• ×

بعد ماكنا نحلم بالبطولة والأميرة بقينا نحلم بى قروش تخش الخزينة!!!!!




العنوان الفوق دا حالنا بكل صراحة!!
وماحافسر فية كتير ،،،،،
كنا وين وبقينا وين...
سبحان مغير الاحوال من حال الي حال،،،
اين وصلتنا لجنة التسيير بالفقر الفكري والمالي!!
ويجك واحد يقول ليك تصدو للمهمة!!!
مهمة اييييييه البتقول عليه
عايز تعمل عرسك في صالة وماعندك عشاء وكوشة وفنان!!!
ومافي كراسي ضيوف!!
اتصدوا لشنو والجيب فاضي !!
تتصدوا ومافي فكر اداري!!
بقيتو ذي الزول البركب مواصلات ويقعد قدام وماعارف ماشي وين!!
ضيعتونا وونستونا وجهجهتونا وبشتنتونا وفضحتونا داخليا وخارجيا!!
في فلس بشكروه ؟؟
كنا محتاجين ثلاثة لاعبين في ثلاث خانات !!
اسه محتاجين فريق ومدرب ومعاه ادارة،،،
يقول ليك عمرو الفلس ماكان عيب !!
في عيب اكتر من كده بالله!!

ديون المريخ الي اين وهي كم وتاريخها وفتراتها ؟؟
الناس تدس في التفاصيل المالية لشنو!!
مافي تسليم وتسلم خالص
الناس همها الشهرة بس !!
والله لو عايز امسك طبلية بجردها
وانا شخصيا سالت اكتر من اداري في التسيير ؟؟
يقول ليك في تسليم وتسلم والامور تمام!!
وفجاءة يجيك شيك طاير
طاير رصيد
وطاير شايلو عسكري للتنفيذ!!!
والله وزير الشباب والرياضيه مفروض يجيب كل الناس الاتعاقبت علي امانة المال لمدة ٢٠ عام وتسالهم؟؟
مش مسؤليتهم ولا حدهم تعيين المجالس وكل زول يردم الديون للوراهو!!!
غايتو لو جا رئيس من المدرجات شكلو حيبقى لحين السداد!!!
ياوزير دي كوارث مالية
مافي رئيس يمشي الي يصفر العداد،،
مهما كان اسمو او مكانتو
تصفر العداد وتشتت
عشان الوراك مايقعد يلقط ويسدد والفريق يضربوا الهواء!!!

دا كوم والحصل في الاستاد امس كوم براهو!!!
معقوله يامسؤول الاستاد
تطفي الكشافات !!
دي في السينما مابعملوها
خلي الناس تمرق وبعديها طفي الابراج !!
الناس تعفص بعضها ولا تشغل بطارية الموبايلات؟؟
وابواب شاخور مقفلنها لي شنو وعشان شنو !!
انتو عارفين انو كان ممكن تحصل كارثة بالتدافع ذي كارثة الحج!!
وكان ممكن تخسروا تصليح سياج ونقعد كل مرة في صيانة المنشأت !!
الخاشي شاخور طلع بالشعب
هرج ومرج عشان شنو
والمستفيد منو
غايتو الجمهور لو ماواعي كان حصلت كوارث
ووعي الجمهور المريخ مساعد الشرطة في حفظ النظام
نحمد الله علي صفوية الصفوة
بس مفروض معاقبة مسؤل الاستاد
تصرف لاينم علي اي مسؤلية
والخلافات الفي المقصورة مابتشبة المريخاب !!
لينا عودة ليها
نطالب محاسبة المسؤول عن التصرف الحصل امس ،،،

مسك الختام
أرحلوا عشان الاخطاء كترت
أرحلوا عشان والله في ناس متألمة لحال المريخ
أرحلوا عشان الانهيار الحاصل لكيان المريخ
عشان تعب سنين راح في شهور!!

ونحن علي المدرج ندعم ونشجع ونتفرج!!
بس ندعم كيف والامور المالية بالدس!!
ندعم كيف وماعارفين دعمنا ماشي وين!!!
ندعم كيف والمحصلة ديون في ديون!!!
تشجيعنا يحكي عنو الالتراس
هم الذاد في الميعاد وبهجه الاستاد
تشجيعهم مختلف وفكرهم مختلف
وترابطهم يحيرك
برافو التراس
ياريت الاستاد كلو التراس،،،
ونتفرج في منو ولينا عشرمية سنة نقول المريخ محتاج صانع العاب
لحدي اليوم مالقين واحد يديك باص للقون!!
نفسنا نتفرج بمزاج ومطمنين للوضع !!

همسة اخيرة
تبقت ايام للتسجيلات والسامعنو والشايفنو مايطمن
خاناتنا معينة ومحددة
لكن كل شي عندنا ماشي رزق اليوم باليوم
مامعروف منو القاعد ومنو الماشي!!
لكن مجرد احساس
المفاجاءة موجودة !!!
لكن مافي التسجيل
حتكون في المغادرة للكشف
حتكون مفاجاءت في المغادرة
واحتمال نقضي باقي الموسم بخانات كتير فاضية
الايام الجاية حتكشف الكتير والمثير !!!

خارج النص
الايام دي احزروا الشتل والعاجل
وخليكم حريصين في النقل
عشان الشتلات حتكتر
ونصيحة للشبكات الاخبارية تحروا النقل جيدا
الشتل بالكوم
ومافي زول مضيعنا غير ابجضوم
جون سينا الصمت الذي يسبق العاصفة
غايتو شكلها حتكون عاصفة الرحيل !!
امسكو الخشب غايتو!!!
بس فوضى دائرة الكرة محتاجة وقفه من الجميع
ومعلومة للادارة نحن في زمن شبكات التواصل !!
يعني المعلومة تصل للقروبات قدامكم!!

رسالة خاصة لعمنا وكبير الشوري ودالياس
مريخنا يضيع وينهار
نحن ناس مدرج
وانتو ناس مكاتب
الحقوا ماتبقى من المريخ
الشارع يتململ وصبروا خلاااااااااااص بح
سمعتونا ياناس الشورى،،،

لاتجعل نغمة موبايلك
تكون نهاية حياتك
القروبات ملحوقة والاتصالات ملحوقة
بس حياتك اهم
الواتس اب ممتع وانت في بيتك اومكتبك
الشارع لايتحمل الالتفات بعيد عنو!!
نظرة في موبايلك ممكن تيتم عيالك

فتناكم عافية
امسح للحصول على الرابط
بواسطة : معاذ ابو مؤيد
 2  0  616
التعليقات ( 2 )
الترتيب بـ
الأحدث
الأقدم
الملائم
  • #1
    Talal 08-03-1437 03:0
    صفوة وعكاكيزها مدورة في المقصورة..!!! نووووووووووووم ياباشا وأحلم بالبطولة الأفريقية كويس....نوووووووووم والنومة بتريحك !!! ههههههههه
       الرد على زائر
    • 1 - 1
      الامين محمد نور 08-03-1437 06:0
      ديل ما بخلوا عادتهم قبل كدا لما صلاح ادريس تعاقد مع الدافي العكاز اشتغل و في بيت عزاء ( فلق في الراس عديل ) وكمان صاحب العكاز في مجلس الادارة .دي الصفوية واللا بلاش .
  • #2
    الامين محمد نور 08-03-1437 06:0
    هسع دي كتابة زول يزعم انه من الصفوة . اي صفوة هذه . قال صفوة قال . صدقتم اسماعيل حسن لما اطلق عليكم هذه الصفة .غايتو خليناهو الجمهور لكن في ذمتك مزمل و كابو وسلك ديل بيشبهوا مجرد شبه كلمة صفوة .
أكثر
لا توجد مباريات
لا توجد مباريات
لا توجد مباريات