تحروا الهلال
محمد حسن شوربجي

قطار الهلال السريع دور حديدو

اليوم ابتعد الهلال كثيرا بالدوري الممتاز...
وهي اصلا البطولة المحببة للهلال...
فحتي وان فاز مريخ (التسول) ( والتشرد) بالمبارايتين المتبقية له فلن يلحق بقطار شنغهاي السريع الذي دور حديدو...
فارموا قدام يا اهلة ولا تنظروا الي الوراء ...
فكم هي سعيدة جماهير الهلال بكل اوقاتها ...
سعيدة بالتقدم في الدوري ايما سعادة ...
وسعيدة بالتسجيلات الجديدة المرتقبة ايما سعادة...
وسعيدة بالمحترفين الجدد ايما سعادة...
وسعيدة بفلوران ابينجي ايما سعادة ...
وسعيدة بالعليقي...
و بالجوهرة المكنونه...
و بالالتراس الهلال وكل الجمهور ...
سعيدة بالاستقرار وبالمال وراحة البال...
وسعيدة بالوطنيين...
فعليكم الله في سعادة وحب اكتر من كده...
فلا ادري ماذا يريد منا المتسكعين والمتسولين...
و ماذا يريد منا الباحثين عن الموائد الكشرية...
فالهلال عالم جميل ايها السادة...
فكونوا مع الهلال وارموا قدام...
ودعوا القيادة للهلال واستمتعوا بالرحله والي الامام...
فالهلال هو من يقود المسيرة ..
والوصيف ( مبشتن ) في حفرة الوصافه ورقد وفرش ليهو حصيرة...
وفي يا ناس حب اكتر من كده...
واطعم عدس...
وما تحكو ليا...
لا بهارات...
لا توابل...
لا زيت كتير...
نيفر نيفر نيفر...
وعدس الوابل ما يحتاج توابل...
وصدارة الهلال لا تحتاج فرامل ولا كوابل...
ومع ابتعاد الهلال بالدوري سيموت المريخ الف مره...
فلا حديث لديهم الا عن ظلم التحكيم ...
وهذا مرض لا يعالجه الا مداوي او حكيم...
والمريخاب طوالي بكايين...
والمريخاب طوالي متجرسيين...
و طوالي متظلمين...
و طوالي للكاس شكايين...
فلعبتهم غبيه ومكشوفة و لا تنطلي الا علي المغفلين...
وقد انكشفوا و اصبحوا من نادمين...
فلم يجدوا ملعبا والحسرة كاتلاهم الي يوم الدين...
والهلال في جوهرتو محتكر الدوري وحالف عليهو يمين...
والمريخ في حواشتو محتكر الوصافه ومكنكش زي المساكين...
كدي جربوا وبطلوا الشكاوي من التحكيم...
وبطلوا الشتول والشمارات والغتاته وشغل الكواديك والتنجيم...
والعبوا كورة نضيفه بدون هدايا تحكيم في الميادين...