جيبوا ليمونة..!
سا سا سان جورج...
ولن تتوقف العلاقة الكاثوليكية التى تجمعهم بالحظ...
وسيظل الحظ يترقبهم في كل خطوة ويشكل حضوره المعتاد...
وبمثلما يقتاتون من الحظ داخليا من ضهر الهلال وفي جاه الملوك يلوكون وآخرها مليار الرئيس البشير الهلالابي الانتماء فان الحظ سبقهم نحو اثيوبيا وسان جورج يعيش اسوأ الاوضاع زائدا انه اصلا فريق حمام وراقد مستشفى ...
وهلالابي مقيم باديس ابابا قال لي اقنعوا من (خيرن) فيها...سان جورج يعيش اوضاعا مأساوية واثيوبيا نفسها تشهد تدنيا في المستوى لازمها السنوات الاخيرة وباتت كرة القدم في المرتبة الشعبية الاقل كثيرا لان البلاد كلها تتوحد خلف العاب القوى...
ألعاب القوى هي اللعبة الشعبية الاولى ويتابعها الجمهور بشغف وباتت رياضة العدو التى يجني منها الاحباش الكثير من الحوافز الدولية وما جعلها دافعا مهولا لكل افراد الشعب...
وبات من المشاهد المألوفة في العاصمة الساحرة رؤية المواطنين من مختلف الاعمار يهرولون في الساحات صباحا وظهرا ومساء وهم يرتدون الزي الرياضي...
وما يساعد على الممارسة طيلة اليوم هو ذاك المناخ الدعاشي الذي يحرض على الابداع أي كان نوعه..واسالوا الجنرال صديق علي صالح المتواجد هنالك هذه الايام
واثيوبيا شهدت طفرة عالمية من خلال هذه الرياضة وما حفز الاسر على تحريض الابناء والبنات على ممارستها لان مصدر دخلها لمن يتفوقون فيها تجعل الاسرة تعيش في بحبوبة من الثراء...
اذن هو تمرين خفيف للدلاقين...
يرجع العجب للخرطوم او يحرز وارغو بتاع قون الشجرة ما فارق كتير لان الغريق قدام...والغريق ينبىء عن مواجهات حتما ستعيد الامور الى نصابها والطيش الى مطيشته والدراويش الى دروشتهم ...
يا وصيفنا قشة ما تعتر ليك بكرة بنستمتع وكتين تنطط عينيك..!
والداير يتابع كورة سان جورج بننصحه يجيب ليمونة..
اكيد ما قاصد المشجع..!
------------------------------------------
تبكو بس..!
عدنا..
ورجعنالك...يا سمح..يا زين..يا بعاتي الدلاقين..
والفلم دوّر والحبيب بعد غيبة هلاّ ونوّر...
و للموسم الجديد من قولة تيت للعقول فوّر...
ولفرحة الدلاقين بالنفطي والمواسير بوّر...
موسم اندروس تبكو بس...
سيد البلد زمجر هدر وبالامارات قال ليهم جاكم عنتر ..قلب الهوبا ...عزف الوتر ..نضم الكفر.. وللشمات هبر...
الاولاد خرمانين خرمة شديدة خلاص...
الجنيات ديل جحمانين كده ما لعبوا ليهم سبعة سنوات ولا دي زعلة من عدم لقيا الوحدات..؟
خرمة قدر دا...؟
المرة دي البداية من الاخر ولا شنو..؟
اكيد الارباب قال ليهم يا اولاد هاتوا من الاخر قاموا جابوا نهاية الفيلم لمن البطل يكتل الخاين ...
هوي اصبروا شوية انحنا عايزنها واااااحدة واااااحدة عشان نستوعب...
كده كتير علينا...بشويش بشويش وتاتي تااااااتي...تكملوا فرحتنا هسه اها بعدين نجيب ليكم فرحة من وين..؟
تدفقوا الروعة دي كلها في المحرق طيب خليتو شنو للدلاقين؟
قلتو شنو..؟ الاحلى لسه بعدين..؟ ياااامنت كريم يا رب العالمين...!
افتتاحية مباركة لكبير البلد الما متلو شي...العمل فيها اي شي وكل شي...ولي كشكشي...والدرب للكاس تقشي...وبداية اكثر من قوية ولقاء مباااااالغة كما يهتف حبيبنا كابتن طيار ابورداد الديمة مع الهلال متعشي...
انه الرعب بعينه...
يا دلقون كتلوك ولا جوك جوك و نحيرك لمن تكورك الحقوني يا ناس دا الارباب ولا الفريد هيتشكوك...؟
شفتو ليكم فلم رعب بيبدأ بمشهد مخيف يخلي الواحد يخش تحت السرير...لا تشويق..لا اثارة..لا سواقة مشاهد بس طوالي اخنق فطس في الوالي...؟
انه الارهاب الما بخلي وراه (عقاب)...
ليه يا كبير تعمل كده تعذب دلقانا بالشكل دا...؟ يعني في داعي تحبطوا الناس ديل بالعرض دا وقدامهم كورة جاية...؟
ناس الهلال ديل عجيبين خلاص..حد يبدأ لابس لبس خمسة ...؟
حد يا دوبك يدشن في الموسم الجديد يبدأ يعشق بنمرة خمسة..؟
وقبل ما نقول يا هادي طوالي كده تخلونا نخش في لمسات حنان تفرز الكيمان وتروع الدلقان وتخلي النواميس تهتف بملء الشدق اهلا هلال الفين وعشرة ساحر كل زمان...؟
طوفان من الابداع...سحر يناغم سحرا ..شدوا يناجي شدوا...فخامة تغازل القا..وفتية تسربلوا بلمسات الحنان دلقوا رونق العطاء فاستحقوا الثناء...
وقبل ان يهل علينا كركعوب ود العفاض تعالوا نقلب صفحات الحبيب الاصلي فتحي ود الجعلي وماذا جادت قريحته من معاني لحظية...
ونقول لحظية لان ود الجعلي عودنا ان قريحته تنطلق عقب صافرة خاتمة اي لقاء وبفطرة مسادير مغزولة بي الحرف الحرير...
الليلة الهلال في سمانا امسى يلالىء...
فيه اسود فيافي حالفين يجيبو الغالي..
حرقنا المحرق القالو فوق في العالي..
سادومبا وظهر وجفلت نجيمة الوالي...
ولاننا متعطشين منه للمزيد فلقد هاتفته (حرم يا جعلي أكان تعقب) فاذا به يدوبي بمسدار شفاهة ...
ما شفتو الهلال بهر الخليج بي حالو...
اتجلى وظهر بدرا يلالي كمالو...
بالراس ابتدأ ودبلهن بي شمالو...
قول لي اهل الوصيف ارجونا ما تتعالو..
ما هذا الذي فعله سيد البلد في الامارات..؟ وان كانت ضربة البداية تاتي على هذا الشاكلة امات طه اكيد راجية الوصيفاب..تقبلوا وين..؟ تسووا شنو..؟ تشتكوا لمنو..؟ هرد الهرد وكبس الكبس والوالي دقس سادوما كبس..
سادومبا براهو...؟ ديل كلهم بقوا سادومبات...سادومبات ايه ..؟ ديل امبارح عملوا لمسات حنان راجمات...ارجم ارجم يا قيصر..اردم اردم يا فييرا...ونط ومتع يا دعيع... و..و...هذي الصخرة...منير اسكودا انشاء الله يوم شكرك ما يجي...!
ناس الهلال ديل حقهم بعرفوه براهم..
قالوا ليهم دي الكورة الاولى عملوها نهائي مبكر..
اتنين بالمقاس ويا بن ياس بل الراس..حلاقة قص القص وبالمقص...
لمسة حنان قص...اتاريه مهند كان حلاق...؟
صالون القيصر للحلاقة سبعة نجوم...سخانة للبكوس الساونا....حلاقة زيرو لمنتسبي الوصيف الزيرو...حمام بخار بالصابون السادومبي الحار...حمام أردني بالمسبح الشلباوي والجلاكوزي مقسمة بالوحدات...ماء فاتر..ماء بارد..ماء دافي (حاليا ببح)..ماء نفطي (حاليا تحت التنقيب)..ماء متورغن (سم هاري فاحذروووه)..ماء زلالي..وماء يا عيني ازرق هلالي...وتدليك خاص للحراس...والكايس البطحات يقيف في صف السادومبات...!
والكايس أمولادي يتر بعيد لي غادي..أمادو جن مصرم كدي شوفوا ليه قنبلاية مزمزية عشان تغطس حجره..؟ ايميل ممسوح طاير...خطاب جاي بي دي اتش ال..فتشوا ادراج مكتب قرن شطة يمكن يكون وقع لغزل المحلة...اقول ليكم حاجة اتصلوا بابوبكر مصطفى والباقي بتمو براه...
يا والي لقيتنا كيف...؟ تجري ورا المعز جري الوحوش غير كرومي ما تحوش...!
ويا المعز الرسالة من الدعيع وصلت ولا نترجم ليك عشان اكان كست تعاين هناااك تغمض عينيك...؟
سيدا...؟ اقول ليك حاجة قشة ما تعتر ليك...ناس القمش ديل اشتغل معاهم شوت الشوت ...اتبلم وتاني لا تومىء لا تسلم...مد بوذك خمسين متر ...وكان زعلك بجيب الشغل دا الهلالاب كلهم حيغنوا ليك غضبك جميل زي لمستك...
ورامين قدام...ومن محرق البحرين لي كرفسة الدلاقين...نكوي وما نبخ عشان تبقى مكوه ناشفة نشاف الحطب اليابس...وحابس حابس هلال الفين وعشرة جاكم مولع وكابس..! ابقوا معي...!
و...للشريان ختام...!
والله بجد أنحنا اولا بنعتذر لكل الهلالاب ..ولكل لاعبي الهلال..وكمان للرئيس الارباب..اكان ما جن مننا دا فريق كايس ليه نجوم تسجيلات..؟
دا فريق بطولات وكايسلو درهم حظ وبس...قنطار شطارة الف الالف...
الله يخذيك يا شيطان الطمع فوق كم..؟
والله يا يوسف محمد لو شفت خليفة هوت وهو بجضم في الكورة تحلف تقول انك ماسورة...
الم نقل بان الهلال بمن حضر...؟
الطمع ودر ما جمع....يا أحباب الفريق مؤمن حافظوا على المكتسبات...
شيخ أمارة دبي قال للبرنس دايرك تبقى امير لدبي..فرد سيدا حد يكون امير للهلال يفارقو...؟
وكما يغني الصحاف البدق القراف ويخلي ابوسوط يتلبد ويخاف (يا هلال العين انت زيك ويييين وين)...!
اللوحة دي لو كملناها بالعضوية يبقى كلو في محلو..ويبقى كلو سادومبا..وخلف الله موسى ذاااتو ببقى سادومبا...
وعظمة جمهور الجالية في الامارات تجلت عندما هاتفت بفطانة طبع (دايرين ود شمس الدين) في اشارة ذكية انها تقف قلبا وقالبا مع مجموعة شداد والحملة الجائرة التى تشن ضدها من قبل الوصيفاب...فهم زي دا ما بجي الا من اهل الهلال الحلوين حلا وما شينين شنا..!
الامارات سهرت للصباح والاندية الخليجية الكبيرة تتهافت للتباري امام سيد البلد الهلال..الكبير دايما كبير تقولوا لينا ماثاري وقورماهيا وضهيراب كينيا...؟ كل واحد بياخد مقاسه...والكويسة في الدلاقين بمدوا كرعينهم قدر لحافم الممزق...
بشة أنحنا معاك حتة حتة وما مستعجلين وبكرة احلى يا فلته...
هذي الصخرة..الشكية شنو يا اسكودا قالوا ليك ركز على النخرة..؟
الشامخ جضم الكورة في ملعب الشامخة...
إتشمخي..!
سا سا سان جورج...
ولن تتوقف العلاقة الكاثوليكية التى تجمعهم بالحظ...
وسيظل الحظ يترقبهم في كل خطوة ويشكل حضوره المعتاد...
وبمثلما يقتاتون من الحظ داخليا من ضهر الهلال وفي جاه الملوك يلوكون وآخرها مليار الرئيس البشير الهلالابي الانتماء فان الحظ سبقهم نحو اثيوبيا وسان جورج يعيش اسوأ الاوضاع زائدا انه اصلا فريق حمام وراقد مستشفى ...
وهلالابي مقيم باديس ابابا قال لي اقنعوا من (خيرن) فيها...سان جورج يعيش اوضاعا مأساوية واثيوبيا نفسها تشهد تدنيا في المستوى لازمها السنوات الاخيرة وباتت كرة القدم في المرتبة الشعبية الاقل كثيرا لان البلاد كلها تتوحد خلف العاب القوى...
ألعاب القوى هي اللعبة الشعبية الاولى ويتابعها الجمهور بشغف وباتت رياضة العدو التى يجني منها الاحباش الكثير من الحوافز الدولية وما جعلها دافعا مهولا لكل افراد الشعب...
وبات من المشاهد المألوفة في العاصمة الساحرة رؤية المواطنين من مختلف الاعمار يهرولون في الساحات صباحا وظهرا ومساء وهم يرتدون الزي الرياضي...
وما يساعد على الممارسة طيلة اليوم هو ذاك المناخ الدعاشي الذي يحرض على الابداع أي كان نوعه..واسالوا الجنرال صديق علي صالح المتواجد هنالك هذه الايام
واثيوبيا شهدت طفرة عالمية من خلال هذه الرياضة وما حفز الاسر على تحريض الابناء والبنات على ممارستها لان مصدر دخلها لمن يتفوقون فيها تجعل الاسرة تعيش في بحبوبة من الثراء...
اذن هو تمرين خفيف للدلاقين...
يرجع العجب للخرطوم او يحرز وارغو بتاع قون الشجرة ما فارق كتير لان الغريق قدام...والغريق ينبىء عن مواجهات حتما ستعيد الامور الى نصابها والطيش الى مطيشته والدراويش الى دروشتهم ...
يا وصيفنا قشة ما تعتر ليك بكرة بنستمتع وكتين تنطط عينيك..!
والداير يتابع كورة سان جورج بننصحه يجيب ليمونة..
اكيد ما قاصد المشجع..!
------------------------------------------
تبكو بس..!
عدنا..
ورجعنالك...يا سمح..يا زين..يا بعاتي الدلاقين..
والفلم دوّر والحبيب بعد غيبة هلاّ ونوّر...
و للموسم الجديد من قولة تيت للعقول فوّر...
ولفرحة الدلاقين بالنفطي والمواسير بوّر...
موسم اندروس تبكو بس...
سيد البلد زمجر هدر وبالامارات قال ليهم جاكم عنتر ..قلب الهوبا ...عزف الوتر ..نضم الكفر.. وللشمات هبر...
الاولاد خرمانين خرمة شديدة خلاص...
الجنيات ديل جحمانين كده ما لعبوا ليهم سبعة سنوات ولا دي زعلة من عدم لقيا الوحدات..؟
خرمة قدر دا...؟
المرة دي البداية من الاخر ولا شنو..؟
اكيد الارباب قال ليهم يا اولاد هاتوا من الاخر قاموا جابوا نهاية الفيلم لمن البطل يكتل الخاين ...
هوي اصبروا شوية انحنا عايزنها واااااحدة واااااحدة عشان نستوعب...
كده كتير علينا...بشويش بشويش وتاتي تااااااتي...تكملوا فرحتنا هسه اها بعدين نجيب ليكم فرحة من وين..؟
تدفقوا الروعة دي كلها في المحرق طيب خليتو شنو للدلاقين؟
قلتو شنو..؟ الاحلى لسه بعدين..؟ ياااامنت كريم يا رب العالمين...!
افتتاحية مباركة لكبير البلد الما متلو شي...العمل فيها اي شي وكل شي...ولي كشكشي...والدرب للكاس تقشي...وبداية اكثر من قوية ولقاء مباااااالغة كما يهتف حبيبنا كابتن طيار ابورداد الديمة مع الهلال متعشي...
انه الرعب بعينه...
يا دلقون كتلوك ولا جوك جوك و نحيرك لمن تكورك الحقوني يا ناس دا الارباب ولا الفريد هيتشكوك...؟
شفتو ليكم فلم رعب بيبدأ بمشهد مخيف يخلي الواحد يخش تحت السرير...لا تشويق..لا اثارة..لا سواقة مشاهد بس طوالي اخنق فطس في الوالي...؟
انه الارهاب الما بخلي وراه (عقاب)...
ليه يا كبير تعمل كده تعذب دلقانا بالشكل دا...؟ يعني في داعي تحبطوا الناس ديل بالعرض دا وقدامهم كورة جاية...؟
ناس الهلال ديل عجيبين خلاص..حد يبدأ لابس لبس خمسة ...؟
حد يا دوبك يدشن في الموسم الجديد يبدأ يعشق بنمرة خمسة..؟
وقبل ما نقول يا هادي طوالي كده تخلونا نخش في لمسات حنان تفرز الكيمان وتروع الدلقان وتخلي النواميس تهتف بملء الشدق اهلا هلال الفين وعشرة ساحر كل زمان...؟
طوفان من الابداع...سحر يناغم سحرا ..شدوا يناجي شدوا...فخامة تغازل القا..وفتية تسربلوا بلمسات الحنان دلقوا رونق العطاء فاستحقوا الثناء...
وقبل ان يهل علينا كركعوب ود العفاض تعالوا نقلب صفحات الحبيب الاصلي فتحي ود الجعلي وماذا جادت قريحته من معاني لحظية...
ونقول لحظية لان ود الجعلي عودنا ان قريحته تنطلق عقب صافرة خاتمة اي لقاء وبفطرة مسادير مغزولة بي الحرف الحرير...
الليلة الهلال في سمانا امسى يلالىء...
فيه اسود فيافي حالفين يجيبو الغالي..
حرقنا المحرق القالو فوق في العالي..
سادومبا وظهر وجفلت نجيمة الوالي...
ولاننا متعطشين منه للمزيد فلقد هاتفته (حرم يا جعلي أكان تعقب) فاذا به يدوبي بمسدار شفاهة ...
ما شفتو الهلال بهر الخليج بي حالو...
اتجلى وظهر بدرا يلالي كمالو...
بالراس ابتدأ ودبلهن بي شمالو...
قول لي اهل الوصيف ارجونا ما تتعالو..
ما هذا الذي فعله سيد البلد في الامارات..؟ وان كانت ضربة البداية تاتي على هذا الشاكلة امات طه اكيد راجية الوصيفاب..تقبلوا وين..؟ تسووا شنو..؟ تشتكوا لمنو..؟ هرد الهرد وكبس الكبس والوالي دقس سادوما كبس..
سادومبا براهو...؟ ديل كلهم بقوا سادومبات...سادومبات ايه ..؟ ديل امبارح عملوا لمسات حنان راجمات...ارجم ارجم يا قيصر..اردم اردم يا فييرا...ونط ومتع يا دعيع... و..و...هذي الصخرة...منير اسكودا انشاء الله يوم شكرك ما يجي...!
ناس الهلال ديل حقهم بعرفوه براهم..
قالوا ليهم دي الكورة الاولى عملوها نهائي مبكر..
اتنين بالمقاس ويا بن ياس بل الراس..حلاقة قص القص وبالمقص...
لمسة حنان قص...اتاريه مهند كان حلاق...؟
صالون القيصر للحلاقة سبعة نجوم...سخانة للبكوس الساونا....حلاقة زيرو لمنتسبي الوصيف الزيرو...حمام بخار بالصابون السادومبي الحار...حمام أردني بالمسبح الشلباوي والجلاكوزي مقسمة بالوحدات...ماء فاتر..ماء بارد..ماء دافي (حاليا ببح)..ماء نفطي (حاليا تحت التنقيب)..ماء متورغن (سم هاري فاحذروووه)..ماء زلالي..وماء يا عيني ازرق هلالي...وتدليك خاص للحراس...والكايس البطحات يقيف في صف السادومبات...!
والكايس أمولادي يتر بعيد لي غادي..أمادو جن مصرم كدي شوفوا ليه قنبلاية مزمزية عشان تغطس حجره..؟ ايميل ممسوح طاير...خطاب جاي بي دي اتش ال..فتشوا ادراج مكتب قرن شطة يمكن يكون وقع لغزل المحلة...اقول ليكم حاجة اتصلوا بابوبكر مصطفى والباقي بتمو براه...
يا والي لقيتنا كيف...؟ تجري ورا المعز جري الوحوش غير كرومي ما تحوش...!
ويا المعز الرسالة من الدعيع وصلت ولا نترجم ليك عشان اكان كست تعاين هناااك تغمض عينيك...؟
سيدا...؟ اقول ليك حاجة قشة ما تعتر ليك...ناس القمش ديل اشتغل معاهم شوت الشوت ...اتبلم وتاني لا تومىء لا تسلم...مد بوذك خمسين متر ...وكان زعلك بجيب الشغل دا الهلالاب كلهم حيغنوا ليك غضبك جميل زي لمستك...
ورامين قدام...ومن محرق البحرين لي كرفسة الدلاقين...نكوي وما نبخ عشان تبقى مكوه ناشفة نشاف الحطب اليابس...وحابس حابس هلال الفين وعشرة جاكم مولع وكابس..! ابقوا معي...!
و...للشريان ختام...!
والله بجد أنحنا اولا بنعتذر لكل الهلالاب ..ولكل لاعبي الهلال..وكمان للرئيس الارباب..اكان ما جن مننا دا فريق كايس ليه نجوم تسجيلات..؟
دا فريق بطولات وكايسلو درهم حظ وبس...قنطار شطارة الف الالف...
الله يخذيك يا شيطان الطمع فوق كم..؟
والله يا يوسف محمد لو شفت خليفة هوت وهو بجضم في الكورة تحلف تقول انك ماسورة...
الم نقل بان الهلال بمن حضر...؟
الطمع ودر ما جمع....يا أحباب الفريق مؤمن حافظوا على المكتسبات...
شيخ أمارة دبي قال للبرنس دايرك تبقى امير لدبي..فرد سيدا حد يكون امير للهلال يفارقو...؟
وكما يغني الصحاف البدق القراف ويخلي ابوسوط يتلبد ويخاف (يا هلال العين انت زيك ويييين وين)...!
اللوحة دي لو كملناها بالعضوية يبقى كلو في محلو..ويبقى كلو سادومبا..وخلف الله موسى ذاااتو ببقى سادومبا...
وعظمة جمهور الجالية في الامارات تجلت عندما هاتفت بفطانة طبع (دايرين ود شمس الدين) في اشارة ذكية انها تقف قلبا وقالبا مع مجموعة شداد والحملة الجائرة التى تشن ضدها من قبل الوصيفاب...فهم زي دا ما بجي الا من اهل الهلال الحلوين حلا وما شينين شنا..!
الامارات سهرت للصباح والاندية الخليجية الكبيرة تتهافت للتباري امام سيد البلد الهلال..الكبير دايما كبير تقولوا لينا ماثاري وقورماهيا وضهيراب كينيا...؟ كل واحد بياخد مقاسه...والكويسة في الدلاقين بمدوا كرعينهم قدر لحافم الممزق...
بشة أنحنا معاك حتة حتة وما مستعجلين وبكرة احلى يا فلته...
هذي الصخرة..الشكية شنو يا اسكودا قالوا ليك ركز على النخرة..؟
الشامخ جضم الكورة في ملعب الشامخة...
إتشمخي..!
اقلام بلا وطنيه وبلا اخلاق وبلا ضمير
حسبنا الله ونعم الوكيل.
حليل كتاب الزمن الجميل للصحافة الرياضية والله لوعندي سلطة نوعك دا الا يكتب في طاحونة
بالأمس اتاح لنا الرشيد العبيد فى برنامجه بقناة الشروق فرصة نادرة للأستماع والأ ستمتاع بالتحاور مع نجم السبعينات اللاعب محمد على الجاك المعروف بشواطين و هو لاعب لا يعرفه الكثيرون من جيل اليوم .... تحدث شواطين بلغة بليغة وواثقة اكدت لنا ان من بين اللاعبين القدماء كوادر مؤهلة و قادرة على لن تنقلنا من مرحلة التخازل و الأنهزام الى تحقيق ما نصبو اليه .... حالة التقهقهر و التخلف الكروى التى نعيشها ناتجه من فسح المجال لأداريين غير مؤهلين يحبون الظهور والفشخرة فقط يمارسون تضليل الناس من خلال كتاب لا عرفون عن الصحافة شيئا و لا يقدرون اهميتها و سلطتها ... يسترزقون من خلال ما يكتبونه من اعمدة ... و خير دليل على ما كتبت هزا العمود التافه و الغير مفيد .... تحيروا اخوتنا فى كفر ووتر ان اردتم ان يكون لكم دور فى تطور الكرة السودانية ... وهداكم الله
بالله عليك اتقي الله في كتاباتك واسلوب الهمز واللمز (الله يهديك)
وسن الياس ولف الراس
محال يتقاس
ولو جابوه كل الناس
محال الصفر يتبدل ولو بالفاس
يقطع للقليب ويقطع الانفاس
فضايح كوم من الساس لحدي الراس
يقول ليك أيه كاااس بني ياس
كان الناس بقت تفتيحة ماها مطيه شكل مداس
تعاين في الفلوس وتحبوا حق الناس
ناس بني ياس بنوه الساس
وقالوا نعوض الحراس
نجيب الناس و نعمل دورة بي فد كاس
نعوض للفلوس بالناس
يقول ليك أيه؟ ده كاس بني ياس
صفرنا يفتش الرايحات و كايس الكاس
بجيبوا الكاس وبفرح بيهو كل الناس
ده من بني ياس وسن الياس
خرابة ... البشبه الكاس كاس...؟
زعيمنا الما خمج ياناس
يجيب الكاس بعد عرك النزال والناس
وعرف الكورة زي الناس
وصفرنا الليلة يفرح تب
ويعمل لينا زي الناس
مبارك ليكم الإحساس
وكاس بني ياس ولف الراس
وصفرا شافوا كل الناس
كلنا ثقة فيك و في إخلاصك لحبيبنا الأبدي أبو الهل
الجماعة زعلانين ليه من إسم الدلاقين، ده ما الإسم السماهم ليهو زعيمهم مزمل أبو القاسم و ناسين
_انت احد افرازات الغفلة في الصحافة السودانية..
_انت ومعك اخرون ممن ينشد تكوين قراء علي حساب هذه الكتابات المتهورة..
_انت للاسف غير مؤهل للارتقاء بالكرة السودانية...
_الرياضة في ابسط مضامينها دعوة للتاخي والتسامح فمن اين لك كل هذا الحقد..
_نحن ننتظر منك افضل مما تقول لمصلحة الرياضة وتأكد ان ذلك لن يتعارض مع مصلحتك الشخصية..
_وننتظر منك الرجوع من اللغة العنترية التي تظن انها ليست لغيرك..
يا ؟؟؟؟؟؟؟؟؟؟؟؟؟؟؟؟؟؟
استاذ الرشيد ..
الواحد بقى ينتظر عمودك ما عشان يقراه ..
عشان نقرأ تعليقات الوصيفاب السبعاب ونشوف اخر انتاجات قواميس الاساءات شنو ؟
سلمت
يعنى وصيف ولاقى ضعييييييييييييييييف
اتكهنيييى
اها زعلان من الريس عشان ادي الزعيم مليار ؟ الظاهر الدعاية المجانية للريس قبل ايام في عمودك المضلم ما جابت دخل مش قلنا ليك مد رجليك علي قدر لحافك \"المقدد\" ..
وشايفك مرتاح مع الارباب انشاء الله دايمة بس يارب الارباب بيبادلك نفس الشعور ؟؟
وكمان البرنس شايفك رفعتك الحظر علي هيثم قارورة لكن ماشايف انك مبالغ شوية في الاسد الهمام الجموعي تمام المعز ؟ انا عارف انها مسرحية لن تطول عشان انت تمثيلك مكشوف ...
اما حديثك عن الزعيم فلا تعليق والرد متروك للملك وجنوده ...
بس اذكرك مش قلنا احسن ندعم فرقنا خارجيا والمكتوب ليه النصر يكسب اما داخليا فممكن تطلق جراثيم عطاسك زي ماشئت لان اولادنا لابسين كمامات ...
واخبار أم اولادي شنو وايه آخر اخبار كوارزما دي سي دي سوزا ؟؟؟
اها زعلان من الريس عشان ادي الزعيم مليار ؟ الظاهر الدعاية المجانية للريس قبل ايام في عمودك المضلم ما جابت دخل مش قلنا ليك مد رجليك علي قدر لحافك \"المقدد\" ..
وشايفك مرتاح مع الارباب انشاء الله دايمة بس يارب الارباب بيبادلك نفس الشعور ؟؟
وكمان البرنس شايفك رفعتك الحظر علي هيثم قارورة لكن ماشايف انك مبالغ شوية في الاسد الهمام الجموعي تمام المعز ؟ انا عارف انها مسرحية لن تطول عشان انت تمثيلك مكشوف ...
اما حديثك عن الزعيم فلا تعليق والرد متروك للملك وجنوده ...
بس اذكرك مش قلنا احسن ندعم فرقنا خارجيا والمكتوب ليه النصر يكسب اما داخليا فممكن تطلق جراثيم عطاسك زي ماشئت لان اولادنا لابسين كمامات ...
واخبار أم اولادي شنو وايه آخر اخبار كوارزما دي سي دي سوزا ؟؟؟
اليوم تقلب ميه وتسعون درجة ياخى خليكى موضوعى شوية
وبعدين وصل بيك الحقد انو تتصل فى اثيوبيا وتعرف اخبار الفريق
والله انا اشك انك سودانى
وواصل كفاحك
واتكفحي
بالله عليك ماتخجل من نفسك
وانت تكتب هكذا أسلوب
لو سمحت ممكن نعرف تعليمك شنو ؟
متخرج من الهند ولا شنو ؟
هندى معاك حق ياصديق