• ×

تحكيم يخليك تحضر كورة

وتحكيم يخليك تمسح السبورة***

*زمان كانت المباريات جنب المدرجات في سبورة لكتابة النتيجة بالطابشير يعني المباراة شغالة وواحد يكتب النتيجة اول باول.
*زولنا دا لو موجود لحدي الان كان حيتعب مع حكام الكاف ديل كل سنة عدد الاهداف المنقوضة اكتر من المسجلة.
*في موقع 365scores الموقع دا لبث نتائج المباريات في كل العالم اول باول مابيتعب الا مع نتائج مباريات افريقيا واسيا كل مايكتب هدف يرسل ليك تاني تعديل في النتيجة.
*المسؤول من الموقع في دهشة من كترة التعديل
عشان كدة قلنا في تحكيم يخليك تحضر كورة وفي تحكيم يخليك تمسح السبورة بكترة التعديل في النتيجة.
*عشان كدة مفروض المريخ يشوف ليه لاعب بمواصفات السومة يجيب ليك خمسة اهداف عشان لو اتعدلت النتيجه تلاقي نفسك فائز ثلاثه اهداف .
وكلنا شفنا تعديل النتيجة في مبارياتنا السنة الفاتت وكيف كنا بنعاني من نقض الاهداف.
*مع تحكيم افريقيا مش حتقدر تغمض عينيك


**وخليك متابع الشاشة عشان كل المخرجين يعيدوا في الاهداف المنقوضة لا انت مقتنع ولا المخرج والحكم ذاته خجلان لم يشوف الاعادة ،،،
لكن بشوف كيف وقت المباريات والدولار مزغلل عويناته؟!!!

** ماعندنا خوف طالما معانا العقيد بكري الشقلوب عشان ناس السبورة وناس الاسكور وناس الغرافكس في التلفزيون قدر ما يعدلوا النتيجة العقيد بكور يرجع تاني النتيجة.
*يا سعادة العقيد بكور كتر من الاقوان وخليهم يعدلوا زي ماعايزين
لانه كترة الاهداف بتهزم الشجاعة وتهزم الجماعة ..
لكن مرات في اهداف منقوضة تزعل ساكت
وفي اهداف منقوضة تطيرك من بطولة
وفي اهداف منقوضة تنزلك الاولى

*الزبدة لا خوف علي المريخ الا من التحكيم الافريقي

**ختاما **
سير وعين الله ترعاك يازعيم

**ونحن علي المدرج ونتفرج وفي واحد ورانا الحكم زهجه كل مرة يعدل في النتيجة !!!
لو ماهماكم الجمهور راعوا مشاعر بتاع السبورة
انا حاليا اكتشفت انه افريقيا ما ماشة بالتنجيم كمانسمع لكن افريقيا ماشة بالتحكيم..
والتحكيم ذاته خشم بيوت وحكم لحكم يفرق
والمشكلة ماتقدر تطلب حكام اجانب والهجين ذاته مابيطلعوه بالهين والهجين ديل بيجبوهم من وين

**خلونا في مدرجنا نساعد بتاع السبورة بالتشجيع والتشجيع بخلي سعادة العقيد في قمة عطاءه
**خارج النص
في ناس يغالطوك اكتر من الحكم
ويطلعوك خارج جو المباراة زي ديل تخليهم يقعدوا جنب بتاع السبورة والمخرج عشان الإعادة فيها الإفادة
انت قايلهم بجوطوا ليه عشان ما يحضروا الإعادة ويثبتوا رايهم
ديل تخليهم وراك جنب بتاع السبورة عشان ماينطوا قدامك وقت الإعادة
المهم والاهم مباراة بكرة ما تنسينا استعدادنا لمباراة الاياب

***
دعواتنا للمريخ بالتوفيق ودعواتنا ربنا يوقعنا في تحكيم يخلينا نحضر كورة ومايتعب بتاع السبورة
ويايوم بكرة ماتسرع تخفف لي نار قلبي
نسمع نتيجة جيدة وننتظر اجتماع الطاسة الضائعة ....
امسح للحصول على الرابط
بواسطة : معاذ ابو مؤيد
 3  0  1.4K
التعليقات ( 3 )
الترتيب بـ
الأحدث
الأقدم
الملائم
  • #1
    النقر جا 06-04-1437 05:0
    والساقية لسة مدورة خلاص قبلتوا علي حكام افريقيا من هسع ومن قبل ما تبداء البطولة دي ما كانت عقدة دي ،الله يفكنا من الكورة السودانية ومن امثالكم المقال كلو ما فيه جملة واحده مفيدة .توب علينا يا الله توب علينا يا الله من الكورة ومن لهو الحديث من مثل هذا.
       الرد على زائر
    • 1 - 1
      عبدالله الصادق 06-04-1437 10:0
      ربنا يتوب علينا جميعآ لكن صدقنى الحكم زودها حبتين .. يمكن عشان الفائز ح يلاقى فريق من ساحل العاج ؟
  • #2
    Hajjam 06-04-1437 10:0
    أحسن تطلبوا حكام الأقاليم عشان احكموا ليكم المباريات الافريقية مادام حكام العالم كلهم ضدكم وواقفين مع الهلال. هانت الزلابيا ياناس كاسات اللقيمات.
  • #3
    Hajjam 06-04-1437 01:0
    حتي الهزيمة بهدف لم تكفي لاشباع نفوسكم المريضة من الشماتة علي الهلال.... وعاوزين كمان يحسبوا ليكم اهداف التسلل وضربات الجزاء الوهمية؟ ام هذه مقدمات لتعليق فشلكم علي شماعة التحكيم في حالة حدوث فضيحة افريقية للمرخرخ؟؟
أكثر
لا توجد مباريات
لا توجد مباريات
لا توجد مباريات