صابنها
محمد عبد الماجد
المريخ تاني ما بحقق ليه بطولة إلّا بـ (التسوية)
• بطولات المريخ المحلية في (الدوري والكأس) منها (الْمَيْتَةُ وَالْدَّمُ) ومنها (الْمُنْخَنِقَةُ) ومنها (الْمَوْقُوذَةُ) ومنها (الْمُتَرَدِّيَةُ) وَمنها (النَّطِيحَةُ) ومنها (مَا أَكَلَ السَّبُعُ) بالتشكيل كدا – عشان ما تقعدوا تتغالطوا ساكت وقد سبق ان كتبت عن هذه البطولات بتلك التسميات... ويمكن لنا تفصيل بعضها في هذه المساحة.
• لن اتحدث عن اهداف الهلال الصحيحة التى لم يحتسبها الحكام في مباريات القمة مثل هدف الرشيد المهدية في حامد بريمة وهدف وليم وهدف بشه .. وأخر الاهداف التى لم تحتسب للهلال في المريخ هدف وليد الشعلة في الابيض والذي نقضه الحكم صبري محمد فضل الذي (نطحه) صلاح نمر في مباراة المريخ الاخيرة.
• الموضوع دا ما بتقدروا عليه.
• احسن تسكتوا.
• وتشوفوا ليكم (حاوية) تقفلوا بيها السيرة دي.
• في فترة صلاح ادريس حقق الهلال بطولة الدوري الممتاز خمس مرات على التوالي - بطولة تنطح بطولة. في تلك الفترة جمال الوالي نظم (20) سيكافا للمريخ ... كان يمكن ان يصل الهلال الى نفس هذا الرقم – خمس متواليات في الموسم الماضي لولا ان الهلال فرط (اداريا) في فترة الكاردينال في الفوز بالدوري الممتاز مرتين .. مرة عبر (تواطؤ) المريخ العاصمي الشهير مع مريخ الفاشر الذي كان سببا في استقالة محمد الشيخ مدني بعد بيانه الشهير والوصول بالقضية الى المحكمة الرياضية (كأس) لتمنح المريخ لقب لا يستحقه .. وقد كان الهلال خسر قبل ذلك بقرار من الفيفا (6) نقاط خصمت من رصيد الهلال ، لولا ذلك كان يمكن ان يكون الهلال بطلا للممتاز حتى بعد كسب المريخ لشكواه لاتحاد الكرة ومريخ الفاشر في (كأس).
• الفيفا كانت قد خصمت (6) نقاط من رصيد الهلال بسبب شكوى المدرب الفرنسي (جون ميشال كافالي) للهلال وفشل وإخفاق مجلس الكاردينال في التعامل مع هذه القضية ليذهب لقب الدوري الممتاز (مكتبيا) للمريخ... بعد ان منحت (كأس) للمريخ نقاط مباراته التى خسرها المريخ في (الملعب ) ليكسبها في (المكتب) اقصد في (المطبخ) بسبب مشاركة هشام جنية مع مريخ الفاشر بسيناريو (مطبوخ)؟
• يعني (كأس) منحت المريخ (3) نقاط لا يستحقها و(الفيفا) خصمت (6) نقاط من رصيد الهلال ليفوز المريخ ببطولة الدوري الممتاز التى فاز المريخ بها بعد (ما أكل السبع).
• ارجعوا تاني لبداية العمود.
• قبل ذلك كان الهلال وهو يتصدر بفارق يصل لـ (9) نقاط من اقرب المنافسين ليه بعد خسارة المريخ امام الاهلي مدنى في الكاملين لينسحب الهلال من بطولة الدوري الممتاز تضامنا مع فريق الامل عطبرة بعد ان قرر الاتحاد العام اعادة مباراة المريخ والأمل التى كان قد خسرها المريخ في عطبرة .. اضافة الى اعتبار المريخ فائزا على هلال كادوقلي بعد تعادله معه... ليفوز المريخ ببطولة الدوري الممتاز كـ (المتردية).
• شوفوا بداية العمود.
• كل هذه الاحداث والتهاون والاستهتار من الهلال في جانب والتواطؤ من المريخ في جانب اخر كان سببا في ان يقدم مجلس الكاردينال الدوري الممتاز مرتين للمريخ بغير وجه حق.
• اما البطولة الثالثة فقد حققها المريخ كـ (النطيحة) بعد ان قام الاتحاد العام بإلغاء مرحلة كاملة من الدوري الممتاز بعد الاحداث التى شهدتها مباراة المريخ وهلال الابيض والاعتداء الذي وقع من بكري المدينة على حكم المباراة.
• هذه البطولات لم يكن المريخ يستحقها .. وهي يمكن القول عنها ان المريخ فاز بها اجمالا كدا عن طريق (التسوية).. وتحققت خارج (الملعب) .. يثبت ذلك ان مجلس المريخ نفسه رفض ان يحفّز الجهاز الفني واللاعبين بعد فوز المريخ بها .. لأن المريخ حسب رؤية مجلسه فاز بها (اداريا) وفي (المكتب) وليس في (الملعب).
• المفارقة ان كل هذه الاحداث والتجاوزات التى ظلم فيها الهلال وكانت سببا في تحويل ثلاث بطولات للممتاز تواليا للمريخ حدثت في فترة اتحاد الدكتور كمال شداد الذي كان يتهم بمحاباته للهلال.
• اتحاد شداد تضرر منه الهلال كثيرا .. وكان لعب مباريات الدوري الممتاز عن طريق التجميع في الخرطوم اكبر المتضررين منه هو الهلال .. والدليل على ذلك ان الهلال الآن وبعد ان لعب في عطبرة مباراتين ولعب في بربر والقضارف يتصدر الدوري الممتاز بدون خسارة او تعادل... هذا الامر لم يكن يتوفر للهلال عندما يلعب الدوري الممتاز بنظام التجميع.
• مباريات الولايات رغم قوة التنافس فيها وصعوبة الملاعب .. إلّا ان جمهور الهلال يمنح الهلال قوة كبيرة عندما يلعب في الولايات ويجد الازرق الترحيب والحب من الجميع وهو يلعب خارج الخرطوم.
• المريخ في هذا الموسم خسر في كوستي وتعادل في مروي ولم ينتصر في الولايات إلّا في القضارف .. وتنتظر المريخ مواجهات صعبة في الدورة الثانية عندما يلعب في عطبرة مرتين ، وفي بورتسودان مرتين وفي شندي مرة اضافة الى الفاشر والنهود التى تعادل مع ممثلها في استاد كوبر وهو يلعب في الخرطوم.رصدابوسبأ
• الفرق بين الهلال والمريخ في هذا الموسم يمكن ان يصل الى (20) نقطة .. ويتجاوز الرقم القياسي في فرق النقاط بين الهلال والمريخ عندما وصل في احد المواسم (18) نقطة.
• 18 نقطة وما هبطوا من الممتاز.
• دا (وصيف) شنو؟
• فلوران اعطانا درس .. عمرنا ما بننساه.
• نحن كنا زعلانين على اداء الهلال وهو ينتصر على توتي في استاد الخرطوم.
• في الاسبوع الماضي للدور الممتاز الاسبوع الـ (12) لم ينتصر إلّا المتصدر الهلال على توتي اضافة الى الوصيف حي العرب على فريق الفلاح.
• الاسبوع كله (تعادلات).
• متل عنبر العظام.
• علاقة عنبر العظام بالتعادلات شنو؟
• البتعرفوا كله تلقاه (مكسور).
• تقول عنبر (العمليات).
• كدا اظن وضحت.
• الجميع تعادل عدا البطل الهلال والوصيف حي العرب.
• اهم شيء حي العرب ما يخسر او يتعادل .. عشان يكون (وصيف) للهلال .. لم يخسر حي العرب إلّا عندما لعب امام الهلال .. هذه الخسارة الوحيدة لحي العرب في هذا الموسم.
• الزميل بدرالدين بخيت في موقع كووورة قدم تقريرا رائعا عن الاسبوع الـ (12).
• كتب بدرالدين بخيت :
• (انتهت الجولة 12 بمسابقة الدوري السوداني، بإثارة كبيرة أكملتها آخر مباراة جمعت بين الأهلي الخرطوم وود نوباوي، أمس الاول الإثنين، بينما استمرت ظاهرة طرد النجوم. المثير في الأسبوع 12 كان تحقيق الفوز في مباراتين فقط من أصل 9 مباريات، هما الهلال على توتي (2/1)، وحي العرب على الفلاح، بينما حدث التعادل في 7 مباريات، وهو رقم يحدث لأول مرة هذا الموسم وربما في مواسم سابقة. وأما التعادل في المباريات الـ7 فقد جاء على النحو التالي: التعادل بنتيجة (1/1) وتحقق في 4 مباريات هي: المريخ مع حيدوب، الهلال الفاشر مع كوبر، والأهلي شندي مع الرابطة كوستي، والزومة مع الشرطة القضارف، والأهلي الخرطوم مع ود نوباوي. بينما تحقق التعادل السلبي في مباراتين هما: الأهلي مروي مع حي الوادي نيالا، وهلال الساحل مع الأمل عطبرة).
• تاني شنو؟
• بيلعب الهلال لتحقيق لقب الممتاز ان شاءالله للمرة الثالثة تواليا .. ويلعب المريخ من اجل (الوصافة).
• والله نحن ما كنا فاكرين (النجيلة) دي بتعمل فيكم كدا؟
• ابوجيبين .. شغال نقطة .. نقطة.
• كل مرة تنقط.
• الحكاية شنو؟
• اللهم احفظ الهلال .. واحفظ صدارته وانتصاراته وأرقامه القياسية.
• ..................
متاريس
• يا جماعة نحن مع كأس العالم بقينا نكتب بين الشوطين.
• بنفتش لينا فرقة.
• فرقة ساكت.
• والكهربة رجعت تقطع تاني.
• إلّا بالتسوية.
• المريخ تاني مع ناس ليليبو والغربال وجارجو ديل إلّا بالتسوية.
• مباراة حيدوب .. اولتراس الهلال ينتظره دور كبير.
• جمهور الهلال يجب ان يكون شاهدا على هذه المتعة.
• الدورة الاولى على وشك.
• والتسجيلات.
• والدوري ح يقيف.
• تاني ما ح تشوفوا الهلال قريب.رصدابوسبأ
• خليكم قراب.
• الهلال محتاج لإضافات قوية في التسجيلات.
• اهم حاجة .. قبل الوسط والهجوم .. يجب مراجعة خط الدفاع.
• اذا كانت هنالك اضافات قوية لخط دفاع الهلال ... الهلال ح يكون عنده كلام كتير في البطولة الافريقية.
• نحن بنشاهد الاندية المنافسة في مصر وتونس وفي المغرب ... الهلال ما بقل عنها في حاجة.
• عازين الزيادة في التسجيلات القادمة.
• ثلاثة محترفين جدد او اثنين على مستوى ممكن ينقلوا الهلال الى مكان تاني.
• كذلك يجب عدم اهمال تسجيلات الوطنيين.
• الهلال عاوز عناصر (وطنية).
• وسط الهلال محتاج لعماد الصيني.
• ما في حاجة ناقصة في الوسط غير الصيني ... الهلال عاوز ارتكاز زي الصيني.
• عشان الصورة تكتمل.
• افتكر ان الهلال في التسجيلات القادمة اذا ضم (5) عناصر فقط .. على مستوى بكون ما عندو تاني مشكلة.
• وبنفكر في اللقب.
• من بين كل الاسماء المطروحة .. ما في مهاجم افضل من كالالا... اذا لم يكن هناك مانع قانوني في مشاركته مع الهلال افريقيا .. الى جانب لاعب الوسط عزيز كي.
• الكي الكي عزيز الكي.
• اما افضل مدافع اشاهده في المواسم الاخيرة هو البوركيني فاروقا نورالدين مدافع المقاولون العرب.
• ولا كلمة.
• .............
• ترس اخير : ناس الهلال بقوا شغالين صاح .. وهم بعملوا الحاجة الصاح مع المدرب الخبير فلوران .. و ما يأتي منهم سوف يكون افضل من ترشيحات الجميع.
#ريمونتادا
محمد عبد الماجد
المريخ تاني ما بحقق ليه بطولة إلّا بـ (التسوية)
• بطولات المريخ المحلية في (الدوري والكأس) منها (الْمَيْتَةُ وَالْدَّمُ) ومنها (الْمُنْخَنِقَةُ) ومنها (الْمَوْقُوذَةُ) ومنها (الْمُتَرَدِّيَةُ) وَمنها (النَّطِيحَةُ) ومنها (مَا أَكَلَ السَّبُعُ) بالتشكيل كدا – عشان ما تقعدوا تتغالطوا ساكت وقد سبق ان كتبت عن هذه البطولات بتلك التسميات... ويمكن لنا تفصيل بعضها في هذه المساحة.
• لن اتحدث عن اهداف الهلال الصحيحة التى لم يحتسبها الحكام في مباريات القمة مثل هدف الرشيد المهدية في حامد بريمة وهدف وليم وهدف بشه .. وأخر الاهداف التى لم تحتسب للهلال في المريخ هدف وليد الشعلة في الابيض والذي نقضه الحكم صبري محمد فضل الذي (نطحه) صلاح نمر في مباراة المريخ الاخيرة.
• الموضوع دا ما بتقدروا عليه.
• احسن تسكتوا.
• وتشوفوا ليكم (حاوية) تقفلوا بيها السيرة دي.
• في فترة صلاح ادريس حقق الهلال بطولة الدوري الممتاز خمس مرات على التوالي - بطولة تنطح بطولة. في تلك الفترة جمال الوالي نظم (20) سيكافا للمريخ ... كان يمكن ان يصل الهلال الى نفس هذا الرقم – خمس متواليات في الموسم الماضي لولا ان الهلال فرط (اداريا) في فترة الكاردينال في الفوز بالدوري الممتاز مرتين .. مرة عبر (تواطؤ) المريخ العاصمي الشهير مع مريخ الفاشر الذي كان سببا في استقالة محمد الشيخ مدني بعد بيانه الشهير والوصول بالقضية الى المحكمة الرياضية (كأس) لتمنح المريخ لقب لا يستحقه .. وقد كان الهلال خسر قبل ذلك بقرار من الفيفا (6) نقاط خصمت من رصيد الهلال ، لولا ذلك كان يمكن ان يكون الهلال بطلا للممتاز حتى بعد كسب المريخ لشكواه لاتحاد الكرة ومريخ الفاشر في (كأس).
• الفيفا كانت قد خصمت (6) نقاط من رصيد الهلال بسبب شكوى المدرب الفرنسي (جون ميشال كافالي) للهلال وفشل وإخفاق مجلس الكاردينال في التعامل مع هذه القضية ليذهب لقب الدوري الممتاز (مكتبيا) للمريخ... بعد ان منحت (كأس) للمريخ نقاط مباراته التى خسرها المريخ في (الملعب ) ليكسبها في (المكتب) اقصد في (المطبخ) بسبب مشاركة هشام جنية مع مريخ الفاشر بسيناريو (مطبوخ)؟
• يعني (كأس) منحت المريخ (3) نقاط لا يستحقها و(الفيفا) خصمت (6) نقاط من رصيد الهلال ليفوز المريخ ببطولة الدوري الممتاز التى فاز المريخ بها بعد (ما أكل السبع).
• ارجعوا تاني لبداية العمود.
• قبل ذلك كان الهلال وهو يتصدر بفارق يصل لـ (9) نقاط من اقرب المنافسين ليه بعد خسارة المريخ امام الاهلي مدنى في الكاملين لينسحب الهلال من بطولة الدوري الممتاز تضامنا مع فريق الامل عطبرة بعد ان قرر الاتحاد العام اعادة مباراة المريخ والأمل التى كان قد خسرها المريخ في عطبرة .. اضافة الى اعتبار المريخ فائزا على هلال كادوقلي بعد تعادله معه... ليفوز المريخ ببطولة الدوري الممتاز كـ (المتردية).
• شوفوا بداية العمود.
• كل هذه الاحداث والتهاون والاستهتار من الهلال في جانب والتواطؤ من المريخ في جانب اخر كان سببا في ان يقدم مجلس الكاردينال الدوري الممتاز مرتين للمريخ بغير وجه حق.
• اما البطولة الثالثة فقد حققها المريخ كـ (النطيحة) بعد ان قام الاتحاد العام بإلغاء مرحلة كاملة من الدوري الممتاز بعد الاحداث التى شهدتها مباراة المريخ وهلال الابيض والاعتداء الذي وقع من بكري المدينة على حكم المباراة.
• هذه البطولات لم يكن المريخ يستحقها .. وهي يمكن القول عنها ان المريخ فاز بها اجمالا كدا عن طريق (التسوية).. وتحققت خارج (الملعب) .. يثبت ذلك ان مجلس المريخ نفسه رفض ان يحفّز الجهاز الفني واللاعبين بعد فوز المريخ بها .. لأن المريخ حسب رؤية مجلسه فاز بها (اداريا) وفي (المكتب) وليس في (الملعب).
• المفارقة ان كل هذه الاحداث والتجاوزات التى ظلم فيها الهلال وكانت سببا في تحويل ثلاث بطولات للممتاز تواليا للمريخ حدثت في فترة اتحاد الدكتور كمال شداد الذي كان يتهم بمحاباته للهلال.
• اتحاد شداد تضرر منه الهلال كثيرا .. وكان لعب مباريات الدوري الممتاز عن طريق التجميع في الخرطوم اكبر المتضررين منه هو الهلال .. والدليل على ذلك ان الهلال الآن وبعد ان لعب في عطبرة مباراتين ولعب في بربر والقضارف يتصدر الدوري الممتاز بدون خسارة او تعادل... هذا الامر لم يكن يتوفر للهلال عندما يلعب الدوري الممتاز بنظام التجميع.
• مباريات الولايات رغم قوة التنافس فيها وصعوبة الملاعب .. إلّا ان جمهور الهلال يمنح الهلال قوة كبيرة عندما يلعب في الولايات ويجد الازرق الترحيب والحب من الجميع وهو يلعب خارج الخرطوم.
• المريخ في هذا الموسم خسر في كوستي وتعادل في مروي ولم ينتصر في الولايات إلّا في القضارف .. وتنتظر المريخ مواجهات صعبة في الدورة الثانية عندما يلعب في عطبرة مرتين ، وفي بورتسودان مرتين وفي شندي مرة اضافة الى الفاشر والنهود التى تعادل مع ممثلها في استاد كوبر وهو يلعب في الخرطوم.رصدابوسبأ
• الفرق بين الهلال والمريخ في هذا الموسم يمكن ان يصل الى (20) نقطة .. ويتجاوز الرقم القياسي في فرق النقاط بين الهلال والمريخ عندما وصل في احد المواسم (18) نقطة.
• 18 نقطة وما هبطوا من الممتاز.
• دا (وصيف) شنو؟
• فلوران اعطانا درس .. عمرنا ما بننساه.
• نحن كنا زعلانين على اداء الهلال وهو ينتصر على توتي في استاد الخرطوم.
• في الاسبوع الماضي للدور الممتاز الاسبوع الـ (12) لم ينتصر إلّا المتصدر الهلال على توتي اضافة الى الوصيف حي العرب على فريق الفلاح.
• الاسبوع كله (تعادلات).
• متل عنبر العظام.
• علاقة عنبر العظام بالتعادلات شنو؟
• البتعرفوا كله تلقاه (مكسور).
• تقول عنبر (العمليات).
• كدا اظن وضحت.
• الجميع تعادل عدا البطل الهلال والوصيف حي العرب.
• اهم شيء حي العرب ما يخسر او يتعادل .. عشان يكون (وصيف) للهلال .. لم يخسر حي العرب إلّا عندما لعب امام الهلال .. هذه الخسارة الوحيدة لحي العرب في هذا الموسم.
• الزميل بدرالدين بخيت في موقع كووورة قدم تقريرا رائعا عن الاسبوع الـ (12).
• كتب بدرالدين بخيت :
• (انتهت الجولة 12 بمسابقة الدوري السوداني، بإثارة كبيرة أكملتها آخر مباراة جمعت بين الأهلي الخرطوم وود نوباوي، أمس الاول الإثنين، بينما استمرت ظاهرة طرد النجوم. المثير في الأسبوع 12 كان تحقيق الفوز في مباراتين فقط من أصل 9 مباريات، هما الهلال على توتي (2/1)، وحي العرب على الفلاح، بينما حدث التعادل في 7 مباريات، وهو رقم يحدث لأول مرة هذا الموسم وربما في مواسم سابقة. وأما التعادل في المباريات الـ7 فقد جاء على النحو التالي: التعادل بنتيجة (1/1) وتحقق في 4 مباريات هي: المريخ مع حيدوب، الهلال الفاشر مع كوبر، والأهلي شندي مع الرابطة كوستي، والزومة مع الشرطة القضارف، والأهلي الخرطوم مع ود نوباوي. بينما تحقق التعادل السلبي في مباراتين هما: الأهلي مروي مع حي الوادي نيالا، وهلال الساحل مع الأمل عطبرة).
• تاني شنو؟
• بيلعب الهلال لتحقيق لقب الممتاز ان شاءالله للمرة الثالثة تواليا .. ويلعب المريخ من اجل (الوصافة).
• والله نحن ما كنا فاكرين (النجيلة) دي بتعمل فيكم كدا؟
• ابوجيبين .. شغال نقطة .. نقطة.
• كل مرة تنقط.
• الحكاية شنو؟
• اللهم احفظ الهلال .. واحفظ صدارته وانتصاراته وأرقامه القياسية.
• ..................
متاريس
• يا جماعة نحن مع كأس العالم بقينا نكتب بين الشوطين.
• بنفتش لينا فرقة.
• فرقة ساكت.
• والكهربة رجعت تقطع تاني.
• إلّا بالتسوية.
• المريخ تاني مع ناس ليليبو والغربال وجارجو ديل إلّا بالتسوية.
• مباراة حيدوب .. اولتراس الهلال ينتظره دور كبير.
• جمهور الهلال يجب ان يكون شاهدا على هذه المتعة.
• الدورة الاولى على وشك.
• والتسجيلات.
• والدوري ح يقيف.
• تاني ما ح تشوفوا الهلال قريب.رصدابوسبأ
• خليكم قراب.
• الهلال محتاج لإضافات قوية في التسجيلات.
• اهم حاجة .. قبل الوسط والهجوم .. يجب مراجعة خط الدفاع.
• اذا كانت هنالك اضافات قوية لخط دفاع الهلال ... الهلال ح يكون عنده كلام كتير في البطولة الافريقية.
• نحن بنشاهد الاندية المنافسة في مصر وتونس وفي المغرب ... الهلال ما بقل عنها في حاجة.
• عازين الزيادة في التسجيلات القادمة.
• ثلاثة محترفين جدد او اثنين على مستوى ممكن ينقلوا الهلال الى مكان تاني.
• كذلك يجب عدم اهمال تسجيلات الوطنيين.
• الهلال عاوز عناصر (وطنية).
• وسط الهلال محتاج لعماد الصيني.
• ما في حاجة ناقصة في الوسط غير الصيني ... الهلال عاوز ارتكاز زي الصيني.
• عشان الصورة تكتمل.
• افتكر ان الهلال في التسجيلات القادمة اذا ضم (5) عناصر فقط .. على مستوى بكون ما عندو تاني مشكلة.
• وبنفكر في اللقب.
• من بين كل الاسماء المطروحة .. ما في مهاجم افضل من كالالا... اذا لم يكن هناك مانع قانوني في مشاركته مع الهلال افريقيا .. الى جانب لاعب الوسط عزيز كي.
• الكي الكي عزيز الكي.
• اما افضل مدافع اشاهده في المواسم الاخيرة هو البوركيني فاروقا نورالدين مدافع المقاولون العرب.
• ولا كلمة.
• .............
• ترس اخير : ناس الهلال بقوا شغالين صاح .. وهم بعملوا الحاجة الصاح مع المدرب الخبير فلوران .. و ما يأتي منهم سوف يكون افضل من ترشيحات الجميع.
#ريمونتادا
