• ×
الجمعة 29 مارس 2024 | 03-28-2024
حسن فاروق

مشروع العليقي الضارب

حسن فاروق

 0  0  3723
حسن فاروق
اصل الحكاية

مشروع العليقي الضارب

مصطلح ( كتاحة) بتقال للصحفي البكون دايما في موقع الحدث في التغطيات .. وفي الصحافة الرياضية تحديدا كان عندو قيمتو ووقعوا لانه في حب للمهنة وتركيز على التميز وفي تنافس حقيقي بين الصحف في مختلف قوالب العمل الصحفي بعدين بضيف ليك كتير وعلى المستوى الشخصي الواحد اذا في اسم اتعمل اتعمل صحفي ماكاتب عمود.. يمكن برضو كنا محظوظين كان في مساحة للنشر قبل خنقة مصالح ملاك الصحف الرياضية ورؤساء التحرير اللي بتضع رقابة أسوأ من الرقابة القبيلة بتاعت جهاز الأمن وده سبب مهم من أسباب موت الصحف الرياضية .. واحدة من الحاجات اللي ماشي عليها الواحد أنه بنزعل أصحاب المصالح والجمهور العاطفي البتعامل مع الأندية كعقيدة .. بتذكر في فترة كنت مسؤول عن دالرة الهلال وكنت بنشر اخبار بتتحسب انها معادية للهلال وناخد تصنيفات مختلفة .. واللذيذ كان بكون في اتفاق في التمرين أو المباراة ويحصل اتفاق من صحفيين الجرايد المختلفة في نفس الدايرة مثلا ماننشر شكلة البرير وبسطاوي أو فوزي مع الجمهور في التدريب بسبب حنضلية طبعا مابكون جزء من الاتفاق وبنشر ومابعرف مصلحة الهلال والقصص الميتة دي مهنة ياتشتغلها بشروطها الأخلاقية ياتخليها .. بقول الكلام ده ليه .. لانه وضح أنه مشروع العليقي ضارب والزول المشى جنوب افريقيا سافر بدون قروش واضطر يتستلف من تاجر في جنوب افريقيا .. واللاعبين رفضوا النثرية في جنوب افريقيا وتنزانيا لانه تم تخفيضها من 300 دولار ل 200 دولار ستمية دولار لغاية اليوم ما استلموها .. والفندق قصة حجزوا قصة .. وفي لاعب تم تسجيلوا مصاب .. وقصص وحكاوي عن جزيرة العليقي المعزولة واسرار الإدارة الفاشلة لانه بدفع وكأننا لم نتعظ من القصة الضاربة ليها اكتر من عشرين سنة من جمال وصلاح لغاية العليقي والسوباط واب جيبين.
الحديث بقية
امسح للحصول على الرابط
بواسطة : حسن فاروق
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019