همس الهتاف
ما بعد البشبشة
الحمد الاف....انتصرنا على الجماعة وفرحنا واستبشرنا واتبشبشنا...مبسوطين اربعة نقاط واربعة وعشرين قيراط....بشة ختاها ...وساكواها جلاها...حلقنا في سماوات المجد وتركنا للقوم .. الحمر المساكين انتقاد التحكيم..والتنجيم...واندب حظي ام ابشاشي .
غلوطية جديدة اكتشفها اولاد حارتنا...بشتنا بشتن بشتكم يقدر بشتكم يبشبش بشتنا زي ما بشتنا بشتن بشتكم ....لذيذة موش .
كرهتي في الدنيا الغناء الهابط...لانو ما ظابط...لكني امبارح لقيت من امري مغنية كده... في حفلة في الخرطوم...مشدودة الجضوم...مرتاح الحلقوم ...غايتو قالت ليها جنس كلام....نجارة بشبشاوية....الاورغن رطن...والزولة شدت ...انا بحب البشابيش..انا بموت في ضابط الجيش...ضايرنا الاوض من جم...وحضرنا المقاشيش...وقلنا بشة ود مجنون..وبحب التهابيش...الجو سمح بالحيل...ووقعنا ليك رشريش...الزومة داقس جد...بي وراهو حد مافيش..ظهر الولد فجأة...غمت الوصيف دقيش...الليلة يا مريخاب...قطرك كسح شقيش...والبت تغني بحب...صبح الحمام مافيش..وانا ماشة لي ناسي...في سوبا والتفتيش...انا بحب البشابيش...وانا بموت في ضابط الجيش .
قال المحلل محمد عطا -لا فض فوه- ان الزومة كان افضل لاعب في المباراة رغم انه من تسبب في هدف الهلال حيث تركه بشة ورائه بفراسخ ومضى نحو مرمى اكرم الكريم..غايتو التحليل عندنا ...روكة سااااااااااااااااي .
يتحدثون عن الاداء والسيطرة ...ولا يعلمون ان زمن العروض والاستعراض ولى وانتهى..وان الكرة الحديثة اصبحت اشبه بالدراسة الاكاديمية تخطيط وتكنيك وربغة عالية في الظفر بالنقاط الثلاث...هم من يعيبون على الهلال عدم ظفره بكاس خارجي رغم اننا لعبنا امام الصفاقسي واحدة من اجمل مبارياتنا وعبست لنا ركلة جزاء..انتهى يا مساكين زمن ..قاسو..واخد مقاسو...انه زمن الانضباط التكتيكي..ومسك اللعب ...وتغطية المساحات..ثم اللدغ ببشبشة....والا لما سعى ريال مدريد لخطب مورينهو...ملك الخطط الدفاعية .
الفوز حقق مكاسب كبيرة لبني هلال..فارق نقطي..استقرار اداري وفني...تهدئة للاوضاع ...وثبة كبيرة نحو استعادة اللقب المبتعد بقدرة (والي)...وبيئة ملائمة للاعداد للاستحقاق الافريقي القادم مع الشلف الجزائري .
وسؤال يؤرق جماهير الهلال ..متى يجد المشاكس الطاهر حماد حظه..فهو لاعب قوي مقدام..تمنيه امام الاحمر..لاصبحت الفرحة فرحتان...والبشة بشتان .
انتهينا من موضوع المريخ وعلينا التحضر للشلف فالدفاع لا يزال يعاني من عيوب اصبحت شبه مزمنة...وفالنتاين يحتاج لمن يرشده الى المدافعة بشكل اكثر جدية...وبرجولة وبذل...فهو حريف انيق لكنه لين احياناً في مناطق ىخر ما تحتاجه اللين .
كما على احدهم الجلوس مع سيف..لمناقشة امر البطاقات التي تحرمه وتحرم الهلال من جهوده في استحقاقات كبيرة وهو عيب ادمنه مساوي...ولم يجد حتى الآن من يناصحه ويراجع معه هذه الظاهر المقلقة في ادائه .
العجوز غازريتو ماكر ومعلم...استطاع التهام الوصيف...من ثم مسك الملعب ..ومنع المسافات ..... وبشة بشة ...الليل نعدو .
هتاف اخير
انتا يا بشة...تجيك الكشة....
ما بعد البشبشة
الحمد الاف....انتصرنا على الجماعة وفرحنا واستبشرنا واتبشبشنا...مبسوطين اربعة نقاط واربعة وعشرين قيراط....بشة ختاها ...وساكواها جلاها...حلقنا في سماوات المجد وتركنا للقوم .. الحمر المساكين انتقاد التحكيم..والتنجيم...واندب حظي ام ابشاشي .
غلوطية جديدة اكتشفها اولاد حارتنا...بشتنا بشتن بشتكم يقدر بشتكم يبشبش بشتنا زي ما بشتنا بشتن بشتكم ....لذيذة موش .
كرهتي في الدنيا الغناء الهابط...لانو ما ظابط...لكني امبارح لقيت من امري مغنية كده... في حفلة في الخرطوم...مشدودة الجضوم...مرتاح الحلقوم ...غايتو قالت ليها جنس كلام....نجارة بشبشاوية....الاورغن رطن...والزولة شدت ...انا بحب البشابيش..انا بموت في ضابط الجيش...ضايرنا الاوض من جم...وحضرنا المقاشيش...وقلنا بشة ود مجنون..وبحب التهابيش...الجو سمح بالحيل...ووقعنا ليك رشريش...الزومة داقس جد...بي وراهو حد مافيش..ظهر الولد فجأة...غمت الوصيف دقيش...الليلة يا مريخاب...قطرك كسح شقيش...والبت تغني بحب...صبح الحمام مافيش..وانا ماشة لي ناسي...في سوبا والتفتيش...انا بحب البشابيش...وانا بموت في ضابط الجيش .
قال المحلل محمد عطا -لا فض فوه- ان الزومة كان افضل لاعب في المباراة رغم انه من تسبب في هدف الهلال حيث تركه بشة ورائه بفراسخ ومضى نحو مرمى اكرم الكريم..غايتو التحليل عندنا ...روكة سااااااااااااااااي .
يتحدثون عن الاداء والسيطرة ...ولا يعلمون ان زمن العروض والاستعراض ولى وانتهى..وان الكرة الحديثة اصبحت اشبه بالدراسة الاكاديمية تخطيط وتكنيك وربغة عالية في الظفر بالنقاط الثلاث...هم من يعيبون على الهلال عدم ظفره بكاس خارجي رغم اننا لعبنا امام الصفاقسي واحدة من اجمل مبارياتنا وعبست لنا ركلة جزاء..انتهى يا مساكين زمن ..قاسو..واخد مقاسو...انه زمن الانضباط التكتيكي..ومسك اللعب ...وتغطية المساحات..ثم اللدغ ببشبشة....والا لما سعى ريال مدريد لخطب مورينهو...ملك الخطط الدفاعية .
الفوز حقق مكاسب كبيرة لبني هلال..فارق نقطي..استقرار اداري وفني...تهدئة للاوضاع ...وثبة كبيرة نحو استعادة اللقب المبتعد بقدرة (والي)...وبيئة ملائمة للاعداد للاستحقاق الافريقي القادم مع الشلف الجزائري .
وسؤال يؤرق جماهير الهلال ..متى يجد المشاكس الطاهر حماد حظه..فهو لاعب قوي مقدام..تمنيه امام الاحمر..لاصبحت الفرحة فرحتان...والبشة بشتان .
انتهينا من موضوع المريخ وعلينا التحضر للشلف فالدفاع لا يزال يعاني من عيوب اصبحت شبه مزمنة...وفالنتاين يحتاج لمن يرشده الى المدافعة بشكل اكثر جدية...وبرجولة وبذل...فهو حريف انيق لكنه لين احياناً في مناطق ىخر ما تحتاجه اللين .
كما على احدهم الجلوس مع سيف..لمناقشة امر البطاقات التي تحرمه وتحرم الهلال من جهوده في استحقاقات كبيرة وهو عيب ادمنه مساوي...ولم يجد حتى الآن من يناصحه ويراجع معه هذه الظاهر المقلقة في ادائه .
العجوز غازريتو ماكر ومعلم...استطاع التهام الوصيف...من ثم مسك الملعب ..ومنع المسافات ..... وبشة بشة ...الليل نعدو .
هتاف اخير
انتا يا بشة...تجيك الكشة....