شبكـة و منتديات كفـر و وتـر

شبكـة و منتديات كفـر و وتـر (http://www.cover-sd.com/forum/index.php)
-   ركن..الثقافة..والفنون (http://www.cover-sd.com/forum/forumdisplay.php?f=40)
-   -   حبك برضه لذيذ sweet (http://www.cover-sd.com/forum/showthread.php?t=12938)

المجمر 11-02-17 03:28 PM

حبك برضه لذيذ sweet
 
حبك لذيذ sweet


انت مهما جريت ومهما قسيت
حبك برضه لذيذ sweet

ليه يا قاسي ستة شهور
more وامكن Since I saw you

ماشي وجاي حزين مأسور
بين الـ windowوبين ال door

ليه تظلمني وتنسي هواي
وأنا بحبك زي my eye
وصولك كيف ومكانك high
تعال أدركني before I die

ليه يا قاسي كفاي تعذيب
في ذكراك I can't sleep
داخل قلبي جروحك deep
تعال أدركني before I weep

بحلم بيك أناday and night
أنا والنوم دوام في fight
ماعرفت شمالي من my right
هل الكلام دم منك right !

المجمر 11-02-17 03:29 PM

رد: حبك برضه لذيذ sweet
 
الخط شــــــــبك


- ألو منو ؟

- واحدة يتكلم مكتبك

- قصدِك منو؟ الخرطوم هنا

- ما عارفه مال حيكون رَبَك

- أقصد أقول امكن يكون الخط شبك

- أنا قصدي انه يكون شبك

والروعة انه يكون شبك

- بس اسمك منو ؟ وقصدك شنو ؟

- أنا قصدي الحقيقي أونسك

وأنا من زمن حاضنه الهوي ومتمنية أقدر أعرفك

وسألت عنك يا عظيم وعرفت اسمك ونمرتك

وضربت ليك أونسك

وامكن ونستي بتعجيك

- حصل الشرف

وتعجبني من أول حرف

- ليه ما بتخاف أطلع جريئة وأمقلبك ؟

- مـأ بتقدري

- أتحدي ليــــك الـدريــك

- والله من ضحكتِك خليتيني أفتكرك ملك!

وكلامك المنساب عسل

خلاني أشتاق لو أصل

حتفولي انك مين و وين ؟

ولا نقفل ونقول الخط شبك؟

- لا أقول ما في شك

بس أيدأ من وين في الشرح !

ما دام قليبك منشرح

طبعي السمح

ولا من لون القمح

ولا البسيمة المذهلة

والوجنتين الكملن حد الحلا

والعيون الـ بالطبيعة مكحلة

وخصلة زي تاج الملوك للكواحل مسدلة

يكقيك كده ؟

- يكفيني كيف يا حلوة يا مستهبلة

في الحقيقة في القوام كلمات أحب أتأملها

واسمك يا لذيذة ما في شك بدون أوصاف حلا

- القوام فارع مديد لو شفتو حتقول الصلاة

وحكاية الاسم اللذيذ أحسن نسيبها نأجلا

لكن حروفه الأربعة فيهم اثنين واو ولا

والباقي مـا حنـ\قولها لا

أحسن نسيبها تعذبك

لمن تشوفنا ونعجبك

- طيب متين نتلاقي يا ست البنات يا مذهلة
؟
ما تقولي لي استني روق دي حكاية ما بستحملها

- بالغت كـــــك !!

خلاص معاليك ارتبك ؟

وبديت تجهز في الشرك؟

وحسبت حتي مرتبك !

القصة كلها يا لذيذ وبدون زعل

مقلب أكيد سببه المــــــــــــــــلل

تلفون جديد

وفراغ شديد

وقليب رهيف خلوه في البيت وحيد

وضربت ليك أتسلي بيك وأمقلبك

باي باي خلاص انساني قول الخط شبك

- لكن وحاتك ما أعرف الحلوة المعاها الخط شبك؟
-
- ما فيش لزوم بس قول جميل

أشبع غرورك وعذبك!

والخط شبك

المجمر 11-02-17 03:35 PM

رد: حبك برضه لذيذ sweet
 
أصله القصة قصة حب



سمحة وطيبة يا ناس الله هالكاني

وبالهار كاري كاتلاني

ومحضرة من زمان كفني

وأصله القصة قصة حب

وما بقدر أناضمها تـــب

أقيف قدامـها أتـكبـكـب

وأمرق الكلمة ألقي التانية ما بتركب

وكل يوم أقول الليلة أبقي عنيد

المجمر 11-02-17 03:36 PM

رد: حبك برضه لذيذ sweet
 
وقلبـــــــــــــــــــي حديــــــــــــد

حروفي الليلة حقوا تزيـــــــــــد

وأنقشـــها بكلام الريــــــــــــــد


ومما أشوفها قلبي يقيف

وأقيف أرجف

وريقي يجف

وساقي يلف

وعيني ترف

وأحس بزوغة في العينين

وصوت عربات وطايرات ودبابات صلاح الدين

وجملي تلاتة أقولها بتلهيف

صباح الخير

وكيف الحال وعاملين كيف

وسيد الناس يقول أهلاً ويتبسم

وأنا أتبكم وأتبجم

وأترمد وأتسجم

وأقول أكتب يجيني مغص

وأغادر للبركس بالدس

وكل يوم نقول باكر نعيد الكرة

ولي هسة عدنا الكرة متين مرة

ويا ناس الله نرمي الكلمة تطلع برة

أنا أستسلمت ملكي هلك

الرخ والطابية عاملين check

نودي يمين يقيف اسمك

نودي شمال يبين حسنك

ووبين اسمك وبين رسمك

نموت بالجملة في حسنك

صله القصة قصة حب




سمحة وطيبة يا ناس الله هالكاني

وبالهار كاري كاتلاني

ومحضرة من زمان كفني

وأصله القصة قصة حب

وما بقدر أناضمها تـــب

أقيف قدامـها أتـكبـكـب

وأمرق الكلمة ألقي التانية ما بتركب

وكل يوم أقول الليلة أبقي عنيد

وقلبـــــــــــــــــــي حديــــــــــــد

حروفي الليلة حقوا تزيـــــــــــد

المجمر 11-02-17 03:37 PM

رد: حبك برضه لذيذ sweet
 
وأنقشـــها بكلام الريــــــــــــــد


ومما أشوفها قلبي يقيف

وأقيف أرجف

وريقي يجف

وساقي يلف

وعيني ترف

وأحس بزوغة في العينين

وصوت عربات وطايرات ودبابات صلاح الدين

وجملي تلاتة أقولها بتلهيف

المجمر 11-02-17 03:38 PM

رد: حبك برضه لذيذ sweet
 
صباح الخير

وكيف الحال وعاملين كيف

وسيد الناس يقول أهلاً ويتبسم

وأنا أتبكم وأتبجم

وأترمد وأتسجم

وأقول أكتب يجيني مغص

وأغادر للبركس بالدس

وكل يوم نقول باكر نعيد الكرة

ولي هسة عدنا الكرة متين مرة

ويا ناس الله نرمي الكلمة تطلع برة

أنا أستسلمت ملكي هلك

الرخ والطابية عاملين check

نودي يمين يقيف اسمك

نودي شمال يبين حسنك

رهيب الفول


يا حبيب الشعب يا إنتاج بلادي

الله ما أحلاك بالجبنة والزبادي

فيك سحر غير عادي

إنت القدر والحبيب

رهيب والله رهيب

في مناسباتنا العديدة

دايما مشكل حضور

في السمايات والمآتم

في العرس والطهور

يا الكل يوم معانا

في العشا والفطور

عنك ما بنتخلى

إنت القسمة والنصيب

رهيب والله رهيب

نحن البيك همنا

وإنت سبب أذانا

في البيت والمطاعم

شايلين الصحانة

يا الساقينا موية

في الشتاء والسخانة

يا مسمار بطننا

يا أجمل حبيب


*****

المجمر 11-02-17 03:38 PM

رد: حبك برضه لذيذ sweet
 
يا ود عم الفاليوم

وجودك مهم في البيت

في كل المحافل

أصبحت ذايع الصيت

الله ما أحلاك بالبصل والزيت

من ما ناكلك إنت

نكوس العنقريب


*****

المجمر 11-02-17 03:39 PM

رد: حبك برضه لذيذ sweet
 
رهيب والله رهيب

أصلي ولد بلدنا

ماجابوك بالمطار

فيك فيتامين مغذي

زي السمك والخضار

وحاتك إنت طاعم

لو بالملح والشمار

إن شاء الله تكون فطورنا

في الجنة أم همبريب

رهيب والله رهيب


*****
يا النبتة العجيبة

وصفك تعدى الخيال

بتقوم في أي حتة

في الرمال والجبال

وإنت سبب الهزائم

للمريخ والهلال

ديل راقدين جنايز

ناقصم النحيب

&&&&&&&&&&&&&&&&&

المجمر 11-02-17 03:40 PM

رد: حبك برضه لذيذ sweet
 

نـــــــدى



قلتي ليّ سموك ندى!؟!

وده منو السمّاك ندى؟

ده أكيد أبوك

إنعل كِدة!

فيك شنو يسمّك ندى!؟

في صوتك أتخن مننا

إضنين كُبار زي دِشّنا

وتقولي ليّ سمّاك ندى!

خشمك ده ريحتو معفّنة

ايدين كبار حقات بُنى

وتقولي لي سمّاك ندى!؟

المشية كتّاحة وعلال

كرشك تقول شايل جَنى

وتقولي لي سمّاك ندى!؟


قالت لي "ها هدى في البطاقة إسمي ندى"

شوف يا أخ..

مافيش علاقة بينك وبين ندى

خلّيها ندى ..

خالت قريبة جارت صديقة ناس ندى

ما فيش علاقة

ندى في العيون أكحل مجعّد مسوّدة

انتي العيون فوقن قضى

ندى في الحواجب زي هلال

قصة نصوم دي مؤكدة!

انتي الحواجب دلجة بس

قلم الحواجب هاردها

وتقولي لي سمّاك ندى!؟

ندى تبتسم آلالاف مؤلفة تسعدها

وانتي الخشم شارّة التلاليش

بس طبق ومغطّي صينية الغدا

ندى في الوشيش نظرك بشيش..

ما يعقّدها

وانتي الوشيش وش الجحيش

نخرين كُبار كُرعين ردا

وتقولي سمّاك ندى!



المجمر 11-02-17 03:40 PM

رد: حبك برضه لذيذ sweet
 
قاتلي "آي أنا إسمي ندى"

شوفي أوعك تقولي اسمك ندى

ندى ما بس الاسم

ندى الجمال زايد الأدب زايد العلم زايد الفهم

ندى في الجمال ما شُفنا أجمل من كِده

ندى في الدلال خصّاها بيو رب العباد حين أوجدها

ندى في الأدب ..

ربّوها بيو رجال ياكلو النار مولّعة موقدة

ندى في الكلام

طبيعي صوتا بيجيب صدى

ندى في "البزاغ" ..

شربتي "سفن أب" ياهو ده !

وتقولي لي سمّاك ندى!


&&&&&&&&&&&&&&&&



الجوال

أجبر خاطري بس يا زول

لو حني بي مس كول

ليه أصبحت جافي وريدك ما هو صافي

صارف عني ولا إظهار رقم مافي

قول لي أيه يفيدك وأنا قلبي البريدك

هو مشحون بحبك وانت ضعيف رصيدك

الدنيا بطــالة وما دايمة أحوالها

لو تعبان رصيدك فرحني برسالة

قزازة الريحــة ريدتي معاك صريحة

بقي جسمي السلبته أرق من الشريحة

بقي عقلي ما ثابت وفيّ عزولي شامت

ما عرفت موبايلك محظور ولا صــامت

خليتـني مرتبكة وبحرقة قلبي بكـي

وكيف تسمع نداي وأنا خارج الشيكة

لو نرضي يا
رهيب الفول


يا حبيب الشعب يا إنتاج بلادي

الله ما أحلاك بالجبنة والزبادي

فيك سحر غير عادي

إنت القدر والحبيب

رهيب والله رهيب

في مناسباتنا العديدة

دايما مشكل حضور

في السمايات والمآتم

في العرس والطهور

يا الكل يوم معانا

في العشا والفطور

عنك ما بنتخلى

إنت القسمة والنصيب

رهيب والله رهيب

نحن البيك همنا

وإنت سبب أذانا

في البيت والمطاعم

شايلين الصحانة

يا الساقينا موية

في الشتاء والسخانة


الساعة الآن 06:11 PM.

Powered by vBulletin® Version 3.8.5
Copyright ©2000 - 2019, Jelsoft Enterprises Ltd. Trans by
HêĽм √ 3.2 OPS BY:
! ωαнαм ! © 2010