• ×

ما قلت ليك ..انا ..قلت ليك .من قبل دا..!!

■ انا قلت ليكم ..عن المريخ ..
وعن (ميدو) ..دكتور الكرة السودانية الجديد ..
انا قلت ليكم .. انتظر محمد عبد الرحمن ..المهاجم الاخطر ..علي مستوى المجموعة كلها ..هذا المساء ..!!
■ وعن (حمامة)..شدوا اوتار الضلوع انا بحكي ليكم ..عن (نقاطا)..انا قلت ليكم عن (ضمانا).. وان الازرق سيبقي (الطريدة)الاذلية ..لمريخ السودان ..اسد الخشش الضرية ..الاحمر الباطش ..!!
■ عفوا ..احب ابوعركي ذلك الاحمر الرائع الموله ..ولكن من اين لي ريشته ودواته ..واشيائه الجميلة ..؟؟
■ المهم ..
فزنا ..وهزمنا الليل ..و(هزمنا الليل) ..
وبالامس فقط كتبنا هنا عن قدرة نادى القرآن علي دق عنق (الطلس).. المنافس في رابعة نهار الخرطوم الاغر .. وقلت بالحرف ..اننا نتحدى غرفة (دفن الليل) الزرقاء ..
■ و..الاهم ..
اننا اعدنا كل حظوظنا ..حتي في انتزاع صدارة المجموعة ..التي ان اخرجت منها الاحمر ..تستحق تصنيف اضعف مجموعات الشامبيونزليق الان ..
■اعدنا ..كامل حظوظنا ..لان تفريط النجم الساحلي في ملعب حقل البطاطس غدا ..سيدخله عرين اسد ارض النيلين الجريح في عقر ملعبه بسوسة العروسة في معركة قفص حديدي ..يخرج منها حيا واحد فقط ..مريخ السودان او نجم تونس ..و الانثربولوجي يؤكد انها مواجهة مع الموت المكشر كفاحا ..يا شوالي ..
■ ما علينا ..
تلك مرحلة ..لها عدتها ..دعونا ..نعود لمعركة التأهل ..وحسم (النقة) الزرقاء التي لا تنتهي ..امس ..
■ دعونا ..نحمد الله سبحانه وتعالي الذي من علينا بنصره العزيز ..اللهم لك الحمد حتي ترضي ..اللهم لك الحمد اذا رضيت ..اللهم لك الحمد بعد ان ترضي ..
■ قبل ان نعود لنؤكد ..انها ..اي الديربي ..كانت كتابا مكشوفا لنا .. ولذا تحدثنا بثقة تامة ..في الله .. عن فوارق ساحقة بين كشف وكشف
■ ويكفي اننا حددنا بالاسم .. ميدو الفنان ..لحسم المباراة ..واكدنا اننا ننتظره ..تحديدا ..هذا المساء ..
■ الف مبروك ..لكل شعب المريخ .. فلقد استحقوا هذه العودة المظفرة ..
مبروك ..للمجلس الذي يقف (بعضه) وليس (كله) وراء كل ما يحقق النجاحات للمريخ
الف مبروك للريس الشاب .. الرجل الذي تجده في كل ذرة ترتبط بتفاصيل اي سانحة تنهض بالكيان ..
مبروك ..لقروبات الاحمر ..وتجمعاته بمواقع السوشيال ميديا ..
■الف مبروك ..لتنظيم اوفياء ..عالمي ..بدر ..عبده ..حاج قريب حسام وكل البقية..وللديناكوردات فردا ..فردا .. بقيادة النفراوى ..شمت ..عجبنا ..الصحاف.. محمد الامين
والبقية ..
■الف مبروك ..لغرفة المكافحة .. عمر البشير ..عراقي ..عكاشة ..ولفرسان المملكة ..خالد الشيخ ..ابو وضاح .. بيكو ..النيل ..خال عفراء ..
■ ولكن ..هذه العجالة لا تكفي .. غدا نفصل ..
آخر الاجراس..!!
~~~~~~~~~~~~~~~~

*معروف الاسد ، بضرب وصيفو وجارو*
~~~~~~~~~~~~~~~~~~
■ غدا ..صفحة الاجراس الكاملة ..لماذا اخترنا محمد عبد الرحمن ..فرسا للرهان امس..؟؟
■ اصابة مارسيال ..الضارة النافعة التي خدمت المريخ ..ولو خرج تالا لما اهتزت شباك سالم .. ولغني حسين الصادق ال3 نيسانات..علي الاقل..
■دفاع شرس ..بس المحاور وين..يا حسين..؟؟
■ فراسة مؤمن ..وخبرة لاعب سابق ..وصقل .. وليس سحرا او رجما بالغيب ..او ادعاء ..

■ دعونا نبقي مع ..ابداعات صناجة الاحمر الشاب العزيز ..ابوبكر عبدالله بيكو ..

وانتصر الاسد ، ، ، ، الليلة ذااااااد ، ، مقدارو
نقرش (للخفيف) ، ، ، ببساطة هسع طارو
معروف آب زرد ، ، مافي البعيق ، ، اقدارو
مين جاب (الهلال) ، ، الليلة جووة اوكارو

----------بيكو-------

زعيم أفريقيا واحد ، ، والشفوت ، ، انصارو
جلاد الفرق ، ، ، والكأس مؤكد ، ، ، ، ، كارو
المريخ فريق ، ، ، ثوارو ، ، ، هم ، ،، احرارو
قاطر للفرق ، ، ، من خلفو عربات ، ، سارو

الابطال زماان ، ، ، ، ، قالولنا نحن ، ، ، ، اسيادو
وفي الإعلام كمان ، ، ، قالو اكملو ، ، استعدادو
معروف الزعيم ، ، ، شايل المكارم ، ، ، ، ذادو
قلنالكم قبيل ، ، ، ، اختو الزعيم ، ، ، ، وأولادو

ديل زي الجحيم ، ، غارزيتو بي ، ، افكارو
والجمهور عجيب ، ، ، شاعل لهيبو شرارو
معروف الزعيم ، ، ، ، وكتين يزيد اصرارو
ينقر (للهلال) ، ، ، ،

انضرب (الهلال) ، ، ، الليلة ناسو ، ، إحتارو
من رجم الزعيم ، ، الذاد كسح ، ، ، إعصارو
مريخ الوطن ، ، ، الساس رفيق ، ، إعمارو
حالف باليمين ، ، ، يسعد جميع ، ، انصارو

نجمين في السطوع ، ، والباقى زي فيريفارو
مافيش اختلاف ، ، ، من هسه ، ساكت طارو
معروف الأسد ، ، ، بضرب وصيفو ، ، وجارو
يلتهم (الفريسه) ، ، ، ، وينبسط في دارو
امسح للحصول على الرابط
بواسطة : حسن حمد
 0  0  8.7K
التعليقات ( 0 )
أكثر
لا توجد مباريات
لا توجد مباريات
لا توجد مباريات