• ×
الأربعاء 28 سبتمبر 2022 | 09-27-2022
ادريس

الحارق فشاش المريخ

ادريس

 0  0  1509
ادريس
مداد ازرق
محمد ادريس.
الحارق فشاش المريخ

اهتمام اعلام وإدارة وجمهور المريخ المتزايد بالهلال يثير الدهشة والحيرة ..لم يبقي لناس محمد سيد احمد الا يرحلوا العرضة شمال .ووصل به هذا الرجل المهاتر والمشاتر والحاقد يجيب له قوة ودبابات ويدخل الجوهرة ..ياجماعة شفتو ليكم قوة عين زي دي..قال بلعب بالراجلة الزول مافي زول بهدي.

.*والحارق فشفاش الجماعة معروف كيف الهلال يتأهل في ملحمة تاريخية زي دي مباراة جمهوره محل يختو كراعو مافي ونحن بنعلب مع فريق اسمو مامعروف وفي بحر دار مافي زول جايب خبرنا..دي أصل الحكاية بدليل انو ناس المريخ انشغلوا بكورتنا أكثر من مباراتم مع سولار..وهم عارفين سولارا فريق ضعيف ولاموجود في خارطة الكرة الأفريقية يعني الفريق قدام
*وبمناسبة سولارا الفريق التقول مسمنوا علي صالة أفراح أو بت راحات .فريق مدلع وناعم زي اولاد ميكي ..المهم اليرجا الراجي مع ثوار طرابلس ديل ماعندهم لعب المهم نهاية المريخ مع ثوار طرابلس عشان كدا دارين ينقلوا الكورة في الجوهرة الزرقاء الغيرة كالهم وين يلقوا الجمهور وملعب زي دي أكلوا نيمكم..

*ونحن دافين ليهم خيانتم مع سانت جورج ومؤامراتهم واصلوا الخيانة ماغريبة عليهم جاري في دمهم .ياجماعة ناس لدرجة انو لعبوا مع سانت جورج .واستقبلو وبعد دي كل وبدون خجل داير يلعبوا في الجوهرة

*وصدق الإداري التاريخي المريخ ابو جميل عندما قال لايوجد اداري بالمريخ .فمنذ رحيل الوالي مافي اداري والمريخ ماشي بالعافية رئيس يدخل مايمرق ورئيس يمرق مايجي .زي القلوتية دي الحاصل في المريخ ..وذكر ابو جميل ناس الحكومي ومزمل بمكانة الهلال عندما قال كنا زمان بنقد في نادي الهلال زمن المريخ ماعندو نادي .كان هم وين ديل المعارفين يحترموا الناس ..وهاجم ابو جميل إدارة المريخ الحالية ووجه انتقاد لازع لمحمد سيد احمد وقال له لو الهلال ماعيزك تلعب في ملعبه مابتلعب لو جبت دبابات .مفروض الواحد يتأدب ويعرف التاريخ جيدا بدلا من يسل لسانو في الفاضي ويتبجح وهو ماعندو حاجة.

-*بالكلام القالو ابو جميل حقو محمد سيد احمد ومزمل يستفدان من الدرس المجاني ويتعلموا كيف بخاطبوا الأندية الكبيرة بكل احترام بدلا من السخف وقلة الادب
*علي العموم وليعلم محمد سيد احمد لن يلعب بارض الساجدين مها كان حتي لو اعتذر وتهديدو بحفنة الدولارات دي يمشي العليقي يجدعا لي في وشو ويشوف دلاقينو وين.

*بصراحة جمهور الهلال لم يتطمئن ابدا والمريخ يلعب بالجوهرة .خوفا من يدفنو فيها حاجة ويكسروا الكراسي .خليهم يمشوا شيكان..
امسح للحصول على الرابط
بواسطة : ادريس
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019