صابنها
محمد عبد الماجد
كابو والجاكومي (اللجنة المنظمة) للدوري والكأس
ضحكت عندما تحدث المريخاب عن جزئية غريبة في خطاب شكوى الهلال لمحمد سيد احمد الجاكومي للاتحاد العام عندما قالوا ان الهلال ذكر في خطابه للاتحاد ان الجاكومي في الابيض وفي المؤتمر الصحفي لمباراة القمة رفض مصافحة وفد الهلال .. من سخروا من ذلك لم يعلقوا لنا عن تصريح رئيس نادي المريخ فرع (حديقة الموردة) عندما علل نقل مباريات المريخ في مرحلة المجموعات في البطولة الافريقية الى القاهرة بقوله ان رئيس نادي الهلال هشام السوباط لم يرد على مكالمته الهاتفية له.
المريخاب لم يسخروا من خطاب المريخ للاتحاد العام الذي هدد فيه بالانسحاب وطالب ببرمجة مبارياته في الدوري الممتاز في ملعب شيكان بمدنية الابيض.
شخصيا اتمنى كما ذكرت سابقا ان تتم الموافقة للمريخ ليلعب مبارياته في الدوري الممتاز في ملعب شيكان ليظل المريخ في حالة تنقل دائما بين الخرطوم والأبيض كل 72 ساعة.
ليت الاتحاد يستجيب للمريخ في هذا الامر ويقوم باستثناء للمريخ ليلعب مبارياته في الابيض.
هذا الخطاب يمكن ان يكون اغبي خطاب في التاريخ .. اذ ان طلب المريخ هذا اذا تم الاستجابة له سوف يعرض المريخ للإرهاق والتعب .. ارجو ان يتم الموافقة عليه ، اتمنى ذلك .. رغم ان الاتحاد حدد قيام مباريات الدورة الثانية في الممتاز في ولاية الخرطوم .. وملعب شيكان يوجد في ولاية شمال دارفور.
حتى (الجغرافيا) عندكم فيها مشكلة.
لو كان المريخ يملك ملعب في الخرطوم ، او لو كان ملعب شيكان هذا في ولاية الخرطوم لما كان هناك مانع في ان يلعب المريخ مبارياته في ملعب شيكان .. او في أي ملعب اخر ان كان ذلك الملعب في ولاية الخرطوم.
اصلو ما في مشكلة.
نحن لم نكن نتمنى ان تصل العلاقة بين الهلال والمريخ الى هذا الحد – كان يمكن ان يلعب المريخ مبارياته في الدوري الممتاز في ملعب الهلال لو كان هناك احترام وتقدير من المريخ للهلال.
المريخ يريد ان يلعب مبارياته في الدوري الممتاز في ملعب الهلال غصبا عن الهلال وعنوة واقتدارا .. وهذا ما لا يمكن ان يسمح به الهلال.
على اجسادنا.
الجاكومي نائب رئيس المريخ (حديقة الموردة) والرئيس المناوب كما يطلق على نفسه .. هدد وأرغى وأزبد وقال ان الهلال لو لم يسمح للمريخ بان يلعب المريخ مبارياته في الدوري في استاد الهلال فلن نسمح للهلال ان يلعب بمبارياته في الدوري باستاد الهلال .. وتحدثوا في ذلك عن (تكافؤ الفرص) و (عدالة المنافسة) ، وكأنهم عندما لعبوا في القاهرة مع الاهلي في ملعبه كانوا في معسكر ودي.
تكافؤ الفرص وعدالة المنافسة في البطولة الافريقية كانت وين؟
يعني المريخ يلعب مبارياته الافريقية في القاهرة ..(ملعب الاهلي) ويلعب مبارياته الداخلية في الدوري في استاد الهلال.
على كيفهم.
والله دي (الدعم السريع) ما يعملها.
نطلع فاصل – ندردق في النجيلة ونرجع تاني.
الجاكومي سبق ذلك وأعلن الحرب على الهلال .. ويريد بعد تلك الحرب ان يلعب في استاد الهلال.
والله فالح.
انتوا ما تبقوا قدر حربكم.
الجرسة علي شنو؟
اثبتوا .. اركزوا على كلامكم.
عاوزين تحاربوا الهلال وتلعبوا في استاده.
ليه؟
قالوا ليكم استاد الهلال في (حلايب).
الجاكومي خاطب الاتحاد العام كممثل للمريخ (حديقة الموردة) وطالب بسداد الهلال مبلغ (500) الف دولار للمريخ… عبارة عن غرامة على الهلال لإحداث كانت في 2009م.
هل يفتكر الجاكومي ان استاد الهلال هذا هو (جنينة) السيد علي الميرغني يفعل فيها ما يشاء؟
بعد كل هذه الاشياء .. المريخ عاوز يلعب في استاد الهلال بوضع اليد.
عنوة واقتدارا.
الجاكومي ومعاه هيثم كابو (نسخة معدلة من محمد سيد احمد) خاطبوا الاتحاد وهددوا بالانسحاب وطالبوا ان يلعب الهلال مبارياته خارج ملعبه.
فالحين.
الجاكومي وكابو تعدوا على حق اللجنة المنظمة في الاتحاد العام .. وهما يبرمجان مباريات الهلال خارج ملعبه ومباريات المريخ في ملعب شيكان.
قالوا الهلال يلعب في جبل اولياء.
والمريخ يلعب في شيكان.
ونحن نقعد نعاين ليهم.
اللجنة المنظمة (الجاكومي وكابو) طالبت بتأجيل مباراة المريخ في كاس السودان لأغرب سبب.
المدير الفني للمريخ يريد تأجيل مباراة المريخ امام هلال التبلدي لأن الفريق في مرحلة اعداد.
فالح.
احسن نطلع فاصل ونرجع تاني.
نحن في منتصف الموسم … ومدرب المريخ يتحدث عن مرحلة اعداد وتأجيل مباراة.
جاء في خبر سبور تاق : (تفيد متابعات سبورتاق، أن المدير الفني للمريخ “غازي الغرايري”، قدم أمس طلبا للمسئولين بالنادي، لتأجيل مباراة الفريق في دور الستة عشر مكرر من مسابقة كأس السودان أمام هلال الأبيض. وتحصل “سبورتاق” على أسباب خطوة المدرب التونسي التي تتمثل أولا في خطوة أداء مباراة تنافسية خلال ال”72 ساعة” القادمة بعد أن بنى برنامجه التدريبي في الفترة الماضية على أن الفريق سيبدأ اللعب التنافسي بعد العاشر من يونيو وهو ما جعله يركز على الأحمال البدنية وإخضاع الفريق لبرنامج تدريبات مكثف صباحا ومساءا لزيادة معدلات اللياقة البدنية ومن ضمنه تجربة المريخ الإعدادية أمام الخرطوم الوطني التي كانت ضمن اختبار القوة والتحمل للاعبي الفريق. وبحسب ما تحصل عليه “سبورتاق”، فإن المدير الفني للمريخ يتخوف من تعرض لاعبيه لإصابات حال خوض مباراة تنافسية ضمن فترة الإعداد الحالية التي يخضع لها الفريق خصوصا وأن الروزنامة التي بنى عليها برنامجه التدريبي لم تكن تتضمن أداء مباراة تنافسية قبل العاشر من يونيو).
انتوا قادرين تتخيلوا (العبط) دا.
عشان لعبوا مباراة اعدادية من الخرطوم الوطني طالبوا بتأجيل مباراة كاس السودان الرسمية.
الغريبة ان الاتحاد استجاب لطلب المريخ وقام بتأجيل مباريات كاس السودان – عشان المريخ في مرحلة اعداد .. والمدير الفني تخوف من ان يلعب بدون الدوليين.
تأجيل مباريات كأس السودان سوف يعرض الهلال لضغوط اخرى .. لأن الهلال في التاريخ الجديد الذي حدد لمباريات كاس السودان سوف يلعب امام الاهلي الخرطوم.
مباراة الهلال امام اتحاد البشاقرة سوف يحدد تاريخها في وقت لاحق.
يبدو ان المريخ ماسك الاتحاد من ايدو البتوجعو .. وإلّا ما كان من المدير الفني للمريخ وهو (اجنبي) ان يتفوه بهذا الطلب الغريب… وما كان الاتحاد يستجيب للمريخ .. ويقوم بإصدار جدولة لمباريات كاس السودان ثلاث مرات خلال 48 ساعة.
الكلام دا في الواق الواق لا يمكن ان يحصل.
نحن كنا فاكرين البلد دي مشكلتها في الكهربة.
في الدعم السريع.
المشكلة طلعت في المريخ.
وفي الاتحاد.
المريخ لعب الدورة الاولى بـ (41) لاعبا .. وبتحدثوا عن تكافؤ الفرص وعدالة المنافسة.
قلبوا معسكر المنتخب الوطني غرفة تسجيلات لنادي المريخ .. وبتكلموا عن تكافؤ الفرص وعدالة المنافسة.
المدير الفني للمنتخب برهان تية ومساعده محسن سيد …. اعضاء في اللجنة الفنية لتسجيلات المريخ …. وبتكلموا عن تكافؤ الفرص وعدالة المنافسة.
تم تأجيل الدوري الممتاز لمدة 3 اسابيع … عشان المريخ تعثر في اخر ثلاث جولات في الدورى … وبتكلموا عن تكافؤ الفرص وعدالة المنافسة.
اول مرة اعرف ان تكافؤ الفرص وعدالة المنافسة هي عبارة عن (خيار) و (فقوس) وحمام مبيت كمان.
الاهلي المصري يدفع ليكم عشان تلعبوا مباريات المجموعات في ملعبه.
والدعم السريع تصين ليكم ملعب المريخ.
وعاوزين يلعبوا الدوري في استاد الهلال.
بيت ابوك ان خرب ما تجي حايم علينا في استاد الهلال.
ما نشوفك هناك.
قروش الحكومة اصلا ما بتنفع.
ولا بتدوم.
محمد عبد الماجد
كابو والجاكومي (اللجنة المنظمة) للدوري والكأس
ضحكت عندما تحدث المريخاب عن جزئية غريبة في خطاب شكوى الهلال لمحمد سيد احمد الجاكومي للاتحاد العام عندما قالوا ان الهلال ذكر في خطابه للاتحاد ان الجاكومي في الابيض وفي المؤتمر الصحفي لمباراة القمة رفض مصافحة وفد الهلال .. من سخروا من ذلك لم يعلقوا لنا عن تصريح رئيس نادي المريخ فرع (حديقة الموردة) عندما علل نقل مباريات المريخ في مرحلة المجموعات في البطولة الافريقية الى القاهرة بقوله ان رئيس نادي الهلال هشام السوباط لم يرد على مكالمته الهاتفية له.
المريخاب لم يسخروا من خطاب المريخ للاتحاد العام الذي هدد فيه بالانسحاب وطالب ببرمجة مبارياته في الدوري الممتاز في ملعب شيكان بمدنية الابيض.
شخصيا اتمنى كما ذكرت سابقا ان تتم الموافقة للمريخ ليلعب مبارياته في الدوري الممتاز في ملعب شيكان ليظل المريخ في حالة تنقل دائما بين الخرطوم والأبيض كل 72 ساعة.
ليت الاتحاد يستجيب للمريخ في هذا الامر ويقوم باستثناء للمريخ ليلعب مبارياته في الابيض.
هذا الخطاب يمكن ان يكون اغبي خطاب في التاريخ .. اذ ان طلب المريخ هذا اذا تم الاستجابة له سوف يعرض المريخ للإرهاق والتعب .. ارجو ان يتم الموافقة عليه ، اتمنى ذلك .. رغم ان الاتحاد حدد قيام مباريات الدورة الثانية في الممتاز في ولاية الخرطوم .. وملعب شيكان يوجد في ولاية شمال دارفور.
حتى (الجغرافيا) عندكم فيها مشكلة.
لو كان المريخ يملك ملعب في الخرطوم ، او لو كان ملعب شيكان هذا في ولاية الخرطوم لما كان هناك مانع في ان يلعب المريخ مبارياته في ملعب شيكان .. او في أي ملعب اخر ان كان ذلك الملعب في ولاية الخرطوم.
اصلو ما في مشكلة.
نحن لم نكن نتمنى ان تصل العلاقة بين الهلال والمريخ الى هذا الحد – كان يمكن ان يلعب المريخ مبارياته في الدوري الممتاز في ملعب الهلال لو كان هناك احترام وتقدير من المريخ للهلال.
المريخ يريد ان يلعب مبارياته في الدوري الممتاز في ملعب الهلال غصبا عن الهلال وعنوة واقتدارا .. وهذا ما لا يمكن ان يسمح به الهلال.
على اجسادنا.
الجاكومي نائب رئيس المريخ (حديقة الموردة) والرئيس المناوب كما يطلق على نفسه .. هدد وأرغى وأزبد وقال ان الهلال لو لم يسمح للمريخ بان يلعب المريخ مبارياته في الدوري في استاد الهلال فلن نسمح للهلال ان يلعب بمبارياته في الدوري باستاد الهلال .. وتحدثوا في ذلك عن (تكافؤ الفرص) و (عدالة المنافسة) ، وكأنهم عندما لعبوا في القاهرة مع الاهلي في ملعبه كانوا في معسكر ودي.
تكافؤ الفرص وعدالة المنافسة في البطولة الافريقية كانت وين؟
يعني المريخ يلعب مبارياته الافريقية في القاهرة ..(ملعب الاهلي) ويلعب مبارياته الداخلية في الدوري في استاد الهلال.
على كيفهم.
والله دي (الدعم السريع) ما يعملها.
نطلع فاصل – ندردق في النجيلة ونرجع تاني.
الجاكومي سبق ذلك وأعلن الحرب على الهلال .. ويريد بعد تلك الحرب ان يلعب في استاد الهلال.
والله فالح.
انتوا ما تبقوا قدر حربكم.
الجرسة علي شنو؟
اثبتوا .. اركزوا على كلامكم.
عاوزين تحاربوا الهلال وتلعبوا في استاده.
ليه؟
قالوا ليكم استاد الهلال في (حلايب).
الجاكومي خاطب الاتحاد العام كممثل للمريخ (حديقة الموردة) وطالب بسداد الهلال مبلغ (500) الف دولار للمريخ… عبارة عن غرامة على الهلال لإحداث كانت في 2009م.
هل يفتكر الجاكومي ان استاد الهلال هذا هو (جنينة) السيد علي الميرغني يفعل فيها ما يشاء؟
بعد كل هذه الاشياء .. المريخ عاوز يلعب في استاد الهلال بوضع اليد.
عنوة واقتدارا.
الجاكومي ومعاه هيثم كابو (نسخة معدلة من محمد سيد احمد) خاطبوا الاتحاد وهددوا بالانسحاب وطالبوا ان يلعب الهلال مبارياته خارج ملعبه.
فالحين.
الجاكومي وكابو تعدوا على حق اللجنة المنظمة في الاتحاد العام .. وهما يبرمجان مباريات الهلال خارج ملعبه ومباريات المريخ في ملعب شيكان.
قالوا الهلال يلعب في جبل اولياء.
والمريخ يلعب في شيكان.
ونحن نقعد نعاين ليهم.
اللجنة المنظمة (الجاكومي وكابو) طالبت بتأجيل مباراة المريخ في كاس السودان لأغرب سبب.
المدير الفني للمريخ يريد تأجيل مباراة المريخ امام هلال التبلدي لأن الفريق في مرحلة اعداد.
فالح.
احسن نطلع فاصل ونرجع تاني.
نحن في منتصف الموسم … ومدرب المريخ يتحدث عن مرحلة اعداد وتأجيل مباراة.
جاء في خبر سبور تاق : (تفيد متابعات سبورتاق، أن المدير الفني للمريخ “غازي الغرايري”، قدم أمس طلبا للمسئولين بالنادي، لتأجيل مباراة الفريق في دور الستة عشر مكرر من مسابقة كأس السودان أمام هلال الأبيض. وتحصل “سبورتاق” على أسباب خطوة المدرب التونسي التي تتمثل أولا في خطوة أداء مباراة تنافسية خلال ال”72 ساعة” القادمة بعد أن بنى برنامجه التدريبي في الفترة الماضية على أن الفريق سيبدأ اللعب التنافسي بعد العاشر من يونيو وهو ما جعله يركز على الأحمال البدنية وإخضاع الفريق لبرنامج تدريبات مكثف صباحا ومساءا لزيادة معدلات اللياقة البدنية ومن ضمنه تجربة المريخ الإعدادية أمام الخرطوم الوطني التي كانت ضمن اختبار القوة والتحمل للاعبي الفريق. وبحسب ما تحصل عليه “سبورتاق”، فإن المدير الفني للمريخ يتخوف من تعرض لاعبيه لإصابات حال خوض مباراة تنافسية ضمن فترة الإعداد الحالية التي يخضع لها الفريق خصوصا وأن الروزنامة التي بنى عليها برنامجه التدريبي لم تكن تتضمن أداء مباراة تنافسية قبل العاشر من يونيو).
انتوا قادرين تتخيلوا (العبط) دا.
عشان لعبوا مباراة اعدادية من الخرطوم الوطني طالبوا بتأجيل مباراة كاس السودان الرسمية.
الغريبة ان الاتحاد استجاب لطلب المريخ وقام بتأجيل مباريات كاس السودان – عشان المريخ في مرحلة اعداد .. والمدير الفني تخوف من ان يلعب بدون الدوليين.
تأجيل مباريات كأس السودان سوف يعرض الهلال لضغوط اخرى .. لأن الهلال في التاريخ الجديد الذي حدد لمباريات كاس السودان سوف يلعب امام الاهلي الخرطوم.
مباراة الهلال امام اتحاد البشاقرة سوف يحدد تاريخها في وقت لاحق.
يبدو ان المريخ ماسك الاتحاد من ايدو البتوجعو .. وإلّا ما كان من المدير الفني للمريخ وهو (اجنبي) ان يتفوه بهذا الطلب الغريب… وما كان الاتحاد يستجيب للمريخ .. ويقوم بإصدار جدولة لمباريات كاس السودان ثلاث مرات خلال 48 ساعة.
الكلام دا في الواق الواق لا يمكن ان يحصل.
نحن كنا فاكرين البلد دي مشكلتها في الكهربة.
في الدعم السريع.
المشكلة طلعت في المريخ.
وفي الاتحاد.
المريخ لعب الدورة الاولى بـ (41) لاعبا .. وبتحدثوا عن تكافؤ الفرص وعدالة المنافسة.
قلبوا معسكر المنتخب الوطني غرفة تسجيلات لنادي المريخ .. وبتكلموا عن تكافؤ الفرص وعدالة المنافسة.
المدير الفني للمنتخب برهان تية ومساعده محسن سيد …. اعضاء في اللجنة الفنية لتسجيلات المريخ …. وبتكلموا عن تكافؤ الفرص وعدالة المنافسة.
تم تأجيل الدوري الممتاز لمدة 3 اسابيع … عشان المريخ تعثر في اخر ثلاث جولات في الدورى … وبتكلموا عن تكافؤ الفرص وعدالة المنافسة.
اول مرة اعرف ان تكافؤ الفرص وعدالة المنافسة هي عبارة عن (خيار) و (فقوس) وحمام مبيت كمان.
الاهلي المصري يدفع ليكم عشان تلعبوا مباريات المجموعات في ملعبه.
والدعم السريع تصين ليكم ملعب المريخ.
وعاوزين يلعبوا الدوري في استاد الهلال.
بيت ابوك ان خرب ما تجي حايم علينا في استاد الهلال.
ما نشوفك هناك.
قروش الحكومة اصلا ما بتنفع.
ولا بتدوم.
