صابنها
محمد عبد الماجد
شغل (السناجيب) ظهر
• ناس قناة النيلين قالوا ما جابوا مباراة المريخ وهلال بورتسودان وجابوا مباراة الهلال وحي العرب ، عشان لو ناس النيلين جابوا مباراة المريخ وهلال الساحل مع مباريات كأس العالم ، مباراة المريخ بتكون زي الشاي بالبلح.
• زي الزول الما بعرف يوصف صاح.
• فجأة كدا تلقى نفسك في شارع غلط.
• تحك رأسك .. وتقلب.
• ليه الزول وقت يلقى نفسو في شارع غلط بعاين للحذاء؟
• الحذاء ذنبو شنو؟
• علاقة الشارع الغلط بالحذاء شنو؟
• مباراة المريخ وهلال الساحل مع مباريات كأس العالم زي كأنك بتأكل ليك في (بليلة) تقوم تعتر ليك فجأة كدا (حصحاصة).
• او زي (ملاح القرع) في صينية فيها سمك وشية جمر واقاشي وبيتزا وكبدة... وبطيختها قاعدة بعيد.
• هسع ملاح القرع ذنبو شنو؟
• براكم بتفتشوا للمشاكل.
• مباراة المريخ مع مباريات كأس العالم زي الزول الدقتو مطرة.
• تخش البيت بالباب الورا.
• علاقة الباب الورا بالمطرة شنو؟
• ناس التلفزيون ما عاوزين يلخبطوا على المشاهدين .. قاموا ما جابوا مباراة المريخ وهلال الساحل.
• مباراة الهلال وحي العرب مباراة (صدارة) وفيها لمحات من مباريات كأس العالم.
• صديق كوة عاوز يخرب لينا كأس العالم.
• يا زول مالك انت؟
• الحاصل عليك شنو؟
• مباريات الهلال مفروض تشفروها.
• هسع البعمل فيه جارجو دا في كأس العالم قاعدين تشوفوه.
• جارجو يشيل ويغرف.
• باكات الدوري الممتاز مفروض يضربوا.
• ويعلموا ليهم وقفة احتجاجية.
• مباراة المريخ قالوا فاز فيها الاحمر على هلال بورتسودان بهدف جاء من ضربة جزاء.
• التعب دا كلو في ضربة جزاء.
• انتخابات.
• ونجيلة تركية.
• وقلاب رملة.
• وطبلة مكسورة.
• وجهاز فني جديد.
• وابوجيبين.
• وحازم (زراف الدموع).
• وادم سوداكال.
• والمحكمة الرياضية.
• والفيفا وقفتوها على فد كراع.
• كل هذه الاشياء عشان تفوزوا على فريق هلال الساحل بضربة جزاء.
• انتوا تعبانين ساكت.
• تعبانين في الفاضي.
• الموضوع دا ما عاوز ليه نجيلة تركية.
• ناس الهلال ليهم حق يرجعوا (دكة الاحتياطي).
• كلام زي دا نحن ما بنفع معانا.
• ولا بنجامل فيه.
• ندخل على مباراة الهلال وحي العرب.
• نحن لا ننكر اننا كنا متخوفين شوية من هذه المباراة.
• المباراة اقيمت بعد توقف ...وقد ظهر اثر ذلك على الهلال – مدرب الهلال لم يشرك في التشكيلة الاساسية اللاعبين الذين كانوا مع المنتخب الوطني في رواندا.
• اكتفي المدير الفني للهلال فلوران باللاعب ابوعشرين .. وابعد كل العناصر التى كانت مع المنتخب الوطني ولم يشرك إلّا في اخر 5 دقائق من عمر المباراة وليد الشعلة ووالي الدين خضر.
• مدرب الهلال فضل اراحة لاعبي الهلال الذين كانوا مع المنتخب الوطني .. وهذا امر جيد من مدرب الهلال.
• مدرب شغال بحب.
• شغال بانسانية.
• ابعاد (6) عناصر اساسية من لاعبي الهلال كانوا مع المنتخب الوطني وأنت تلعب امام فريق لم يخسر في الدوري ويبحث عن صدارة الدوري الممتاز بعد (9) اسابيع في الدوري الممتاز امر يحسب للمدير الفني للهلال.
• شجاعة عديل من فلوران.
• زول شايل كأس السودان ويسافر فرنسا ويرجع يتصدر الدوري الممتاز.
• دي السير ألكاسندر تشابمان فيرغسون في عز مجده ما بعملها.
• فلوران ابعد (6) عناصر اساسية من تشكيلة الهلال وهو يفقد سنغوني للإصابة كما انه لا يستطيع ان يشرك من الاجانب غير (4) لاعبين.
• مع ذلك استطاع فلوران ان يحقق الانتصار ويتصدر الدوري الممتاز بأقل مجهود.
• ومن غير لف ودوران.
• او ضربة جزاء.
• الهلال تصدر الممتاز بفضل الله بالورقة والقلم.
• بالحساب.
• 18 نقطة من 18 نقطة.
• ما شاءالله.
• 6 انتصارات للهلال متتالية للهلال في الدوري منذ انطلاقته.
• ما شاءالله.
• ربنا يزيد ويبارك.
• فلوران واضح انه اشتغل بنظرية (السنجاب).
• السناجب بصمتها ظهرت.
• نحن وقت فلوران قال سوف يلعب الدوري الممتاز ويجمع النقاط على طريق السنجاب .. قلنا سنجاب شنو كمان؟
• نحن الكلام دا ما بنفع معانا.
• ولا فاضيين ليه.
• ولا عندنا ليه وقت.
• إلى ان وقع لينا كلام فلوران امس في مباراة الهلال وحي العرب.
• وقع لينا تب.
• بقولوا حسب الكتاب : (من الصفات التي تشتهر بها بعض أنواع السناجب، جمعها لأنواع المكسرات والجوز، وتخزينها لفصل الشتاء داخل الأشجار أو عن طريق دفنها في الأرض. وقد أظهرت الأبحاث أن للسناجيب ذاكرة قوية لمكان حفظ المكسرات والجوز).
• الهلال شغال تجميع في النقاط لفصل الشتاء.
• الشتاء دخل.
• الهلال شغال (دفن).
• احسن حاجة تجمع اكبر قدر من النقاط في الدورة الاولى .. عشان ترتاح في الدورة الثانية.
• في الدورة الثانية الهلال بكون مشغول بالمجموعات.
• احسموا الممتاز من الدورة الاولى.
• نقطة ما عاوزين نفرط فيها.
• فلوران عارف قيمة أي نقطة – عشان كدا شغال صاح.
• الدوري الممتاز دا حقنا.
• وما في تساهل فيه.
• الهلال حقق لقب كأس السودان وجمع بين الدوري والكأس (وردي وعثمان حسين).. وشغال بصورة ممتازة في الدورى الممتاز.
• صدارة الممتاز.
• اللهم احفظها صدارة من الزوال.
• حي العرب واضح انه فريق ممتاز .. وهو يستحق هذه المكانة التى هو فيها الآن.
• المباراة لم تكن ساهلة على الهلال ، لكن ذكاء فلوران عرف كيف يحسم المباراة.
• مع ذلك تسجيل هدف وحيد في المباراة اقلقنا وسبب لينا ازعاج .. خاصة في اخر (10) دقائق من عمر المباراة.
• ممكن كان حي العرب يسجل هدف من احدى الكرات الساقطة او الهجمات المرتدة .. خاصة ان حي العرب وصل لمنطقة جزاء الهلال في اخر (10) دقائق من عمر المباراة.
• الهدف الوحيد ما كفاية.
• في مباريات الهلال القادمة على الجهاز الفني ان يتجاوز هذه المحطة وان يكون الفارق في النتيجة اكثر من هدف.
• اعتقد ان الهلال لو سجل امس الهدف الثاني كان سوف يتحرر ويقدم مباراة اكثر روعة.
• الهلال قدم مباراة جيدة .. لكن لو سجل الهدف الثاني كان سوف يقدم مباراة اروع.
• المباراة افادت الهلال .. وجعلته يلعب تحت ضغط الهدف الواحد .. عرف الهلال كيف يحافظ على النتيجة وان شكّل حي العرب خطورة على مرمى الهلال في الدقائق الاخيرة.
• فريق حي العرب في الموسم الماضي نجح في ان يتعادل مع الهلال في الخرطوم .. ونجح كذلك في الموسم قبل الماضي ان يتعادل ايضا مع الهلال في الخرطوم.
• حي العرب هذا الموسم افضل من المواسم الماضية .. غير ان الهلال هو الاخر افضل من المواسم الماضية.
• مباراة الهلال القادمة سوف تكون يوم الجمعة امام هلال الساحل.
• هلال الساحل كان صاحب اخر تعادل للهلال في الدوري الممتاز.
• لهذا نقول ان المباراة القادمة ايضا مباراة غير ساهلة.. خاصة ان الهلال بعد مباراة هلال الساحل سوف يغادر الى القضارف لمواجهة الشرطة.
• حسم الهلال للجولات القادمة والانتصار على هلال الساحل وعلى الشرطة القضارف ان شاءالله سوف يوسع الفارق بين الهلال والمريخ خاصة ان المريخ سوف يلعب الجمعة القادمة امام الشرطة في القضارف.
• على العموم الطريقة الشغال بيها فلوران طريقة سليمة .. هو عارف بعمل في شنو؟ وبلعب كيف؟ وبشرك منو؟
• الزول دا شغال صاح.
• نحن ما عندنا كلام.
• خلوه يشتغل.
• ....
متاريس
• الواحد بكتب وبالو في مباراة فرنسا واستراليا.
• ليليبو وصل للهدف الخامس. حماه الهلال
• القطر دا تاني ما بقيف.
• ما شاءالله.
• صديق كوة بتلعب في المريخ (6) شهور ما جبت قون .. عاوز تجيبو هسع.
• السعودية فازت على الارجنتين.
• الرشيد المهدية رأيو شنو في الكلام دا؟
• ناس ميسي ديل يعني ما نافعين.
• امس الاثارة ظهرت في مباريات كأس العالم.
• كأس العالم بدأ امس.
• موفق صديق ظهر امس بمستوى رائع .. وأنقذ مرمى الهلال من هدف بطريقة رائعة.
• ابوعاقلة ايضا قدم مباراة ممتازة.
• .........
• ترس اخير : ريكاردو قال ليهم انا بصمتى بتظهر بعد (النجيلة) تصل.
#ريمونتادا
محمد عبد الماجد
شغل (السناجيب) ظهر
• ناس قناة النيلين قالوا ما جابوا مباراة المريخ وهلال بورتسودان وجابوا مباراة الهلال وحي العرب ، عشان لو ناس النيلين جابوا مباراة المريخ وهلال الساحل مع مباريات كأس العالم ، مباراة المريخ بتكون زي الشاي بالبلح.
• زي الزول الما بعرف يوصف صاح.
• فجأة كدا تلقى نفسك في شارع غلط.
• تحك رأسك .. وتقلب.
• ليه الزول وقت يلقى نفسو في شارع غلط بعاين للحذاء؟
• الحذاء ذنبو شنو؟
• علاقة الشارع الغلط بالحذاء شنو؟
• مباراة المريخ وهلال الساحل مع مباريات كأس العالم زي كأنك بتأكل ليك في (بليلة) تقوم تعتر ليك فجأة كدا (حصحاصة).
• او زي (ملاح القرع) في صينية فيها سمك وشية جمر واقاشي وبيتزا وكبدة... وبطيختها قاعدة بعيد.
• هسع ملاح القرع ذنبو شنو؟
• براكم بتفتشوا للمشاكل.
• مباراة المريخ مع مباريات كأس العالم زي الزول الدقتو مطرة.
• تخش البيت بالباب الورا.
• علاقة الباب الورا بالمطرة شنو؟
• ناس التلفزيون ما عاوزين يلخبطوا على المشاهدين .. قاموا ما جابوا مباراة المريخ وهلال الساحل.
• مباراة الهلال وحي العرب مباراة (صدارة) وفيها لمحات من مباريات كأس العالم.
• صديق كوة عاوز يخرب لينا كأس العالم.
• يا زول مالك انت؟
• الحاصل عليك شنو؟
• مباريات الهلال مفروض تشفروها.
• هسع البعمل فيه جارجو دا في كأس العالم قاعدين تشوفوه.
• جارجو يشيل ويغرف.
• باكات الدوري الممتاز مفروض يضربوا.
• ويعلموا ليهم وقفة احتجاجية.
• مباراة المريخ قالوا فاز فيها الاحمر على هلال بورتسودان بهدف جاء من ضربة جزاء.
• التعب دا كلو في ضربة جزاء.
• انتخابات.
• ونجيلة تركية.
• وقلاب رملة.
• وطبلة مكسورة.
• وجهاز فني جديد.
• وابوجيبين.
• وحازم (زراف الدموع).
• وادم سوداكال.
• والمحكمة الرياضية.
• والفيفا وقفتوها على فد كراع.
• كل هذه الاشياء عشان تفوزوا على فريق هلال الساحل بضربة جزاء.
• انتوا تعبانين ساكت.
• تعبانين في الفاضي.
• الموضوع دا ما عاوز ليه نجيلة تركية.
• ناس الهلال ليهم حق يرجعوا (دكة الاحتياطي).
• كلام زي دا نحن ما بنفع معانا.
• ولا بنجامل فيه.
• ندخل على مباراة الهلال وحي العرب.
• نحن لا ننكر اننا كنا متخوفين شوية من هذه المباراة.
• المباراة اقيمت بعد توقف ...وقد ظهر اثر ذلك على الهلال – مدرب الهلال لم يشرك في التشكيلة الاساسية اللاعبين الذين كانوا مع المنتخب الوطني في رواندا.
• اكتفي المدير الفني للهلال فلوران باللاعب ابوعشرين .. وابعد كل العناصر التى كانت مع المنتخب الوطني ولم يشرك إلّا في اخر 5 دقائق من عمر المباراة وليد الشعلة ووالي الدين خضر.
• مدرب الهلال فضل اراحة لاعبي الهلال الذين كانوا مع المنتخب الوطني .. وهذا امر جيد من مدرب الهلال.
• مدرب شغال بحب.
• شغال بانسانية.
• ابعاد (6) عناصر اساسية من لاعبي الهلال كانوا مع المنتخب الوطني وأنت تلعب امام فريق لم يخسر في الدوري ويبحث عن صدارة الدوري الممتاز بعد (9) اسابيع في الدوري الممتاز امر يحسب للمدير الفني للهلال.
• شجاعة عديل من فلوران.
• زول شايل كأس السودان ويسافر فرنسا ويرجع يتصدر الدوري الممتاز.
• دي السير ألكاسندر تشابمان فيرغسون في عز مجده ما بعملها.
• فلوران ابعد (6) عناصر اساسية من تشكيلة الهلال وهو يفقد سنغوني للإصابة كما انه لا يستطيع ان يشرك من الاجانب غير (4) لاعبين.
• مع ذلك استطاع فلوران ان يحقق الانتصار ويتصدر الدوري الممتاز بأقل مجهود.
• ومن غير لف ودوران.
• او ضربة جزاء.
• الهلال تصدر الممتاز بفضل الله بالورقة والقلم.
• بالحساب.
• 18 نقطة من 18 نقطة.
• ما شاءالله.
• 6 انتصارات للهلال متتالية للهلال في الدوري منذ انطلاقته.
• ما شاءالله.
• ربنا يزيد ويبارك.
• فلوران واضح انه اشتغل بنظرية (السنجاب).
• السناجب بصمتها ظهرت.
• نحن وقت فلوران قال سوف يلعب الدوري الممتاز ويجمع النقاط على طريق السنجاب .. قلنا سنجاب شنو كمان؟
• نحن الكلام دا ما بنفع معانا.
• ولا فاضيين ليه.
• ولا عندنا ليه وقت.
• إلى ان وقع لينا كلام فلوران امس في مباراة الهلال وحي العرب.
• وقع لينا تب.
• بقولوا حسب الكتاب : (من الصفات التي تشتهر بها بعض أنواع السناجب، جمعها لأنواع المكسرات والجوز، وتخزينها لفصل الشتاء داخل الأشجار أو عن طريق دفنها في الأرض. وقد أظهرت الأبحاث أن للسناجيب ذاكرة قوية لمكان حفظ المكسرات والجوز).
• الهلال شغال تجميع في النقاط لفصل الشتاء.
• الشتاء دخل.
• الهلال شغال (دفن).
• احسن حاجة تجمع اكبر قدر من النقاط في الدورة الاولى .. عشان ترتاح في الدورة الثانية.
• في الدورة الثانية الهلال بكون مشغول بالمجموعات.
• احسموا الممتاز من الدورة الاولى.
• نقطة ما عاوزين نفرط فيها.
• فلوران عارف قيمة أي نقطة – عشان كدا شغال صاح.
• الدوري الممتاز دا حقنا.
• وما في تساهل فيه.
• الهلال حقق لقب كأس السودان وجمع بين الدوري والكأس (وردي وعثمان حسين).. وشغال بصورة ممتازة في الدورى الممتاز.
• صدارة الممتاز.
• اللهم احفظها صدارة من الزوال.
• حي العرب واضح انه فريق ممتاز .. وهو يستحق هذه المكانة التى هو فيها الآن.
• المباراة لم تكن ساهلة على الهلال ، لكن ذكاء فلوران عرف كيف يحسم المباراة.
• مع ذلك تسجيل هدف وحيد في المباراة اقلقنا وسبب لينا ازعاج .. خاصة في اخر (10) دقائق من عمر المباراة.
• ممكن كان حي العرب يسجل هدف من احدى الكرات الساقطة او الهجمات المرتدة .. خاصة ان حي العرب وصل لمنطقة جزاء الهلال في اخر (10) دقائق من عمر المباراة.
• الهدف الوحيد ما كفاية.
• في مباريات الهلال القادمة على الجهاز الفني ان يتجاوز هذه المحطة وان يكون الفارق في النتيجة اكثر من هدف.
• اعتقد ان الهلال لو سجل امس الهدف الثاني كان سوف يتحرر ويقدم مباراة اكثر روعة.
• الهلال قدم مباراة جيدة .. لكن لو سجل الهدف الثاني كان سوف يقدم مباراة اروع.
• المباراة افادت الهلال .. وجعلته يلعب تحت ضغط الهدف الواحد .. عرف الهلال كيف يحافظ على النتيجة وان شكّل حي العرب خطورة على مرمى الهلال في الدقائق الاخيرة.
• فريق حي العرب في الموسم الماضي نجح في ان يتعادل مع الهلال في الخرطوم .. ونجح كذلك في الموسم قبل الماضي ان يتعادل ايضا مع الهلال في الخرطوم.
• حي العرب هذا الموسم افضل من المواسم الماضية .. غير ان الهلال هو الاخر افضل من المواسم الماضية.
• مباراة الهلال القادمة سوف تكون يوم الجمعة امام هلال الساحل.
• هلال الساحل كان صاحب اخر تعادل للهلال في الدوري الممتاز.
• لهذا نقول ان المباراة القادمة ايضا مباراة غير ساهلة.. خاصة ان الهلال بعد مباراة هلال الساحل سوف يغادر الى القضارف لمواجهة الشرطة.
• حسم الهلال للجولات القادمة والانتصار على هلال الساحل وعلى الشرطة القضارف ان شاءالله سوف يوسع الفارق بين الهلال والمريخ خاصة ان المريخ سوف يلعب الجمعة القادمة امام الشرطة في القضارف.
• على العموم الطريقة الشغال بيها فلوران طريقة سليمة .. هو عارف بعمل في شنو؟ وبلعب كيف؟ وبشرك منو؟
• الزول دا شغال صاح.
• نحن ما عندنا كلام.
• خلوه يشتغل.
• ....
متاريس
• الواحد بكتب وبالو في مباراة فرنسا واستراليا.
• ليليبو وصل للهدف الخامس. حماه الهلال
• القطر دا تاني ما بقيف.
• ما شاءالله.
• صديق كوة بتلعب في المريخ (6) شهور ما جبت قون .. عاوز تجيبو هسع.
• السعودية فازت على الارجنتين.
• الرشيد المهدية رأيو شنو في الكلام دا؟
• ناس ميسي ديل يعني ما نافعين.
• امس الاثارة ظهرت في مباريات كأس العالم.
• كأس العالم بدأ امس.
• موفق صديق ظهر امس بمستوى رائع .. وأنقذ مرمى الهلال من هدف بطريقة رائعة.
• ابوعاقلة ايضا قدم مباراة ممتازة.
• .........
• ترس اخير : ريكاردو قال ليهم انا بصمتى بتظهر بعد (النجيلة) تصل.
#ريمونتادا
