• ×

رحيق الختام

رحيق الختام -----محمد عثمان الجعلى
الهلال والتسور بهجة وسرور
بدأ هلال العام الجديد إنطلاقته المباركة فى دورى الوطن الممتاز بإيداع نقاط المباراة فى رصيده الوطنى فى بنك السودان بعد أن فاز على الرومان بثنائية نظيفة بالجزيرة الخضراء ،ومباراة الهلال الثانية مساء الأربعاء عندما نحل ضيوفاً على النسور الأمدرمانى --- وكان المدرب نصر الدين النابى صريحاً ومنصالحاً مع نفسه عندما قال إن النجم النيجيرى ستيفن وارغو لم يبلغ درجة الجاهزية التى تمكنه من المشاركة أساسياً فى مباريات الهلال الحالية ولذا لم يشارك فى مباراة الإتحاد مدنى ، وإحترم إعلام الهلال وجماهيره رغبة الجهاز الفنى لأن هلال العشق الجميل يتعامل بإحترافية وواقعية وهذا سر نجاحنا بعد توفيق الله تعالى ، وسوف نفقد فى مباراة النسور صانع الألعاب المميز عمر سيدى بيه بسبب كارت وديدى الأحمر ، والحمد لله لدينا أكثر من بديل فهناك الغزال الذى غاب عن مباراة مدنى ، كما أن مدثر كاريكا نجح عندما لعب صانع الألعاب وكان عشرة على عشرة ---إنه هلال البدائل الجاهزة ، طبعاً هناك بعض النجوم لم نشاهدها فى مباراة الإتحاد غير مهند فقدنا محمد عبدالرحمن والغيور خليفة والمعز ومالك --أقول ليكم حاجة سليمان سيسيه منح الرقم 15 رونق خاص ، وبإذن الله الهلال بمن حضر ، خط السنتر عندنا أصبح تنافس شديد بين المعلم وبشة والغزال والشغيل ونزار وغيرهم من الأقمار ، والدورى السودانى خير إعداد لبطولة كبار أفريقيا بطولة سيد البلد المحببة --- وناس الكاف ( بارك لله فيهم ) عرفوا مقام سيد البلد وتم منحنا الإعفاء من اللعب مع التميداب ( والبلعب مع التمهيداب بغلبوه ) والحمد لله نبدأ مشوارنا الأفريقى من دورى 32 مع الستة الكبار ناس مازيمبى والأهلى القاهرى والترجى التونسى والصفاقصى والقطن الكاميرونى ومعهم بالطبع الهلال السودانى ، ياشباب مش ملاخظين الحكم وديدى الفاتح مترصد الهلال ورغم ذلك إحنا صابرين !! مفروض كل هلالابى يتعوذ كل يوم من ظلم الحكم وديدى واللعب فى التمهيدى ، مفروض الناس تعمل سجدة شكر لله لأن الساحة الرياضية فيها هلال الملايين
***فريق البلدية أحرج العالمى بالخرطوم وهزمه بثنائية
نعم نناكف المريخ ولكن نغضب لهزيمته الأفريقية لأنها بإسم الوطن ومن أجل السودان نزعل للمريخ وإت ظللنا نناكفه بسبب إعلامه السالب الذى يهتم بالبهرجة الزائفة ويمارس خذاع الذات ، وإذا إنتقدنا هذه السلبيات قالوا حاقدين وحاسدين --- وشاهدنا قبل مباراة البلدية والمريخ المنقولة على قناة الشروق كيف تعمدت الشروق بإيحاء من الإعلام الأحمر التركيز على بص المريخ وإلتقاط الصور له من جنباته الأربع وتصوير لعيبة المريخ واحد وراء الثانى وكل لاعب واضع السماعات على الأضنين مع مسك الجوال بطريقة معينة تقول ناس الطاهر سادومبا وأكرم لاعبين فى الدورى الأوربى ( إمكن الجماعة ديل صدقوا حكاية عالمى ولاتكلمنى !! ) وكانت النتيجة ثنائية نظيفة لبلدية كمبالا بالخرطوم فى الدقيقة 20 و22 من الشوط الأول وإنتهت المباراة بهذه النتيجة رغم أن الحكم الأريترى جبريل كان متعاون معنا لأبعد الحدود وفى حالات كثيرة ضد المريخ عمل فيها نائم ، وحتى ضربة الجزاء التى كانت يمكن أن تقلص الفارق أضاعها واوا بعد أن لعبها سهلة فى يد الحارس سالم باقولا ، ولقد صعبت مهمة المريخ لتخطى دور التمهيدى وهو الذى عمل معسكر فى قطر ولعب مباريات ( فشخرة ) مع البايرن وزينيت الروسى وريد بول النمساوى وكانت النتيجة أن نخسر من البلدية بالخرطوم !! وكما قال حمدان شاعر الناظر حاج محمد *** غرارة العبوس يا أخواننا قط مادائمة *** تمشى مع النجوس ومع الأكارم نائمة *** فى غابة الأسد الضبعة صبحت حائمة *** التمساح غرق وشوف الورايل عائمة ---ولانملك إلا نقول إن كروجر تسبب فى هزيمة المريخ عندما أبعد صانع الألعاب هيثم مصطفى ودفع بالحبشى الأطرش شيم لص
*** رسائل وتعليقات بعد مباراة المريخ واليوغندى
الرسالة الأولى من إبن الوهاج من مريخاب الأمارات بعد إحراز الضيوف للهدف الثانى قال بعد كدة كان أحرزنا عشرة مافى فائدة أما خلف لله بلة من مريخاب خيبر قال يجب إقالة الجهاز الفنى وكل اللعيبة المتخاذلين الذين لايشبهون المريخ ، أما أدروب بكرى عيسى حمد من هلالاب مكة فقال عالمى ---عالمى ---لا تصحينى من أحلامى --ناس كمبالا كمبلو وعرضوا ، ومحمد عبدالفتاح من هلالاب الرياض فردد أغنية ( الكان داكا سيدى سيد الأراكا وأضاف الكمبالا والحالة صعبة وبطالة ، ودكتور محمد على الكوارتى من هلالاب الرياض قال العالمى قادر على قهر الصعاب وموعدنا كمبالا وأخيراً محمد عبدالمجيد المحسى صاحب فوال النيلين بحى الشرفية بالطائف تحدث بلهجة أهل المحس العفوية وقال ---ياجعلى كلم صاحبك داؤود عبد الحق قول ليه إذا العالمى بالبساطة دى الله يستر على برشلونة وقول ليه يعنى خلاص حكاية العالمى دى إنتهت وإذا كان العالمية كدة عايزين الهلال يكون محلى
*** همسة الوداع
طبعاً مافى إنسان يؤمن بحكاية السبر والكوج إلا من باب المزاح لكن إذا فى كوج للمريخ من إتنين تراورى الذى كج الهلال السنة الفاتت عندما خرج من الدور الأول والكوج التانى البص السياحى --طبعاً الصفوة مارست هوايتها وحصبت الملعب ولبدت لنجوم المريخ جنب البص السياحى وبهذه المناسبة نهمس فى أذن صاحب القلم الأحمر بعد كدة هل ممكن تقولوا للملكية جوبا أنتم السابقون ونحن اللاحقون ؟ مجرد سؤال -
امسح للحصول على الرابط
بواسطة : محمد عثمان الجعلي
 17  0  2.7K
التعليقات ( 17 )
الترتيب بـ
الأحدث
الأقدم
الملائم
  • #3
    عبد الله بلل القرياتي 04-09-1435 09:0
    عزيزي الجعلى لك التحية ، واليوم أوفقك في تطبيل الإعلام السالب الذي يطبل على الفاضي ، أما بخصوص لعيبة المريخ لا يستحقون أن يمثلوا المريخ لأنهم مدللون ومدلعون ويجب أم بارح كل واحد يأخذ جلدة كاربه وأولهم كروجر لأنه أختار الحبشي وترك البرنس ، صدق كروجر دا معناها بسكر مع الحبشي دا عشان أختاره في التشكيلة ، أما تراوري تطلع ماسورة زي وارغو ، معقول دفاع المريخ يكون منبرش من الشوط الأول زي الأطفال اللاعبين في المطر بدون تركيز بدون تفاهم تمريرات كلها غلط في غلط ، واوا يشووووت ضربة الجزاء تقول لاعب في تمرين مسوي دقنوا زي التيس البعامي ، غايتو رفعوا لينا الضغط والسكري ، الله يجازي كلاً من تسبب في هذه الهزيمة ، وعلى الطلاق لو واثق من ناس كفر ووتر بنشرو كل الكلام العاوز أقوله لكنت قلت أكثر من ذلك - معليش احتراما للأخرين ،،،
  • #4
    الامين عبد القادر 04-09-1435 09:0
    التحية والسلام اخوى الجعلى حزن اصاب القبيلة الرياضية ولا ادرى ماذا يكتب اعلام الضلال والتطبيل والمنفعة وسعدت جدا لجمهور هلال الوطن فى يوم الوطن واثبت بان شعارنا الله --الوطن -- الهلال لم ياتى من فراغ وفعلا كانوا فى يوم الوطن جنبا الى جنب مع اخوتهم فى مريخ السودان وياريت يتعلم اعلامكم السالب من هذه الجماهير الوطنية وكانت رسالة للجميع رغم الهزيمة المرة *** شاهدت شوط اللعب الاول ولم ارجع للثانى والجواب من عنوانه يكفى وتحسرنا على جنسيتنا التى تعطى لكل من هب ودب وياريت لو يستفيد منها منتخبنا الوطنى والا لابد من تدخل الدولة فى ايقاف هذا العبث باسم الرياضة واقف مع كابتن هوارى فى هذا الكلام *** كل المحترفين وتحديدا من منحوا الجنسية السودانية وان تعيدوا للجنسية هيبتها لان هؤلاء اللاعبين ليسوا اهلا للجنسية وفاقدى الاهلية بالانضمام للمريخ...***** واضف اليها اذا لم ولن يستفيد منهم منتخبنا الوطنى فلاداعى لهم والفينا مكفينا ياجماعة الخير والكلام ليكم ياتحاد السجم العام **** ودمتم للوطن والهلال فى حفظ الرحمن
  • #5
    السنجك 04-09-1435 09:0
    ابن الوهاج اسوء المتشائمين لايصدق نتيجة الامس ...صراحة احزننا المستوي ...و ماذلك الا لان الخصم احترم المريخ و العكس لم يحدث فكانت الكارثة ...هكذا هو حالنا عندما نظن انفسنا أفضل من الاخرين يصيبنا الغرور و التكبر...هاردلك يامريخ..و نسأل الله ان يوفق في الرد الاعتبار ...فالكرة السودانية تتمثل في قطبيها الهلال و المريخ و لن تسير بصورة صحيحة اذا لم يكونا في اتم العافية ....هاردلك للسودان و نسأل الله ان يجعل التعويض في يوغندا ...و الكبير كبير ...و الخيل الاصيله تأتى في لفه ...نقول هذا الحديث من منطلق فائدة الكرة السودانية ...و لا مكان لشمات بيننا ...فلايعقل ان اشمت علي اخى ..
  • #6
    جعفر صالحين 04-09-1435 09:0
    أؤكد ان من حصب الملعب بالقوارير ( اذا حدث هذا ) .. هم انصار الهلال الذين اندسوا بين الجماهير ... معقولة نصدق ان واحد هلالى جاء ليشجع المريخ .. ولكن باذن الله الواحد الأحد .. تطيروا معانا .. وزمان قلنا (( ما بنطير برانــــــــــا )
  • #7
    سامي 04-09-1435 09:0
    السلام عليكم ياجعلي الجماعة انطبف عليهم المثل الشعبي (عريان من تحت ولابس صديري) اهو دي نتائج الفشخرة والزيف بانت تماما وربنا يستر من الاعاصير هناك في كمبالا سيتي الام هناك لا في حكم اريتري ولا يحزنون بس انا اشك انو كرومي دا يقبل يسافر معاهم بصراحة كدا مباراة الرد حتكون قاسية ومع العالمي لا تغمض عينيك اكيد غوارديولا شاهد المباراة دي بتمعن عشان يعمل حسابو المرة الجاية بس ايه نعمل مع الدولار الطاير دا كمان ممكن برشلونة ناوي المفاوضة السنة الجاية
  • #8
    منعم ابوناصر 04-09-1435 10:0
    جعلى تحياتى سلم على اخينا المكلوم ودبلل اللهم لاشماته لكن نحن عارفين حدهم فى هذه البطوله محطة تمهيدى وانت قبل كم يوم فى رحيق تكلمت عن هذه البطوله وسرت مشوار الاسياد فيها عشان كده مابلعبو تمهيدى 0 لكن الله يستر خيروجكم من التمهيدى عادى بس مايكون بفضيحه قال عالمى قال عالمى دائما طالع يامن نقابة البلديه اونقابة التاكسى
  • #9
    مبارك دال 04-09-1435 10:0
    الجعلى الأنيق صباحات وردية يالحبيب متعك الله بالعافية بالأمس وعشان خاطر ابورونق وقفت وللمرة الاولى فى حياتى ودة طبعا عشان ميول رونق الهلالية قلنا نجامل اخونا داؤد عبد الحق لكن للأمانة خزلونا لاعبى المريخ والمدرب اذ ان المريخ لعب مباراة فاترة لاترقى لمستوى كلمة عالمى بل كان علة بالاصح او عليل جميع خطوطه متفككة ومتشلحة مدرب لايحسن قراءة الملعب يمارس العناد على حساب الجماهير التى تقتطع من قوت يومه كى يقفوا مع عشقهم المريخ عموما هاردلك المريخاب ولاتقولا تانى كلمة عالمى عشان ما يصيبكم الغرور أما هلال العشق الجميل كفى ان يكون كاريكا ومهند وبشة ممن يصنعون لنا الفرح الجميل الهلال عالم رائع (بتطلع انت من غابات ومن وديان ومنى أنا ومن صحية جروف النيل مع الموجة الصباحية ) (بتطلع انت من صوت طفلة وسط اللمة منسية ومن شهقة جروف عطشانة فوق احزانا متكية ) الموسم دة ان شاء الله وبعونه سيكون موسم استثنائى لنا ومن غير التضخيم الاعلامى لاعبى الهلال هم من أميز اللعيبة فى السودان يعنى مابنلونهم ساكت كدة الاداء الجيد هو ديدنهم عشان كدة بنحبهم شديد الله يحفظ الاقمار اينما حلوا (صديقى المريخابى كالعادة عندما يهزم المريخ يسكر جوالو ماعارفين انو الكورة نصر وهزيمة تعيشوا وما تتآلموا تانى يا آلميين )
  • #10
    منعم ابوناصر 04-09-1435 10:0
    سلم على مزمل القال خواجه كيسو مليان فعلا مليان محن واهداف وتراورى المجلى كيسو مليان دا طلع مجلى تراورى بامجلى يامزمل كيسو طلعتو اكبر اكياس هواء واكبر مواسيررررررر0 هاك يامصنف الاكياس يامزمل كيسو
  • #11
    عثمان الحكيم 04-09-1435 11:0
    الاخ الجعلى لك التحيه صدقنى هذا مستوى الكره السودانيه من الهرم الدول والاتحاد العام واداراة الانديه والاعلام السالب المصلحجى واللاعبين وكل المنظومه والنتيجه صفر وحتى هلالنا مماتعشم يالجعلى وخليك من وجع الراس وتابع الدوريات الاوربيه وحتى الدورى السعودى افضل وانا والله شفقان ومتحسر على الشعب السودانى قهر وظلم و000 ومتى يفرح هذا الشعب الذى والله يستناهل كلو خير لكن الله يمهل ولايهمل عثمان الحكيم الدمام0508170463
  • #12
    أبو علويه 04-09-1435 11:0
    أكرم الكريم على الشمال وعلى اليمين عزين البص الجديد يمكن أن يعبر بسهولة شوارع الدفاع المريخية ضاعت اليوروهات البايرنيةالميونخية تحت أقدام المستهتر باسكال لله درك أيها المشجع المريخى فسوف تلوك حبال الصبر كثيرا لحين ذهاب الاوحد عبد الصمد والفوهرر كروجر
  • #13
    أبو مدثر 04-09-1435 12:0
    قال ليك واحد مسطول سالو واحد قال ليهو : انت الفريق اليوغندي اسمو شنو ؟ رد المسطول قال : هو اظنهم جو بسالوا من مباراة الحصاحيصا كم نفر تبول عشان كده سمو ( كم بالا ) .
  • #14
    هلالابى- أزرق دمو 04-09-1435 01:0
    قال.... قال... عالمى ... قال؟؟؟؟؟ أكان دى عالميتكم...الشفناها دى... الترابه الفى خشمكم... البلدى يهزم العالمى.. معقولة بس...مابصدقكم؟؟؟ أحرجتونا.. كل ده من شلاقتكم القدت مكنتكم..غايتو عندى ليكم حل واحد...!!!! ( تكلمو الوالى يمشى كمبالا.. ويدفع ليهم مليار ونص دولار ويشترى مباراة الاياب ) نظام دعم حكومى وكده ..رايكم شنو .. حذف .. ؟؟؟ ههههههههه ههههههههه هههههههههههه هههههههههههههههههههههههههه ههههه عالمى هههههههه هههههههه قطعت مصارينى هههههههه هههههههههههههه قلت شنو؟؟؟ كمبالا سيتى ... ولا كنداكة ستى... ماسمعت كويس ... كمبالا سيتى ضربو العالمى فى عقر دارهم.. معقول بس.. ديل لعبو مع البايرن العالمى..يالله يالله غلبهم 2/. بس..تجى تقول لى فريق محلى وفى الدورى التمهيدى يغلب المريخ العالمى 02/0 ليه اصلو بقو بايرن ميونخ ولا شنو ..مابصدق ..قول كلام غير ده !!!!!! الكنداكة سيدى سيدى الاراكة.. أبوى وينو عكاز العمايا... أبوى وينو البعصر جنايا..كمبالا سيتى سيتى كمبالا... الكمـــــــــــــــــبالا...
  • #15
    بابكرعوض الشيخ 04-09-1435 02:0
    أخونا علي السيد لك التحية والتقدير والله جرح أمس مس جميع القبيلة الرياضية بالسودان وهذه الهزيمة ليس نهاية المطاف بالتفاؤل والعزيمة يمكن عمل كل شيء ولا مستحيل تحت الشمس أرجوك ألا تظلم عبدالله القرياتي الرجل مريخابيGeniune وعلى السكين ما يرد من مقالات وتعليقات على المواقع ما هي إلا مناكفات ظريفة لا تصل إلى درجة العدائيات فالمسألة كورة ورياضة تهم الجميع ومن خلال متابعتي للمقالات حللت ن الرجل أعطاك هاتفه للإتصال عليه بغرض التعارف والتواصل معه بصفة خاصة مع وافرالشكر والتقدير والإحترام لكم جميعاً.
  • #16
    كتاااااااااحة 04-09-1435 02:0


    الفاااااااااتحة .. المرحوم كان طيب و (عالمى) الله يرحمه

    image
  • #17
    علي ياسين 04-09-1435 04:0
    بصراحة انا هلالابي لكن حزين جداً على خسارة مريخ السودان ربما يقلل من عدد الفرق السوانية في مسابقات الكاف ... الجعلي من اين لك كلمة كج ( اضحكتني بشدة ) + عبارة سابقة : البدري ضــري عيشو . انشاءالله نواصل.
أكثر
لا توجد مباريات
لا توجد مباريات
لا توجد مباريات