دربو درب بعير .. وقعدتو قعدة صغير..!!
* الإنتصار الغالي الذي حققه الزعيم في مباراة بورتسودان السبت الماضي على الأمل عطبرة يجب أن لا يؤثر ذلك سلباً على نجوم المريخ .. خلال ما تبقى من مباريات.. نعم أن المريخ تجاوز أصعب المحطات أمام منافس قوي ومحترم قاتل منذ بداية المباراة وحتى نهايتها من أجل الفوز.. ولكنه اصطدم بمن هو أقوى منه فكانت الغلبة للأفضل.
* ولكن هذا لا يعني أن المريخ قد ضمن بقية مباريات الدوري التي حتماً ستكون حامية الوطيس.. ولن يستسلم أي فريق للهزيمة أمام الزعيم في الثماني مباريات المتبقية.. وإن كانت الأخيرة مضمونة !.
* لذا على المريخ أن يكون أكثر حذرا فيما تبقى له من مباريات.. وعلى الرغم من أن الدوري سيكون متوقفاً خلال الفترة القادمة نسبة لمشاركات المنتخب الوطني.. إلا أن الإعداد مهم للغاية في هذه الفترة .. حتى لا يضيع كل الذي بذل خلال فترة ما بين الدورتين سدى وتهدر طاقات اللاعبين بدون فائدة.
* قالوا الوصيف غلب الضيف ثلاثة.. واتوبنغ تألق أمام اليانغا.. أنا المحيرني ناس الهلال ديل يعني كل ما يجيبوا ليهم محترف ماسورة .. يفشل في المباريات الرسمية .. يقوموا يجيبوا ليهم فريق من سيكافا .. يدفعوا ليهو قروش عشان يخلو زي اتوبنغ ده يتألق ويحرز الأهداف.
* اليوم داك أمام سوفوباكا برضو إتألق وجاب ثلاثة أقوان من التمانية المدفوعة القيمة..!! ومع اليانغا برضو أتألق !! هي قروش الحكومة دي الناس دي ما بتعرف تشغلها إلا في الوديات.
* هم هسي لما شافوا الزعيم قابض قوي في الدوري الممتاز وما مديهم فرقة.. قالوا انو الدوري ضعيف وهم ما بفكروا فيهو هسي..لأنو (أملهم) كبير في الأبطال.. طيب وكت الدوري ضعيف وناس اتوبنغ ديل جابوهم للأبطال وينو عمارهم لي هسي.
* أتوبنغ طلع فرقعة إعلامية .. ومع النيل ما شادي الحيل.. في آخر دقيقة الوضيف شاف الويل.
* والغريبة إنو المباراة كانت بعد ثمانية سوفباكا طوالي .. طيييييب انا خلوني.. البيقنع ناس اتوبنغ شنو.. إنو المباريات ما مدفوعة القيمة ..؟ وإنو عاجز عن التسجيل في المباريات الرسمية.
* الوصيف أصلو من (خمسة) عقود قااااعد يشارك .. وكل ما يقرب من كأس ينضرب بالخمسة.
* والخمسة زاتها خشم بيوت.. في خمسة إفريقية .. ودي خمسة مازمبي في الزريبة.. وخمسة داخلية.. ودي خمسة الزعيم (فارق النقاط) ولسة ..!! وخمسة أديكو من خمسة مباريات .. وخمسة الزعيم في الموردة.. وخمسة عدد المباريات التي لعبها الزعيم وفاز فيها في الدورة التانية.
* وخمسة دقائق .. فرحوا فيها بعد تعادل الأمل.. وخمسة (صمة) الخشم .. بعد قوون أديكو.. وكلو خمسة في خمسة .. والعالم في عيون الزرق بيتخمس ..!
تأكيدات
* كتير وصلوا محلهم ده .. وطولوا لسانهم على الزعيم وجمهوره .. ولكن في النهاية الصفر يبقى أكبر إنجازاتهم الكروية .. وهم بالتأكيد الأول على مستوى العالم .. وقطعا يحتفظون بالرقم القياسي لأكبر صفر دولي على مستوى العالم.. مش قلت ليكم الفريق ده عالمي..!!
* لما يسألوهم عن الدوري الممتاز السنة دي كيف .. يقولوا ليك نحن أهلوا وأسيادوا كان شلناهو ولا ما شلناهو .. ولو سألناهم عن الأبطال .. يقولوا ليك هي للهلال.
* في الحقيقة ذكروني بي حكاية الحبوبات زمان .. لما الواحدة تقول ليك (غلوبية) .. يقول ليك (المنهوز يبكي برا دموع).. أنا زمان قايلو ده ولد الحمامة الصغير (فرخ) لما اموا تطير.. لكن هسي لقيتو ده جمهور الهلال .. لما يطير فريقو بالخمسة.
* ويقولوا ليك (دربو درب بعير.. وقعدتو قعدة صغير).. أنا زمان قايلو ده (الفندك) .. لكن لما كبرنا ووعينا .. ولقيناهو ده (الهلال) ..!هرم وشاخ وأصبح دربوا في البطولات الإفريقية درب بعير.. لقينا برضو قعدتوا فيها قعدة صغير.. ووين ما يسير برضو في النهاية بالخمسة يطير.. يا ساتر!!.
* وقعدتو لي هسي برضو قعدة صغير.. فالكبير في البطولات كبير.. وفي عرف الإتحاد الإفريقي والفيفا وكل الدنيا .. كل بطل توشح بالذهب القاري..والإقليمي.. وما دونه يبقى زيادة مشاركة وتمومة عدد.. والبطولات المحلية مهما كبر الدرب فيها ..زاد الصفر.
* واحد فيهم يقول لي علاقة (الفندك) بالجماعة ديل شنو..؟ طوالي أقول ليهو: الفندك ده مش صغير وفي الأكبر منو .. يقول لي:أيوة .. أقول ليهو .. مش بدقو فيهو البهارات زي الشمار والكسبرة والتوم .. المحريب والسحلب..(والسحلب ده بخلي الناس مسحلبة).. زي (شلاليت) يوم الخمسة..يلا علييييك نووووور.. جيتني في محل داير.. أها أين توجد هذه البهارات المذكورة..؟؟
* يلا البهارات دي مش بتمسك الحديدة بي أصابعيك ( الخمسة) وتدق بيها البهارات في الفندك..؟ صح ..؟ صااااااااح.
* وأكيد الكلام ده كلو بيتم في الزريبة .. صح ..؟ ولا أنا غلطااااان..؟ يلا مازمبي ده لما جا هنا دق منو بالخمسة ..؟ ووين ..؟
* مش أبو درباً درب بعير وقعدةً قعدة صغير..؟ .. يلا بعد ده كلو كيف تقول لي علاقتهم شنو بالفندك وكلام الحبوبات ده..؟.
قفلة كلام
* كلما زادت البهارات .. قلت المهارات .. والضرب يكون بيشات.
* وقطعا سنلتقي بإذن الله إن كان في العمر بقية
* الإنتصار الغالي الذي حققه الزعيم في مباراة بورتسودان السبت الماضي على الأمل عطبرة يجب أن لا يؤثر ذلك سلباً على نجوم المريخ .. خلال ما تبقى من مباريات.. نعم أن المريخ تجاوز أصعب المحطات أمام منافس قوي ومحترم قاتل منذ بداية المباراة وحتى نهايتها من أجل الفوز.. ولكنه اصطدم بمن هو أقوى منه فكانت الغلبة للأفضل.
* ولكن هذا لا يعني أن المريخ قد ضمن بقية مباريات الدوري التي حتماً ستكون حامية الوطيس.. ولن يستسلم أي فريق للهزيمة أمام الزعيم في الثماني مباريات المتبقية.. وإن كانت الأخيرة مضمونة !.
* لذا على المريخ أن يكون أكثر حذرا فيما تبقى له من مباريات.. وعلى الرغم من أن الدوري سيكون متوقفاً خلال الفترة القادمة نسبة لمشاركات المنتخب الوطني.. إلا أن الإعداد مهم للغاية في هذه الفترة .. حتى لا يضيع كل الذي بذل خلال فترة ما بين الدورتين سدى وتهدر طاقات اللاعبين بدون فائدة.
* قالوا الوصيف غلب الضيف ثلاثة.. واتوبنغ تألق أمام اليانغا.. أنا المحيرني ناس الهلال ديل يعني كل ما يجيبوا ليهم محترف ماسورة .. يفشل في المباريات الرسمية .. يقوموا يجيبوا ليهم فريق من سيكافا .. يدفعوا ليهو قروش عشان يخلو زي اتوبنغ ده يتألق ويحرز الأهداف.
* اليوم داك أمام سوفوباكا برضو إتألق وجاب ثلاثة أقوان من التمانية المدفوعة القيمة..!! ومع اليانغا برضو أتألق !! هي قروش الحكومة دي الناس دي ما بتعرف تشغلها إلا في الوديات.
* هم هسي لما شافوا الزعيم قابض قوي في الدوري الممتاز وما مديهم فرقة.. قالوا انو الدوري ضعيف وهم ما بفكروا فيهو هسي..لأنو (أملهم) كبير في الأبطال.. طيب وكت الدوري ضعيف وناس اتوبنغ ديل جابوهم للأبطال وينو عمارهم لي هسي.
* أتوبنغ طلع فرقعة إعلامية .. ومع النيل ما شادي الحيل.. في آخر دقيقة الوضيف شاف الويل.
* والغريبة إنو المباراة كانت بعد ثمانية سوفباكا طوالي .. طيييييب انا خلوني.. البيقنع ناس اتوبنغ شنو.. إنو المباريات ما مدفوعة القيمة ..؟ وإنو عاجز عن التسجيل في المباريات الرسمية.
* الوصيف أصلو من (خمسة) عقود قااااعد يشارك .. وكل ما يقرب من كأس ينضرب بالخمسة.
* والخمسة زاتها خشم بيوت.. في خمسة إفريقية .. ودي خمسة مازمبي في الزريبة.. وخمسة داخلية.. ودي خمسة الزعيم (فارق النقاط) ولسة ..!! وخمسة أديكو من خمسة مباريات .. وخمسة الزعيم في الموردة.. وخمسة عدد المباريات التي لعبها الزعيم وفاز فيها في الدورة التانية.
* وخمسة دقائق .. فرحوا فيها بعد تعادل الأمل.. وخمسة (صمة) الخشم .. بعد قوون أديكو.. وكلو خمسة في خمسة .. والعالم في عيون الزرق بيتخمس ..!
تأكيدات
* كتير وصلوا محلهم ده .. وطولوا لسانهم على الزعيم وجمهوره .. ولكن في النهاية الصفر يبقى أكبر إنجازاتهم الكروية .. وهم بالتأكيد الأول على مستوى العالم .. وقطعا يحتفظون بالرقم القياسي لأكبر صفر دولي على مستوى العالم.. مش قلت ليكم الفريق ده عالمي..!!
* لما يسألوهم عن الدوري الممتاز السنة دي كيف .. يقولوا ليك نحن أهلوا وأسيادوا كان شلناهو ولا ما شلناهو .. ولو سألناهم عن الأبطال .. يقولوا ليك هي للهلال.
* في الحقيقة ذكروني بي حكاية الحبوبات زمان .. لما الواحدة تقول ليك (غلوبية) .. يقول ليك (المنهوز يبكي برا دموع).. أنا زمان قايلو ده ولد الحمامة الصغير (فرخ) لما اموا تطير.. لكن هسي لقيتو ده جمهور الهلال .. لما يطير فريقو بالخمسة.
* ويقولوا ليك (دربو درب بعير.. وقعدتو قعدة صغير).. أنا زمان قايلو ده (الفندك) .. لكن لما كبرنا ووعينا .. ولقيناهو ده (الهلال) ..!هرم وشاخ وأصبح دربوا في البطولات الإفريقية درب بعير.. لقينا برضو قعدتوا فيها قعدة صغير.. ووين ما يسير برضو في النهاية بالخمسة يطير.. يا ساتر!!.
* وقعدتو لي هسي برضو قعدة صغير.. فالكبير في البطولات كبير.. وفي عرف الإتحاد الإفريقي والفيفا وكل الدنيا .. كل بطل توشح بالذهب القاري..والإقليمي.. وما دونه يبقى زيادة مشاركة وتمومة عدد.. والبطولات المحلية مهما كبر الدرب فيها ..زاد الصفر.
* واحد فيهم يقول لي علاقة (الفندك) بالجماعة ديل شنو..؟ طوالي أقول ليهو: الفندك ده مش صغير وفي الأكبر منو .. يقول لي:أيوة .. أقول ليهو .. مش بدقو فيهو البهارات زي الشمار والكسبرة والتوم .. المحريب والسحلب..(والسحلب ده بخلي الناس مسحلبة).. زي (شلاليت) يوم الخمسة..يلا علييييك نووووور.. جيتني في محل داير.. أها أين توجد هذه البهارات المذكورة..؟؟
* يلا البهارات دي مش بتمسك الحديدة بي أصابعيك ( الخمسة) وتدق بيها البهارات في الفندك..؟ صح ..؟ صااااااااح.
* وأكيد الكلام ده كلو بيتم في الزريبة .. صح ..؟ ولا أنا غلطااااان..؟ يلا مازمبي ده لما جا هنا دق منو بالخمسة ..؟ ووين ..؟
* مش أبو درباً درب بعير وقعدةً قعدة صغير..؟ .. يلا بعد ده كلو كيف تقول لي علاقتهم شنو بالفندك وكلام الحبوبات ده..؟.
قفلة كلام
* كلما زادت البهارات .. قلت المهارات .. والضرب يكون بيشات.
* وقطعا سنلتقي بإذن الله إن كان في العمر بقية
