• ×

هياط وعياط ومازال جرح بكري يؤلمني




.. في عالم (البوبار ) و(ناس شوفني )
مواقف.. ومواقف،
بعضها يثيرك ضحكًَا وبعضها يقتلك غيظًا..!!
و(هنا) لا تبحث عن حقيقة أو تتساءل عن مصداقية..فكله (بوبار مصطنع)
ونفخ في كير الرماد..!!
..وناس شوفني ليس هم الوليد الشرعي لهذا العصر عصر (الكارديقال)
إنه صنعة لبوس قديمة باعتبار البهرجه والبوبار والهياط سلوكًا بشريًا..!!
وله أصل في اللغة.. فيقال.. (هياط وبوبار )
وهي تعني عند أهل اللغة الصياح والضجاج والنفخة الكذابه والشوفانية ..!!
(هياط النفخ)..!!
في المجتمع تصادفون مئات النماذج من ناس شوفني ،،،،،
لكن اكاد اجزم أحيانًا أننا نتاكد ونثق تماماً اننا في زمن طغى فيه الفساد والهياط..!!
(والبوبار)
وناس شوفني وناس (قريعتي) راحت....
عشان كده (البوبار) و(الفشخرة )مرض خطير اجتاح الشعب السوداني لا فرق بين( راجل ولا مرة )(كبير ولا صغير)( جاهل ولا متعلم ) كلو عايز يتفشخر ويتبوبر لكن (الكارديقال) دا نوع اخر مثير للشفقة والضحك خاصة ان الهياط عنده يصاحبه نوع من العياط لان جرح العقرب مفتوح ......
يعني شنو (البوبار والفشخره)
يعني انك تشتري حاجة اكبر من مقدراتك المالية وانت اصلا ما محتاج ليها بغرض انك تدهش الناس الحواليك وتوريهم انك انتا زول مرتاح ومرطب
وانك قوة مالية ضاربة في البلد دي
يعني تمسك مايك وتخطب في مدرج وقدام الناس وتكون شغال نفخ ،،،،
يعني تدخل التسجيلات وانت ماعارف الحارس من المهاجم والسيردباك
تحاول ان تسجل فلان او علان بفهم يعني لازم يجي عشان تقصر النقة من الجمهور و ما يمدو ليك (بوزهم) ويخرج مدرج كامل رافع شعار رحيلك انت و(المتفلسفه ) الاعلامية.....
اما بالنسبة (للكارديقال )
يعشق البوبار والتصوير ،،،،
يتصور مع فلان من الناس رغم انو مابيعرف خانة اللاعب شنو في الميدان وجاي من وين والهدف من تسجيله شنو ......
لكن بالشفناه في كل الحوارات لل(كاردقال) عايز يسجل لاعبين من المريخ او خارج السودان المهم عندو لاعب مبرم شعرو وبناطلينو جميله
المهم عندو رد صاع كواي القلوب
ومانسمعه ونشاهده الان
هو ان (الكارديقال) لايزال يتالم ويتوجع من ضربة عقروب،،،،،،،
لذلك ماعلينا نحن كمريخاب سوى ان ندعم
مجلسنا وادارتنا ولعيبتنا ،،،،،
وان لاننجرف او نشتغل باصحاب النعرة والنفخة
الكدابة
المريخ الان في الطريق الصحيح
بس علينا بالدعم والمؤازرة.....
طبعا الهياط بلغة اهل الخليج نفس المعني للفشخرة والجعجه ....
_________________\\\\\_______________
نرجع لمريخنا ونفرة قروباتنا
الحراك الذي يجرى الان يبشر بنفرة جيدة
والتاريخ الذي حدد ٢٠١٦/١١/١١
تاريخ مميز ويوم جميل لدعم مريخ الملايين
مشاركتنا في النفرة يعني وقوفنا خلف المجلس وان يتسع وعاء المريخ ليشملنا جميعاً....
لاتستهن بمساهمتك فالجنية فوق الجنية يساعد في بناء الكيان
فليكن اسبوع خالي من النقد والونسة والنقاشات ونفرغ انفسنا للنفرة
دعونا نترك النقاشات الجانبية ونحاول ان نشكل حضور بنفرة القروبات الشهرية.....
قروباتنا الان مخترقة في اغلب الاحيان لتنظيف القروبات من ابناء العرضة شمال
علينا تفعيل النفرة
والمريخي الحر هو من يقف جوار ناديه الان
الدنيا اول الشهر والجميع يعلم توقيت النفرات الشهرية
لذلك كن مساهم ومن الداعمين واهل الوجعة .....

هذه ارائي واراء التغريدة اقبل منها ماتشاء وارفض منها ماشئت
ليس بالضرورة ان تقتنع بكل مايكتب
ولا اطلب منك الاتفاق علي حروف التغريدة
اسطر التغريدة ونسة وحكاوي بصوت مسموع تنقل نبضي ونبض المدرجات عشان نشوف مريخ جميل وملك بطولات
ولنا لقاء في تغريدة اخرى باذن الله
ولاتنسون صغيري من الدعوات احبائي

للتواصل
واتس اب/ ٠٠٩٦٦٥٤٧١٤٤٥١٣
تويتر abumoshtaha@
‏abumoshtaha77@gmail.com

امسح للحصول على الرابط
بواسطة : معاذ ابو مؤيد
 13  0  1.2K
التعليقات ( 11 )
الترتيب بـ
الأحدث
الأقدم
الملائم
  • #1
    صلاح ابراهيم محمد 02-05-1438 09:0
    تمنيت لو كان هناك حساب خاص للمغتربين في الدول الغربيه حتي نستطيع ندعم الفريق وياريت من منبرك هذا توجه رأينا للمسئولين في الإدارة ، المريخاب كثر في أوروبا وامريكا لو الواحد التزم بعشرة دولارات شهريا اكيد حاتعمل مليارات.ياريت تبادر بهذه الخطوة.
  • #3
    Hajjam 02-05-1438 12:0
    ههههه هاااااااي ركبكم جن كلكي يادلقون. عمركم كلو عايشين علي فضلات وسلة مهملات الهلال. الليلة جايي تتفاصح. والله خبطة شيبوب عملتها فيكم وخلت الكورال كلو يجلقب وراء المرشد. لقد فقدتم البوصلة وراح ليكم الدرب. ألزموا الصبر. الهمباتي الأزرق حالف الا يفرتكم عشان تاني مافي واحد من الطبقات الطفيلية يتطاول علي سيد البلد. وسوف تعوا الدرس رضيتم ام ابيتم.
  • #4
    الصاروخ 02-05-1438 12:0
    هههههههههههههههه على اساس ان عقروب بتاعكم ده لاعب كوره و جاب ليكم كاسات السودان كلها .... الهذيان مصيبه الخسران
  • #6
    الامين محمد نور 02-05-1438 03:0
    عرفنا ان الكاردينال - حسب قولك -هياط و بوبار .بس ما عرفنا رايك في رئيسك الطوالي لما سجل الدافي وما عندو ليهو خانة و خلاهو جالس في المغرب خالف كراع على كراع . ولما سالوهو قال : نحن عايزين نثبت قوة المريخ المالية .ممكن تفيدنا واللا قلبك مجروح و فشفاشك متورم . اعوذ بالله من بعض الاعلاميين الجهلاء .
  • #7
    الامين محمد نور 02-05-1438 03:0
    البوبار و الفشخرة ظاهرة سيئة لكنك لم تقصد معالجتها بل تريد تشفي غلك و حقدك ليس الا . والمليارات لما يدفعوها للاعب سوداني اكيد ح تستفيد منها عدة اسر ربما كانت معدمة . ربنا يبارك لهم فيها .
  • #8
    محمد بشير السنوسي 02-05-1438 04:0
    هههههههههههههه عقروبتي وجري ممكن تشاركو بيهو في سباق الخيل انفع يادلقوني والناس لاموني
  • #9
    ودعقيده خلف 02-05-1438 05:0
    استاذي الفاضل لك التحيه دوما لكن اضحكتني كلمه هياط وبوبار والكارديقال عافي منك والله انا خوفي تكتل ليك صفرابي بي مغصه ساهي
أكثر
لا توجد مباريات
لا توجد مباريات
لا توجد مباريات