• ×
الجمعة 29 مارس 2024 | 03-28-2024
محمد الطيب الامين

إسمو باشري لكن بدلعو بقولوا ليهو السوباط !!

محمد الطيب الامين

 0  0  2454
محمد الطيب الامين
قزاز ورذاذ

محمد الطيب الأمين

إسمو باشري لكن بدلعو بقولوا ليهو السوباط !!

* يبدو أن كوستي الجميلة (راكبة الترند) في (الكفر والوتر).
* قبل فترة قصيرة ملأت الفنانة ياسمين بت كوستي الدنيا بأغنية (سيد الفنيلة البيضاء).
* ومكتوب عليها الريدة.
* الأغنية رغم إنها (فقيرة) غير أنها وجدت حظ مدهش من الشهرة والإنتشار.
* ومن خلالها أصبحت ياسمين بتلك الرقصة أصبحت نجمة عديل.
* أمبارح (باشري سيد الفنيلة الخضراء) نافس ياسمين في النجومية .
* نجمة نجمة الليل نعدو والسنين يا حليلنا عدو.
* وأنت ما عارف عيونك لما تسرح وين بودو؟
* بودو كوستي.
* كوستي وربك .. كورة وسمك.
* أبو جيبين لأي زول.
* رئيس المريخ الحالي دخل النادي بجيبين.
* وبعد شهر ان شاء الله ما ح يكون عندو جيب اصلاً.
* مع شكاوى المحترفين ديل غير الجيوب الأنفية ما ح تطلع بحاجة.
* والله صحي.
* في زول بيدخل المريخ بجيبين؟
* جيب واحد كفاية.
* سوداكال دخل عليهم بدون جيب ذاتو.
* الجماعة إهتموا بشائعة إستقالة السوباط وظهر ليهم سوباط في كوستي.
* نجم الرابطة كوستي اسمو باشري لكن بدلعو بقولو ليهو (السوباط).
* لقبو السوباط.
* دي كوستي كده .. عطبرة كيف؟
* المريخ لو مشى عطبرة إلا يحكمها ليهم الجاكومي.
* من الآن المريخ ح يخسر ست نقاط في عطبرة.
* وست نقاط من الهلال.
* شكلو السنة دي الوصيف ما ح يكون وصيف.
* وصافة الهلال محتاج شوية إجتهاد.
* إتخيل الجماعة ديل بمستواهم ده بيلعبوا معانا في الابطال!
* وكمان صعدوا المجموعات.
* مخير الله.
* شاحد الله الزمالك يقع معاكم في مجموعة واحدة.
* مرتضى منصور ده لو (باعكم) زي ما الخطيب باعكم ح يشيل حالكم.
* ولو ما باعكم برضو ح يشيل حالكم. حماه الهلال
* أوع في المجموعات تقولوا للناس رئيسنا اسمو أبو جيبين.
* لو قلتوا ليهم كده بتتعبوا والله.
* قولوا ليهم أسمو أيمن.
* أبو جيبين دي ما في ليها داعي.
* أبو جيبين ما بأكل خريفين.
* وغايتو السنة دي بالذات يا متنا من الضحك ويا كمان الضحك كتلنا.
* و.. و..
* ودقستي ليها يا نجيمة؟
امسح للحصول على الرابط
بواسطة : محمد الطيب الامين
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019