• ×

الدخول مجاني والاستاد فاضي !!



@ رغم حصر الجمهور في جانب واحد من الاستاد الا ان حضور مهرجان الكاردينال لم يكن بحجم الملايين التي اُهدرت .
@ المدرجات الشعبيه والجانبيه التي تشكل (٧٠%) من سعة الاستاد ظلت مغلقه والحضور المشارك تم حشره بالمقصوره وما حولها .
@ المنصه الرئيسه كانت خاليه الا من حرس حاكم الهلال ومن تبقي من مجلسه واعني عماد والفرحان .
@ روابط الهلال قاطعت المهرجان بالاجماع رغم الملاحقات والمغريات .
@ غاب رموز الكيان وقياداته !!
@ لم يلبي احد من المسئولين الدعوه وظلت مقاعدهم شاغره !!
@ مهرجان اكد عزلة الكاردينال الذي ادرك السبب فقال في خطبته الهزليه (تاني مافي اساءة لرؤساء الهلال السابقين من الاعلام الموالي) !!
@ كردنه اعترف ضمناً ان كف الاذي عن الرموز الهلاليه بيده .
@ اللغه التي تحدث بها حاكم الهلال جسدت عظم المحنه التي يعيشها الكيان .
@ هلال كلية غردون وجامعة الخرطوم .

خربشات

@ خطاب هزلي ولغه لا تتناسب البته مع مشجع هلالي ناهيك عن رئيس ناد .
@ كردنه استفز جمهور الهلال وقال ( تاني انتخابات مافي) !!
@ كردنه يعرف ان الصندوق لن يات به ثانية لذا يرفض قيام انتخابات .
@ زعم ان ضربة بكري سيردها ب (١٠) من لاعبي المريخ ليؤكد ان تسجيلات الهلال مجرد مكايدات وتصفيه حسابات .
@ قال ايه (قلت لعماد الولد ابراهومه دا عاجبني وعماد قال شطبوه يا ريس جبناه ولبسناهو الكسكته)!!
@ تلك هي تسجيلات الهلال !!
@ لا لجنه فنيه ولا خطه استراتيجيه .
@ واصل كردنه استخفافه باعلام الهلال وقال (الناس البكتبوا بتحويل الرصيد ووجبة سمك ما شغالين بيهم)
@ لم يملك حاكم الهلال الشجاعه ليحدد من هم الذين يكتبوا بتحويل رصيد ووجبه سمك .
@ كان عليه تسميتهم ان كان صادقاً حتي يعريهم لشعب الهلال او ان يواجههم في ساحات القضاء .
@ كردنه وعي درس محكمة الجكومي وبات لا يهاجم احد علي الملأ .
@ اعتذار كردنه للجكومي في المحكمه لا اسميه انبطاحه لا تليق برئيس الهلال لكنه موقف حرج لا اكثر .
امسح للحصول على الرابط
بواسطة : معتصم محمود
 37  0  3.5K
التعليقات ( 37 )
الترتيب بـ
الأحدث
الأقدم
الملائم
  • #3
    محمد 02-06-1438 11:0
    @ غاب رموز الكيان وقياداته !!
    الزول دا عويل المسؤولين فائدتهم شنو - جمهور الهلال يكفي - الزول دا أنا قائل مرضان
  • #4
    محمد 02-06-1438 11:0
    @ غاب رموز الكيان وقياداته !!
    الزول دا عويل المسؤولين فائدتهم شنو - جمهور الهلال يكفي - الزول دا أنا قائل مرضان
  • #5
    Zaza 02-06-1438 11:0
    الله يعينك ...توبه توبه .لاحب لغرام لخطوبه كردنه بس ههههههههه
  • #6
    أسامة باكمبا 02-06-1438 12:0
    ياخي قاصدك انت مادام مفرغ نفسك للهجوم عليه رغم الإنجازات الهائلة التي يحققها، أؤكد للجميع أنك من أذناب ذلك الهارب .. وبعدين شابكنا يدفع الملايين ويضيع الملايين طيب هي ملايينهه وهو حر .. اطلع منها
  • #7
    صالح عثمان 02-06-1438 12:0
    يعني انت ما عارفهم البكتبوا بوجبة سمك وتحويل الرصيد ياراجل
  • #9
    aboshawa 02-06-1438 01:0
    انت عاوزه يسميك انت عشان تفتح بلاغ وتطالب بقرشين هو كريم بديك ليهم من غير ما تقول بش امشي ليه الكاردينال دا كريم وكرمه ما لي شخص معين كل محتاج بساعده انت اتوكل وامشي بس
  • #10
    أنا السودان 02-06-1438 01:0
    (@ واصل كردنه استخفافه باعلام الهلال وقال (الناس البكتبوا بتحويل الرصيد ووجبة سمك ما شغالين بيهم)
    @ لم يملك حاكم الهلال الشجاعه ليحدد من هم الذين يكتبوا بتحويل رصيد ووجبه سمك )

    إنت السمك كتير عليك ،، موية فول وعيش فته حتى بدون زيت وموية جبنه.
  • #11
    عاطف البدوي 02-06-1438 01:0
    وعين الرضي كليلة عن كل عيب
    وعين السخط تبدي المساوي
    هذا رئيس منتخب شئت ام ابيت وكتابات الترصد
    السمجة والخاوية هذه لا تخدم الهلال في شئ ولكنها
    ستصنع من كاتب مرتزق و كلام فاضي نصيحة لله
  • #12
    اسماعيل 02-06-1438 01:0
    اكتب مايفيد الهلال الكيان..لا للهدم لا لشخصنة القضايا..الكاردينال ايجابياتو كتيييييييرة
  • #13
    ياسر الأمين ابراهيم 02-06-1438 01:0
    والله ما عارف أقول ليك شنو غير إنّو انك إنسان ما عندك خجل ابداً ،،،وأقل مجتهد وليس صحفي ابداً ،،،،وأقل اقل كفاءه في في كل شيء
  • #14
    مضروب بونيه 02-06-1438 02:0
    أي واحد عرف و فهم انو قاصدك انت بالذات.لو انت ما فهمت ده شيئ متوقع
  • #15
    بكرى 02-06-1438 04:0
    الراجل سترك وانت عاوز تفضح نفسك .. دعك من كردنه انت ماذا فعلت للهلال حتى تطالب باقالة كردنه
  • #16
    جون سينا 02-06-1438 05:0
    دة فى خيالك المريض ونفسك المطربة- ماف زول قاطع المهرجات ولكن وسواسك أوحى لك بذلك يا مريض - يا حاقد- إنت والله غير تمجيد الافراد والتكسب ماعندك شيئ- كردنة يعمل أى حاجة- كان راجل أدفع شغل النسوان دة مابنفع رحم الله إمرءى عرف قدر نفسه ياخ عليك الله إحتجب عشان تريحنا من وسخك الفارضو علينا دة- يقطعك ويقطع وشك يا كج.أمش شجع المريخ مادام مزمل الذى يحقد ويكره الهلال أكتر من حبه للمريخ هو مثلك الأعلى- الكاردينال-مسؤول من الهلال مامسؤول يصرف على المتسولين فى الشوارع الزيك كدة- هسة كان عصر ليك حاجة بكرة بترجع 180 درجة - يا متكسب.رجاء يا مريض لاتسرق لسان جماهير الهلال إتكلم بلسانك فقط- جماهير الهلال قادرة على الرد على هطرقاتك.
  • #19
    كردنة 02-06-1438 05:0
    كتاب الرصيد انت اول واحد فيهم. موت بغيظك والدافع ليك. كردنة عاجبنا ونحن خلفه
  • #20
    الصديق ميرغني 02-06-1438 06:0
    ياخ والله انت زول مريض وحاقد وقلبك اسود من شعر راسك
    ياخ انت زول لابتحس ولا بتشعر ولا بتختشي؟
    انت عارف انا اقول ليك المقصود بالخمسه جنيه دا انت والمقصود
    بالسمك دا انت
  • #21
    Dr abdulhay 02-06-1438 08:0
    أخ معتصم ان كنت مهتم بوجدة الكيان الهلالي فأوقف كتاباتك السالبة فىه فالنقد البناء الهادف نرحب به فهجومك على كردنة غير مبرر فأعماله تتحدث عن نفسها فالبكن دورك وحدة الأهلة وأرجو أن لا تكن لك أجندة خاصة ثحياتي
  • #22
    Dr abdulhay 02-06-1438 08:0
    أخ معتصم ان كنت مهتم بوجدة الكيان الهلالي فأوقف كتاباتك السالبة فىه فالنقد البناء الهادف نرحب به فهجومك على كردنة غير مبرر فأعماله تتحدث عن نفسها فالبكن دورك وحدة الأهلة وأرجو أن لا تكن لك أجندة خاصة ثحياتي
  • #23
    ابو مازن 02-06-1438 08:0
    منو غيرك اللي بكتب بتحويل الرصيد ووجبة سمك.. وجبة سمك شنو انت بتكتب بوجبة فول فقط.. مش الخائن المنافق هيثم مصطفى سماكم قبل كده صحفيي الفول .
  • #24
    سيداحمد الحاج 02-06-1438 08:0
    انت يا معتصم تلبي رغبات مرشدكم الارباب .. يعني الاستاد ده الانسان تقعد في التراب ... امتلأ الاستاد عن بكرة أبيه ... ابعد انت عنها وكف شرورك وكتاباتك لا تسوى حبر على ورق ... الهلال عظيم رغم كيد الحاقدين ... وما فعله الكاردينال لم ولن يفعله مرشدك سنين عمره ... رجل مرتاد سجون لا يصلح لقيادة الهلال
    وكفــــــــــــــى
  • #26
    كمبارس أفريقيا*تمامة عدد 02-06-1438 09:0
    لغة ركيكة ومستوى هابط أثبتت فعلا أنهم خريجى "أصلاحيات"
  • #27
    محمد السيد 02-06-1438 09:0
    يعني لو ذكر الشغالين بتحويل الرصيد كان لازم يذكرك انت بالاسم. ما الناس كلها عارفة زي ما كردنة عارف وكمان المقصودين كل زول عارف روحو. الزول عاقل وستر المسلم من الدين ولزومه شنو يفضحو من فاضح روحو بقلمه
  • #28
    محمد السيد 02-06-1438 09:0
    يعني لو ذكر الشغالين بتحويل الرصيد كان لازم يذكرك انت بالاسم. ما الناس كلها عارفة زي ما كردنة عارف وكمان المقصودين كل زول عارف روحو. الزول عاقل وستر المسلم من الدين ولزومه شنو يفضحو من فاضح روحو بقلمه
  • #30
    أبو أمنه 02-07-1438 06:0
    على الطلاق لو راجي صلاح إدريس يرجع وطاتك أصبحت ، أمشي مع الموجة وأكل سمك ومشويات بدل الفول والدكوة. تضربك أنيميا و القلم تاني ما تقدر تمسكه.
  • #31
    TariQ 02-07-1438 07:0
    ردود جماهير الاسياد استفتاء علي كتاباتك المريضة .. تحتاج دكتور نفسي عشان يشفيك من كل الامراض النفسية الفيك
  • #32
    تاج السرعبداللطيف عثمان 02-07-1438 10:0
    معتصم محمود هلالالالابى نعم لكن إنت والحقيقة البسيطة خطيييين متوازيين
    لا يلتقيان !!! لماذا ؟؟؟
    الجمهور حضر عفوياً أولاً
    الكاردينال لم يك فى مهرجان خطابة بل رحب وبشرنا بهلالٍ نتمناه
    والملايييين التى صُرفت أتى بها العشاق فلم التعليق ؟؟
    أتمنى أن أقرألك عموداً شبيهاً لما كنت تكتب فى الأسياد يوماً ما
    فقط أتمنى لأننى أعرف كتاباتك تلك
  • #33
    nasma Jacop 02-07-1438 01:0
    ياااااا معتصم وأأأأأأأأأ معتصمااااااااااا أترككككككك كردننننننننننننا فى حالووووووووووو الزول ده ما بتقدر عليهو ونحننننننا جماهير الهلال بنحبببببو وبنريدووووووووو لا لا لا كردنه وبس طعميه وفول وسمك وحق الرقشه وإحتمال كمان يدوووووك حق الصاعوووووووووط اى التمباااااااك هههههههه ياخ الزول ده قاصدك إنت بالتحديد اها ورينا راح تعمل شنو وما تتعب نفسك جمهور الهلال بعتبر كردنننننه خط ماداير اقول احمر لكن بنعتبروا الشرف زاتو وإلا الشرف ما تدخل نفسك فى حته ضيقه جمهور الهلال بعد ده منتظر الدكتور ورئيس رؤساء الهلال السيد كردنه إنو يهـــــــــــــــــدر دمك ولو اصدر الحكم بإهدار دمك والله تانى فى الشارع ماتمشي فكنا عليك الله من اوهامك البتعمل فيها دى وما تخلينا نكتب كلام خارم بارم زى ناس مزمل المافاهم نحن جمهور الهلال جمهور واعى وخلاق وانت بتمثل بووووووق لصلاح ادريس وانحنا كجمهور للهلال اكتر رئيس طلع خالص من حساباتنا الكضاب خاسر ادريس هذا فارجوووووك وارجووووك عشان تكون موضع احترام جمهور الهلال باعتبارك كاتب هلالي اعلن توبتك من خاسر ادريس واستغفر الله واتوضاء وصلي ليك ركعتين لله وارجع لجمهورك البعشق كتاباتك سيبك من الدجال خاسر ادريس وعديلو الرئيس الطوالي نحن الهلال ده بنريدو جد وكمان كردنه بنعزو بالجد واكتر لانه سوف يحقق لنا ما نصبو اليه وهو كاااااااااس افريقيا ونمثل فى كاس العالم للاندية ونشلع المريخ نفرتقوا حته حته ونكسروا زاوية زاوية لحدى ما يكون فى مريخ تانى ،وندق جمال الوالى بدولار الكاردينال (إعصار كاردنالي على وزن تسنامي ) الحاااااااااااار اللافيهو طق ولا شق دولار حقيقي كاش راقد بقلل اى نقاش وكردنه وبس هاااااك كردنه ده
  • #34
    معاوية احمد محمد احمد 02-07-1438 04:0
    ياخى ارحمنا وارحم نفسك الاحتفال ادى اغراضه تماما وعكس حب شعب الهلال لقائد امة الهلال والذى يدفع دفع من لايخشى الفقر
    ليس مهم ان يكون رئس النادى بليغ فى الخطابة ولا المغنى ان يكون بليغ فى الخطابة والادارة ولا لاعب الكورة بليغ فى الخطابة
    فلكل دورة والذى يجب ان يكون مميزا فيه
    فشعب الهلال يرى ان الكاردنال ادى دوره على اكمل وجه فى بناء فريق تحصل على الدورى والكاس خدمة يمين وعرق جبين وبنى لنا صرح سيظل التاريخ شاهدا له ما تعاقبت الاجيال ادينى رقمك احول ليك رصيك بى 200 وارحمنا من هذا الهرا ودع السفينة تبحر
  • #35
    ابومحمود 02-07-1438 06:0
    اولا كل مواضيعك ارتجالية انت نفسك ماعارف داير شنو المهم مقال ينزل في الجريدة والسلام حتي بدون مراجعة ماتكتب
    ثانيا اثبت انك من الكَتاب الارزقية (مدفوع القيمة )للنقد فقط ماعندك راي ولافهم
    الكاردينال عمل ليك شنو القروش قروشه انت حاسدو مالك
    ثالثا اطرح الحلول المناسبة لمشاكل الهلال ومن اين يدعم الهلال مشاريعه اين مساهمتك انت اترك الكاردينال وشانه
    ماتسمع كلام الاعلام السالب كان فيهم خير كان نفعو فريقهم ......البقي تكية دا اتشلع بسببهم
  • #36
    ابومحمود 02-07-1438 06:0
    اولا كل مواضيعك ارتجالية انت نفسك ماعارف داير شنو المهم مقال ينزل في الجريدة والسلام حتي بدون مراجعة ماتكتب
    ثانيا اثبت انك من الكَتاب الارزقية (مدفوع القيمة )للنقد فقط ماعندك راي ولافهم
    الكاردينال عمل ليك شنو القروش قروشه انت حاسدو مالك
    ثالثا اطرح الحلول المناسبة لمشاكل الهلال ومن اين يدعم الهلال مشاريعه اين مساهمتك انت اترك الكاردينال وشانه
    ماتسمع كلام الاعلام السالب كان فيهم خير كان نفعو فريقهم ......البقي تكية دا اتشلع بسببهم
  • #37
    ابو مازن 02-09-1438 01:0
    والله انا لو كنت في مكانك بعد هذه الردود واجماع جماهير الهلال على حب الدكتور الكاردينال زعيم امة الهلال الاوحد كنت اعنزلت الكتابة فهذا استفتاء غير رسمي على وقوف الاسياد خلف رئيسهم المحبوب وكراهيتهم لك ولكتاباتك ولكن نقول شنو احساسك معدوم ودمك بقري .
أكثر
لا توجد مباريات
لا توجد مباريات
لا توجد مباريات