صابنها
الى بلاد (القرنفل)
• عندما يكون مزاجي رائق ، اقصد (الشاي) واستهدفوا عن طريق (كباية) كبيرة ـ واشدد لمن يعده ان يكون بـ (القرنفل).
• اشرب الشاي بالنعناع واشربه بالقرفة واشربه بالهبهان .. ولكل نكهته وطقوسه خاصة ، غير انه عندما يكون الشاي بـ (القرنفل) فذلك عندي يمثل رؤية مختلفة.
• او رؤية (نوعية).
• مزاج (نوعي).
• ونحن عادة نستعمل كلمة (نوعية) لمن يكون عندنا فهم تاني.
• الامر كان عندي ينتهي هنا شاي بالقرنفل .. لم اكن اظن ان يمتدد (الود) بينا لانتقل من شاي بالقرنفل الى بلاد القرنفل ذاتها.
• الاقدار مرات بترسم ليك الطريق بسلسلة من النقاط ، لو فهمت (طلاسمها) سوف تعرف النهاية.
• عندي معزة خاصة للقرنفل ، وصلت الى ان نتلقى هناك – اسأل الله ان يكون ذلك ميسرا ومتاحا ومفرحا في (دار السلام) المدينة التنزانية الاولى.
• كنت اعتقد في البدء – حسب معلوماتي التى احرجتني ان دار السلام هي عاصمة تنزانيا .. اكتشفت الآن للتو ان دار السلام ليس عاصمة تنزانيا .. فهي العاصمة السابقة .. وهي العاصمة الاقتصادية والمدينة الاكبر في تنزانيا (دار السلام العاصمة السياسية للبلاد. لا تزال دار السلام المدينة التجارية الرئيسة في تنزانيا وعملياً مقر معظم المؤسسات الحكومية. كما أنها الميناء الرئيس للبلاد وجيرانها غير الساحليين).. انما العاصمة الرسمية هي (دودوما)....( حيث يوجد مكتب الرئيس والجمعية الوطنية وجميع الوزارات الحكومية).
• غايتو الواحد طلع ما عارف أي حاجة .. قاعدين نتفاصح ساكت!!
• وعشان اكون صريح معاكم يطرشني (دودوما) دي ما سمعت بيها .. لكن هذا هو (السفر) زمان كان فيه خمسة فوائد .. وقد قال الامام الشافعي (سافر ففي الأسفار خمس فوائد تفريج هم واكتساب معيـــشة وعلـــم وآداب وصحـــــبة ماجد).
• الكلام دا قاله الامام الشافعي .. ما قاله زول ساي .. والأسفار هسع بقى فيها (120) فائدة.
• علاقتي مع (السفر) علاقة وطيدة .. بيني وبينه عشق ممتد (وان طال السفر) .. كنت لا استطيع ان اغالب نفسي وأنا طالب .. اذا لقيت عربية ماشي الخرطوم بركب فيها واتي للخرطوم ان شاء الله بهدوم المدرسة .. وإذا كان في قطر ماشي ابوحمد .. بركب فيه وامشي اعيّد في ابوحمد.
• العيد في ابوحمد بعادل عيدين في المناطق التانية.
• مرة مشينا نوري للشاعر محمد الحسن سالم حميد في عيد الضحية اتيت راجع من هناك شاعر إلّا ربع.
• ما تعلمته من حميد في (48) ساعة ونحن في بيته لم اتعلمه في كل سنوات الجامعة.
• لهذا امتدت العلاقة بيني وبين السفر .. وبقيت اسافر مع من احب .. اسافر مع الهلال .. وهذه كل المتعة.
• مشاهدة تمرين للهلال في الملعب الرديف في ام درمان امر لا يضاهى .. فكيف ان كان ذلك التمرين في كمبالا او كيب تاون او دار السلام؟
• التمرين في دار السلام بكون زي (القهوة).
• وزي محمد وردي وقت يغني لابو امنة حامد (حققنا احلامنا والعاشق عقبالو).
• اغنيات ابوامنة حامد زي فنائل البرد في الشتاء القارس.
• الفنان الذري ابراهيم عوض .. قال مرة كان عندو امر جلل في مدنية ود مدني .. شال شنطتو ومشى السوق الشعبي .. وركب في البص الذي سوف ينقله الى ود مدني بعد ان قطع التذكرة .. وشحن العفش.
• قبل ان يتحرك البص .. السوّاق شغل في استريو البص محمد الامين وقد كانت الاغنية التى استمعوا لها في البص (قلنا ما ممكن تسافر).
• ابراهيم عوض لم يستطع ان يصمد .. شال شنطتو ونزل من البص ورجع للبيت.
• شفتوا الناس دي احساسها كان كيف؟
• شفتوهم كانوا صادقين قدر شنو؟
• من المنتظر بمشيئة الله ان اكون في هذا التوقيت برفقة نادي الهلال في طريقنا الى دار السلام.
• اذا هون الله الامور وصلنا او على وشك الوصول.
• تاني ح ارجع الى (فكتوريا) ولكن في الجزء الذي يتواجد في تنزانيا وليس في يوغندا كما كان في رحلتنا السابقة مع الهلال.
• عاوز اعرف الفرق شنو بين فكتوريا بتاعة يوغندا وفكتوريا تنزانيا؟
• السمك في تنزانيا يتخيل لي ما فيه (شوك)... زي (الفول) في هذه الحتة خالي من الاشواك.
• المفارقة الغريبة في تنزانيا تتمثل في هذه الامور.
• في تنزانيا اعلى قمة في افريقيا متمثلة في جبال (كليمنجارو) ويقع قرب منطقة الحدود بينها وبين كينيا.
• وفي تنزانيا اكثر نقطة منخفضة متمثلة في (المحيط الهندي).
• دا فهم غريب .. ما وقع لغاية الآن.
• هذا تناقض عجيب يجمع بين اعلى ارتفاع وأكثر انخفاض.
• دي ما حصلت في العالم قبل كدا.
• الكلام دا كله بقع في منطقة واحدة .. حيث تقول الاجندة الجغرافية لتنزانيا في الحدود الشرقية للبلاد تقع على المحيط الهندي. يقع جبل كليمنجارو، أعلى جبل في إفريقيا، في شمال شرق تنزانيا.
• تنزانيا ايضا تفردت بهذه المميزات فيها :
• تقع ثلاث من البحيرات الكبرى في إفريقيا جزئيًا داخل تنزانيا. إلى الشمال والغرب تقع بحيرة فيكتوريا، أكبر بحيرة في إفريقيا.
• اكبر بحيرة في افريقيا في تنزانيا.
• وأعمق بحيرة في افريقيا ايضا في تنزانيا ... وهذا تناقض اخر يجمع بين الطول والعمق.
• بحيرة تنجانيقا، أعمق بحيرة في القارة، والمعروفة بأنواعها الفريدة من الأسماك.
• ما في زول يقول لي جيب لينا معاك سمك .. في ناس لمن يعرفوا انك مسافر أي حتة بعرفوا ماذا يوجد في تلك الحتة وبقولوا ليك جيب لينا معاك منو .. حتى ولو كان ذلك الامر هو اللؤلؤ والمرجان.
• وهناك ايضا جزء من بحيرة ملاوي (نياسا سابقاً).
• شلالات كالامبو، الواقعة على نهر كالامبو على الحدود الزامبية، هو ثاني أعلى شلال مستمر في إفريقيا.
• البلد دي فيها مميزات عجيبة .. نحن ساكت قاشرين بام درمان.
• من منطلق ... (ومن منطلق) دي ما بتلقوها في حتة تانية يتحدث التنزانيون أكثر من 100 لغة مختلفة ، وهذا الامر يجعلها الدولة الأكثر تنوعًا لغويًا في شرق إفريقيا. لا يوجد في البلد لغة رسمية بحكم القانون، على الرغم من أن اللغة الوطنية هي السواحيلية.
• هذا التنوع في اللغة طبعا اثراء في الثقافة والمعرفة.
• التنوع في تنزانيا ليس في اللغات فقط .. تنزانيا فيها تنوع مائي عجيب .. هي اراضي تتجمع فيها كمية من الانهار والبحيرات ويمتد فيها المحيط الهندي بين المرتفعات والمنخفضات في صورة ساحرة وخلابة.
• (تضم تنزانيا مسطحاً عظيماً من البحيرات العذبة، وتزيد مساحتها على 53000 كيلو متر منها نصف بحيرة فكتوريا ونصف بحيرة تنجانيقا وقسما من بحيرة ملاوي (نياسا سابقاً) وعدداً من البحيرات الصغيرة، وأبرز أنهار تنزانيا روفوما ويشكل الحدود بينها وبين موزمبيق، ونهر روفيجي، ووامي وبنجاني).
• غايتو الواحد لو غرق في البلد دي ما يعرفوا يلاقوه وين؟.. معقولة تقعد تحرس ليك كل هذه المسطحات المائية.
• يتخيل لي (السمك) في تنزانيا ح يكون عندنا زي (الفول).
• نخلي كل هذه الاشياء ونتجه اتجاه تاني ...(حلة العزابة) في تنزانيا ح تكون غريبة .. مسبكة صاح.
• عندنا مدرب زمان كان بقول لينا الهجمة الصاح تبدأ من الدفاع.
• وكانت الهجمة عندنا فعلا بتبدأ من الدفاع وتنتهي في الدفاع.
• أي هجمة تبدأ مننا .. كانت قون فينا.
• عشان كدا اتجهنا الى الاسلوب الاخر .. وهو ان نكورك في أي مدافع يستلم الكورة ونقول ليه : طلع قدام.
• دي احسن طريقة للدفاع.
• تنزانيا تشتهر بالتوابل عشان كدا قلت ليكم (حلة العزابة) عندهم بتكون غريبة ..حيث تشتهر تنزانيا بـ (جوزة الطيب؛ القرنفل؛ القرفة؛ الفلفل الأسود والأبيض والأخضر، الزنجبيل؛ وتوابل الهيل والكركم).
• ولا ننسى هنا زنجبار التى تعرف بجزيرة القرنفل، اذ توجد فيها أربعة ملايين شجرة قرنقل زرعها العرب في الأساس.
• ديل (قرنفل) ساكت بدونا تسعة.
• ..................
متاريس
• نسأل الله السلامة والتوفيق في ان نقدم تغطية (متوازنة) عن معسكر الهلال في دار السلام.
• وان شاء الله الهلال يتفوق في جنوب افريقيا ويحقق نتيجة ايجابية امام صن داونز.
• نجاح معسكر دار السلام سوف ينعكس على مباراة صن داونز.
• تغطيتنا لكم سوف تكون في حدود معسكر دار السلام.
• التفاؤل كبير في ان يحقق الهلال نتيجة ايجابية في جنوب افريقيا.
• اتوقع ذلك.
• رغم ان صن داونز (12) مباراة في الدوري الممتاز حقق الانتصار فيها تواليا .. وهذا رقم قياسي جديد لصن داونز.
• لكن الهلال قادر بإذن الله على تحقيق نتيجة ايجابية.
• خلونا هسع في المعسكر.
• ما عاوز اتكلم عن المنتخب الوطني.
• ولا عن برازيليين المريخ.
• يا ناس حي العرب شدوا حيلكم .. يمكن ان تشيلوا الوصافة من المريخ في هذا الموسم.
• ..........
• ترس اخير : بكرة نلتقيكم ان شاءالله من دار السلام.
#ريمونتادا
الى بلاد (القرنفل)
• عندما يكون مزاجي رائق ، اقصد (الشاي) واستهدفوا عن طريق (كباية) كبيرة ـ واشدد لمن يعده ان يكون بـ (القرنفل).
• اشرب الشاي بالنعناع واشربه بالقرفة واشربه بالهبهان .. ولكل نكهته وطقوسه خاصة ، غير انه عندما يكون الشاي بـ (القرنفل) فذلك عندي يمثل رؤية مختلفة.
• او رؤية (نوعية).
• مزاج (نوعي).
• ونحن عادة نستعمل كلمة (نوعية) لمن يكون عندنا فهم تاني.
• الامر كان عندي ينتهي هنا شاي بالقرنفل .. لم اكن اظن ان يمتدد (الود) بينا لانتقل من شاي بالقرنفل الى بلاد القرنفل ذاتها.
• الاقدار مرات بترسم ليك الطريق بسلسلة من النقاط ، لو فهمت (طلاسمها) سوف تعرف النهاية.
• عندي معزة خاصة للقرنفل ، وصلت الى ان نتلقى هناك – اسأل الله ان يكون ذلك ميسرا ومتاحا ومفرحا في (دار السلام) المدينة التنزانية الاولى.
• كنت اعتقد في البدء – حسب معلوماتي التى احرجتني ان دار السلام هي عاصمة تنزانيا .. اكتشفت الآن للتو ان دار السلام ليس عاصمة تنزانيا .. فهي العاصمة السابقة .. وهي العاصمة الاقتصادية والمدينة الاكبر في تنزانيا (دار السلام العاصمة السياسية للبلاد. لا تزال دار السلام المدينة التجارية الرئيسة في تنزانيا وعملياً مقر معظم المؤسسات الحكومية. كما أنها الميناء الرئيس للبلاد وجيرانها غير الساحليين).. انما العاصمة الرسمية هي (دودوما)....( حيث يوجد مكتب الرئيس والجمعية الوطنية وجميع الوزارات الحكومية).
• غايتو الواحد طلع ما عارف أي حاجة .. قاعدين نتفاصح ساكت!!
• وعشان اكون صريح معاكم يطرشني (دودوما) دي ما سمعت بيها .. لكن هذا هو (السفر) زمان كان فيه خمسة فوائد .. وقد قال الامام الشافعي (سافر ففي الأسفار خمس فوائد تفريج هم واكتساب معيـــشة وعلـــم وآداب وصحـــــبة ماجد).
• الكلام دا قاله الامام الشافعي .. ما قاله زول ساي .. والأسفار هسع بقى فيها (120) فائدة.
• علاقتي مع (السفر) علاقة وطيدة .. بيني وبينه عشق ممتد (وان طال السفر) .. كنت لا استطيع ان اغالب نفسي وأنا طالب .. اذا لقيت عربية ماشي الخرطوم بركب فيها واتي للخرطوم ان شاء الله بهدوم المدرسة .. وإذا كان في قطر ماشي ابوحمد .. بركب فيه وامشي اعيّد في ابوحمد.
• العيد في ابوحمد بعادل عيدين في المناطق التانية.
• مرة مشينا نوري للشاعر محمد الحسن سالم حميد في عيد الضحية اتيت راجع من هناك شاعر إلّا ربع.
• ما تعلمته من حميد في (48) ساعة ونحن في بيته لم اتعلمه في كل سنوات الجامعة.
• لهذا امتدت العلاقة بيني وبين السفر .. وبقيت اسافر مع من احب .. اسافر مع الهلال .. وهذه كل المتعة.
• مشاهدة تمرين للهلال في الملعب الرديف في ام درمان امر لا يضاهى .. فكيف ان كان ذلك التمرين في كمبالا او كيب تاون او دار السلام؟
• التمرين في دار السلام بكون زي (القهوة).
• وزي محمد وردي وقت يغني لابو امنة حامد (حققنا احلامنا والعاشق عقبالو).
• اغنيات ابوامنة حامد زي فنائل البرد في الشتاء القارس.
• الفنان الذري ابراهيم عوض .. قال مرة كان عندو امر جلل في مدنية ود مدني .. شال شنطتو ومشى السوق الشعبي .. وركب في البص الذي سوف ينقله الى ود مدني بعد ان قطع التذكرة .. وشحن العفش.
• قبل ان يتحرك البص .. السوّاق شغل في استريو البص محمد الامين وقد كانت الاغنية التى استمعوا لها في البص (قلنا ما ممكن تسافر).
• ابراهيم عوض لم يستطع ان يصمد .. شال شنطتو ونزل من البص ورجع للبيت.
• شفتوا الناس دي احساسها كان كيف؟
• شفتوهم كانوا صادقين قدر شنو؟
• من المنتظر بمشيئة الله ان اكون في هذا التوقيت برفقة نادي الهلال في طريقنا الى دار السلام.
• اذا هون الله الامور وصلنا او على وشك الوصول.
• تاني ح ارجع الى (فكتوريا) ولكن في الجزء الذي يتواجد في تنزانيا وليس في يوغندا كما كان في رحلتنا السابقة مع الهلال.
• عاوز اعرف الفرق شنو بين فكتوريا بتاعة يوغندا وفكتوريا تنزانيا؟
• السمك في تنزانيا يتخيل لي ما فيه (شوك)... زي (الفول) في هذه الحتة خالي من الاشواك.
• المفارقة الغريبة في تنزانيا تتمثل في هذه الامور.
• في تنزانيا اعلى قمة في افريقيا متمثلة في جبال (كليمنجارو) ويقع قرب منطقة الحدود بينها وبين كينيا.
• وفي تنزانيا اكثر نقطة منخفضة متمثلة في (المحيط الهندي).
• دا فهم غريب .. ما وقع لغاية الآن.
• هذا تناقض عجيب يجمع بين اعلى ارتفاع وأكثر انخفاض.
• دي ما حصلت في العالم قبل كدا.
• الكلام دا كله بقع في منطقة واحدة .. حيث تقول الاجندة الجغرافية لتنزانيا في الحدود الشرقية للبلاد تقع على المحيط الهندي. يقع جبل كليمنجارو، أعلى جبل في إفريقيا، في شمال شرق تنزانيا.
• تنزانيا ايضا تفردت بهذه المميزات فيها :
• تقع ثلاث من البحيرات الكبرى في إفريقيا جزئيًا داخل تنزانيا. إلى الشمال والغرب تقع بحيرة فيكتوريا، أكبر بحيرة في إفريقيا.
• اكبر بحيرة في افريقيا في تنزانيا.
• وأعمق بحيرة في افريقيا ايضا في تنزانيا ... وهذا تناقض اخر يجمع بين الطول والعمق.
• بحيرة تنجانيقا، أعمق بحيرة في القارة، والمعروفة بأنواعها الفريدة من الأسماك.
• ما في زول يقول لي جيب لينا معاك سمك .. في ناس لمن يعرفوا انك مسافر أي حتة بعرفوا ماذا يوجد في تلك الحتة وبقولوا ليك جيب لينا معاك منو .. حتى ولو كان ذلك الامر هو اللؤلؤ والمرجان.
• وهناك ايضا جزء من بحيرة ملاوي (نياسا سابقاً).
• شلالات كالامبو، الواقعة على نهر كالامبو على الحدود الزامبية، هو ثاني أعلى شلال مستمر في إفريقيا.
• البلد دي فيها مميزات عجيبة .. نحن ساكت قاشرين بام درمان.
• من منطلق ... (ومن منطلق) دي ما بتلقوها في حتة تانية يتحدث التنزانيون أكثر من 100 لغة مختلفة ، وهذا الامر يجعلها الدولة الأكثر تنوعًا لغويًا في شرق إفريقيا. لا يوجد في البلد لغة رسمية بحكم القانون، على الرغم من أن اللغة الوطنية هي السواحيلية.
• هذا التنوع في اللغة طبعا اثراء في الثقافة والمعرفة.
• التنوع في تنزانيا ليس في اللغات فقط .. تنزانيا فيها تنوع مائي عجيب .. هي اراضي تتجمع فيها كمية من الانهار والبحيرات ويمتد فيها المحيط الهندي بين المرتفعات والمنخفضات في صورة ساحرة وخلابة.
• (تضم تنزانيا مسطحاً عظيماً من البحيرات العذبة، وتزيد مساحتها على 53000 كيلو متر منها نصف بحيرة فكتوريا ونصف بحيرة تنجانيقا وقسما من بحيرة ملاوي (نياسا سابقاً) وعدداً من البحيرات الصغيرة، وأبرز أنهار تنزانيا روفوما ويشكل الحدود بينها وبين موزمبيق، ونهر روفيجي، ووامي وبنجاني).
• غايتو الواحد لو غرق في البلد دي ما يعرفوا يلاقوه وين؟.. معقولة تقعد تحرس ليك كل هذه المسطحات المائية.
• يتخيل لي (السمك) في تنزانيا ح يكون عندنا زي (الفول).
• نخلي كل هذه الاشياء ونتجه اتجاه تاني ...(حلة العزابة) في تنزانيا ح تكون غريبة .. مسبكة صاح.
• عندنا مدرب زمان كان بقول لينا الهجمة الصاح تبدأ من الدفاع.
• وكانت الهجمة عندنا فعلا بتبدأ من الدفاع وتنتهي في الدفاع.
• أي هجمة تبدأ مننا .. كانت قون فينا.
• عشان كدا اتجهنا الى الاسلوب الاخر .. وهو ان نكورك في أي مدافع يستلم الكورة ونقول ليه : طلع قدام.
• دي احسن طريقة للدفاع.
• تنزانيا تشتهر بالتوابل عشان كدا قلت ليكم (حلة العزابة) عندهم بتكون غريبة ..حيث تشتهر تنزانيا بـ (جوزة الطيب؛ القرنفل؛ القرفة؛ الفلفل الأسود والأبيض والأخضر، الزنجبيل؛ وتوابل الهيل والكركم).
• ولا ننسى هنا زنجبار التى تعرف بجزيرة القرنفل، اذ توجد فيها أربعة ملايين شجرة قرنقل زرعها العرب في الأساس.
• ديل (قرنفل) ساكت بدونا تسعة.
• ..................
متاريس
• نسأل الله السلامة والتوفيق في ان نقدم تغطية (متوازنة) عن معسكر الهلال في دار السلام.
• وان شاء الله الهلال يتفوق في جنوب افريقيا ويحقق نتيجة ايجابية امام صن داونز.
• نجاح معسكر دار السلام سوف ينعكس على مباراة صن داونز.
• تغطيتنا لكم سوف تكون في حدود معسكر دار السلام.
• التفاؤل كبير في ان يحقق الهلال نتيجة ايجابية في جنوب افريقيا.
• اتوقع ذلك.
• رغم ان صن داونز (12) مباراة في الدوري الممتاز حقق الانتصار فيها تواليا .. وهذا رقم قياسي جديد لصن داونز.
• لكن الهلال قادر بإذن الله على تحقيق نتيجة ايجابية.
• خلونا هسع في المعسكر.
• ما عاوز اتكلم عن المنتخب الوطني.
• ولا عن برازيليين المريخ.
• يا ناس حي العرب شدوا حيلكم .. يمكن ان تشيلوا الوصافة من المريخ في هذا الموسم.
• ..........
• ترس اخير : بكرة نلتقيكم ان شاءالله من دار السلام.
#ريمونتادا
