• ×

الكاردينال يواصل تشليع الهلال


لم اتفاجأ بشطب (قائد) الهلال من الكشف
كل المؤشرات كانت تشير الى ان المخطط يهدف لشطب العميد
ابعاد العميد عن التشكيلة لفترة طويلة قرار (اداري) و ليس فني
الابعاد كان الخطوة الاخيرة قبل الشطب
نقول ان القرار اداري لان دفاع الهلال كان الافضل حتى لحظة حظر سفر مساوي من دخول التشكيلة
نحو ثلاثة اهداف لا غير ولجت شباك الهلال في كل المباريات التي تولى فيها العميد قيادة الدفاع
لا ندافع عن مساوي بالعاطفة ولا عفا على قيم وموروثات الهلال و لكن من منظور فني بحت
اتحدي كردنة و زمرته ان ثبت ان قرار شطب العميد بتوصية من الجهاز الفني
الثلاثي فوزي و مبارك و طارق رموز الدفاع الهلالي يدركون ان شطب مساوي وبقاء حسين الجريف وعمار الدمازين مسخرة
في كل يوم يتأكد حديث المدرب المحترم (العشري) الذي كشف المخطط الكاردينالي ضد الخمسة الكبار
على بشه و كاريكا وبوي والشغيل في انتظار دورهم
كل من كان له خلاف مع قارورة عليه ان لا يحلم بالاستمرار في الهلال
لن نحتاج لبراهين لتأكيد فشل غارزيتو فقط نقول (الغباء على ان تعتمد ذات الشخوص بذات الطريقة ونتوقع نتائج مختلفة)
خربشات
غارزيتو قبض اكثر من مليارين و 400 مليون من كردنة رغم ذلك رفض توقيع العقد
قال ايه متأخرات!!
كردنة لم يخرج من غارزيتو بغير الصورة المشتركة !!
استلم الفرنسي نص العقد و ذهب به الى باريس لعرضه على محاميه لمزيد من الشروط و الابتزاز !!
استغل قدرات كردنة التفاوضية فعرض عليه راتبا 26 الف دولار فهو كان يعمل في عهد البرير بــــــــ(10) الف دولار لا غير !!
انتباهة
الاعلام الكاردينالي وصف فشل المريخ في التعاقد مع اتير بالفضيحة !!
شطب اتير و تسجيل ابراهومة في خانة اتير هو الفضيحة
شطب قائد المنتخب و اللعب بحسين الجريف في البطولة الافريقية هي الفضيحة !!
حكم خشم القربةالقومي حمودة خير السيد نموزج للحكم المتطور
في حفل (بوي ) ضجت القاعة عند دخول محمد عبد الرحمن
جكسا شق طريقه بصعوبة وسط جماهير الهلال و كان نجم الحفل بلا منازع
ما وجده جكسا من استقبال اكد ان مكانة اللاعب عند جماهير الهلال وجسد رأي الشارع في تسجيلات سماسرة الكاردينال دمجلس الهلال الذي قاطع احتفالية الشغيل كذلك زواج بوي ليخلو الجو للخندقاوي الذي يلعب في المساحة بين مجلس الكاردينال و لاعبيه
امسح للحصول على الرابط
بواسطة : معتصم محمود
 30  0  5.7K
التعليقات ( 25 )
الترتيب بـ
الأحدث
الأقدم
الملائم
  • #1
    Zaza 02-09-1438 11:0
    انت شخص ماعندك موضوع مساوى كبير وخدم الهلال فى زمن المقدرة الآن عمر الاعب أكثر من 35كيف يفيد الهلال وهناك لعيبه صغار في السن ينتظرون الفرصه كره القدم أصبحت إحتراف وفلوس وليس ونسه جرائد كما تكتبون أيها الصحفيون قاق قاق قاق كما أطلق عليكم الريس شداد
  • #2
    الزيدابي - الجزيرة ام طرفة 02-09-1438 12:0
    متلازمة فوبيا الكاردينال يامعتصم ...
  • #3
    عزالدين تنزانى 02-09-1438 01:0
    يا خلف الله العذبت امة الهلال نفسنا نعرف ماهى مشكلتك مع الكاردينال؟
    نفسنا يوم تكتب فى عمودك المشاتر كلمة حق فى حق الراجل الذى صرف من
    حر ماله مليارات حباً فى الهلال وجماهيره.وبعدين ياخ لو انت عاوز رصيد
    والله والله المعبود ارسل ليك رصيد مش بخمسة جنيه بل بمليون بس نقطنا بسكاتك وقول خير.وبعدين ياخ انت دمك بارد كدا ليه ؟ انت ما بتقرى راى
    الجماهير الهلالية فيك .والله انا لو فى محلك اعتزل الصحافة وافارق الاعمدة
    واشوف لى شغلة تانية .مالك معادى الناس وتتسبب فى كره الناس اليك وزى
    ما قلت لك من قبل (من احبه الله حبب الخلق فيه) وكفى
  • #4
    الصديق ميرغني ساتي 02-09-1438 01:0
    ياخ والله في ي بالغت ياخ سيف مساوي تاني عندو شنو يقدمو للهلال؟
    ياخ خليك زول منطقي ما تضحك الناس عليك اكتر من ما هم ضاحكين
    انت بس هم تعترض وبس من غير رؤيه ومن هذى
    ياخ القد بس هو البحركك
  • #6
    عزالدين تنزانى 02-09-1438 01:0
    يا خلف الله / لو اى واحد تقدم فى العمر وقل عطاءه من الاحسن له يقرر اعتزال الكرة من نفسه لانها سنة الحياة فكرة القدم هى بذل وعطاء داخل
    الملعب ويبقى البقاء للاصلح والافيد وهذه قوانين كرة القدم يفوت لاعب ويأتى غيره افيد. وحتى لو كان فى قامة بشه او كاريكا او نزار او الشغيل
    هل هم مخلدون فى الملاعب .ابوالعائله من قبل شطب فريق باكمله وانتصر على
    الهلال بشباب اتى بهم من الدورة المدرسية هزم بهم الدحيش وقاقرين والريشه .نرجوك اكتب بموضوعية فانت لست فى قامة اى واحد من كتاب الهلال
    المرموقين ولن تصل فى يوم الى مستوياتهم ولو كايس للشهرة اشتهر بعيد عن
    الهلال0 وما يفوت عليك ان معظم كتاب الهلال يعرفون كل كبيرة وصغيرة عن كيانهم وحين النقد ينتقدون بموضعية بعيدة عن اسفافك وعدواتك لرئيس
    الهلال .شفت كيف الفرق بين الكبير المتمكن والمتفرد الموضوعى وبين الذى
    يسعى وراء مصلحته. فرق يامناصر مزمز عدو الهلال الاول0000000
  • #7
    اللدر 02-09-1438 02:0
    أي شي تختلفوا فيه كرهتونا السودان زاتو !!!

    ناس الحكومة إختلافات ..... المعارضة إختلافات ...... الحركات المسلحة خلافات ...الفرق الرياضية إختلافات ......

    يا ربي البارسا والريال والبايرن عندهم معارضة وإعلام موالي للرئيس الحالي وإعلام موالي للرئيس السابق ؟؟؟؟
  • #9
    احمد 02-09-1438 03:0
    الخمسة الكبار .كل من كان له خلاف مع قارورة عليه ان لا يحلم بالاستمرار في الهلال
    كدا يادوبك انت قلت المفيد يعني الخمسة ديل كانوا وراء شطب البرنس
    والله يامعتصم كل يوم بتثبت للقراء انك صحفي زبالة
  • #10
    atif salah 02-09-1438 03:0
    اولا : لابد من الاحلال والابدال
    ثانيا: وبعدين امثال حسين الجريف وعمار الدمازين و بمرور الزمن ح يجى يوم وتقول اتفاجات بشطبهم هى سنة الحياة يجى جيل ويذهب جيل .
    ثالثا: كردنة بيعطى فى الهلال .
    رابعا: وماممكن اذهب حفل شخص واطلع نجماللحفل شخص اخر.
    خامسا:كيف عرفت عارزيتو قبض 400 مليون.
    سادسا: كان الافضل تقول الحفلة ضجت بحضور بوى لانة هو العريس. لانك انت حضور صالة زواج وليس استاد كرة قدم.
  • #12
    أسامه 02-09-1438 04:0
    والله يا معتصم أول مرة تقول كلام صاح الكاردينال بوظ الفريق مرة واحدة ما معقول يشطب سيف مساوي ويترك حسين الجريف وعمار الدمازين ويشطب أتير توماس ويسجل أبراهومة ولسة الغريق قدام ربنا يستر الراجل دا كلموه الحكاية ما عضلات الحكاية حنكة وفهلوة وإلمام تام بمجريات الأمور ولا أحسب أن الأخيرة موجودة ععند الكاردينال
  • #13
    Zaza 02-09-1438 04:0
    أنت البشطبك والبشلعك لينا من الهلال منو لاعب واقف سته شهور وعمرو فات الخمسه والثلاثين يعنى يقعد يونس العيبه دى سنه الحياة .أفهم .وخلى الاصطياد فى المياه العكره واعلم أن كشف الهلال والريف يوجد فيه أفضل العيبه فى السودان شكرا لسيف مساوى السيف الضاوي
  • #15
    بشير الرفاعي 02-09-1438 05:0
    اكل مساوي يوم اكل الثور الأبيض ، والثور الأبيض هو هيثم مصطفي الذي تصفه انت بقارورة لأنك لازالت في ضلالك القديم و تحمل للبرنس حقدا دفينا لا نعرف سببه . و لو ان مساوي و زمرته ناصروا كابتنهم الأسطوري هيثم في وجه المدرب الفاشل غارزيتو كما وصفته انت بنفسك و لو انهم وقفوا معه ضد صلف و جبروت الأمين البرير لمل حدث لهم ما يحدث لهم الان . هيثم شطبه رئيس النادي البرير و مساوي و من قبله مهند و عمر بخيت و المعز شطبهم رئيس النادي الكاردينال فما الفرق و لماذا تقيم مناحه الان ؟ داك كان قرار اداري و هذا ايضا قرار اداري . شخصيا لا اشعر باي تعاطف معهم فقد باعوا قائدهم و جاء الدور عليهم فالدنيا سلف و دين و لعنة البرنس طايلاهم و لو بعد حين .
  • #16
    Alaa45 02-09-1438 05:0
    والله غريبة إنت دافع من جيبك بالله شوف زول ما عندو موضوع وفارغ
  • #17
    Dr abdulhay 02-09-1438 07:0
    با معتصم دع عنك الأفتراء على رموز الكيان ودع النقد الهدام واستهداف الأشخاص والحقد الدفين . ليس من اللبافة ان تفجر في الخصومة فهي من النفاق .نحن نرصد انجازات كردنة الماثلة امامنا ولا تفوت علينا أهدافك الرخيصة تحياتي
  • #18
    أبو أمنه 02-10-1438 06:0
    إنت صحيفي مرضان نفسياً والفلس بعمل أكتر من كده والله يستر ما تعمل في نفسك حاجة، مساوي زخيرته كملت وموقوف مباراتين في دوري الأبطال وكذلك أتير إنتهى (والشاهد على ذلك خمسة هلال الأبيض ) وسجل في مكب العواجيز ، الفلوس الذي لغفها غارزيتو مستحق قديم موقع عليهو الكاردينال ، أما محمد عبد الرحمن خليهو يكون نجم الحفلات ولو فيهو خير ما رماه الطير ، سمعنا قالو صلاح إدريس جاي قريب ، بختك ح ترطب.
  • #19
    كاااااك 02-10-1438 07:0
    حكم خشم القربةالقومي حمودة خير السيد نموزج للحكم المتطور


    نموذج بالذال وليس بالزين يا صحفي الغفلة ياجاهل يا محو امية بس فالح تتفلسف على يعقوب حاج ادم وبصراحة ماعندك موضوع
  • #20
    بكرى 02-10-1438 10:0
    ياخى الله يكفينا شرك مساوى خلاص ماعنده شىء يقدمه للهلال ولا بشه ودى حقيقة فنية وهكذا تمضى الحياة شافى قدم كل شى جميل للبارسا وتم الاستغناء عنه وغيره كثر العند حاجه يقدمها يسعى للاستفاده منها فى اى مكان اخر وده عصر الاحتراف سؤال هل كان مساوى او بشه او محمد عبدالرحمن سوف يلعبوا للهلال دون مقابل مادام بمقابل فمن حق الهلال يدور على تجديد الدما اما بنسبه للنجاح من عدمه فده فى علم الله بس الادارة لها اجر الاجتهاد ومحمد عبدالرحمن قدم شنو للهلال حتى نتحسر عليه دخل الهلال كموهبه نسمع بها فى الصحف وخرج من الهلال وهو موهبه نسمع بها فى الصحف الكاردنال يحب الهلال وقدم الغالى والنفيس من اجل الهلال فماذا قدم مساوى محمد عبدالرحمن للهلال دون مقابل من زمن صلاح ادريس والبرير والكاردنال يستلم فى مستحقاته وهو مصاب وبيتعالج على حساب الهلال يعنى اكل ومرعى وقلة صنعة لم يحرك كل هذا فيه ذرة احساس بل جلس يفاوض ويغالى فى قيمة عقده دون حياه وانا اوكد لك الان سوف يعرف الفرق الان المريخ من اول اصابه له صوف يركله خارج السرب كما ركل حمودة بشير الذى قام بعلاجه الهلال والشغيل الذى ايضا دفع تكاليف علاجه الهلال وهنالك كثر عانو من الاصابه مع المريخ وتم علاجهم من قيل الهلال .الهلال كبير .انتهى عهد العواطف والمجاملات لانها كانت فى زمن الاعب البيمشى براه يعيد قيده فى الكشوفات اما الان تدفع بالعب تلعب بدفع وحب الجماهير بالانجاز ولم يتقير اذا ذهب الاعب الى اى اتجاه وليس حب من اجل البغاء جمهور الهلال بطبعه زواق والدليل على ذلك هتافه لمهند والهلال مهزوم من فريقه لان مهند لاعب فنان وقدم مايشفع له .
  • #21
    Ana Sudani 02-10-1438 02:0
    يا معتصم محمود انت رجل هلالابي امل أن لا تضيع ذلك عشان خلاف شخصي نحن الأهلة نعمل بكل صدق لمصلحة الكيان ونترك كل شيئ خلف ظهورنا والمعانا معانا والعايز ينتقد في الفارغة ودعناهو الله ( ما تصداد في الماء العكر )
    ملاحظة
    1/ جكسا ماذا قدم للهلال ( رحلات علاج من دبي الي تونس الي القاهرة ) لن ينجح مع المريخ فهو لاعب معطوب والأيام بيننا
    2/ شطب أثير صحيح أما تسجيل ابراهومة خطاء ولا داعي له شبابنا أفضل منه
    3/ مساوي مشكورا قدم للهلال ولكن تقدم في العمر
  • #22
    Ana Sudani 02-10-1438 02:0
    يا معتصم محمود انت رجل هلالابي امل أن لا تضيع ذلك عشان خلاف شخصي نحن الأهلة نعمل بكل صدق لمصلحة الكيان ونترك كل شيئ خلف ظهورنا والمعانا معانا والعايز ينتقد في الفارغة ودعناهو الله ( ما تصداد في الماء العكر )
    ملاحظة
    1/ جكسا ماذا قدم للهلال ( رحلات علاج من دبي الي تونس الي القاهرة ) لن ينجح مع المريخ فهو لاعب معطوب والأيام بيننا
    2/ شطب أثير صحيح أما تسجيل ابراهومة خطاء ولا داعي له شبابنا أفضل منه
    3/ مساوي مشكورا قدم للهلال ولكن تقدم في العمر
  • #23
    Ana Sudani 02-10-1438 02:0
    يا معتصم محمود انت رجل هلالابي امل أن لا تضيع ذلك عشان خلاف شخصي نحن الأهلة نعمل بكل صدق لمصلحة الكيان ونترك كل شيئ خلف ظهورنا والمعانا معانا والعايز ينتقد في الفارغة ودعناهو الله ( ما تصداد في الماء العكر )
    ملاحظة
    1/ جكسا ماذا قدم للهلال ( رحلات علاج من دبي الي تونس الي القاهرة ) لن ينجح مع المريخ فهو لاعب معطوب والأيام بيننا
    2/ شطب أثير صحيح أما تسجيل ابراهومة خطاء ولا داعي له شبابنا أفضل منه
    3/ مساوي مشكورا قدم للهلال ولكن تقدم في العمر
  • #24
    Sharaf aldeen 02-10-1438 03:0
    والله تشوفو الكاردنال دا اذا ما دمر الهلال وبقى الهلال اسوى من المريخ بالف مرة والسنه الجاي والله ممكن الثاني مايجي خلي الاول وانتو في ونشوف انا هلالي ماعندي خلاف مع الكاردنال بس دي مهزله شطب
  • #25
    Ana Sudani 02-12-1438 09:0
    يا معتصم محمود انت رجل هلالابي امل أن لا تضيع ذلك عشان خلاف شخصي نحن الأهلة نعمل بكل صدق لمصلحة الكيان ونترك كل شيئ خلف ظهورنا والمعانا معانا والعايز ينتقد في الفارغة ودعناهو الله ( ما تصداد في الماء العكر )
    ملاحظة
    1/ جكسا ماذا قدم للهلال ( رحلات علاج من دبي الي تونس الي القاهرة ) لن ينجح مع المريخ فهو لاعب معطوب والأيام بيننا
    2/ شطب أثير صحيح أما تسجيل ابراهومة خطاء ولا داعي له شبابنا أفضل منه
    3/ مساوي مشكورا قدم للهلال ولكن تقدم في العمر
أكثر
لا توجد مباريات
لا توجد مباريات
لا توجد مباريات