الهلال امان على مر الزمان
+ الذين يعتقدون ان الهلال تهده الهزيمة عليهم ان يراجعوا طريقة تفكيرهم وعلاقتهم بالحياة وايقاعها وقيمة الوجود .
+ من دخل دار الهلال فهو امن .
+ ومن احب الهلال فعف فمات مات شهيداً .
+ لان الهلال هو معنى الاشياء في تجلياتها....الق العافية...وطلاوة الصدق....ونقاء التوجه...وصفاء السريرة .
+ هو الهلال ...السيرة...والعديلة....والفال الجميل .
+ هو الهلال العادي البسيط...القريب من الناس...واحساسهم..... وواقعهم .
+ تدخل الى استاد الهلال فيعانقك الغبار...وروائح الزريبة...وعبق التصوف...وتزاحم انفك روائح الشطة...وعرق الناس...وريحة الازقة..... والشوارع الحميمة .
+ ويدخل بعضهم الى جنته الحمراء فيقلب ناظريه تيهاً وعجباً....صفراء فاقع لونها لا تسر الناظرين...وبعد ان تفيق النفس وتذهب سكرة الاندهاش ...يلكز صاحبه مهمهماً...يا اخوي ...استادنا حلو تبارك الله ...بس قروش ز ي دي بجيبا زول واحد كيف...ومن وين .
+ وللناس في استاداتهم شؤون .
+ تدخل الى نادي الهلال فيجذبك ايقاع الحياة الصادقة ...حياة البسطاء...السمحين...تسمع ونسات المغتربين في خرطوم اللاءات الثلاث..... الهاربين من جدب الريف ....وفوات الامطار...وتشاغل اذنيك خرخرة الخرخارين في الكمكان ...وسيرة المسيكين في لعبة الوست ...وبين هذا وذاك ينطلق صوت الحياة في عاديته وروعته .
+ هو الهلال اذن ...يحترم القوانين ...فلا يجنس الا في حدود...ولا يستقدم محترفين الا في اطار العدالة ...يزج بسادومبا في ليلة القمة مقابل خمسة يتوزعون ما بين الحراسة والدفاع والوسط والهجوم في فرقة عصبة الامم الحمراء .
+ قال الاتحاد ورئيسه شداد ان لا لحارس اجنبي ...فاخرجوا السنتهم واتوا بالحضري ....ياخ ديل بتحدوا غرامة الاتحاد الدولي...ولوزان زاتا ...ما يشيلوا شداد...ديل الدبابين الجيابين يا ولد...وما ادراك ما الدبابين الجيابين....
+ هو الهلال اذن ايها الاحبة ....ينهزم نعم...ينغلب جائز...لكنه يظل الكبير...الامير...الشاهق الظليل...حبيب الناس...المستوطن خلايا الدم وجوانح العصب .
+ مبروك عليكم حضريكم...ودافيكم...وباسكالكم....وكلاتشيكم....وساكواهاكم....وليذهب منتخينا الى مؤخرة افريقيا...وقعر التاريخ .
+ ستتلهون وتمرحون...ويكتب متشدقيكم ...سا سا ساكواها...ستخدعون الجماهير وتدغدغون مشاعرها بنصر زائف...لكن دواخلكم ستجأر بالشكوى ...والسؤال الجهير...هو ده المريخ ....والا الريال.....
+ عموماً ...بكرة نؤدب المارقين كما كنا نفعل كل موسم ...يتطاول علينا من يتطاول في الدورة الاولى...ونعيدها سيرتها الاولى...سيرة الهلال...والنصر الحلال...في الدورة الثانية ....والخواتيم اعراس .
القراقير اخدوا المعلوم
+ زي عادتهم في كل مرة ...اخد القراقير اربعة زرقاء صاعقة .
+ اصلها كده ...يا اربعة يا خمسة .
+ وقون في المعز لزوم التحبيسة....وكف العين .
+ سا سا سادومبا...القصير المكير...المتخصص قراقير .
+ يا احمد عادل لو كنت بتلعب معانا بطريقتك دي ما كان اتشطبت ...انت مجتهد...وغشيت مدرستنا...ومن دخل دارنا فهو آمن .
+ الجماعة لسة فرحانين .
+ جهزوا الغرامة يا والي...مواعيد لوزان قربت .
+ دي لا بنفع فيها وزير...ولا تمرير .
+ جبتوا اتحادكم بي ايديكم...وادوكم ضربة جزاء ما انزل الله بها من قانون .
+ مخير الله في ملكوا ...ياها دي المرقتو ليها شداد وجبتو زولكم .
+ ملصتوا خاتم شداد ...وثبتوا خاتم هامان...لاحقين الامريكان .
+ ياهو الهلال...شعشع الروح...ومعيار النقاء...وترمموتر الجودة .
+ بشة وعبدو جابر شباب وحيوية وروح جديدة .
+ البرنس ختاها بالشمال...الزول ده كما عنب الخوابي...كلما يطول ...يتعتق .
هتاف اخير
+ احبك ياهلال الناس .
+ الذين يعتقدون ان الهلال تهده الهزيمة عليهم ان يراجعوا طريقة تفكيرهم وعلاقتهم بالحياة وايقاعها وقيمة الوجود .
+ من دخل دار الهلال فهو امن .
+ ومن احب الهلال فعف فمات مات شهيداً .
+ لان الهلال هو معنى الاشياء في تجلياتها....الق العافية...وطلاوة الصدق....ونقاء التوجه...وصفاء السريرة .
+ هو الهلال ...السيرة...والعديلة....والفال الجميل .
+ هو الهلال العادي البسيط...القريب من الناس...واحساسهم..... وواقعهم .
+ تدخل الى استاد الهلال فيعانقك الغبار...وروائح الزريبة...وعبق التصوف...وتزاحم انفك روائح الشطة...وعرق الناس...وريحة الازقة..... والشوارع الحميمة .
+ ويدخل بعضهم الى جنته الحمراء فيقلب ناظريه تيهاً وعجباً....صفراء فاقع لونها لا تسر الناظرين...وبعد ان تفيق النفس وتذهب سكرة الاندهاش ...يلكز صاحبه مهمهماً...يا اخوي ...استادنا حلو تبارك الله ...بس قروش ز ي دي بجيبا زول واحد كيف...ومن وين .
+ وللناس في استاداتهم شؤون .
+ تدخل الى نادي الهلال فيجذبك ايقاع الحياة الصادقة ...حياة البسطاء...السمحين...تسمع ونسات المغتربين في خرطوم اللاءات الثلاث..... الهاربين من جدب الريف ....وفوات الامطار...وتشاغل اذنيك خرخرة الخرخارين في الكمكان ...وسيرة المسيكين في لعبة الوست ...وبين هذا وذاك ينطلق صوت الحياة في عاديته وروعته .
+ هو الهلال اذن ...يحترم القوانين ...فلا يجنس الا في حدود...ولا يستقدم محترفين الا في اطار العدالة ...يزج بسادومبا في ليلة القمة مقابل خمسة يتوزعون ما بين الحراسة والدفاع والوسط والهجوم في فرقة عصبة الامم الحمراء .
+ قال الاتحاد ورئيسه شداد ان لا لحارس اجنبي ...فاخرجوا السنتهم واتوا بالحضري ....ياخ ديل بتحدوا غرامة الاتحاد الدولي...ولوزان زاتا ...ما يشيلوا شداد...ديل الدبابين الجيابين يا ولد...وما ادراك ما الدبابين الجيابين....
+ هو الهلال اذن ايها الاحبة ....ينهزم نعم...ينغلب جائز...لكنه يظل الكبير...الامير...الشاهق الظليل...حبيب الناس...المستوطن خلايا الدم وجوانح العصب .
+ مبروك عليكم حضريكم...ودافيكم...وباسكالكم....وكلاتشيكم....وساكواهاكم....وليذهب منتخينا الى مؤخرة افريقيا...وقعر التاريخ .
+ ستتلهون وتمرحون...ويكتب متشدقيكم ...سا سا ساكواها...ستخدعون الجماهير وتدغدغون مشاعرها بنصر زائف...لكن دواخلكم ستجأر بالشكوى ...والسؤال الجهير...هو ده المريخ ....والا الريال.....
+ عموماً ...بكرة نؤدب المارقين كما كنا نفعل كل موسم ...يتطاول علينا من يتطاول في الدورة الاولى...ونعيدها سيرتها الاولى...سيرة الهلال...والنصر الحلال...في الدورة الثانية ....والخواتيم اعراس .
القراقير اخدوا المعلوم
+ زي عادتهم في كل مرة ...اخد القراقير اربعة زرقاء صاعقة .
+ اصلها كده ...يا اربعة يا خمسة .
+ وقون في المعز لزوم التحبيسة....وكف العين .
+ سا سا سادومبا...القصير المكير...المتخصص قراقير .
+ يا احمد عادل لو كنت بتلعب معانا بطريقتك دي ما كان اتشطبت ...انت مجتهد...وغشيت مدرستنا...ومن دخل دارنا فهو آمن .
+ الجماعة لسة فرحانين .
+ جهزوا الغرامة يا والي...مواعيد لوزان قربت .
+ دي لا بنفع فيها وزير...ولا تمرير .
+ جبتوا اتحادكم بي ايديكم...وادوكم ضربة جزاء ما انزل الله بها من قانون .
+ مخير الله في ملكوا ...ياها دي المرقتو ليها شداد وجبتو زولكم .
+ ملصتوا خاتم شداد ...وثبتوا خاتم هامان...لاحقين الامريكان .
+ ياهو الهلال...شعشع الروح...ومعيار النقاء...وترمموتر الجودة .
+ بشة وعبدو جابر شباب وحيوية وروح جديدة .
+ البرنس ختاها بالشمال...الزول ده كما عنب الخوابي...كلما يطول ...يتعتق .
هتاف اخير
+ احبك ياهلال الناس .
