• ×

مدرب غير محترم!!


@ حتى كتابة هذه السطور لا اعرف من هو مدرب الهلال الجديد لكني اجزم انه عاطل وغير محترم .
@ عاطل لانه لو كان متعاقداً مع اي ناد ما امكنه خرق العقد والانتقال للازرق .
@ غير محترم لان المدرب الذي يراعي قيم المهنه واخلاقياتها لا يتولى فريق في خواتيم الموسم وقبل ساعات من مباراة تنافسيه مهمه .
@ المدرب المحترم لا يتعامل مع رئيس ناد يبدل الاجهزه الفنيه كما يبدل ملابسه .
@ المدرب المحترم يتولى الفريق مع بدايات الموسم وربما قبل ذلك ليشرف على التسجيلات والاعداد .
@ عموماً ما يحدث بالهلال مؤشر قوي للخروج من البطوله الافريقيه وربما المحليه .
@ عدم الاستقرار الفني لم يكن يوماً الطريق نحو البطولات والالقاب
امسح للحصول على الرابط
بواسطة : معتصم محمود
 17  0  4.5K
التعليقات ( 16 )
الترتيب بـ
الأحدث
الأقدم
الملائم
  • #1
    ممدوح عزالدين 06-13-1440 04:0
    أولا التهنئة لعموم الصفوة الكرام أهلي الحمر جالب الفرح الوحيد والأوحد ولا عزاء لأصحاب الصفر الدولي ولو أظهروا أنهم يتمنون خيرا لنا فهذا قمة النفاق
    الهلال أستاذي الفاضل وصل لنهائي الكؤوس العربية قبل دمجها مع الابطال ولعب امام الملعب التونسي وكانت فضيحة المنشطات ألا تذكرون هيثم السعودي في بطولة 2002 وليس 2003 كما تدعي مبروك للصفوة إنجاز فريد ومن أقدام زجاجية
    ولا ننسى الشكر كل الشكر لكردنة على الهدايا القيمة ونقول له إنت كريم ونحن نستاهل

    اللهم أنصر زيسكو الزامبي بخماسية مازيمبية وبس
       الرد على زائر
    • 1 - 1
      Gaili 06-15-1440 08:0
      الهلال وصل دور الاربعة 2006 وخرج امام الرجاءالمغربي الذي فاز بالبطولة امام انبي المصريز
  • #2
    Bushar 06-13-1440 04:0
    أولا. يا حرباء. مافى مريخابى. واحد. قلل من شان الهلال. أو اى فريق اخر فى السودان. انت وامثالك هم من يتريقو على الهلال.
    عليك. الله. اقرأ مقالك. كويس. متقلب فى آراءك باختصار كيسك فاضى أما أحلامكم. جزء من ماضينا. المقولة. صحيحة. وما فى اتنين يتغالطوا. لان المريخ. سيد البلد الحقيقى. وزعيمه. أما كونك تكتب. استلموا نصف مليون واطلعوا من المنافسة. انت. عارف والكل عارف من الفريق الذى هرب من لمنافسة خوفا من الهزيمة. بالسبعات. من وفاق اسطيف. ولكذاك. كتابات امثالك لا يسمن ولا يغنى من جوع انت ما مهضوم. حتىى من الهلالاب يا مزمل. يا كوابهم. قريش مريخابى. برضوا نحنا فى المريخ اخوة وألله يا مزمز. كرهت. العواطلية
       الرد على زائر
    • 2 - 1
      أبو محمد 06-14-1440 09:0
      يا بشار يا أخوى بالجد هو المريخ سيد البلد الحقيقى لأنه تسمية سيد البلد قالها السر قدور فى قصيدة عن المريخ فى الستينات
  • #4
    حسن الامين 06-13-1440 06:0
    ههههههههههاي الانسحاب شبهكم يا اسطيفاب
    المريخ لن يهرب من المعارك زيكم يا هروب العرب هههههه
       الرد على زائر
    • 4 - 1
      سلامات للرياضة 06-20-1440 04:0
      اسال زيكو من الهروب الكبير ههههههههههههههههههههههه
  • #5
    حسن الامين 06-13-1440 06:0
    نحن اكبر منك عمر ونعرف المريخ والهلال جيدا المريخ اكبر من الهلال في كل شي عمر وتأسيس وكله
    واسأل ناس ابوك اوليد هلالك اللي فرحان به بقاية من المريخ
    والمريخ ما بهرب واسأل ناس ابها بالمملكة العربية السعودية من هو الهارب دوما في محافل العرب
       الرد على زائر
    • 5 - 1
      Tariq 06-15-1440 02:0
      انت هروبك مننا موثق يا زيكو هاهاها ليس الفتى من قال كان ابي
  • #6
    eltayeb.farah@gmail. com 06-13-1440 08:0
    ماعلاقه انتصار المريخ بانجاز الهلال فى هذا الوفتحتى الهلالاب يقول مبروك لمن يمثل السودان باى انتصار حتى ولو بسيط ونحن فى المريخ نحب انتصارات الهلال انت كاتب لا تفقه شى ولا تصلح انت تكتب لهذا المجتمع سطر لماذا دايما تدعو للعصبيه والتعصب بين طرفى قمه السودان اخرج وممكن ان يرد عليك مريخابى زيك كدا يقول ليك وفاق سطيف منتظر مباراته مع الهلال الهارب
  • #7
    عبدالله محمد عبدالله 06-13-1440 08:0
    ي معتصم محمود ياخ شوف ليك شغلة غير المريخ انت مالك ومالو يعمل اعظم انجاز ولا يطلع من البطولة
    وبعدين خوفك من سبعاية الوحدات لمن يقابل النجم الساحلي يابني ادم خوفك دا خليهو على فريقك عشان تصلحو الحال والله اعلم ينصلح حالكم بالأوضاع الحالية لناديكم واللبيب بالأشارة يفهو - وقع ليك كلامي ياخوي- معادلة عقرب في غربال تساوي اوجاع امة كاملة
  • #8
    جمال الدين هاشم 06-13-1440 09:0
    والله حكاية حكاية اول انتصرنا علي الترجي في تونس وانتصر علي النجم الساحلي عام 1908 لكن تقول نحن نسحب انت هربت من مقابلة وفاق سطيف الاختشو مات بعدين انطق بحق قول اول فريق سوداني يصل دور الاربعه في بطولة العربية يعني حق يقول ناس ماعنده ذمه
       الرد على زائر
    • 8 - 1
      سلامات للرياضة 06-20-1440 04:0
      اسال زيكو من الهروووب
  • #9
    احمد عثمانt 06-13-1440 10:0
    اي بطوله التي تتحدث عنها هروب من أبها ومن وفاق سطيف وهزيمه بالسته من الرجاء والاربعات في بطوله الرياض من الفيصلي الأردني والفريق اليمني وأخيرا جابت فضيحه منشطات هيثم السعودي ..اختشي تاريخك في البطوله العربيه كالح السواد
  • #10
    صهيب 06-14-1440 01:0
    يا حربوية ، امشي شجع المريخ الذي تحبه، ما في هلالي مقتنع بالذي تكتبه، انت ما بتخجل من كتاباتك، كل يوم تكتب ان المدرب ما نافع ما نافع و لما شالوه قلت اي مدرب يجي ما نافع، يعني عايز الهلال بدون مدرب ، الم تسمع باقالة المدرين في نصف الموسم ؟ انت الظاهر عليك ان كفيلك حاقد على الكاردينال و لذلك كل شيئ يفعله طبعا لا يعجب كفيلك و بالتالي لا يعجبك، خليك مالي هدومك و بلاش هذه التناقضات التي تحاول ان ترضي بها كفيلك و لكنها ترتد عليك ، ده لو اساسا عندك مبدأ.
  • #11
    إبراهيم محمد الحسن 06-14-1440 09:0
    يا خسارة من يدعون أنهم كتاب ..
    أرحم نفسك وشوف ليك شغلة يا حاقد ...

    نقطة صفر جديد ...
  • #12
    أبو محمد 06-14-1440 09:0
    @ الهلال وصل نهائي البطوله عام (2003) .
    غير صحيح .... البطولة التى وصل فيها الهلال النهاءى هى بطولة الكؤوس العربية وليست البطولة العربية للأندية وهذا للعلم
  • #13
    عادل عابدين 06-14-1440 03:0
    انت انسان حاقد والشىء اليعجب فى رئيس الهلال لايهتم بكتاباتك ولا يعرها أدني إهتمام. عشان كتن شوفت ليك شغالة تانية غير شغل القوالات يكون احسن
  • #14
    Gaili 06-15-1440 08:0
    الهلال وصل دور الاربعة في بطولة الاندية العربية امام الرجاء المغربي الذي فاز بالبطولة امام انبي المصري.
  • #15
    محمد الفاتح عمر عثمان 06-16-1440 12:0
    جمال كوز ودخول الكيزان للرياضة أفرغها من مضمونها
    تسيس الرياضة أكبر جرائم نظام الكيزان في البلد
    وماتدخل أمانة الشباب بالمؤتمر (اللاوطني) في كل إنتخابات الأتحاد العام والإتحادات المحلية وخاصة الخرطوم والأندية وخير مثال المريخ الذي دمر بسياسة الديون من مجالس المؤتمر (اللاوطني) منذ ماهل أبوجنة والراحل تاج السر محجوب وونسي وجمال الوالي
    #تسقط_بس
    #وتصعد للنهائي بس
  • #16
    بابكر عوض الشيخ 06-19-1440 01:0
    (حتى كتابة هذه السطور لا اعرف من هو مدرب الهلال الجديد لكني اجزم انه عاطل وغير محترم )
    السطر أعلاه يثبت أنك خالي الوفاض وجاهل ! لأن الكوكي الآن جاء من فريق خليجي وتم رفع شكوى ضده للفيفا
    لتعاقده مع الهلال العظيم وهذا أمر كبير كونه يترك فريق خليجي ويأتي لتدريب الهلال ولكنك خميرة عكننة عداوتك متواصلة مع الكاردينال الذي لم يعرك نظرة إهتمام فيما تكتب من خزعبلات ثانيا المريخ فريق سوداني يشرف أي هلالابي إنتصاره على أي فريق أجنبي عدل من وضعك ومفاهيمك واستغفر ربك من مقالاتك الكريهة ونسأل الله أن ينتصر فريقي القمة في كل المحافل .
أكثر
لا توجد مباريات
لا توجد مباريات
لا توجد مباريات