• ×
الخميس 28 مارس 2024 | 03-27-2024
مزمل ابوالقاسم

كبد الحقيقة

مزمل ابوالقاسم

 61  0  10040
مزمل ابوالقاسم
الدوري وُلد ميتاً!
* من الواضح أن منافسة الدوري الممتاز الحالية ستواجه مصاعب كبيرة كي تصل إلى بر الأمان!
* بدا تأثير الحكام السلبي واضحاً منذ الليلة الأولى، حيث تعرض المريخ في الجبال إلى ظلمٍ يهد الجبال!
* أحجم الحكم الدولي أحمد النجومي عن معاقبة حارس هلال كادوقلي الذي أمسك الكرة بيده خارج منطقة الجزاء، حارماً مهاجم المريخ وارغو من فرصة تسجيل هدف!
* مثل هذه المخالفات عقوبتها واضحة، وتطبق في كل المباريات، لكنها معطلة في مباريات المريخ في ما يبدو، بدليل أن الحكم معتز عبد الباسط أحجم عن طرد حارس الهلال الدعيع في مباراة نهائي الدورة التنشيطية عندما أمسك بالكرة خارج منطقة الجزاء حارماً مهاجم المريخ إيداهو من فرصة تسجيل هدف محقق.
* ليست صدفة، فالصدفة لا تتكرر مرتين، وقد تشابه القرار عندما تكررت المخالفة مرتين في مباراتين للمريخ!
* وفي المباراة ذاتها تغاضى النجومي عن اعتداء مدافع هلال كادوقلي مشرف زكريا الذي ضرب لاعب المريخ عبد الكريم النفطي بركبته على وجهه فأسال دمه وتسبب في سحبه من الملعب ونجا المعتدي بفعلته.
* وفي الخرطوم حرم الحكم الدولي الفاضل أبوشنب الأفيال من ركلة جزاء أوضح من الشمس شهد بصحتها غلاة أنصار الهلال مثلما اعترف بها معظم إعلاميي النادي!
* كما احتسب أبو شنب هدفاً لصالح الهلال من كرة حولها سيف مساوي داخل المرمى بيده!
* وبعد نهاية اللقاء انتقد خبير التحكيم المعروف الطاهر محمد عثمان الحكم الفاضل أبوشنب، وأكد أنه تغاضى عن احتساب ركلة جزاء كانت تستوجب طرد الحارس المعز محجوب.
* وفي كسلا شهد المراقب الفني لمباراة الميرغني والأمل بعدم صحة قرار طرد اللاعب عبده جابر، كما ووجه قرار طرد جبارة باعتراض عنيف من الجماهير التي حاولت الاشتباك مع الحكم بسبب إحساسها بمرارة الظلم.
* لا فائدة في دوري موجه، لا تتوافر فيه العدالة وينعدم فيه مبدأ تكافؤ الفرص.
* ولدت المنافسة ميتة بأمر حكام صلاح الذين تم إعدادهم بعلوق الشدة قبل بداية المنافسة بأيام معدودة!

العزيمة والإرادة
* رغم نقص الأوكسجين في أديس أبابا، تفوق المريخ في الهضبة!
* ورغم النقص في الجبال، المريخ ذلل المحال!
* ياهو ده المريخ يقهر الظروف، ويقهر التحكيم والتنجيم والألوف، ويزعزع الصفوف.
* يطرد له الحكم لاعباً فيزداد ضراوة، يشتد عليه الظلم فيؤمن النتيجة.
* في العزيمة وقوة الإرادة (مية المية)، في الأداء مطلوب المزيد!
* ليعلم لاعبو المريخ أنهم لن يظفروا بلقب الدوري الحالي إلا إذا تفوقوا على حكام الترصد أولاً!
* وأنهم سيخوضون مباريات المنافسة مكشوفي الظهر، ولن يتمتعوا بالدعم المتوافر لخصومهم!
* في الموسم الماضي ضُرب سفاري في منطقة حساسة، وتعرض مصعب إلى لكمة شجت رأسه، وفي الموسم الحالي، وفي أول لقاء سالت الدماء!
* وفي مباراة الهلال والأفيال عرقل المعز مهاجم الجزيرة داخل المنطقة فصمتت صافرة الحكم!
* وعندما تعلق الأمر بإيداهو خرجت البطاقة الحمراء بسرعة البرق!
* يبدو أن الاعتداء على لاعبي المريخ لا يُرى بعيون الحكام المجردة!

بطولة موهومة جواً!
* بالأمس كشف الزميل أبو بكر عابدين (أبو صدام) حقيقة ما يشاع عن كأس الكنغو الذي زعم إعلام الهلال أن فريقه ظفره به في العام 1966!
* استنطق أبو صدام كابتن الهلال عثمان بابكر صباحي الشهير (بديم الكبير) والذي تشرف بقيادة الهلال في المباراة المذكورة فأكد أنه زاروا الكنغو لملاقاة بطلها وفازوا عليه 4/1 ثم خاضوا لقاءً ودياً أمام منتخب الكنغو كنشاسا وانتهى بالتعادل 1/1 ولم يكن هناك كأس للمباراة!
* وذكر ديم الكبير أن شقيقة الرئيس موبوتو حضرت المباراة الثانية وبعد نهايتها قدمت كأساً صغيرة لنجم الهلال الراحل إبراهيم يحيى الكوارتي كهدية خاصة منها، وقال ديم: هذا ما حدث بأمانة.
* والتقى أبو صدام بالدكتور كمال شداد بصفته الصحافي المرافق للهلال في تلك الرحلة، فقال: نعم كنت الصحافي المرافق موفداً من صحيفة الرأي العام وفي الرحلة لعب الهلال ضد بطل الكنغو (ريال دي نوار) وكسبها 4/1 وبعد تلك المباراة طلب منتخب عاصمة الكنغو برازافيل (ليوبوفيل) مباراة ضد الهلال وهي مباراة ودية وليست دورة ولا بطولة فكيف يكسب الهلال منها كأساً؟، أنا شخصياً لم أر كأساً ولكن قد تكون شقيقة موبوتو قدمت كأساً هدية منها للاعب الهلال الفنان إبراهيم يحيى الكوارتي الذي تألق في تلك المباراة!
* واتصل أبو صدام بالسيد عمر الزين صغيرون رئيس بعثة الهلال للكنغو، فقال: نعم أنا رئيس بعثة الهلال للكنغو وفعلاً لعبنا مباراة ثانية أمام منتخب مدينة في الكنغو وانتهت بالتعادل 1/1 ولكن حكاية كأس دي ما عارفها والهلال ما جاب كأس ولا حاجة!
* أخيراً ظهرت حقيقة الكأس الوهمي، وأفلح أبوصدام (العكلتية) في توضيح حقيقة الكأس الجوي الوهمي!
* مع أبي صدام مافيش حد يقدر يزور التاريخ!
آخر الحقائق
* (الكأس هدية شخصية، وما منافسة رسمية)!
* كأس الكنغو، طلع بطولة (موهومة) جواً!
* أخت موبوتو أدتهم كأس، وموبوتو أداهم خمسة!
* كتب الحكام على منصة تتويج الدوري: ممنوع على المريخ الاقتراب أو التصوير!
* في الدوري السوداني يلعب المريخ أمام الحكام قبل الخصم!
* دوري فاسد، تنوعت مخالفاته داخل الملعب وخارجه!
* دوري بلا عدالة ولا شرف للتنافس!
* خارج الملعب: كندشة إعارات ومسح إيميلات وتجاوزات في الانتقالات!
* وداخل الملعب: دعم مستمر لفريقٍ بعينه وظلم يهد الجبال لمنافسه!
* لا أمل لجماهير المريخ في عدالة الاتحاد وحكامه، ورهانها محصور على قوة إرادة لاعبيها ومهارتهم.
* مرة أخرى نسأل الفاضل أبوشنب: هل نمت مرتاح الضمير بعد ما فعلته في مباراة الهلال والأفيال؟
* من لا يحق الحق لا يستحق أن ينال شرف الانتماء إلى جهاز التحكيم، ولا يستحق ارتداء الشارة الدولية.
* تكررت مخالفات السيد الفاضل واستنفد كل الفرص لإثبات جدارته كحكم عادل.
* بمقدور الهلال المنافسة على الكأس ولو تعثر بالتعادل أمام الأفيال!
* لكن حرمان فريق مجتهد مثل جزيرة الفيل من نقطة يمكن أن يهدر عليه مجهود عامين ويعيده من حيث أتى.
* النتيجة الحقيقية للمباراة فوز الأفيال 3/!!
* صدق سلك: يلمها الفيل وياطاها الحكم!
* أمس تابعنا واحدة من أجمل وأروع المباريات الإعدادية بين المريخ والخرطوم.
* سبعة أهداف في مباراة مفتوحة قدمت فيها فرقة الخرطوم أداءً راقياً.
* لكن بدلاء المريخ قدموا مباراة أكثر من رائعة وقهروا صمود أولاد النقر.
* عاد الملك وأطرب البشر والشجر والحجر، وتألق مصعب وحمد الموهوب.
* خذوها مني، أخيراً عثر المريخ على خليفة لجمال أبوعنجة.
* حمد ولد فنان هادئ ورزين، يلعب بعقله قبل قدميه.
* يا أكرم الهادي.. ده وقت حصوة؟
* يوم مباراة الهلال والأفيال انقلبت عربة أمجاد بالجهاز الفني للهلال!
* وتعطلت حافلة اللاعبين وبادر اللاعبون بدفرها فلم تتحرك.
* أما أسامة التعاون فقد وصل إلى الإستاد مردوفاً على موتر!
* ويقال إن بعض اللاعبين وصلوا إلى المقبرة بطريقة (يا عم)!
* نتوقع من أصحاب الركشات متابعة حافلة الهلال قبل المباريات المقبلة!
* الرزق تلاقيط!
امسح للحصول على الرابط
بواسطة : مزمل ابوالقاسم
 61  0
التعليقات ( 61 )
الترتيب بـ
الأحدث
الأقدم
الملائم
  • #1
    زول 02-24-2010 02:0
    تعرف عزيزي مشجع المريخ الاخ والصديق الاب والرفيق والابن انتو بعجبكم في
    مزمل المشجع وليس الكاتب والصحف ورئيس التحرير لانو بصراحة بالطريقة البكتب بيها
    الكثير من اصاحب العقل الراجح منكم يجدونها مضللة وساهمت في اخراج المريخ من
    مواسم عديدة بدون حمص ..والدليل على ذلك انو بعضكم لمن فعلا تصل ليهو الحقيقة
    من مريخابي فاهم يقعد يسب ويسخط ومزمل العاجبو عشان بكتب ليهم يبخس ليهم
    اي حاجة للهلال بطولة ولا كأس ويكتب في الهلال ويهتم به اكثر مما يهتم بحال ناديه
    الموسم الفات جلستم إدارة وجمهور يخدعكم بالهلال والاعارة والشكاوي لتجدو
    انفسكم خارج البطولة ..ولم تستطيعو ان تدافعو عن الممتاز وانتم تعرفون كيف
    حصلتم عليه ..عارفين نحن مزمل دى عاجبنا ومبسوطين منو اكتر منكم عشان بعمل
    حاجات كويس ..بيقعد يشغلكم في مرة التحكيم ومرة الاعارة بتاعت فلان ومرة
    النادي الفلاني ممكن يشتكى في فلان وانتو تشيلو وتصدقو ونحن نشيل ونفوز
    ونتقدم ..وتنتظرو لحدى مزمل ما يجي يديكم الجرعة تنبسطو وتنفشو كويس مزمل
    نحن معك نشد من ازرك سير وعين الله ترعاك.
    غايتو الموسم دى لو ما عملتو فيهو حاجة يبقى الرماد كل حماد بس بيني بينكم
    اتمنى لكم الافضل لتعود الندية المفقودة ولو اسهم مزمل بما تخط يدها في ذلك يبقى
    ما قصر معاكم
  • #3
    عاطف 02-24-2010 12:0
    نرجو من لجنة التحكيم ان لاتفوت ما فعله الفاشل ابوشنب في جزيرة الفيل
  • #4
    Moez 02-24-2010 12:0
    مكرر لدرجة الملل
    ندخل عشان نلقى شئ جديد نلقاك تلوك في نفس اللبانه
  • #5
    عبد الله احمد 02-24-2010 10:0
    الى اعلام الهلال ..
    اوعوا تغلطوا تاني وتعلبوا بعقولنا وتقولوا حاجات فاكرين انه ممكن تمشي علينا ..
    في ناس صاحية وتبحث وتنبش وبعدين تطلع الفضائح ويحصل الجري
    عشان كدة احسن حاجة مافي داعي لاخلاق الاكاذيب .. وتاني ماتقولوا كأس جوي .. والا ..
    قوم يا ابو صدام سخّن ..
  • #6
    زول 02-24-2010 10:0
    التعليق الاخير منو القال ليك الزول دى نحن ما قاعدين نحبو يعني عشان بنرد عليهو
    ونقول ليهو خليك محايد وانت كاتب صحفي وبطل تكتب بقلم المشجع المتعصب الذي
    يشجع فريقه ويتمنى تعثر الخصم ويكتب عن حالات تحكيمية كأنها لاول مرة تحصل
    يكتب عن التحكيم عندمايكون الأمر بعيدا عن فريق المريخ ..اتحداكم ان تجدو مزمل
    هذا يكتب عن حالة تحكيمية في مباراة للمريخ كسب بها نتيجة المباراة وانهزم بها
    الفريق الاخر ..طالما ان النتيجة لصالح المريخ فالحكم من افضل الحكام عندما تكون
    كاتب صحفي ورئيس تحرير جريدة رياضية ينتظر منك ان تكتب بحيادية بعيد عن التعصب الاعمى الذي يجعلك تشاهد حالات وتغض الطرف عن اخرى طالما انها تصب
    في مصلحة النادي الذي تشجع ...وما اقوله هنا ينطبق على بعض كتاب اعلام الهلال
    ايضا ..اعتقد ان الاعلام الرياضي لا يحتاج لاستفتاء عن من هو افضل صحفي رياضي
    فما يكتبه الكثيرون وهم يمثلون الاعلام الرياضي ما هو الا اجتهادات مشجع عادي
    لانعدام الحيادية والنقد العقلاني .
    مزمل عزيزي جميع الاندية اكتوت بنار التحكيم
    مباراة برشلونة واشتوغارد ضربتي جزاء لم تحتسب لصالح اشتوغارد سالت نفسي
    يا رب ناس اشتوغارد عندهم مزمل ولا نرسل ليهم عدد واحد مزمل
  • #7
    محمد ابراهيم دفع الله 02-24-2010 09:0
    يا خي انت عبارة عن مشجع يتباكي علي التحكيم
    فانت لا تري في الهلال شي جميل كما لا يري فيك جمهور الهلال سوي انك مشجع وليس كاتب عمود
    انت تنفع كاتب عرضحلجي او تجلس امام المحاكم وتكتب لكل زول شكوته
    حيث انك تجيد الكذب والبكاء والنفاق
    فالصحافة بريئة منك ومن امثالك براءة الذئب من دم ابن يعقوب
    فانت رجل غير موضوعي ولا تفهم في الاصول
    وامثالك خربوا ودمرو الصحافة فاني لجاهل مثلك بانتقاد الدكتور كمال شداد العالم والادا ري الرياضي والمربي
    فكمال هذا عمل في الميدان الرياضي قبل ان يتزوج اباك امك او يتعرف عليها
    وهو علما في الرياضة فاين انت من كمال حتي تنتقده ياجاهل
    وكل من اغترب وعمل قروش ياتي ويعمل صحيفة ويمثل فيها ابو القوانين الرياضية وصحفي
    اللوم ليس عليك ياهذا اللوم علي مجلس الصحافة والمطبوعات الاداك التصريح لفتح منبر الشتائم الصدي وهي فعلا صدي ( لانها منبر صدئ ) لامثالك
  • #8
    ود الجعلي 02-24-2010 08:0
    على طريقة مزمل:
    الطيب عبد الرحمن أداهم سيكافا والوحدات أداهم سبعة..
    طبعاً بتاعت مزم بتعجب المريخاب ودي سينكرونها.. ولكنها حقيقة المخدر..

    يا مريخاب وزروا محلات كل صباح: الوصف يافطة محلات مزمل آفة التخدير ونشر التعصب لا تدع الفرصة تفوتك.
  • #9
    الزيدابي 02-24-2010 07:0

    يا أخي انته في شنو والحسا.... في شنو .

    الرجالة قاعدة تناهض في قانون معيب من أجل الرياضية .. وانت ما زلته في الكلام الممجوج بتاعك ده .
    ياأخي خليك مره واحدة إنسان جاد وموضوعي ... وسيبك النجوم وكاسات محمولة جواً .
    كفاية تخدير وضحك على عقول القاري ..

    والله يكير من الارزقية مثلك ..

  • #11
    ai baba 02-24-2010 03:0
    يا اخونا انت ماعندك غير الهلال والحكام حاجه تكتبها ما معقول طوالي مواضيعك متشابهه لاادري لم سميت عمودك بكبد الحقيقه وهو العكس تماما لله يرحم الاعلام الرياضي ياخي انت ما بتقرا لعبد المجيد عبد الرازق او علم الدين هاشم منتهى الامانه الموضوعيه اناماعارف كرتهيتك لللهلال دي حدها وين غايتو في عهدكم الله يصبرنا لكن كل اول ليهو اخر وحتما سوف ياتى يوم مسوؤل يريحنا من الصحافه الرياضيه والتي صارت زي اكشاك المرطبات حيث العائد المادي اهم من جودة العصير اقصد الموضوع حتما سنعود
  • #12
    قطر الندى 02-24-2010 12:0
    استاذنا وحبيبنا مزمز الغالى ايوه كده واصل وريهم وافقع مرارتم ... انتوا يا اخوانى الهلالاب لما مزمل ده مابتحبوا وبتقول كتاباتو مافيها موضوع وما ادرك شنو بتقروا ليهو لييييييييييه بس حكاية ما بنريدك وما بنحمل بلاك
  • #13
    الفانوس 02-23-2010 11:0
    saad ووهبة شلبي
    انتما اكثر شخصين متخلفين اقرا لهما
    مزمل مين ياعم
    ده واحد جاهل
    عليكم الله ده كتابة واحد صحفي يقول اجمل مباراة للمريخ والخرطوم
    في تغييب للحقائق اكثر من كده
    روح الله معاك
  • #14
    حسن عمر المرضي 02-23-2010 10:0
    والله أنا بقراء في المقال حتى ظننت أنه هذا مقال الامس يعني أشياء والله كلها مكرره وبايخه الله يشفيك من مرضك
  • #15
    محايد 02-23-2010 09:0
    ناس الهلال ديل مالهم ما واقعيين؟
    شاهدت المباريتين وكان هناك ظلم واضح علي المريخ كما كان هناك تحيز واضح للهلال
    والله حسب ظني المعز زعلان وقصد يفقد الهلال ... الكثيرين استغربوا من الهدف الأول...أما أنا فأعتقد أن المعز قصد ارتكاب البلنتي ليتعادل الجزيرة لكن فشلت محاولته مع تحيز الحكم.. المباريات الجاية ح نراقب أداء المعز ونشوف
    لكن الناس أحسن تكون واقعية وتعترف بالحاصل بضمير بدل التهكم على الأستاذ مزمل ..ألاحظ الكثيرين من الهلالاب بيحرص على مطالعة عموده وكمان الرد عليه
    وفي النهاية وبصراحة كدة المريخ هذا العام أفضل كثير والهلال أيضا هبط كثير
    المهم خلوا للروح رياضية وهذه كرة القدم مثل الدنيا يوم لك ويوم عليك
  • #16
    زول 02-23-2010 08:0
    عزيزي مزمل يعلو نحيبكم ويسمع صوتكم بعد ان يرفع الفراش وينسى اهل العزاء
    ميتهم ..عندما كان الناس يتحدثون عن التحكيم وما يحدث من الحكام سكتم لان ساعتها
    كان غلطة التحكيم تعطيكم موسم وبطولة لا تستحقونها ...وعندما وقف الناس
    يناهضون وينضالون من اجل الاندية وزيادة عدد اللاعبين والسماح للاندية بالاستفادة
    من محترفيها الاجانبي ايضاً استخدمت فضيلة الصمت لتكسبو ود الاتحاد ..انتم بالطبع
    لن تتذكرو ان تذكرو كم مرة زبحة فيها التحكيم الهلال لان زبح الهلال حلال طالما
    يهبكم البطولات ويتوجكم ابطال وانتم لا تستحقون . البطولة ولا تحلمون بها.
    عموماً واصل ربما تستطيع ان تغيرو الحال
  • #17
    ممدوح الجمرى 02-23-2010 08:0
    قال كبد الحقيقه
    هى الحقيقه دى غيروها ولا شنو
    اتقى الله فى نفسك يا مزمل وقبل ما تحاسب الحكام وغيرهم حاسب نفسك فى مقالاتك لو صح بان نسميها مقالات
  • #18
    Sayed 02-23-2010 07:0
    الكتراااااااااااااااااااااابة............بالله يا جماعة ناس الهلال ديل بقدرو يشترو الحكام والاتحاد والبلد كلها؟ والله صحي السماهو سيد البلد تب ما كضب....يامزمز اختشي الله يهديك واحترم عقولنا شوية.....انت شكلك الموسم ده عارف ليك حاجة عن الدروون تيم انو ماحيجيب التكتح قلت النقوم نفتش علي مخارجة من هسة.......شفت لكن. حليل زمن الصحافة...
  • #19
    نصر فرحات 02-23-2010 07:0
    والله قلمك نار منقد استاذي ولاتهتم للجلافيط والسمكرجيه
  • #20
    الاحمر الوهاج 02-23-2010 07:0

    السلام عليكم

    مزمل الما عجبكم ده بتقروا العمود بتاعو ليه يا هلالاب ؟؟؟؟؟؟؟؟؟؟

    حاجه غريبه ؟

    بعدين العايز يعلق يعلق بادب وموضوعيه
  • #21
    محمد عبدالرحيم 02-23-2010 06:0
    مزمل دا ثروة قومية..الما بتلحقوا ياصفراب جدعوا..
  • #22
    محمود الجيلى 02-23-2010 05:0
    الفشل الواضح فى مقالاتك الرتيبه يجبرك على ادخال الهلال لكى تجد من يقرأ كى يضحك من ماانت فيه من جهلك الصحفى اصلا لن تكون شى بدون ذكر الهلال فى كتاباتك يافاشل حد الثماله فعلآ شى مبكى
  • #23
    ياسر دنقلاوى 02-23-2010 05:0

    اخ مزمل

    ارجو مراجعة الجنرال حتى تستطيع الكتابة بصورة جيدة عن التحكيم !!!
  • #24
    sayed 02-23-2010 05:0
    * بمقدور الهلال المنافسة على الكأس ولو تعثر بالتعادل أمام الأفيال!
    * لكن حرمان فريق مجتهد مثل جزيرة الفيل من نقطة يمكن أن يهدر عليه مجهود عامين ويعيده من حيث أتى.you saying wisdoms MOZUMIL ....KEPP GPING
    I VOTED 4 U
  • #25
    كرباج 02-23-2010 05:0
    المريخ شال كاس الممتاز العام الماضي بقون قلق الاحرزو بيدو في فريق الامل عطبرة ؟؟؟؟؟ وشال كاس سيكافا 1994بعد ان خسر المبارة من سيمبا التنزاني 1/0 واعتدي جمهوره على الحكم ولعيبة سيمبا وقتلوا الصحفي المرافق لنادي سيمبا ؟؟؟ ورجعكم الطيب عبد الرحمن رئيس اللجنة المنظمة بعد ان اعتبر الجمهور الذي اعتدي علي فريق سيمبا هو الجمهور التنزاني مع ان المبارة في استاد المريخ ؟؟؟في فضيحة اكبر من كدا هل هذه بطولة ؟؟؟
    اما عن التحكيم فيكفي ما حدث في مبارة المريخ والاسماعيلى والتي اوقف بعدها الاتحاد الافريقي الحكم الذي ادار المبارة من مزاولة التحكيم مدي الحياة ؟؟؟؟ خلي الكنغو نحنا شلنا من المريخ 25 كاس في بطولة الدوري و9 كاسات في بطولة الدوري الممتاز وهزمناه في جميع المباريات التي ادارها حكام اجانب اخرها 3/1 في بطولة افريقيا الهلال هزمكم في الدوري المتتاز 13 مرة مقابل 5 مرات للمريخ يعني المحصلة في الممتاز فقط 13/5؟؟؟؟؟وشال الممتاز 9مرات مقابل 4 مرت للمريخ هل كل هذا التفوق بالحكام ؟؟؟وفي 7 سنوات فاز الهلال بالمتتاز البطولة الاولي في السودان 6 مرات مقابل واحدة للمريخ ؟؟؟ووصل لدور المجموعات 3 مرات واحرز المركز الثالث في بطولة الاندية مرتين بينما المريخ طوال ناريخو لم يصل الى دوري الاربعة في بطولة افريقيا ؟؟؟ عن اي بطولات تتحدث وفريق المريخ طوال تاريخو لم يصل الي دورى الاربعة في بطولة الاندية الافريقيا الابطال ؟؟؟؟
  • #26
    shakoor 02-23-2010 05:0
    والله إحترنا مع ناس بني زرقان ديل..ناس ماعندها شغلة غير ماتجي تقرأ لمزمل وتبدأ شتيمة وإساءة..ياعالم ماتمشوا تشوفوا رئيسكم الفي السجن دا تعملوا ليه تبرعات مش أحسن من القراءة لمزمل ووجع الفشفاش دا؟
  • #27
    هيثم 02-23-2010 05:0
    كمل يامزمل
    لولاك ماعارف كنا حانقرا شنو
    وكيف سنعرف الحقائق
    كمل كمل يامزمل
    انت تمثل الصحافة الرياضية النزية الحرة
    كمل كمل
  • #28
    محمد حسن 02-23-2010 05:0
    يامزمل لا يمكن تكون نسيت أو ما شفت الضربة القاضية للملاكم علاء الدين لمهاجم جزيرة الفيل حتى سقط أرضا
    نال الملاكم علاء الدين جائزة أحسن لاعب بعد أسقط مهاجم الجزيرة بضربة الكوع الخاطفة
    قال عاوز يلعب كورة وبس ( من خل عادته قلت سعادته )
    أول خطافية في أول مبارة نالها مهاجم الجزيرة من الملالكم علاء الدين حتى سالت الدماء من أنفه
    حتى المخرجين تجاهلوا إعادة اللقطة
    ولقد أغمي على الملاكم من الفرحة في نهاية المباراة بعد نيله جائزة أحسن لاعب
    هل توجد لدينا لجنة خاصة بالكشف على المنشطات!!؟؟؟؟
    أرجو من الأخ عبده قابل أن يبدأ بتسجيل عدد الضربات القاضية لهذا الملاكم حتى نهاية هذا الدوري
  • #29
    هلالى 02-23-2010 05:0
    ياخى خاف ربك وكفاية كذب وتدليس واخفاء للحقائق

    التحكيم كان سيئا وظلم هلال الجبال بعدم طرد وارغو الذى اشار للحكم باصبعه بانه ما عنده مخ وكذلك احتجاجاجات لاعبى المريخ الكثيرة والتشويح باليدين وبالرجلين وركل الكرة وقت التوقف ..

    لو كان الحكم جازما لطرد خمسة من المريخ وليس اثنان فقط ..

    لا هندك تيم ولا عندك كورة
    بس بتبيع الوهم للمريخاب الغلابة ديل وتملأ فى جيوبك من خلال الصدى

    وهم فعلا يستاهلوا البتعملو فيهم ده
  • #30
    مريخاااااااااااابي جداُ جداُ 02-23-2010 04:0
    الرائع جداً جداً مزمل ....

    تحياتي لك بقدر قامتك وشجاعة قلمك ...

    لا احد يختلف في انك من افضل الكتاب الرياضيين في وطننا الحبيب (شخصياً صوت لك بمعدل جيد جداً في استفتاء الموقع ) ولكن ان تتكرر كلماتك وجملك في اكثر من مقال فهذا يعد خصماً من رصيدك الصحفي وان تدخل مقالك كلمات مثل مردوف ودفرها وانت يتبعك كثير من الكتاب فتلك ايضاً زلة ... ولك منى كل التقدير

    ودمت ..........
  • #31
    الزيبق 02-23-2010 04:0
    يا مزمل
    أنا عارفك ما تقرأ كلامي دا وأتمنى أن يوصلوه ليك:
    أنت قلت: خاضوا لقاءً ودياً أمام منتخب الكنغو كنشاسا وانتهى بالتعادل 1/1 ولم يكن هناك كأس للمباراة! ........ ثم قلت:
    لعب الهلال ضد بطل الكنغو (ريال دي نوار) وكسبها 4/1 وبعد تلك المباراة طلب منتخب عاصمة الكنغو برازافيل (ليوبوفيل)..
    وكان يستحسن تتأكد من المعلومة الهامة جداً: هل الهلال لعب في الكنغو كنشاسا (زائير سابقاً والكنغو الديمقراطية حالياً) ... أم الكنغو برازفيل (أي جمهورة الكنغو الحالية)؟؟؟؟؟؟؟؟؟؟
    وعلي أي حال في الحتة دي إما في كذبة من الناقلين للحديث أو خرف من المنقول منهم.
  • #32
    هلالابي موت 02-23-2010 04:0
    صلاح فلس لانه بيدفع من ماله مش من مال!!!!!!!!!!
    يادمزمز الله يديمك للتخدير


    وووواحسسسسسسسسسسسسسسسسسسسسسسسسسسسسسسسسسرتنا لو ماكنل هلالالب

    االوصافة حارة وياجماعة عقرتو اخر واحد كان قبل عشرين سنة
    بعدها وصافة سسسسسسسسساكت
  • #33
    محمد عبد الفتاح ابراهيم 02-23-2010 04:0
    والله ياكبت الحقيقة المره دى جبتها قليدا خلاص-(عمرك سمعت بكاس بيدهو هدية)
    وبعدين باى مناسبة اخت موبوتو تدى(ديم الكبير) كاس هدية--- الظاهر انها محبه ولاشنو

    اكبر ياراجل وخليك قدر مقام الصحافة التى منحتك اسما وشهرة-وانت رجل تكتب بلسان نادى كبير(والله عيب عليك---حتى المريخاب كرهوك).
  • #34
    وهبة الشبلي 02-23-2010 04:0
    كبييييييييييييييييييييييير ...........كبييييييييييييييييير يامزمل ............واصل واصل ............يا مزمل ...........واكشف المستور


    ..........واللة انت لو في بلد زي امريكا او اي دولة اوربية............

    كان عملو ليك تمثال..............

    ......قدمت الحقيقة بالادلة والبراهين ..........وكل يوم تشرح ليهم في القوانين


    ...........دائما الي الامام
  • #35
    Sadomba 02-23-2010 04:0
    ما قلتا لينا يا مزمز سلامة كرومى, هو عندو حصوة وين؟؟ ما قلتو لينا
  • #36
    أبو يوسف 02-23-2010 04:0
    إذا إستمريت فى بالطريقة دى ما حتلقى حتى واحد يعلق على ماتكتبه من هراء . والله حتى تعليقى ده خسارة فيك.
  • #37
    خالد ضد الفرد 02-23-2010 03:0
    ياميزو انت كاتب مكررر تكتب الموضوع وتلوك فيهو لواكة لحدي ما الموضوع يفتر منك خلال شهر كامل يعني بالحساب ميزو يكتب في العام 12 مقال فقط ولا اكون غلطان
  • #38
    هاشم حسين 02-23-2010 03:0
    أخيراً يامزمز إعترفت وبعضمة لسانك أن شقيقة الرئيس موبوتو سلمت كابتن الهلال المرحوم إبراهيم الكوارتى كأس بعد أن تعادل الهلال مع منتخب الكنغو 1/1 وهزم بطل الكنغو 4/1 أها يامزمز تصدق بالله إحنا كنا عارفين الهلال جاب كأس جوى عام 1966 لكن والله ماكنا عارفين النتيجة 4/1 وبعدين كأس من شقيقة الرئيس موبوتو وجاء بالطيارة أيام ناس جكسا وسبت دودو إنت عايزنا نسميهو شنو ؟ عيب عليك ياراجل سيب المكابرة وأسحب من الإعلام السالب عبارة أصحاب الصفر الدولى ياما فى الحبس مظاليم وياما إنت كريم يارب قول لى بسبوسة الجماعة ناس كاسات من الستينات والحالة صأبة
  • #39
    مريخابي و عين حمرا 02-23-2010 03:0
    يا ناس كفر و وتر

    نتمني عليكم الاشاره الي مصدر كل مقال يصدر
    يعني مزمل ابو القوانين ( جريدة الصدي )

    و شكرا
  • #40
    احمد علي 02-23-2010 03:0
    الاستاذ مزمل ابوالقاسم أمير الصحافة الرياضية
    ولا يتحاج الى تصويت
    فهو افضل الصحفين الرياضين بلا منازع!!!!!!!!!!!
  • #41
    عزالدين سيد وديدي 02-23-2010 03:0
    يبدو ان الحقيقة لا تعجب الصفراب ولا يمكن لمريخي ان يكره المريخ مهما حدث ولك الشكر يا ابن ابو القاسم والبطن الجابتك والله ما تندم
  • #42
    محمدين 02-23-2010 03:0
    عمرك ما حتصل للريادة مادام ما منطقك صغر لتكبر ... والله ما عندك أي موضوع و ستفقد أي قارئ عاقل باسلوبك المتكرر ... مافيش عمود والا تحدثت عن التحكيم ... يا مزمل اذا انت متخيل بأنك ستؤثر في التحكيم بعمودك العجيب و المحفوظ فانت واهم ... ارجع لصوابك و لا تفقد قرآءك من ذوي اللون الأحمر قبل المعتدلين
  • #43
    الامين نصر ودكروري 02-23-2010 03:0
    انت لسه معلق في المريخ وهلال كادقلي والهلال وجزيرة الفيل ولا اصلا مافي موضوع تاني تلوك تلوك تلوك في الكلام ياخي جدد وخليك من التحريض ضد الحكام الله يهديك
  • #46
    Mohammed Idris 02-23-2010 02:0
    إنشاء الله بعد د كلو تكون إختنعت بأسياد البلد .. ههههه
    وبنلاقيكم ونظبطكم زي السلام عليكم ... هههههههه
    كأس بني ياس طلع فشفاش بعض الناس .... هههههههه
  • #47
    ناجي العمدة 02-23-2010 02:0
    مزمل ابو القاسم بصراحة اصبحت كتاباتك مملة ومافيها جديد ياخي المريخ ده خلي يورينا شطارتو في دوري الابطال اقول ليك بصراحة طول ما انت موجود وقاعد تطبل ما حتشوفوا ليكم بطولة خارجية وبعدين عليك الله ديل لعيبة الموجودين في السودان يا خي اتفرج في الدوري الايطالي او الاسباني او الانجليزي حتى تامن حتى الدوري السعودي فيه متعة ياخي نحنا ما عندنا كورة ولا ملاعب ولا صحفيين ولا اداريين انا بقترح الغاء الكورة في السودان والاستفادة من اندية الهلال والمريخ في حاجة تنفع البلد عشان نرتاح من الاعلام الرياضي الفاشل
  • #48
    صلاح شنكور 02-23-2010 02:0
    فريق مغلوب من الخرطوم حتى منتصف الشوط التانى وانت تشكر
    خدر خدر يامزمل
  • #49
    مالك حسين 02-23-2010 02:0
    يا عمك اخترح عليك تسمي الهضربة دي (صيوان البكاء) تبكي وتجوعر اليوم كلوا.
    ايه رايك في مباراة الفسيخ المرييييح بنجي على ظهر الدواب وتعال انت وفسيخك نقل جوي.
    انت واجع فشفاشك في كم ما تنسحب من المنافسة خير ليك من تجعجع من غير ما تسوي شي. وقالوا الحداث ما سواي.
  • #50
    كمال 02-23-2010 02:0
    مزمل قاسم العمود لنصفين ، نصفه الأول الحكام ضد المريخ ونصفه الثاني الحكام مع الهلال في كل نصف سطر جديد والباقي مكرر.
    يا مزمل ناس الهلال يركبو رقشات يركبو عجلات برضو ما بطلعوا الطيش
  • #51
    حمزاوي 02-23-2010 02:0
    الاخ مزمل ابوالقاسم ... حياك الله
    الظاهر ان الحكام ينفذون مخطط معين لفريق معين ... عليه نعمل كأس ونعطيه للهلال
    وبقية الفرق تتنافس منافسة شريفة في كأس الدوري ، ما فعله ابوشنب يندي له الجبين ، ماذا كنت تريد يا ابا شنب ، لماذا اضعت مجهود فريق ربما يحتاج لهذه النقاط ويكون سبباً في هبوطهم
  • #52
    ودالمكوك الجد 02-23-2010 02:0
    هل أن أول ماخلق الله من الأشياء القلم ؟
    ما أظنك بدار وماأظنك عالم بما تحمل من أمانة .
    خاف الله وصن قلمك فما تؤسس له يفرغ الوسط الرياضي من معانيه ويؤسس للبغضاء والحقد والترصد والشغب ...
    شفاك الله ياجاهل بما أنت فيه .
  • #53
    علي خالد- الامارات 02-23-2010 02:0
    مهما فعلت مهما عملت مهما كتبت فانك لن تبلغ الهلال ولا اهلة ولاتستطيع ان تهز فية شعرة لانة باختصار سيدك وسيدالدلاقين وسيد البلد كلها
  • #54
    يوسف سالم 02-23-2010 02:0
    صاحب التعليق رقم واحد يا اخوى اصلك بتكره المريخ...........استروا عوراتكم التحكيمية دى لو ما عاوزين زول يتكلم فيها
  • #55
    الجراح 02-23-2010 02:0
    بسم الله الرحمن الرحيم


    الإعلامي الرقم والكاتب الراقي ..... مزمل ....... سلام

    نعم التصرفات والممارسات الفاسده التي يقوم بها حكامنا غير مقبوله بالمرة.
    لكن يجب أن تتم المعالجه من المنبع أولاً وإجتثاث منابع الفساد من منبته، ولن تتقدم الرياضة في بلادنا قيد أنمله مادام أن سكرتير إتحادها العام يمارس الفساده ويتحراه ويصر عليه، فمابالك بالحكام، فكما قيل لو كان رب البيت بالدف ضارب فشيمه أهل البيت ال..........
    كما يجب علينا في البيت المريخي ترتيب الأمور ومواجهه كافه العقبات، فالمريخ كيان بقامه وطن، لن نرضي له الظلم والضيم، أو الإستكانه والخنوع.
    والأهم يجب لفت نظر الاعبين وخصوصاً المحترفين منهم، فالواجب أن تكون لديهم ثقافه عاليه ودرايه ووعي داخل الملعب وخارجه فهم يمثلون الزعيم في المقام الأول قبل كل شئ..

    وافر تقديرنا وإحترامنا .......
  • #56
    عبداالله 02-23-2010 02:0
    والله انا مالي في هلال ومريخ لكن الشئ البعرفوا حسب متابعتي البسيطة لافي كورة ولالاعبين !ولاحكام ولا قوانين ولااداريين !ولاصحافة ولاصحفيين !والله يكون في عون المشاهدين!
  • #57
    saad 02-23-2010 02:0
    الاخ ابو محمد انت لست بمريخاي ولا حتى موردابي انت هلالابي صميم واقول لك الحق مقال مزمل هذا هو درس في كيف يكون المقال الرياضى المتكامل المناكف والمنتقد انا هلالابي اكثر من صلاح ادريس الذى يقوم بواجب لن تعرفه انت في الهلال كما يفعل جمال الوالى في المريخ ............ اتقوا الله وقولو الحققققققققق
  • #58
    wdkwai 02-23-2010 02:0
    اقعد استفز لي في الهلال كده وانفخ في (قربك ) المقدوده دي .. واخر المشوار بيييح لم ينجح احد والبطولات كلها باي باي
  • #59
    اليوسفي 02-23-2010 02:0
    اني ارى من يدعي انه صحفي يتقزم يوميا ...
    ياخي حاديك مثال عشان تعرف انك زول خاوي مابتحترم البيقرو ليك وصراحة ماعندك موضوع قال ايه :

    وتعطلت حافلة اللاعبين وبادر اللاعبون بدفرها فلم تتحرك.
    * أما أسامة التعاون فقد وصل إلى الإستاد مردوفاً على موتر!
    انت قايل نفسك وين ؟ في اليابان ماالحاجات بتحصل في السودان عاااااااااادي وبعدين
    المعلومة دي عرفناها من اول يوم في داعي تعمل فيها زول مرح وتقدنا بالعبط بتاعك دا
    يااخي ارحم نفسك انا وراك كوم عيال
  • #60
    قياسة 02-23-2010 01:0
    يا مزمل كفى خلاص نضجوا \"تب\" ما عاد فيها صفحة للخبت ده
    المريخ حديد نعم مريخينا حديد مريخنا راقي طول عمره راقي
    ضالتنا كانت المال .. لقينا المال وأصبحنا مفخرة للسودان
    بكتابات الرائعة تصبح انت نجم الصحافة الرياضية الاول \"راقي يامريخ\" ما بتجيب الا الفلة في كل شيء نحن فتلة نحن فرق .. هلال كان بمال وبعزة ونحن كنا بالكأس بنهز.. سوينا الكفة .. لكن هثه الكفة مالة تب \"كفا\" يامزمل كفا .. الضغط والسكري ما المشكلة في الذبحة..
  • #61
    ابو محمد 02-23-2010 01:0
    اخى مزمل
    والله ايام عالم النجوم كنت كبيرا
    عكس خلق الله يكبروا من الصغر
    وانت تصغر من كبر
    كرهت المريخ فى شخصك حتى ضد اعداء الله اليهود
       الرد على زائر
    • 61 - 1
      محمد الهادي 02-23-2010 02:0
      والله يا صحافه رياضيه اسلوبكم صار ماسخ أرحمونا الله يرحمكم وكل موسم نقول ح ينعدل حالكم نلقاكم زي زفت الطين وأخونا مزمل كان عاموده هام لنا لكنه أصبح كبده بالطوه
    • 61 - 2
      عماد - جدة 02-23-2010 02:0
      الحقائق دائماً مؤلمه .. تقبلها بصدر رحب من غير زعل
      مزمل لؤلؤة الصحافة الرياضية مش ذى ناس قريعتى راحت.
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019