صابنها
محمد عبد الماجد
في المريخ الرئيس بالوردية
• لو قالوا لي اتخيل ما يمكن ان يحدث في المريخ ما كنت سوف اتخيل ما يحدث في المريخ هذه الايام.
• ولا كنت برضى ليهم الوضع دا.
• وبرضو الناس ديل مننا وفينا .. وإذا لم نتعلم من تجارب الاخرين فان ما يحدث لهم يمكن ان يحدث لنا.
• الاستخفاف بالمريخ وصل الى ان طبع فريق الاهلي طرابلس شعار الهلال بدلا من شعار المريخ في تذاكر مباراة العودة بين الفريقين.
• نظام ما شغالين بالموضوع.
• الحرب الباردة (اشتعلت)!!
• الاهلي طبعا قصد ذلك ردا على (السهو) الذي وقع فيه المريخ عندما طبع شعار الاهلي بنغازي على تذاكر مباريات الاهلي طرابلس.
• المريخ الموضوع وقع فيه (سهوا) لكن ناس الاهلي طرابلس وقعوا في الامر (عمدا).. ودي للأمانة حركات ما حلوة من الاهلي طرابلس.
• الهلال ذنبو شنو؟
• صفوا حساباتكم بعيدا عن الهلال.
• مع ذلك نقول ان المريخ بدأ بالغلط ولم يحترم الاهلي طرابلس ولو كان ذلك وقع فيه (سهوا).
• المواضيع الزي دي ما فيها سهوا وعمدا.
• الحاجات دي السهو والعمد واحد فيها.
• عشان تبقوا فاهمين بس.
• وما تقعدوا تتغالطوا لينا ساكت .. لمن يومنا يروح.
• والله في ناس من تشرق لمن تغيب بكونوا بتغالطوا.
• الشمس تّزاورهم ذات اليمين وإذا غربت تقرضهم ذات الشمال وهم قاعدين يتغالطوا.
• شغالين (غلاط).
• يأكلوا في (الدكوة) ويتغالطوا.
• انا ما عارف لو كانوا بيأكلوا (سمك) كان عملوا شنو؟
• في ناس كدا .. مشغلين (نمط الغلاط) 24 ساعة.
• غلاط بالدكوة.
• والله غلاط الدكوة ظاهر .. تلقى الناس البتغالطوا فيه .. عيونهم تظهر وتختفي.
• تطلع وتدخل.
• دا شغل (دكوة).
• كمان نحن (الدكوة) ما بنعرفها؟
• واقع الاحوال في المريخ يؤكد ان المريخ يعيش في اوضاع مأساوية.
• اوضاع (داكاوية).
• الرئيس في المريخ عندهم (جيجا) واحدة... رئيس لمدة (6) ساعات.
• زارف مصطفى في الـ 6 ساعات دي تلفونه ما بكون شحنه.. اكيد كان عاوز يطلع ليه تسريب صوتي جديد.
• طبعا الصوت في أي حتة بقولوا عن الفعل الذي يقع عليه (تسجيل) إلّا في المريخ بقولوا (تسريب).
• غايتو يا حازم مصطفى (زراف الدموع) العملوها فيك المريخاب ديل .. الله وخلقه بتفرجوا فيه.
• حازم من يوم ما (زرف الدموع) تاني ما شاف ليه عافية في المريخ.
• اخر حاجة عملها في المريخ (زرف) الدموع.
• الرئاسة في المريخ بقت بالوردية.
• رئيس بالوردية.
• 7 يوم ايمن ابوجيبين (رئيس) .. وحازم مصطفى مدة رئاسته للمريخ (6) ساعات .. والرئيس الشرعي في المريخ آدم سوداكال شغال بي هناك بي طريقتو .. وما في زول شغال بيه.
• سوداكال بقى شغال طباعة بيانات.
• ما عندو اكتر من كدا.
• البيانات الطلعها سوداكال لو عملها (بصل) ساكت .. كان هسع المريخ بقى في حتى تانية.
• كان بقى ليفربول.
• معقولة بس ... في زول عاوز يحكم المريخ بالبيانات.
• تقول خريج جامعة الدول العربية!!
• تتخيلوا دي؟
• قدر ما اقول ليكم ما بتتخيلوا!!
• لكن دا الواقع الحالي في المريخ الآن.
• في المريخ في (رئيس) بفاوض .. وهو الرئيس (مشترك) حازم مصطفى (زراف الدموع).
• وفي رئيس بتصور وبوقع العقود وهو الرئيس (مشترك) ايمن ابوجيبين.
• وفي رئيس بطلّع في البيانات وهو الرئيس (مشترك) ادم سوداكال.
• واضحة دي؟
• ناس التش ورمضان عجب وصلاح نمر فاوضهم حازم مصطفى وسجلهم ايمن مبارك.
• قلت ليكم الرئاسة في المريخ بقت بالوردية.
• قعدتوا تغالطوا.
• ادم سوداكال دفع اتعاب المحامي ورسوم الشكوى في المحكمة الرياضية في شكوى المريخ ضد سيف تيري وفاركو.. وحازم مصطفى استلم الغرامة التى حددتها المحكمة الرياضية على سيف تيري.
• ح تقولوا لي طيب ايمن مبارك عمل شنو؟
• ايمن مبارك دي ما ورديتو ..طلع من المولد بدون حمص .. عشان كدا قاموا اعترضوا على الموضوع وقالوا حازم مصطفى عمل تسوية مع فاركو.
• رئيس يدفع.
• ورئيس بستلم.
• ورئيس يعترض.
• رئيس بيشتكي .. ورئيس بعمل تسوية!!
• كل رئيس شغال بي طريقتو.رصدابوسبأ
• مزمل ابوالقاسم يغيّر في (الرؤساء) متل (كفر) الموبايل.
• أي مؤسسة فيها اكتر من رئيس بحصل ليها كدا.
• بقولوا المركب الفيها (ريّسين) بتغرق .. ومركب المريخ فيها (3) رؤساء .. غير مزمل ابوالقاسم.
• وعاوزنها ما تغرق.
• المريخ بكرة عندو مباراة مهمة .. ومباراة صعبة.
• صعوبة المباراة بتجي من الاوضاع غير المفهومة التى يعيش فيها المريخ ويمر بها في هذه الايام.
• من مصلحة البلد المريخ يتأهل.
• احسن لينا يتأهل.
• ما تعاينوا لي كدا.
• نحن في الهلال .. احسن لينا المريخ يتأهل.
• تأهل المريخ بعطي دفعة للهلال .. وتأهل الهلال بدفع بشكل اكيد المريخ.
• نحن ما عاوزين نكون برانا ..رغم ان الهلال لم يتأهل حتى الآن .. وفي انتظار الهلال مباراة صعبة ايضا.
• عشان كدا احسن المريخ يتأهل .. والهلال يتأهل.
• عاوزين نشوف القمة في المجموعات.
• بكون في تنافس تاني بين الهلال والمريخ في المجموعات.
• ناس المريخ الموسم الماضي عملوا حاجات ما ظريفة وتواطؤ مع الاهلي المصري .. وتآمروا على الهلال... مع ذلك نحن عاوزين ليهم التأهل.
• وقت تتمنى حاجة كعبة لي اخوك بتحصل ليك انت.
• ما عاوزين نشمت في المريخ .. لأن الشماتة اكعب من الوضع الذي فيه المريخ الآن.
• تذكروا زمان ناس المريخ كانوا بقولوا عن استاد الهلال شنو؟
• سوق القش.
• والغبار.
• والكتاحة.
• وحاجات كدا.
• نحن هسع بنشاغلهم بالنجيلة وقلاب الرملة .. لكن هدفنا من ذلك نشوف استاد المريخ من جديد في الوضع الطبيعي.
• الهلال اكتر نادي مستفيد من استاد المريخ.
• اكثر انتصارات الهلال على المريخ حققها الهلال في استاد المريخ.
• عشان كدا نحن منتظرين النجيلة (التركية) بتاعة حميدتي دي بفارق الصبر.
• والله لامين جارجو دا في النجيلة التركية ببقى زي (العفريت).
• عليكم الله يا ناس المريخ عجلوا لينا بالاستاد.
• جيبوا النجيلة.
• وانفضوا الكراسي.
• الاضاءة ما عندكم فيها مشكلة.رصدابوسبأ
• عاوزين مباراة القمة في الدورة الثانية مع المريخ نلعبها في استاد المريخ.
• طولنا من الانتصارات في استاد المريخ.
• اشتقنا للموضوع دا.
• عشان كدا تأهيل استاد المريخ وصيانته المستفيد الاول منه الهلال.
• يعني انتوا قايلننا ساكتين على نجيلة (حميدتي) دي كدا ساكت.
• نحن عندنا فهم.
• وراقدين لينا فوق رأي.
• بس يا ناس المريخ عليكم الله قبل لقاء القمة القادمة اعلموا ليكم رئيس واحد .. نحن فترنا من موضوع الرؤساء دا.
• معقولة بس.
• فريق عندو تلاتة رؤساء .. وملعب ما عندو.
• بالمناسبة .. المريخ دا فيها حاجات حلوة كتيرة.
• المريخ عندو علي المك.
• وعبدالكريم الكابلي.
• وحمد الريح.
• المريخ فيه ابوجميل.
• وخالد ليمونة.
• وبابكر سلك.
• عشان كدا يا جماعة ما تعصروا على الجماعة.
• خلوهم يتأهلوا.
• عشان البلد.
• وعشان نمشى لي قدام.
• ...........
متاريس
• نهائي كأس السودان متين؟
• متى يتم برمجة النهائي.
• نحن مشتاقين للقب.
• عاوزين الكأس.
• لموا كأسكم عليكم يا العليقي من بدري.
• البلد دي ما مضمونة.
• والاحوال ما مستقرة.
• والظروف ما معروفة.
• ...
• ترس اخير : احسن نرسل قبل تقطع.
#ريمونتادا
محمد عبد الماجد
في المريخ الرئيس بالوردية
• لو قالوا لي اتخيل ما يمكن ان يحدث في المريخ ما كنت سوف اتخيل ما يحدث في المريخ هذه الايام.
• ولا كنت برضى ليهم الوضع دا.
• وبرضو الناس ديل مننا وفينا .. وإذا لم نتعلم من تجارب الاخرين فان ما يحدث لهم يمكن ان يحدث لنا.
• الاستخفاف بالمريخ وصل الى ان طبع فريق الاهلي طرابلس شعار الهلال بدلا من شعار المريخ في تذاكر مباراة العودة بين الفريقين.
• نظام ما شغالين بالموضوع.
• الحرب الباردة (اشتعلت)!!
• الاهلي طبعا قصد ذلك ردا على (السهو) الذي وقع فيه المريخ عندما طبع شعار الاهلي بنغازي على تذاكر مباريات الاهلي طرابلس.
• المريخ الموضوع وقع فيه (سهوا) لكن ناس الاهلي طرابلس وقعوا في الامر (عمدا).. ودي للأمانة حركات ما حلوة من الاهلي طرابلس.
• الهلال ذنبو شنو؟
• صفوا حساباتكم بعيدا عن الهلال.
• مع ذلك نقول ان المريخ بدأ بالغلط ولم يحترم الاهلي طرابلس ولو كان ذلك وقع فيه (سهوا).
• المواضيع الزي دي ما فيها سهوا وعمدا.
• الحاجات دي السهو والعمد واحد فيها.
• عشان تبقوا فاهمين بس.
• وما تقعدوا تتغالطوا لينا ساكت .. لمن يومنا يروح.
• والله في ناس من تشرق لمن تغيب بكونوا بتغالطوا.
• الشمس تّزاورهم ذات اليمين وإذا غربت تقرضهم ذات الشمال وهم قاعدين يتغالطوا.
• شغالين (غلاط).
• يأكلوا في (الدكوة) ويتغالطوا.
• انا ما عارف لو كانوا بيأكلوا (سمك) كان عملوا شنو؟
• في ناس كدا .. مشغلين (نمط الغلاط) 24 ساعة.
• غلاط بالدكوة.
• والله غلاط الدكوة ظاهر .. تلقى الناس البتغالطوا فيه .. عيونهم تظهر وتختفي.
• تطلع وتدخل.
• دا شغل (دكوة).
• كمان نحن (الدكوة) ما بنعرفها؟
• واقع الاحوال في المريخ يؤكد ان المريخ يعيش في اوضاع مأساوية.
• اوضاع (داكاوية).
• الرئيس في المريخ عندهم (جيجا) واحدة... رئيس لمدة (6) ساعات.
• زارف مصطفى في الـ 6 ساعات دي تلفونه ما بكون شحنه.. اكيد كان عاوز يطلع ليه تسريب صوتي جديد.
• طبعا الصوت في أي حتة بقولوا عن الفعل الذي يقع عليه (تسجيل) إلّا في المريخ بقولوا (تسريب).
• غايتو يا حازم مصطفى (زراف الدموع) العملوها فيك المريخاب ديل .. الله وخلقه بتفرجوا فيه.
• حازم من يوم ما (زرف الدموع) تاني ما شاف ليه عافية في المريخ.
• اخر حاجة عملها في المريخ (زرف) الدموع.
• الرئاسة في المريخ بقت بالوردية.
• رئيس بالوردية.
• 7 يوم ايمن ابوجيبين (رئيس) .. وحازم مصطفى مدة رئاسته للمريخ (6) ساعات .. والرئيس الشرعي في المريخ آدم سوداكال شغال بي هناك بي طريقتو .. وما في زول شغال بيه.
• سوداكال بقى شغال طباعة بيانات.
• ما عندو اكتر من كدا.
• البيانات الطلعها سوداكال لو عملها (بصل) ساكت .. كان هسع المريخ بقى في حتى تانية.
• كان بقى ليفربول.
• معقولة بس ... في زول عاوز يحكم المريخ بالبيانات.
• تقول خريج جامعة الدول العربية!!
• تتخيلوا دي؟
• قدر ما اقول ليكم ما بتتخيلوا!!
• لكن دا الواقع الحالي في المريخ الآن.
• في المريخ في (رئيس) بفاوض .. وهو الرئيس (مشترك) حازم مصطفى (زراف الدموع).
• وفي رئيس بتصور وبوقع العقود وهو الرئيس (مشترك) ايمن ابوجيبين.
• وفي رئيس بطلّع في البيانات وهو الرئيس (مشترك) ادم سوداكال.
• واضحة دي؟
• ناس التش ورمضان عجب وصلاح نمر فاوضهم حازم مصطفى وسجلهم ايمن مبارك.
• قلت ليكم الرئاسة في المريخ بقت بالوردية.
• قعدتوا تغالطوا.
• ادم سوداكال دفع اتعاب المحامي ورسوم الشكوى في المحكمة الرياضية في شكوى المريخ ضد سيف تيري وفاركو.. وحازم مصطفى استلم الغرامة التى حددتها المحكمة الرياضية على سيف تيري.
• ح تقولوا لي طيب ايمن مبارك عمل شنو؟
• ايمن مبارك دي ما ورديتو ..طلع من المولد بدون حمص .. عشان كدا قاموا اعترضوا على الموضوع وقالوا حازم مصطفى عمل تسوية مع فاركو.
• رئيس يدفع.
• ورئيس بستلم.
• ورئيس يعترض.
• رئيس بيشتكي .. ورئيس بعمل تسوية!!
• كل رئيس شغال بي طريقتو.رصدابوسبأ
• مزمل ابوالقاسم يغيّر في (الرؤساء) متل (كفر) الموبايل.
• أي مؤسسة فيها اكتر من رئيس بحصل ليها كدا.
• بقولوا المركب الفيها (ريّسين) بتغرق .. ومركب المريخ فيها (3) رؤساء .. غير مزمل ابوالقاسم.
• وعاوزنها ما تغرق.
• المريخ بكرة عندو مباراة مهمة .. ومباراة صعبة.
• صعوبة المباراة بتجي من الاوضاع غير المفهومة التى يعيش فيها المريخ ويمر بها في هذه الايام.
• من مصلحة البلد المريخ يتأهل.
• احسن لينا يتأهل.
• ما تعاينوا لي كدا.
• نحن في الهلال .. احسن لينا المريخ يتأهل.
• تأهل المريخ بعطي دفعة للهلال .. وتأهل الهلال بدفع بشكل اكيد المريخ.
• نحن ما عاوزين نكون برانا ..رغم ان الهلال لم يتأهل حتى الآن .. وفي انتظار الهلال مباراة صعبة ايضا.
• عشان كدا احسن المريخ يتأهل .. والهلال يتأهل.
• عاوزين نشوف القمة في المجموعات.
• بكون في تنافس تاني بين الهلال والمريخ في المجموعات.
• ناس المريخ الموسم الماضي عملوا حاجات ما ظريفة وتواطؤ مع الاهلي المصري .. وتآمروا على الهلال... مع ذلك نحن عاوزين ليهم التأهل.
• وقت تتمنى حاجة كعبة لي اخوك بتحصل ليك انت.
• ما عاوزين نشمت في المريخ .. لأن الشماتة اكعب من الوضع الذي فيه المريخ الآن.
• تذكروا زمان ناس المريخ كانوا بقولوا عن استاد الهلال شنو؟
• سوق القش.
• والغبار.
• والكتاحة.
• وحاجات كدا.
• نحن هسع بنشاغلهم بالنجيلة وقلاب الرملة .. لكن هدفنا من ذلك نشوف استاد المريخ من جديد في الوضع الطبيعي.
• الهلال اكتر نادي مستفيد من استاد المريخ.
• اكثر انتصارات الهلال على المريخ حققها الهلال في استاد المريخ.
• عشان كدا نحن منتظرين النجيلة (التركية) بتاعة حميدتي دي بفارق الصبر.
• والله لامين جارجو دا في النجيلة التركية ببقى زي (العفريت).
• عليكم الله يا ناس المريخ عجلوا لينا بالاستاد.
• جيبوا النجيلة.
• وانفضوا الكراسي.
• الاضاءة ما عندكم فيها مشكلة.رصدابوسبأ
• عاوزين مباراة القمة في الدورة الثانية مع المريخ نلعبها في استاد المريخ.
• طولنا من الانتصارات في استاد المريخ.
• اشتقنا للموضوع دا.
• عشان كدا تأهيل استاد المريخ وصيانته المستفيد الاول منه الهلال.
• يعني انتوا قايلننا ساكتين على نجيلة (حميدتي) دي كدا ساكت.
• نحن عندنا فهم.
• وراقدين لينا فوق رأي.
• بس يا ناس المريخ عليكم الله قبل لقاء القمة القادمة اعلموا ليكم رئيس واحد .. نحن فترنا من موضوع الرؤساء دا.
• معقولة بس.
• فريق عندو تلاتة رؤساء .. وملعب ما عندو.
• بالمناسبة .. المريخ دا فيها حاجات حلوة كتيرة.
• المريخ عندو علي المك.
• وعبدالكريم الكابلي.
• وحمد الريح.
• المريخ فيه ابوجميل.
• وخالد ليمونة.
• وبابكر سلك.
• عشان كدا يا جماعة ما تعصروا على الجماعة.
• خلوهم يتأهلوا.
• عشان البلد.
• وعشان نمشى لي قدام.
• ...........
متاريس
• نهائي كأس السودان متين؟
• متى يتم برمجة النهائي.
• نحن مشتاقين للقب.
• عاوزين الكأس.
• لموا كأسكم عليكم يا العليقي من بدري.
• البلد دي ما مضمونة.
• والاحوال ما مستقرة.
• والظروف ما معروفة.
• ...
• ترس اخير : احسن نرسل قبل تقطع.
#ريمونتادا
