العودة لصحيفة كفر و وتر الالكترونية

مركز تحميل الملفات

 

العودة

 

شبكـة و منتديات كفـر و وتـر > الأقــســـام الــعـــامــة > رياضة عالمية

 
إضافة رد
 
أدوات الموضوع انواع عرض الموضوع
#1  
قديم 21-10-12, 08:44 AM
زائر
لوني المفضل Cadetblue
 رقم العضوية :
 فترة الأقامة : 18186 يوم
 أخر زيارة : 01-01-70 (03:00 AM)
 المشاركات : n/a [ + ]
بيانات اضافيه [ + ]
افتراضي انا سوداني



عارفك انت سوداني
ومولود في بلد تاني
دايرك تعرف السودان
... وتنقل عني الحاني

اكلت الكسرة باللوبه؟؟
بتعرف تقلب الهوبه ؟؟


وعمرك شفته راكوبه؟؟

في يوم فلقوك بي طوبه ؟؟



لبسته الجبه مقلوبه ؟؟

حضرت العرضة والنوبه ؟؟

بتعرف يمه حبوبه

وكت تمرق سعن روبه



لعبت شليل.. شليل وين راح ؟؟

عضم بالليل.. عضم وضتـاح

جهاله غبش نفتشو صاح

ونلعب يومى ما بنرتاح



بتعرف تمشي كداري؟

تسوق العجله سداري

وتركب في الحمار جاري

تشوت الكورة ضفاري



هوي يا بنيه قشي الحوش

ومشطي شعرك المنكوش

وخلي البيت دوام مرشوش

وفرشي في البرنده بروش



وكت حماد قعد صنقر

وحلب البقره واتحكر

ومرق العجلة من الكر

وقال للكلبه ابعدي جر



اشرح لي قولة ( عــر)

معاها الدوكه والقنقر

وقندول الفريك اخدر

والفرة البتخلع فر



ادليت عقرت خدار

ودحشك فر منك وعاار

وحشيت في الجنينة عدار

وغنيت في الفجر مسدار



اكيد ما بتعرف الزغرود

وما جربت ضرب السوط

ولا غننلك البنوت

ولا غنمك رعن حنثوت



اياديك ناعمة ما حشن

ولا جربت مويه الشن

وما قفيت غنم طشن

لقيتن في الخدار خشن



هل شركت لي طيره؟

وشركك هبت في غيرا

في ديك عمتك خيره

وترقد صوف وفريرة



بتحضر مولد المختار؟

وتسمع للمديح بالطار

والدرويش يلف دوار

ونلف برا نحن صغار



في يوم قرقرت زمباره؟

حضرت الحفلة في الحاره؟

وباريت ليك طمباره

سمعت الدنيا زوااره



تعرف الليقة والتربال؟

شال طوريتو راس المال

وحرم التكة والسروال

وقال للواطه جوكي رجال



رجال تسقي الخدار بالليل

اياديهن خشن بالحيل

بياكلو حلال حليلن ديك

كرام والله زي النيل



خروف مضبوح عشان الضيف

وجه مطروح صديق ما زيف

خصالن تتعب الوصيـــف

وكان واصلت ما حاقيف



سمعت الساقيه لافة تدور؟

ونضم السلياق للتور

والحاحايه فيها سرور

زهجان علبو الزرزور



ديك حسبان مع الواسوق

واحد يشد وواحد يسوق

وديك حنيات هناك بي فوق

يشتتو في الخدارمادوق



هداك اللوري شايك السوق

وحس البوري سوا القوق

سيدو الحاج شهامة وزوق

وما فات ليه قط مخلوق



جدودك في الدواس ظاهرين

وساعة الحارة معروفين

اسود الخشه نابت شين

يقصو الزول عديل نصين



السودان كريم وحبيب

بلدمضياف وسيع وحيب

اسال عنه اي غريب

بقول ليك زيو مافي قرين



اخيرا بسال الرحمن

يسلم بلدك السودان

يرقيها ويعلي الشان




رد مع اقتباس
قديم 15-11-12, 10:48 AM   #2
زائر


الصورة الرمزية الرمح الملتهب

بيانات اضافيه [ + ]
 رقم العضوية :
 أخر زيارة : 01-01-70 (03:00 AM)
 المشاركات : n/a [ + ]
لوني المفضل : Cadetblue
افتراضي رد: انا سوداني



لك التحيه والاحترام اخونا هلال فعلا الزول كما يطلق علينا فى المهجر ظل ولسنوات طويله سفيرا فوق العاده لبلاده التى كانت مرتع صباه وهواه وكان حين يزكر الزول
يقترن ب
الامانه
الصدق
الشهامه
الرجوله
وهنالك مقوله متتداوله عن الخليجيون يقولون ( الزول كما نفعك مستحيل اضرك)
الزول كان عمله نادره لكن
ياويح قلبى .....حالنا تبدل الان
من اوصلنا لهذا
لماذا نصدا وعرفنا ان المعدن الاصيل لا يصدأ


 

رد مع اقتباس
قديم 15-11-12, 06:10 PM   #3
عضؤ..مميز


الصورة الرمزية جنى الجدى
جنى الجدى غير متواجد حالياً

بيانات اضافيه [ + ]
 رقم العضوية : 53
 تاريخ التسجيل :  Dec 2009
 أخر زيارة : 15-06-13 (08:48 AM)
 المشاركات : 359 [ + ]
 التقييم :  10
لوني المفضل : Cadetblue

اوسمتي

افتراضي رد: انا سوداني




سوداني جد
كلمات/ عبد الوهاب هلاوي




سوداني جد سلام علي
لو شفتو مرة تحس بي
سوداني جد في كل شي
في قعدتووقومتو ومشي
في ضحكتو في نبرتو وقولت كدي
سوداني في البيت الكبير
ديوانمفرش بالحرير
تلقاه في التلت الاخير
من الكرم تبرق عيني
سوداني بالسيف السنين

سوداني في صبر السنين
والله يوم الحق يبين

الروح يمين بتهون على
سوداني في الراي والفهم

سوداني في لا لا ونعم
عز الرخا وعز العدم

ما بغير الحال العلي
سوداني من ما قام ولد

ما خوفوه بي أُخ شرد
بعز بنات كل البلد والمتلو قط ما اتولد
سوداني في عشق الارض
سوداني في سترالعرض
سوداني بالطول والعرض
في عزتو وحفظ الفرض


 
 توقيع : جنى الجدى

كن قلبا ورحا تمر بسلام على الدنيا...
حتى ياتى يوم رحيلك الى الاخرة...


رد مع اقتباس
إضافة رد

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
زفاف سوداني أسطوري المجمر صالون الدعوات والترحيب 2 19-09-14 09:31 AM
فيلم سوداني يفوز بكبرى المجمر الحوادث..والاحداث 0 18-09-14 02:35 PM
يوميات سودانى /ياسر على عبد الرحمن المجمر الملتقى العام 13 16-08-14 10:33 PM
سودانى دفع 2.250 مليون مهراً وطلقها بعد 3 أشهر المجمر الملتقى العام 0 15-05-13 08:12 PM
زواج سودانى يكلف 26مليون دولار .. المجمر رياضة عالمية 1 13-02-12 04:08 PM

الساعة الآن 05:07 AM.

Powered by vBulletin® Version 3.8.5
Copyright ©2000 - 2019, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010

 

Development By Magictor.com