• ×

نحنا اسياد البلد ..ان جد الجد ..!!


● لسنا سذجا ..
● لسنا ..نعاجا ..
ولذا علي اتحاد شروني ..المحامي ..ان يحتفظ بتبريراته ..لنفسه ..او يكتفي بتوزبعها علي الاسياد ..والجوهرة ..قوون وعالم النجوم ..واذاعات عثمان حسن مكي ..ورضاء والسماني ..
● اما قراراته ..فان عليه ان يتخذها ..ويذيعها ..ويطبقها ..في اجتماعاته ..مع العصير ..والشاي ..والوجبات الفاخرة التي يدفع ثمنها شعب المريخ من قوت اطفاله ..لان هذا الشعب ..ليس بالسذاجة ..او الجبن الذي ..تصوره الاسياد ..الساذجة ..المحمية ..من فووووق
و صويحباتها في التفلت والتقعر ..والاسفاف..رغم عدم قيمة الحماية الان مهما كان من يقدمها ..
● نعلم جيدا ان ما يحدث للمريخ ..تجاوز كل الحدود ..وتخطي كل الخطوط الحمراء ..الارهاب المنظم ..محاولات قتل منسوبي الكيان بقوالب الطوب ..وقطع الاسمنت .. الاستهداف ..البلطجة ..الاعتداءات ..الاساءات ..الركل ..اللكم ..الطرد .. تحت رعاية اتحاد فاسد ..اكد رئيس الهلال انه قبض منه اموالا ضخمة بالدولار والجنيه ليفوز في الانتخابات ..المحلية والقارية ..وان قادة الاتحاد اعادوا قروش القارية ..وان المحلية ذهبت في حق الله ..ومن يومها ..والهلال راكب علي راس الاتحاد ..والمريخ يدفع التمن ..يا مجدي ..ومعتصم ..واسامة ..وان الاوان لايقاف سداد هذه الفاتورة ..خصما علي شعب المريخ ..الذي لم يقبض معكم ..دولارا او جنيه ..من هذه الاموال ..وعليكم سداد ذلك علي اي جهة ..غيرنا ..
● ما نقوله ..ليس رجاءا ..ولا طلبا .. ما نكتبه نحن اعلام ..وابناء واعضاء عمومية..المريخ ..امر رسمي ..ستخنعون له شئتم ..ام كرهتم ..
● نعلم جيدا ..ان شرط الهلال ..هو هدفه الاهم ..وحلمه الابدي ..وهو حرمان المريخ من الفوز بالممتاز ..ليس لانه ممتاز ..لكن لانه البطولة التي تاهل بطلها للشامبيونزليق ..والشامبيونزليق .. هي السلة التي اجبر الاحمر الكبير الهلال علي وضع بيضه كله فيها ..
● كل البطولات فاز بها المريخ العنيد..وسبقهم عليها ..ولم يتبق الا الشامبيونزليق ..فعلق الاهلة كبارهم وصغارهم حلم حياتهم بها ..للفوز بها قبل المريخ ..ونعلم تماما انه من اكبر هلالي مهما علا منصبه او قدره في هذا الوطن المكلوم ..الي اصغر واحد منهم ..مستعد لارتكاب كل كبائر الدنيا ..حتي لا يفوز المربخ ..بهذه البطولة ..واستطيع ان احدد كم مليون تم صرفها علي (السفلي) في موسم 2008 ..لا ليفوز الهلال بها ..بل لكي لا يفوز المريخ باي مباراة في دور المجموعات ..
● ان ما حدث عشرين مرة من امل عطبرة جمال ح سعيد ..ثم رابطة ابومرين ..وشندي ..ثم ما تكرر في كارثتي ..الفاشر ..ارهاب ..كامل الاركان ..وتعريف الارهاب ..هو قتل وترويع المدنيين ..الابرياء ..وهو ما حدث بحق سودانيين ينتمون للمريخ ..في كل هذه الملاعب ..ولا ندري لماذا لم توفر الشرطة الحماية لهم ..ثم لا ندري ايضا لماذا لم تلاحق الارهابيين ..الذين ارتكبوا جرائم شروع في القتل ..وحرابة ..؟؟هل هناك جهات اعلي من الدستور ..تشرف علي محاولات قتل المريخاب ..
● استراتيجية الارهاب ..مخطط مدعوم ..من رجرجة ..من الاداريين ..وصحافيين .. يستغل فيه حاجة بعض الشماشة ..والهومليس..والعواطلية ..في كل مدن السودان ..
● لكن..
● لسنا ..سذجا ..ولا ..نعامات ..ولا نعاجا ...ليستبيح دمنا ..رجرجة الصحافة التافهة ..الرهاقية ..
● ليعلم البرلمان ..والجهات المسؤولة .. ان الرهان علي سذاجة وبله ..وجبن شعب المريخ ..الذي يصر كتاب صحف السقوط ..والجهالة ..من صحافيي الخدمة الطويلة ..الرانكرز ..علي تأكيدها ..كذبة مكلفة جدا ..وباهظة الثمن ..
● كذبة كبري ..يفضحها رد الجماهير الحمراء ..علي بذاءات رجرجة بحق راجي عبدالعاطي ..بعد 4 ايام فقط ..في عقر استاد الهلال ..في حضرة كل الدنيا ..
● اعرف ..بحكم تواجدي الدائم ..في قلب المدرجات ..مدي الغضب الذي ولده الاستفزاز ..والطرق التحريضي المتكرر .. في وجدان 14 مليون مريخي ..وكان ناتجها ..التظاهرة المتحضرة ..الي الاتحاد العام ..لكن ذلك ..قبل ..مؤامرة ايقاف الوك ..وتشييد جسر شيبون ..وارهاب هلال ومريخ ..فاشر السلطان ..برعاية عبدالسميع ..وحسب الله ..
● امامنا خطوات ثلاث ..البرلمان ..ف رئاسة ..الجمهورية ...والقضاء ..و بعدها اذا تجرأ ابن انثي علي مس شعرة منا .. ف (الرحط) اولي لنا من الخنجر ..
آخر الاجراس
___________________________
السذاجة ..الي متي ..؟؟
____________________________

● من اسف هناك ..اما ..طيبين ..اوي .. او لا يحملون جينات ..السلالة الحمراء الابية ..
● قالوا ..ايه ..قالوا ..يعاقب تراوري .. وجمال سالم ..؟؟
● بالله ...؟؟
● الم تسمعوا بمهابة المريخ ..هل سمعتم بكمال عبدالغني ..وابوعنجة ..وبدرالدين .. الي زمان باكمبا ..؟؟
● لم يكن هناك ..(مدفوع)له ..يتجرأ علي (فتح ) فمه ..امامهم الا بالتحية ..
● و والله خزينا في ناس فييرا ..وامير ..اولاد البلد ..ولم يرفع رأسنا غير تراوري وجمال سالم ..
● لعلم هؤلاء انا اكتب الان من محيط النادي ..من حولي يطالبون المجلس بتحفيزهما ..في حفل يحيه احمد الصادق وانصاف مدني ..يتكفل به مريخاب المدرجات الشعبية الشرقية كلهم ..
● لماذا لم يتصدي حاتم ..لبلطجة ..محمد الفاتح ..الذي تحرش بالبلجيكي ..شينة منكم والله ..ضيفنا يهينه مثل ...حجازي ..هانت الزلابية ..والله
● مبروك ..نجح معتز تمشيطية ..في هز شباك اهلي مدني ..ببلنتيين ..معتزيين ..باسطيين ..وادام الله ..العطاء..
● اتق الله ..يا صالح ..فالموت في الرقاب
● اللهم لك الحمد علي ما وهبتني من نعم ونلتها بكرمك ..ولك الحمد علي ما وهبتني منها فاضعته بسؤ نفسي ..
امسح للحصول على الرابط
بواسطة : حسن حمد
 25  0  4.2K
التعليقات ( 25 )
الترتيب بـ
الأحدث
الأقدم
الملائم
  • #1
    سكك بكج 04-29-1437 10:0
    هو بالله الوصيفاب 14 مليون بس
    إذن باقي الشعب أسياد بلد
    فشهد شاهد من أهل وصيف السنين

    في ذمتك انت قائل نفسك كاتب ليك كلام يدخل العقل
    فعلا مقالاتكم تشبه كورتكم
    عايشين وهم وأنكم مستخدمين والدنيا كلها تحارب فيكم
    تكذبو وتصدقو الكذبة
    في إرهاب أكثر مما تفعله جماهيركم
  • #2
    osama 04-29-1437 11:0
    ما هذة الخزعبلات يا رجل اليس هذا الاتحاد من منحكم بطولة زائفة يا بطل الابطال صحيح الاختشوا ماتوا.
  • #4
    أبو الياسUSA 04-29-1437 11:0
    نحن ما فهمنا أي حاجه، انت عايز تقول شنو با الضبط؟ انت فعلا صحفي؟ يا راجل حرام عليك، ده كلام ما يتكتب في جريده حائط لسنه ثانيه اوليه(مع اعتذاري لتلاميذ سنه تانيه أوليه)
  • #5
    Hajjam 04-30-1437 12:0
    هههه هااااا عليك الله استحي. ..... انتو بتشتكو من اتحاد اللقيمات؟؟؟ الاختشو ماتوا. صحيح والله.
  • #6
    Saif dawood 04-30-1437 01:0
    بسم الله الرحمن الرحيم يازول مالك بتهضرب؟ الله يشفيك ويعافيك
  • #7
    cooper 04-30-1437 01:0
    رحمك الله حسن ابوالعايلة . حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل
  • #8
    هيثم علي 04-30-1437 03:0
    ياخي ماتنشر الجهل
    المريخ 2008 لم يشارك اصلا في دوري الابطال
    يعني حتى لو مقتنع بقصه السفلي دي
    اليس من الاولى ان يستخدمه الهلال ليحقق البطوله
  • #9
    صلاح محمد حسن الشيخ 04-30-1437 04:0
    نعم نحن لحمنا مر
    والبقيف قدامنا لازمو يفر
    وجربوها كتير وكبو الجر
    نحن الصفوه المسارن سر
    ويوم الوغى تفور دمانا حر
    والجايات كتير نكرو كر
    ولكل عزيز ما بندور لو الشر
    ومين غيرنا كاستو جوى وبر
  • #11
    Talal 04-30-1437 05:0
    وريتونا أخلاق "الكفوة" لكين !!! بالله ده إسلوب كاتب صحفي؟ ليهم حق جماهيركم يكونوا كدة...ثم ياسيد إذا كنت تود الصعود إلي القمة فلاتستغل سرج الهلال لأنو عالي وبتقع منو وتكسر رقبتك...الإتحاد الذي تتحدث عنه هو من منحك نقاط المكاتب وهو من توجك بطلاً وهمياً ل"جيفة" الممتاز بعد خسائر وفضائح مجلجلة، لكن كعادتكم ناكرين للجميل وبإمكانكم ركل كل من ساعدكم بعد أن تنالوا ماتسعون إليه..!!! وبعدين ياخي خليك زول فاهم وعاقل، السفلي شنو والتخلف شنو ليك؟ كل الناس شافت فضايحك بالضبايح في الإستاد نهاراً جهاراً وجلب الأناطين والمشعوذين للإستاد علي مرأي ومسمع كل العالم، وإدعاء أبودليبة كاتبكم الصحفي المعروف بعمل السحر للاعبي المريخة ومطالبة إدارة النادي بجلب الأناطين لفك السحر في الإستاد...، حتي صرتم مصدراً للتندر والسخرية في وسائل الإعلام، بصراحة منظركم بيضحك وبايخ جداً....كدي ورينا الهلال دفع كم للسفلي....وبالمناسبة، قلت لي عدد جماهيركم 14 مليون؟ عندك تعداد بالكلام ده...طيب ماتخليهم يدعموكم بالمال..ههههههههه ...ناس المريخة خلاص السكليبة والرجفة خشت فيهم....وشكلو كدة قريييييييب الموردة الحلوة حاتحتفل بإنضمام أخ ليها في الأولي...هههههههههه
  • #12
    أبوعلي 04-30-1437 05:0
    سؤال أبحث عن إجابة له
    ماذا تم في شأن قيمة تحطيم كراسي الاستاد؟!
    500000 دولار لم يدفعها الهلال وسانده اتحاد مجدي وشروني أم ماذا؟
    هل الوالي ومجلسه بسلبيتهما وضعفهما قد تسببا في ضياعها؟
    نوّرنا في صراحة ووضوح
  • #13
    ابايزيد علي 04-30-1437 07:0
    والله اني
    ندمت اني قرأت هذا العمود اﻻطرش من واحد اطرش
    كأنك مشجع ﻻ تفقه شيئ وﻻ تعلمت حرف واحد
    ياخي ده مقال تكتبه
    بعد كده شيل سكينك بس وامش طعن
    ما اظن اقرأ لك مقال مره تانيه.
  • #16
    سيد المنقة 04-30-1437 08:0
    والله يا ناس المريخ كل البقدر اقولوا ليكم انو عندكم حاجة رايحة ليكم لكن ما عارفنها شنو؟؟؟
    وقسماً بالله المريخ عالم زباااااااااااااااااالة.
       الرد على زائر
    • 16 - 1
      Hajjam 04-30-1437 11:0
      صدقت.............
  • #17
    شمس الدين ريحان 04-30-1437 08:0
    طيب يا سخفي ما تحترم القلم امانه ربنا ها يسألك يوما ما وما تنسي الفتنه أشد من القتل وقبل هذا وذالك رأجيك عذاب القبر
  • #18
    بكرى النيلين 04-30-1437 08:0
    اخونا حسن محمد حمد..
    اولا ..بلاش هضربه ومحاكاه كعادتكم دائما..اسياد البلد معروفين من زمان وانتو الضل كما قال اليوغنديون اخوان جمال سالم حارسكم...يعنى نحن برئيين من لقب الضل الوقف ما زاد..نحن الهلال بنريدو جد ..نحن الهلال اسياد بلد...نحن الهلال البصوموا بيهو الناس ونحن الهلال البعيدو بيهو الناس ...حتى المريخاب..نحن الهلال مرفوع على كل مئذنه..نحن الهلال فوق فى السماء وحوالينا النجوم ...شوف الهلال حولو النجوم اتلفو فيهو اتغزلو....وبعد دا تقول اسياد البلد ..عليك الله ما بتخجل..
    عمايلكم السوده ولفكم ودورانكم انقلب عليكم ....من حفر حفرة لاخيه وقع فيها
    سؤال بسيط..الباك اليمين بتاعكم اسمو منو ..محمد شمس الفلاح ولا ..ماذن شمس الفلاح..
    وهل هو شخصيه واحده ولا شخصيتين...لحدى هنا كفايه والغريق قدام..
  • #23
    بدر 04-30-1437 11:0
    قسما بالله لو في قانون عادل في البلد لحاسبك علي كلماتك التحريضيه دي وصدقني تنفع كاتب دراما وافلام عنف فخيالك واسع جدا جدا ولك الله يا سودان المحبة
  • #24
    ناس معزتنا 04-30-1437 12:0
    في وجدان 14 مليون مريخي ?!
    يعني دا بس عددكم في البلد ؟!
    وشهد شاهد من اهل الوصيف !!

    يا زول انت فاكر نفسك كاتب ليك كلام بيدخل العقل ؟! ما في جملة راكبة مع التانية ولا موضوع مفهوم ولا انت عاوز تقول شنو ولا شايت وين ما معروف ؟!
    الرجرجة الانت قاعد في نصهم كما تقول هم من عملوا البذاءات وبدأو بالهتافات المسيئة وهم من بدأ بالتحطيم ... كلها موثقة صوت وصورة لدى الاتحاد العام ولدى الكاف الذي عاقبكم اكثر من مرة !!
    اسياد البلد 30 مليون شخص هم جمهور راقي وواعي فازوا بجائزة المشجع المثالي في الكاف وفي الاتحاد العربي !!
  • #25
    ابو احمد 04-30-1437 01:0
    الهذا الحد وصلنا في درجات الانحطاط
    أن يدافع صحفي عن سوء السلوك وكلنا رأينا ما فعله تراوري الذي كان يستحق الطرد ومافعله المغرور جمال سالم الذي استحق الطرد . وكان على الحكم ان يحتسب ضربة مباشرة على المريخ لان جمال خرج بالكورة خارج خط 18 وهي في يده .
    ليأتي هذا الصحفي (صحفي الغفلة ليدافع عن سوء السلوك .
أكثر
لا توجد مباريات
لا توجد مباريات
لا توجد مباريات