في السلك
بابكر سلك
رمضان في الضحية يافتحية!!!!
*شكل الالتزام بالمهام في كورتنا ضد الهلال كان مبشرا في الحكم على الجهاز التونسي
*وشكل الانضباط في التعامل مع الصيني
*خجلنا من شكل الانضباط في التعامل مع نفس الصيني حينما عاد بقراره من بورتسودان ورجع ليها بالطيارة
*جبناه بالطيارة وبايعنو بالخسارة
*لأننا غمضنا أعيننا عديل ولم نكتف بغض الطرف وقتها
*ومقدار اللياقة وارتفاع مستوى الغيرة يصب في صالح الجهاز التونسي
*فهل مستوى الخلاف الإداري المريخي سيرتقي للمستويات الفنية واللياقية والانضباطية التي بدأت تظهر بالمريخ؟؟؟
*أم سنواصل في سياسة القطيع وسواقة الخلا وزولي وزولك ونحن وإنتوا وكاس والاتحاد؟؟؟؟
*المهم
*أب شنب متزوج فتحية
*فتحية ما ناقشه أبو النوم
*تسمع ليها بكلام تلفحو من نصو وتقوم بيهو
*يوم سمعت بصيام يوم عرفة وفضله
*من سمعت الكلام ختت كباية الشاي وصامت
*صايمه صايمه لما يوم عرفه جا
*أب شنب أصلو ما سألها
*أول يوم في العيد لقاها صايمه
*قال ليها صايمه؟؟؟
*رمضان في الضحية يافتحية؟؟؟؟؟
*المهم
*مخرج المريخ يكمن في استقرار المريخ
*واستقرار المريخ في سيادة حكم القانون
*والقانون لا يخرج من بين طيات النظام الأساسي
*والنظام الأساسي ياتوووو؟؟؟؟
*الاعتمدت عليهو كاس
*ولا القال عليهو الاتحاد العام؟؟؟؟
*وكلو بالقانون
*نجاض الحميض ليس حدثا
*وإن أمطرت حصوا ما بتفلق زول غير أهل المريخ
*وعشان نحافظ على فواخيرنا دي
*حقو نتبع القانون
*ولا داعي لغزوة الخندق التي سمعنا عنها
*القانون ملحوق
*الخوف على الخندق ذاتو
*خندق في الخريف فيضان ماليهو حد ومد ما بقيف
*أيها الناس
*إيال هامد وإيال أند الرهين حا يبقوا لينا داحس وغبراء تقضي على الفرسان والحصين
*والمشكلة وين إن اقتنع الجميع بأنهم إيال المريخ وكفى!
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*تأجز لينا
*خروف ضحية تشتري لينا
*تجر الناس من إضنينا
*الثورة ما بتأجز يا والينا
سلك كهربا
ننساك كيف والكلب قال ثورتنا منقتنا ما بناكلها نية بالشطة بنرجاها تنجض بي راحتها ورانا شنو؟؟؟
وإلى لقاء.
بابكر سلك
رمضان في الضحية يافتحية!!!!
*شكل الالتزام بالمهام في كورتنا ضد الهلال كان مبشرا في الحكم على الجهاز التونسي
*وشكل الانضباط في التعامل مع الصيني
*خجلنا من شكل الانضباط في التعامل مع نفس الصيني حينما عاد بقراره من بورتسودان ورجع ليها بالطيارة
*جبناه بالطيارة وبايعنو بالخسارة
*لأننا غمضنا أعيننا عديل ولم نكتف بغض الطرف وقتها
*ومقدار اللياقة وارتفاع مستوى الغيرة يصب في صالح الجهاز التونسي
*فهل مستوى الخلاف الإداري المريخي سيرتقي للمستويات الفنية واللياقية والانضباطية التي بدأت تظهر بالمريخ؟؟؟
*أم سنواصل في سياسة القطيع وسواقة الخلا وزولي وزولك ونحن وإنتوا وكاس والاتحاد؟؟؟؟
*المهم
*أب شنب متزوج فتحية
*فتحية ما ناقشه أبو النوم
*تسمع ليها بكلام تلفحو من نصو وتقوم بيهو
*يوم سمعت بصيام يوم عرفة وفضله
*من سمعت الكلام ختت كباية الشاي وصامت
*صايمه صايمه لما يوم عرفه جا
*أب شنب أصلو ما سألها
*أول يوم في العيد لقاها صايمه
*قال ليها صايمه؟؟؟
*رمضان في الضحية يافتحية؟؟؟؟؟
*المهم
*مخرج المريخ يكمن في استقرار المريخ
*واستقرار المريخ في سيادة حكم القانون
*والقانون لا يخرج من بين طيات النظام الأساسي
*والنظام الأساسي ياتوووو؟؟؟؟
*الاعتمدت عليهو كاس
*ولا القال عليهو الاتحاد العام؟؟؟؟
*وكلو بالقانون
*نجاض الحميض ليس حدثا
*وإن أمطرت حصوا ما بتفلق زول غير أهل المريخ
*وعشان نحافظ على فواخيرنا دي
*حقو نتبع القانون
*ولا داعي لغزوة الخندق التي سمعنا عنها
*القانون ملحوق
*الخوف على الخندق ذاتو
*خندق في الخريف فيضان ماليهو حد ومد ما بقيف
*أيها الناس
*إيال هامد وإيال أند الرهين حا يبقوا لينا داحس وغبراء تقضي على الفرسان والحصين
*والمشكلة وين إن اقتنع الجميع بأنهم إيال المريخ وكفى!
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*تأجز لينا
*خروف ضحية تشتري لينا
*تجر الناس من إضنينا
*الثورة ما بتأجز يا والينا
سلك كهربا
ننساك كيف والكلب قال ثورتنا منقتنا ما بناكلها نية بالشطة بنرجاها تنجض بي راحتها ورانا شنو؟؟؟
وإلى لقاء.
