبري البي اسمنت وسيخ وطوب ..اتصدع بي سبب (الفئران)..انتوا قون
(كيبي) دا ما عاوزني يخلع ليكم سنونكم.
• غايتو قون كيبي دا ذكرني ليك بالضباح الحريف.
• الجزار المفتح.
• الجزار الاول حاجة بشرب الخروف مية.
• وبعد كدا بيضبح.
• ريحة الشية ظهرت.
• اها لو ما ساي ريحة الشية دي جات من وين؟.
• ح تقولوا لي من (عزام).
• عزام دا شغلو براهو.
• ….
و
• عندي فكرة.
• جيبوا ليكم (حمام) ..واعملوا ليكم منو (شوربة).
• اشربوا الشوبة واضربوا الحمام.
• اعمل ليكم شنو لكن؟.
• عزام يضربكم اتنين.
• نحن عزام دا ما حذرناكم منو؟.
• ما قلنا ليكم.
• اقول ليكم حاجة.
• جيبوا ليكم (ديك).
• قصوا اجنحتو.
• وفكوه في الحوش.
• اقول ليكم شنو عاد؟.
• تتغلبوا لي من (عزام).
• والله لو ما قون (كيبي) دا شرقني ..ما كنتوا الليلة بتمرقو مني.
• مرقكم قون كيبي الدبل كيك.
• لكن ما بينا.
• جيبوا ليكم (عنبلوك).
• احشوه (رز) قبل ما تضبحوه.
• واعملوا شية جمر.
• اسوي ليكم شنو تاني؟.
• الكلام غلبنا عديل كدا.
• …
• و….
• السيدة (ل)…(الاتنين) الليلة وين؟.
• وقرّض على كدا.


الأستاذ / محمد عبد الماجد - عمود دق الدلجة


 
 توقيع : العمرابي



رد مع اقتباس
قديم 17-02-15, 08:53 AM   #382
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



تراورى وعلي جعفر,, كفاية !

وجه المدرب غارزيتو انتقادات حادة للمالي تراورى بسبب اهداره للفرص السهلة التى حصل عليها امام مرمى فريق عزام التنزانى عقب دخوله فى الشوط الثانى ,, كذلك جاءت ردة فعل مساعده محسن سيد فى ذات الاتجاه وكال هو الاخر الهجوم على المالي تراورى قائلا ان الفرص التى اضاعها تراورى لوحده كانت كافية فى ان تحقق الفوز للمريخ !
نتفق مع غارزيتو والكابتن محسن ان تراورى كان نقطة ضعف واضحة فى المقدمة الهجومية ولكن السؤال الذى يفرض نفسه من الذى دفع باللاعب تراورى للمشاركة فى المباراة رغم انه الوحيد الذى ظل لفترة ليست بالقصيرة غائبا عن المشاركة مع زملائه فى الدورى الممتاز ؟
غارزيتو هو من مهد الطريق للمالي تراورى فى ان يعود للمشاركة مع المريخ فى الوقت الذى توقع فيه الجميع ان يركنه غارزيتو على دكة البدلاء حتى يشعر بخطأ تأخره فى العودة الى السودان عقب خروج منتخب بلاده من نهائيات الامم الافريقية الا ان ذلك لم يحدث بل تم تنظيم مباراة ودية ضد فريق الشعله البحراوى ( مخصوص ) للسيد تراورى من اجل تهيئته وتجهيزه للمشاركة مع الفريق ! رغم ان غارزيتو كانت لديه مجموعة من الخيارات الهجومية التى تغنيه تماما من اختيار تراورى لمرافقة البعثة ناهيك فى ان يشارك مع الفريق كبديل فى الشوط الثانى واعنى هنا زميله عنكبه الذى يتفوق عليه من حيث الجاهزية البدنية والذهنية بعدما ظل يشارك باستمرار مع الفريق فى كل مبارياته الودية والرسمية فى الدورى الممتاز ,, هذا لايعنى اننا ندافع عن مستوى بكرى المدينة او الان وانغا فهم جميعهم كانوا عالة على الفريق واضاعوا جهود زملائهم سدى بسبب اهدارهم لكل الفرص التى تهيأت لهم امام مرمى الفريق التنزانى الا انهم الخيار الوحيد امام المدرب بعدما ظلوا يشاركون بشكل اساسي مع الفريق فى كل مبارياته وساهموا فى انتصارات المريخ والمحافظة على صدارته للدورى الممتاز ,, وبكل صراحة نؤكد بان تراورى لم يعد الخيار الافضل للمريخ ولايمكن الرهان عليه طالما انه يتعامل مع المريخ بهذا التعالي وعدم الانضباط الذى تكرر منه اكثر من مرة دون ان يجد العقاب الادارى الذى يوقفه عند حده ,, لهذا نقول بان غارزيتو ومحسن سيد الذين تساهلوا مع المحترف المالي وفضلوه على لاعبين اخرين اكثر انضباطا وحماسا للمشاركة مع المريخ مثل عنكبه عليهم ان يحاسبوا انفسهم اولا ويعترفوا بخطأ تعاطفهم ومكافأتهم للاعب لايستحق ان يبقى يوما واحدا فى كشف المريخ !
كذلك لا احد يمكنه ان يكابر على حقيقة ان الاهداف التى ولجت شباك المريخ فى لقاء الذهاب ضد عزام سببها الاخطاء الدفاعية التى اضحت ظاهرة متكررة فى المريخ والسبب فيها هشاشة العناصر التى يعتمد عليها الجهاز الفنى مثل على جعفر ورفيقه الريح والعائد من الاعاره مصعب عمر ولكن يبقى ( السيد على جعفر ) حالة فريدة من نوعها فى ارتكاب الاخطاء القاتلة التى يدفع ثمنها المريخ كما حدث امام عزام الذى اعترف مدربه الاوغندى بالامس انه قد بنى خطة تفوقه وفوزه على المريخ على اخطاء على جعفر بعدما درس ذلك كما قال منذ الموسم الماضى عندما كان مدربا لفريق كمبالا سيتى ! يعنى ان مدرب عزام يدرك منذ عام كامل بان على جعفر ثغرة كبيرة فى دفاع المريخ بينما محسن وغارزيتو لايعلمون هذه الثغرة !
عموما المريخ خسر شوط اول ولازالت لديه الفرصة فى ان يرد الصاع صاعين لفريق عزام التنزانى ويحرمه من بطاقة الصعود للدور الثانى ولكن مثل هذا الرد لايتم بالامنيات ودعوات الوالدين وانما بالتخطيط السليم واختيار العناصر القوية المظلومة فى كشف المريخ امثال النجم الوفي المخلص احمد عبد الله ضفر والمقاتل عنكبه بدلا من ( ثنائى السخط والغضب ) على جعفر وتراورى !


الأستاذ / علم الدين هاشم - عمود بهدوء


 
 توقيع : العمرابي



رد مع اقتباس
قديم 18-02-15, 07:47 AM   #383
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



المرحوم كان عندو (عزام) في بنكرياسو

الجماعة قاعدين في السهلة ..متل (الفاصل الأخير) في الحفلة ..تلقى قزاز البارد مجدع بين الكراسي
""""""""""""""""""""""""""""""""""
المريخاب ديل طبعاً خبر (البكا) عندهم من الساعة سبعة لكن ما طلقوا (البكا) إلّا بعد مباراة الهلال
""""""""""""""""""""""""""""""
البقول ليك المرحوم ما كان عندو أي شيء ...الزول دا العصر كان راكب عجلتو وحايم في الحلة
""""""""""""""""""""""""""""""""""""
خامساً – جمال الوالي بقول أنا ماشي ..بقول أنا ما قاعد ..أنا الجماعة ديل عملت ليهم أي شيء وبطلعوا لي من دور الـ (64)
""""""""""""""""""""""""""""""""""""""""""
• فالحين لي في (علي جعفر).
• وينو البصل؟.
• شطارتكم بس في علي جعفر.
• وينو الفحم؟.
• علي جعفر – حوّل المواقف.
• حول المستشفيات.
• علي جعفر – صدع كوبري المنشية.
• وينو الدقيق؟.
• علي جعفر – قال قاطعوا الانتخابات.
• علي جعفر – عمل أزمة الغاز.
• وينو اللبن؟.
• الولد مسكين اتسبب في (القون) الأول لعزام – البلد كلها قامت فيه.
• طيب (الأقوان) البتدخل في البلد دي من صباح الرحمن ..سببها منو؟.
• لو عرفتوا السبب ح تقدروا تقولوا شنو يعني؟.
• ولا حاجة.
• أحسن نتابع مسلسل (نساء حائرات).
• غايتو الزول وقت يكون ما قادر يقول أي حاجة ، ولا كلمة – بكون ما عندو خيار غير (علي جعفر).
• لذلك اعذرونا.
• علي جعفر الوحيد البستحمل النقد وما بقدر يقول أي حاجة.
• ولا بقدر يعترض.
• ما عاوزين نطلع من الموضوع.
• أحسن نفش غلنا في (عزام).
• ليه عزام يغلب المريخ اتنين؟.
• وين قانون حماية المستهلك؟.
• وين قانون الرقابة؟.
• وين ناس المرور؟.
• اتنين ليه؟.
• اتذكرت لي (حكاية).
• أمس طبعاً ما كان عندنا غير الجرايد الرياضية.
• ما في غير الجرايد الرياضية.
• الجرايد الاجتماعية ذاتها أمس كانت مافي.
• عشان كدا فتشنا ليك الجرايد دي حرف – حرف.
• ما خلينا فيها شيء.
• الإعلانات قريناها.
• حرف ما سقط مننا.
• ما عندنا خيار غيرها.
• قريت للمريخاب ..لقيت ليك الجامعة عندهم أزمة عزام أخطر من أزمة الغاز.
• الجماعة قاعدين في السهلة ..متل (الفاصل الأخير) في الحفلة ..تلقى قزاز البارد مجدع بين الكراسي.
• وتلقى ليك شافع أو اتنين ما عارف – بيراجعو في صحانة العشا الفارغة.
• قريت للمريخاب ..لقيت زي العندهم خبر وفاة.
• زي المات ليهم زول.
• حسيت ليك بالبكا ذاتو فيه ترتيب.
• فيه نظام.
• الجماعة ديل طبعاً خبر (البكا) عندهم من الساعة سبعة لكن ما طلقوا (البكا) إلّا بعد الساعة عشرة.
• بعد مباراة الهلال.
• ح تقعدوا تشرعوا لي.
• وتقولوا لي كيف الكلام دا؟.
• الموضوع في منتهى البساطة.
• في منتهى (الأناقة).
• ناس المريخ ديل بعد ما اتهزموا من (عزام) صفر / اتنين ..قالوا أحسن ما نطلق البكا.
• قالوا أحسن نسكت.
• وما نقول أي حاجة.
• لمن نرتب أوضاعنا ..ونشوف مباراة الهلال ح تنتهي كم؟.
• وبعدين نقدر الأوضاع.
• لو الهلال لخبط في المباراة وما حقق ليه نتيجة كويسة ..تبقى الحالة واحدة..لا نحن بنقدر نقول شيء ولا هم بقدروا يقولوا شيء.
• ولو كمان الهلال انتصر ووضع قدم في دور الـ (32) ...نطلق الكواريك طوالي.
• أصلو ما بنصبر.
• وأصلو ما بنسكت.
• بس يا جماعة خبر البكا دا دسوهو لمن تنتهي مباراة المريخ.
• ديل العقلاء – ديل الحكماء في المريخ كانوا عشمانين.
• عشمانين (كي أم كي) يعمل ليه حاجة أمام الهلال.
• الهلال الأيامات دي ما مقنع ..يعني ممكن يتعرقل في أرضو ووسط جمهورو.
• عشان بنتعرقل ليكم.
• يا جماعة نحن (التمهيدي) دا ذاتو مفروض ما نلعب فيه.
• نحن التمهيدي دا جاملناكم فيه ساكت.
• تمهيدي شنو؟.
• كمان وقت نتواضع ونلعب في (التمهيدي) عاوزين تطلعونا من دور الـ (64).
• والله مسخرة.
• أوعك!!.
• انتهت مباراة الهلال ...والحمدلله الهلال انتصر.
• الجماعة طلعوا ليك في الشارع.
• سمعنا لينا أصوات غريبة.
• بكا شديد.
• بكا مبالغ فيه.
• طوالي دخلنا فيهم شمال ..يا جماعة المرحوم مالو؟.
• المرحوم كان عندو شنو؟.
• البقول ليك ما كان عندو أي شيء ...الزول دا العصر كان راكب عجلتو وحايم في الحلة.
• والبقول ليك ..شرب كباية اللبن وتاني ما قام.
• والبقول ليك كان بقرأ ليه في جريدة ..هبشناه لقينا ما في نفس.
• والبقول ليك ...الأيامات تمت بس.
• لكن تحت – تحت قالوا المرحوم كان عندو (عزام) في البنكرياس.
• قلنا ليهم (عزام) دا شنو؟.
• كمان عزام وصل البنكرياس.
• الجماعة ديل ما عندهم (دفاع).
• الجماعة ديل المناعة حقتهم مالها ضعيفة كدا.
• كيف يخلوا (عزام) يصل (البنكرياس).
• دا إهمال شديد.
• الناس ديل موش كانوا في معسكر مقفول في قطر ومصر.
• موش لعبوا أمام شالكا.
• طيب مالهم ..البوصل (عزام) البنكرياس شنو؟.
• بعدين تعالوا هنا يا جماعة ..عاوز أسأل سؤال محرج شوية.
• سؤال فيه شوية (استفسار).
• عزام دا حاجة غير (الورم).
• غير التليف.
• غير الجلطة.
• غير السكتة.
• عزام في النكرياس دي أول مرة نسمع بيها.
• يعني تاني الواحد وقت يمشي ليه لي دكتور من الحالة الفيها (علي جعفر) ديل ..بسأل الله بس ما يكون عندو عزام في البنكرياس.
• بعدين أنتوا يا جماعة لو جيتوا للجد البلد دي (بنكرياساتها) انتهت.
• لا عندها (بنكرياس) ولا حاجة.
• نحن بنكرياساتنا دي لو كانت من (الحديد الصلب) ما بتستحمل البعملوا فيها دا.
• كوبري المنشية ما استحمل.
• نستحمل نحن.
• شن قدرنا نحن على الحاجات دي.
• شفتوا الزول من تلقوه (بشوبح) في عيونو.
• وقاعد (ينكرش) كدا أعرفوه عندو (عزام في البنكرياس).
• ما قلت ليكم..(عزام في البنكرياس) – دي زي (صعايدي في الجامعة الأمريكية).
• حاجة ما بتخلص.
• مرة عندنا واحد تعب.
• فجأة كدا قام واقع لينا.
• قلنا ليه يا زول أنت البوقعك في آخر الشهر شنو؟..أنت ما تراعي ظروفنا شوية.
• ما تقع لينا في ظرف أحسن من الظرف دا.
• المهم اتلقطنا وشفنا لينا (لوري تراب) ومشينا على المستشفى.
• الدكتور يدخل ويطلع فينا.
• آخر حاجة قال لينا جيبوه جوه.
• شلناه جوه.
• الدكتور من عاين ليه كدا قنع منو؟.
• قال لينا الحالة دي عندو من متين؟.
• قال لينا من كورة المريخ وعزام.
• الدكتور قال لينا بس كدا أنا وصلت للتشخيص الصحيح – الزول دا عندو (عزام في النكرياس).
• نحن كنا ما عارفين – قلنا ليه يا دكتور المرض دا خطير.
• قال لينا خطير الشوية دي.
• يا دكتور وأعراضو شنو؟.
• قال لينا جيبوا ليكم ورقة وقلم واكتبوا الأعراض.
• أولاً – هجوم عنيف على (علي جعفر).
• ثانياً – صهينة من (الريح علي).
• ثالثاً – التهاب في الأطراف (بله جابر ومصعب عمر).
• رابعاً – شعور بالحاجة الملحة للشطب.
• خامساً – جمال الوالي بقول أنا ماشي ..بقول أنا ما قاعد ..أنا الجماعة ديل عملت ليهم أي شيء وبطلعوا من دور الـ (64).
• جمال الوالي تاني ما بقعد.
• الخسارة دي زعلتها على الأقل (6) شهور.
• سادساً – خروج من دور الـ (64)...خروج من التمهيدي.
• طيب يا دكتور والعلاج شنو؟..الحالة دي يخرجوا منها كيف؟.
• الدكتور قال لينا الخروج من الحالة دي تشاركوا في (سيكافا).
• وسيكافا ذاتها تشاركوا فيها بصورة مستعجلة.
• الموضوع ما بيستحمل.
• ما بيستحمل أي تأخير.
• كلموا عبدالصمد محمد عثمان من هسع يكثف الاتصالات ..ويعمل اللازم.
• خلوه يشوف ناس (كي أم كي) ديل ..بلعبوا معاكم في سيكافا.
• أصلو الهلالاب ديل تاني ما بسكتوا ليكم إلّا بي (سيكافا).
• ما في حاجة بتسكتهم غير (سيكافا).
الأستاذ / محمد عبد الماجد - من عمود و إن ظال السفر


 
 توقيع : العمرابي



رد مع اقتباس
قديم 18-02-15, 07:50 AM   #384
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم




• ملحوظة : مباراة الإياب ما عندكم حل غير تلعِّبوا (عبدالصمد) رأس حربة ..بكري المدينة ذاتو تاني ما فايق ليكم.
هوامش
• سلك عمل طناش.
• وين رسالتك إليَّ يا سلك؟.
• وين الاحتجاب لظروف فنية؟.
• وين عثمان حسين؟.
• مزمل قال ليهم رجعوا عادل أبوجريشة.
• أبوجريشة لكن بحلكم.
• إلّا ترجعوا ود الياس.
• المشكلة فوق..المشكلة ما في مدير الكورة.
• يشيلوا مدير الكورة.
• يرجعوا مدير الكورة.
• يشيلوا مدير الكورة.
• يرجعوا مدير الكورة.
• نحن فترنا من الحاجات دي.
• اعملوا ليكم حاجة أكبر من كدا.
• بكري المدينة يضرب في (الباكمبا) ما عارف الراجيه شنو؟.
• ما عارف (الفيفا) بتعمل ليه في شنو؟.
• لو كنت عارف يا بكري ما بتاكل ليك باكمبا.


الأستاذ / محمد عبد الماجد - بقية عمود و إن طال السفر


 
 توقيع : العمرابي



رد مع اقتباس
قديم 18-02-15, 08:35 AM   #385
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



نعم فشل ذريع !

نتفق مع الاخ جمال الوالي بان خروج المريخ من الدور التمهيدى لدورى الابطال - لاقدر الله - يمثل فشلا ذريعا لمجلس الادارة وعاملا محبطا للجماهير والاعلام بعد النتيجة السلبية التى انتهت عليها مباراة الذهاب ضد فريق عزام التنزانى الذى ليس له سابق خبرة طويلة فى دورى الابطال ويحسب ضمن الاندية المغمورة فى سماء الكرة الافريقية ولامقارنة بين تاريخه ومسيرة المريخ الطويلة فى البطولات القارية ,, ولكن السؤال كيف العمل على تجنب هذا الفشل الذريع ؟ اعتقد ان من واجب رئيس نادى المريخ وبقية زملائه فى مجلس الادارة الذين من المفترض ان يعودوا الى غرف الاجتماعات اليوم بعد غياب طويل ان يعملوا على تهيئة اللاعبين نفسيا واخراجهم من حالة الاحباط التى تسيطر عليهم بسبب الهزيمة الفنية والنفسية التى تعرض لها الفريق فى تنزانيا وذلك بادخال اللاعبين مباشرة فى معسكر مغلق يسوده الانضباط اولا وثانيا وثالثا وعاشرا حتى موعد المباراة وابعادهم عن الشحن الزائد حتى لايتعرضوا لاى ضغوط يمكن ان تؤثر على ادائهم وتركيزهم داخل الملعب نقول ذلك رغم ان كل التجارب السابقة فى مثل هذه المباريات التى يبحث فيها الفريق عن الفوز النظيف بغلة وافرة من الاهداف كانت الجماهير هى مصدر الضغوط بسبب استعجالها للاعبين والهتاف ضد بعضهم اذا لم يوفق ايا منهم فى تمرير الكرة او حتى التسديد على المرمى الامر الذى كثيرا مايغتال معنويات اللاعبين ويخرجهم من اجواء المباراة وبالتالي يؤثر سلبا على ادائهم ويضعف من مردودهم لاسيما وان لاعبينا المواطنين عموما مصابون بداء النرفزة والعصبية الزائدة بسبب ( هشاشتهم ) وعدم قدرتهم فى تحمل اى ردة فعل غاضبة او ساخطة تصدر ضدهم من المدرجات بل بعضهم لايقوى حتى على كلمة نقد فى الصحف الرياضية !
وجود اللاعبين فى معسكر مغلق امر ضرورى فى هذا التوقيت الذى يسبق مباراة الرد خاصة وان للفريق مباراة ضد مريخ السلاطين يمكن ان تدخل فى اطار الاعداد البدنى والذهنى للاعبين حيث لازالت هناك فرصة امام المريخ عليه ان يتمسك بها ويقاتل من اجلها بدلا من الاستسلام والاحباط الذى يمكن ان يقود مباشرة الى الفشل الذريع الذى يتحدث عنه رئيس النادى !
النيلين وبى ان سبورت
من الواجب ان نحمد للدكتور معتصم جعفر رئيس الاتحاد العام جهوده المستمرة حول معالجة امر بث الدورى الممتاز حتى تكللت بالنجاح وتوقيع العقد مع ادارة التلفزيون التى اوفت بوعدها – كما جاء فى اخبار الامس - فى تسليم الاتحاد العام مبلغ 3 مليارات جنيه عبارة عن متاخرات سابقة ومقدم للعقد الجديد ,, نشكره على هذه الجهود رغم التأخير الذى صاحب عملية ترتيب العقد الجديد والاخطاء المتكررة وعدم الوفاء بحقوق الاندية التى ظلت تشكو لطوب الارض منذ الموسم الماضى فى عدم تسلمها حقوقها المتأخرة من اموال الرعاية والبث التلفزيونى ,, والان بعدما اصبح امر البث واقعا ماثلا بموجب الشراكة الجديدة بين التلفزيون وشبكة قنوات بى ان سبورت فان الغالبية العظمى من جماهير كرة القدم داخل وخارج السودان تامل وتدعو المسؤولين فى تلفزيون الحكومة بضرورة العمل الجاد نحو اعادة قناة النيلين مرة اخرى الى القمر نايلسات بدلا عن عربسات ,, وذلك لما يوفره نايلسات من مشاهدة واسعة لقناة النيلين على عكس عربسات الذى لم يعد مستخدما كما كان فى السابق لمحدودية قنواته الحكومية وشبه الحكومية ,, نتمنى ان يكمل التلفزيون جميله ويستجيب لرغبة الملايين من الرياضيين داخل وخارج السودان من الذين لايملكون بطاقات اشتراك فى قنوات بى ان سبورت

الأستاذ / علم الدين هاشم - عمود بهدوء


 
 توقيع : العمرابي



رد مع اقتباس
قديم 18-02-15, 08:39 AM   #386
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



× تشدد من شرطة المرور واحكام رادعة تصدرها المحاكم على المخالفين بتخطي الاشارة الحمراء.. وليت حملات المرور تضاعفت وليت الأحكام صارت أكثر ردعاً لهذه المخالفة الخطرة التي ذهبت بمئات الأرواح وحطمت فيها آلاف السيارات والتي يمارسها المتهورون بقمة عدم المسؤولية واللا مبالاة وتعظيم سلام لشرطة المرور..!
× طال غياب الهلال من زيارة دائرته المقفولة الابيض وعروس الرمال نفسها غابت طويلاً وكثيراً من المنافسات الاتحادية.. وبعد غيابه وغيابها الذي ذكرناه يدخل الهلال الى حاضرة شمال كردفان حاملاً شوقاً وحلماً وتمنى لجماهيره العريضة هناك وهو يلاقي هلال كردفان الذي حقق الآمال وادخل ولاية بأكملها في منظومة الاندية السيادية بالبلاد.. الخلاصة ان وصول الهلال للابيض حدث كبير واثق ان لاعبي الهلال سيكونوا في حجم الحدث وأكثر.. ويا حلات الابيض بالهلال ويا حلات الهلال في الأبيض..!
× العقرب لم يتشقلب رسمياً حتى الآن وتراوري "الموظف" الذي يسافر ويحضر متى ما أراد ظل وما برح مدافع للخصم اكثر مما هو مهاجم للمريخ.. ووانغا غائب أو مغيب.. وعنكبة مرغوب وغير مرغوب فيه.. هذا هو هجوم المريخ والمريخ يلعب حالياً بحارس مرمى واحد هو الآخر "فار وخمد" خلف دفاع "رحيم" لا ينقض ولا يقطع وكريم يهدي مالا يهدى واعلام يتحدث عن "العالمي" والعالم هنا غير جميل وربنا يلزم المريخاب الصبر الجميل..!
× عزام المنتصر نسى تماماً انه انتصر وبدأ في تجهيز نفسه بشكل جيد وكأن شيئاً لم يكن وللأسف فالمريخ المهزوم لم يتحرر بعد من ضغوط الهزيمة ولا زال رهن اعتقالها وما انفك اسيراً لها.. ولو كان قرار المريخ عندي لمنعت لاعبي الفريق من قراءة الصحف الصفراء وعرضتهم على الطب النفسي.. فما يكتب وما يقال والمتداول جاذب المريخ لهزيمة جديدة وربنا يكضب الشينة..!
× لاعب المدرب قد لا يكون مرئياً للجمهور خاصة اذا ما اراد مدربه خفياً وبمهام محددة وهذا ما قد يجعل الجمهور غير راض عن اللاعب وفي تقديري وبعض ما يحدث للاعب سيدي بيه الذي يريده المدرب بشكل ويرغب فيه الجمهور بشكل مختلف هو كذلك.. وعموماً اذا ما قيم كل مشاهد اللاعب بنظرته الشخصية فأي لاعب سيكون مصيره الرسوب ولن ينجح احد..!
× التدريب الخاص و"الشغل الفردي" وحده ولا شيء سواه هو القادر على معالجة لاعبي الهلال من علة اهدار الفرص وياما وياما وياما شفنا مدربين يدربون مهاجمي الهلال على احراز الاهداف من حالة الانفراد الكامل وياما وياما وياما شفنا مدربين يدربون لاعبي فريقهم بالمستوى الفردي على التهديف في الزاوية الضيقة والزاوية البعيدة وحالياً فلا تدريب ولا شغل فردي وكل من يهدر فرصة في مباراة يهدرها في المباراة التي تليها ولا من شاف ولا من سمع..!
× تشخيصات وتقارير طبية مختلفة ظهرت موضحة اسباب امراض المريخ.. و"روشتات" مختلفة كتبت عن العلاج فيها "أمصال" لمجلس الادارة و"دهانات" لجائرة الكرة و"حبوب وادوية شراب" للجهاز الفني واللاعبين.. وفي تقديري الشخصي فأمراض المريخ تعدت مرحلة المسكنات والعلاج بالعسل.. ودخلت الى مرحلة الكي بالنار والجراحة.. والجراحة نفسها جراحة استئصال ومجلس ادارة النادي الذي يفترض ان يكون الجراح الناجح هو ليس كذلك ولهذا بقى وسيبقى المريخ طريح الفراش..!
× بالمناسبة قبل الخسارة امام عزام نفى الاعلام المريخي الخلافات داخل القطاع الرياضي ودائرة الكرة.. ونفى هذا الاعلام بشدة هيمنة السيد عبدالصمد على القرار الكروي.. و"طبطب" هذا الاعلام عن ما دار بين عبدالصمد والجنرال صديق وما بين عبدالصمد وابوجريشة وما بين غارزيتو وبرهان وما بين غارزيتو ومحسن وان كانت الهزيمة تشكر فعزام بانتصاره اهدى مشكوراً المريخ عيوبه فهلا استفاد المريخ من الهزيمة؟ حتى الآن ما اظنش..!


الأستاذ / عبد المنعم شجرابي - عمود أضرب و أهرب


 
 توقيع : العمرابي



رد مع اقتباس
قديم 18-02-15, 08:46 AM   #387
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



افراح الهلال واحزان المريخ

# موفد الشركة الصينية التي ستنفذ الجوهرة الزرقاء وصل الخرطوم وطاف بموقع العمل بمعية رئيس واعضاء مجلس الهلال.
# ما ظنه أعداء الهلال مجرد وعود إنتخابية يتحقق الآن على أرض الواقع.
# على مسار ثان عين المجلس المدرب مصطفى النقر مساعدا لباتريك.
# مجلس الكاردينال أحسن الأختيار لأن باتريك مميز في وضع الخطط الدفاعية والخندقة ويحتاج لمساعد فكره هجومي.
# (النقر) افضل من يعالج العقم الهجومي عند البلجيكي لاسيما وان قاقارين المستشار الفني من ذات المدرسة.. مدرسة طرائق اللعب الهجومية.
# الهلال عال العال وكل إموره تجري من حال لأحسن حال.
# الوضع في النادي الاحمر غير.
# الإتهامات المتبادلة ونشر الغسيل والهجوم على اللاعبين وعدد من الإداريين حاشدة في المشهد الاحمر..!
# المحنة الحقيقية في الإعلام الأحمر والذي وصفه رئيس النادي من قبل سالب.
# إعلام المريخ شن هجوما لاذعا على اللاعبين وطالب بمقصلة الشطب..!
# الأقلام التي وصفت لاعبي المريخ بـ(العالمي) عادت بعد علقة عزام لتطالب بشطبهم..!
# غازريتو الذي هللوا لتعاقده مع المريخ انقلبوا عليه وقالوا ان كيسو فاضي..!
# تراوري الذي زعموا انه خبطة التسجيلات طالبوا بالتخلص منه..!
# الإتهامات طالت الإداريين وهناك من وصفهم بالسماسرة..!
# النيران تشتعل بالقلعة الحمراء.
# الإعلام الأحمر أدان الجميع ونسي نفسه ولم يعترف بأنه أصل الداء وأس البلاء.
# لم يقر بأنه من روج للتسجيلات وإدعى أنها الأفضل ولم يعترف بأنه دعم ضم عواجيز الهلال.
# لم يقر بانه من خدع الجماهير وإتخذ التطبيل لمجلس المريخ بدلاً من المناصحة.
# حينما كتب الاعلام (الأزرق) وحذر من القنابل الموقوتة في تشكيل قطاع الكرة زعم الإعلام (الأحمر) أن تلك مكيدة زرقاء وأن عبد الصمد سمن على عسل مع أبو جريشة وصديق..!
# عقب قمة الاستقلال كتبنا عن علي جعفر وقلنا أنه لا يجيد الا الضرب على الاجساد وانه ثغرة لكن الاقلام الحمراء اسرفت في مدحه حتى وهو يمارس سوء السلوك مع الحكم ضعيف الشخصية.
# جمال الوالي دفع الكثير وكان حريصاً على تحقيق إنجاز قبل مغادرة المريخ لكن الإمور لا تبدو كذلك.
# (علي جعفر) المسكين بات المتهم الأول في علقة عزام.
# المدرب العام لعزام قال (راهنت على أخطاء علي جعفر لأنه أهداني هدفين في الخرطوم حينما كنت أدرب كمبالا سيتي وهدف في أوغندا).
# البعض طالب بشطب علي جعفر لأنه أهدى كمبالا سيتي 3 اهداف وهاهو يهدي عزام هدف رابع.
# علي جعفر الذي أهدى خصوم المريخ 4 أهداف في 3 مباريات بخلاف التي تكفل بها الحارس والقائم يمكن ان يكون صانع العاب ناجح لاسيما وأن المريخ لم يجد صانع العاب منذ ان تم اقصاء فيصل عجب بطريقة غير كريمة.
خربشات
# علي جعفر يؤذي المريخ ويشكل أفضل صانع ألعاب للخصوم وسفاري يتألق مع الشنداوي..!
# (الريح علي) ينافس على جعفر في السوء ويشكل معه بوابة عبور وسعيد السعودي يشكل إضافة حقيقية للنمور..!
# إنه المريخ ولا عجب.
# جماهير المريخ باتت تتشاءم من علاء فييرا.
# منذ إلتحاقه بالمريخ والأحمر يخرج من التمهيدي.
# علاء بصمة نذير شؤوم.
# الهلال إختار فيصل موسى وترك ضفر الذي تدحرج من لاعب دكة لمطرود حتى من السفر.
# ضفر بات رفيق مالك النيجيري الذي لم نره داخل الميدان منذ سنوات..!
# آخر مرة شاهدنا مالك كان بشعار الشنداوي.
# كل المدربين الذين تعاقبوا على المريخ أجمعوا أن مالك لا مكان له حتى في الاحتياطي.
# مزمل وحده الذي يناصر مالك لأنه من أوصى بضمه.
# أطهر الطاهر بات نجم الهلال الأول وهناك علاء نيمار زينة شباب الهلال.
# الهلال بات مطمئنا على مستقبله وفي الطريق جكسا ومعتصم.
# مستقبل الهلال يتشكل داخل الميدان ولا وجود لمستقبل المريخ.
# لا ابراهومة ولا شمس الفلاح ولا غيرهما..!
# لا يزال المريخ مع بلة جابر ومصعب عمر وبقية العواجيز.
# شورى المريخ دعا لإجتماع طارئ.
# منذ إعادة تشكيله برئاسة ود الياس وشورى المريخ يوالي الإجتماعات دون ان يدفع فلسا..!
# شورى الهلال دفع نصف مليار وفي الطريق مثلها.
# زعم مامون أبو شيبة أن الهلال اجبر بكري المدينة على توقيع العقد بمعسكر الهلال قبل لقاء القمة.!
# أبو شيبة إعتبر ذلك حجة قوية لأبطال شكوى الهلال في لوزان..!
# من يقول لابو شيبة ان العقد تم بمنزل الكاردينال في وجود مجلس الهلال ووكيل معتمد من الفيفا (أبو بكر).
# من يقول له ان بكري عبر شقيقه وخاله سعوا وحفيت اقدامهما حتى يوقع الهلال مع بكري.
# عموما لوزان لا تهم كثيراً بمكان توقيع العقد ولا بالضغوط ولا خلافه لوزان تسأل فقط هي وقع بكري عقدا ام لا؟ وهل إستلم مالا أم لم يستلم..
# الحقيقة التي لا ينكرها مكابر أن بكري وقع عقداً مع الهلال وتسلم 800 مليون.
# كلما تواترت الانباء عن تسبب تراوري وفشله الفني شكرت قاقارين الذي رفض شروط اللاعب المالية للعودة الى الهلال.
# 400 ألف دولار تعادل 4 مليار ورغم ذلك صيام عن الاهداف حتى في التمهيدي..!
# بكري وتراوري بـ(7 مليار) ورغم ذلك فشل ذريع وصيام عن الأهداف..!
# المريخ يملك أغلى خط هجوم ورغم ذلك فاشل..!
# من يقول لأهل المريخ ان عبده جابر افضل الف مرة من بكري وتراوري.
# لم يعجبني ظهور نائب رئيس الهلال بقناة قوون أمس الأول ومع صحفي متواضع القدرات قال ما قال في مجلس الهلال.
# قناة (قوون) العدو الأول للهلال يا عزيزي أحمد عبد القادر.
# محمد سيد أحمد هاجم مؤسسة الرئاسة وقال (الأموال التي تم دفعها لبث الدوري كان اولى بها منسوبي الحكومة الذين لا يجدون المرتبات)..!
# محمد سيد احمد قال ذلك إنحيازاً لقناة قوون التي سعت لاحتكار التلفزة..!
# نقول لجاكومي اللوم على رئيس الاتحاد الذي لاحق رئاسة الجمهورية حتى وافقت على دعم البث.

الأستاذ / معتصم محمود - عمود الموج الأزرق


 
 توقيع : العمرابي



رد مع اقتباس
قديم 18-02-15, 08:53 AM   #388
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



أوصياء المريخ.. هم أس البلاء..!!


* مخطئ من يظن أننا سعدنا لهزيمة المريخ، أو فكرنا في الشماتة سواء على المجلس أو اللاعبين لأن ذلك الأسلوب ليس من طباعنا ولا نعرف التعامل به سواء في حياتنا العامة أو الخاصة فما بالك تجاه الأشياء التي نحبها..!!
* يعلم الله أننا لا نعرف التعامل بأسلوب (تصفية الحسابات) الذي اشتهر به البعض، ولا نفكر أبداً في الإساءة إلى أي شخص أو التقليل من شأنه فقط كل ما ظللنا نردده طوال الفترة الماضية لا يخرج عن إطار الاختلاف في وجهات النظر..!!
* ظللنا ننتقد الطريقة التي يدار بها المريخ ولم نسئ في يوم من الأيام لقادة المجلس ولا ولن نفكر في تحويل ذلك الفهم، في الطريقة التي يدار بها المريخ، إلى خلافات شخصية والعياذ بالله..!!
* أشرنا وسنظل نشير إلى وجود خلل كبير وتداخل عميق في الاختصاصات يتسبب بصورة مباشرة في تراجع وتواضع المريخ بداية من الطريقة البالية في التسجيلات ومروراً بغياب الاحترافية في التعامل مع اللاعبين..!!
* ولو يدرك أصحاب المصالح ما ظلوا يرتكبونه من أخطاء فادحة وبطريقة متواصلة في كل موسم هو المتسبب في السقوط لما وصل الحال إلى درجة السوء الحالية..!!
* نبدأ بغياب الاحترافية وما ظل يمارسه المجلس ودائرة الكرة وجل الإعلام الأحمر مع اللاعبين الذين يفترض أنهم يمارسون الاحتراف وسنجد الطريقة السلبية هذه هي التي تسببت في تسيّب اللاعبين خاصة الأجانب..!!

* يحدث ذلك ونتابع البعض يتحدثون عن سلبية تراوري وعدم نجاعته أمام المرمى، والمؤسف أن من يرددون تلك الكلمات هم أنفسهم الذين ظلوا يرحبون باللاعب عقب عودته المتأخرة في كل مرة..!!

* غياب الرؤية الفنية في التسجيلات هي التي تسببت في إهمال سد النواقص الموجودة في التشكيلة الأساسية خاصة خط الدفاع والإبقاء على العناصر التي أثبتت التجارب غير مرة فشلها ولا ننسى التركيز على الاحتفال بلاعبي الهلال..!!

* المجلس ترك كل شيء يتعلق بمستقبل الفريق وتفرغ للتعاقد مع فائض الهلال من اللاعبين.. لماذا..؟!! ربما لأجل أن يمارس البعض المكاواة مع الهلالاب ولدرجة تسببت في ظهور شرخ خرافي بين اللاعبين..!!

* التعاقد مع بكري المدينة ما هو إلاّ حلقة من مسلسل طويل بدأ منذ سنوات وظل ثابتاً في كل عام حيث يقوم المجلس بدفع المليارات للتعاقد مع فائض الهلال، وبالتالي يجد لاعب النادي وابنه نفسه مجبوراً بإجراء مقارنة بين وضعه ووضع اللاعب الجديد..!!

* هيبة النادي التي ضاعت بفعل تلك التصرفات وغيرها هي سبب السقوط المتكرر ولا ولن يستعيد المريخ عافيته إلاّ إذا سعى الجميع لتجاوز حقيقة المأساة التي وقع فيها النادي ربما من دون قصد أو تخطيط..!!

* تخريمة أولى: إعادة هيبة النادي أمام اللاعبين بداية من الأجانب وتحديداً تراوري يعني وضع قدمنا في سكة العودة، مع ضرورة مراجعة بقية الأخطاء والهفوات التي ذكرناها في بداية المقال..!!

* تخريمة ثانية: من المؤسف أن بعض من نصّبوا أنفسهم أوصياء يعتقدون أن المريخ ملك خاص لهم يتحركون فيه كما يشاءون ويقررون من يكتب ومن يمارس الحقد وغير ذلك.. مع العلم أن تلك المجموعة المخدوعة هي أس البلاء..!!

* تخريمة ثالثة: مباراة الإياب صعبة جداً وتحتاج أول ما تحتاج للتركيز طوال الـ(90) دقيقة مع ضرورة التعامل الخاص من الناحية النفسية مع اللاعبين ولنا عودة بإذن الله..!!


الأستاذ / محمد كامل سعيد - عمود كرات عكسية


 
 توقيع : العمرابي



رد مع اقتباس
قديم 18-02-15, 08:58 AM   #389
المشرف..العام


الصورة الرمزية العمرابي
العمرابي غير متواجد حالياً

بيانات اضافيه [ + ]
 رقم العضوية : 1488
 تاريخ التسجيل :  Jul 2012
 أخر زيارة : 01-04-15 (09:31 AM)
 المشاركات : 2,428 [ + ]
 التقييم :  10
 الدولهـ
Qatar
 الجنس ~
Male
لوني المفضل : Cadetblue

اوسمتي

افتراضي رد: من أقوالهم



فرحة النقر وحزن الرشيد إسترلينى


تعيين النقر مدربا عاما للهلال اختيار صادف أهله النقر يملك شهادت علياء بالاضافة لممارسته اللعبة وسبق أن درب كثير من الفرق الاهلى الخرطوم وفرق الولايات فى التاهيلى
لذلك لقد بارك الاهلة قرار مجلسهم بان يتولى مصطفى النقر المدرب العام حتى يضيف الى سيرته الكثير ويصبح دعامة كبيرة لفريق الهلال فى المستقبل القادم
لقد إبتسم الحظ لكثير من أبناء الهلال لمشاركتهم فى السلك التدريبى ولكن كان العطاء متفاوت ولكن عشمنا بان يقدم كابتننا الخلاق النقر مردوداً جيداً من خلال المتابعة اللصيقة للمدرب باتريك ليكون خير خلف فى المواسم القادمة .
عموما لابد أن يعطى النقر الفرصة كاملة وانا شخصيا اري أن مستقبل الهلال فى السلك التدريبى قى ابنائه وصعلهم بكورسات خارجية وهى من صميم مجلس الهلال فى كل المراحل الكروية بالهلال .
نجد البعض يصعب من مهام المدرب العام وهى محدودة بامر المدير الفنى لاتخرج من توجيهاته التدريبية ام من يملك الاجتهاد الشخصى فيلازمه الفشل وتلك المعضلة التى ظلت تلازم كثير من المدربين
فرحة كبيرة غمرة الوسط الهلالى بتولى النقر المدرب العام لفرقة الهلال متمنية له كل التوفيق فى مشواره مع الهلال فى التدريب ان كان قد تاخرالقرار قليلا .
نافذة
سواء تجاهلوك او تناسوك فى غمار مشاغلهم الرياضية إلا أننى أنتهزها فرصة لكي أدعو كل مؤسساتنا الرياضية وأجهزتنا الرياضية التى تعمل فى المجال الرياضى ان توليم مزيد من رعايتها واهتمامها بقدر ما قدمت للوطن ولاندية من عطاء مستمر
وايا كانت الطريقة التى نعبر بها عن هذه الحقيقة تبقى الصورة شديدة السواد فى الوسط الرياضى وخاصة فى الهلال وباعثة للتشاؤم .فهولاء الذين يسمون بقدامى اللاعبين لا يجدون الاهتمام من انديتهم ولا اتحادهم العام والمحلي ولا المؤسسات الرياضية ولا رجال الأعمال ولا حتى من أخوانهم ميسورى الحال من اللاعبين
لقد كانت تلك المقدمة تعبر عن حزن أصاب الجميع من الاهلة إثر الوكعة التى المت بلاعب الهلال السابق والود الشقى الرشيد استرلينى بعد أن تعرض الى كسر بالرجل وتم إسعافه ولكن تدهورت حالته الصحية لسبب ما والآن يرقد طريح الفراش بمستشفى رويال كير بالعناية المركزة
نافذة اخيرة .
وقدمت له عدة مناشدات من الاخوة فى الوسط الرياضى نتمنى ان تجد اذن صاغية عند رجال البر والاحسان فى الوسط الرياضى الذين لم يبخلو يوما على قدامي اللاعبين والمدربيين والحكام وأياديهم ممدودة بيضاء لتسعد كل سقيم فى الوسط الرياضى
خاتمة
ما بين فرحة الاهلة بقدوم مصطفى النقر وتقلده المدرب العام لنادى الهلال والخروج من محنة هذه الوظيفة التى يجب يتم فيها صغل ابناء النادى للمستقبل القادم
وبين حزن الاهلة على حالة اللاعب المشاكس السريع البديهة الرشيد استرلينى وهو طريح الفراش بمستشفى رويال كير ؟؟؟
الأستاذ / صلاح الأحمدي - عمود رأي حر


 
 توقيع : العمرابي



رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

الساعة الآن 11:43 PM.

Powered by vBulletin® Version 3.8.5
Copyright ©2000 - 2019, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com