في السلك
بابكر سلك
ده ماوكتو
*الناس فتحوا ملفات المجلس
*نحن نقول يا الله والناس تقول استغفر الله
*مليانيييين مشاكل
*والظرف ما بتحمل
*نحتاج للتركيز
*عسانا بل لعلنا نخطف بطاقة التأهل
*يبقى فتح الملفات في هذا التوقيت لمحاسبة المجلس ده ماوكتو
*المجلس ذاتو عمرو كم؟؟؟
*ضف إلى ذلك ظروف العجالة والإعداد والاستعداد والتنافس الكابست المجلس منذ توليه المسؤولية
*والمجلس ذاتو شاعر بعدم الاستقرار والديمومة
*فالصيرورة لا تعني الديمومة
*طالما الملف الكبير لسه قدام كاس
*اصبروا لما تصدر كاس قرارا بتحول الصيرورة لديمومة
*وبعد داك نبدأ في فتح الملفات
*وفتح الملفات بحسن نية
*بحيث لا يكون الهدف منه إدانة المجلس بالفشل
*بقدر ما يكون هدفه تقويم الاعوجاج وتقديم النصح
*ده المريخ يا ناس، ما شي تاني
*عليه نلتمس من السادة الأعضاء وأعضاء اللجان المساعدة أن يصفوا النية
*وأن يتعاملوا بقدر الإمكان مع بعضهم ويتعاونوا على خدمة الكيان ولو بالحد الأدنى
*ده المريخ ما شي تاني
*أيها الناس
*اعتناق المريخ على طريقة الما عندو شيخ ما عندو دين
*ده سبب الخلاف والاختلاف والتحزب الحاصل في المريخ
*وده البقودنا لمزيد من التشرزم
*وده البخلينا شظايا متناثرة بعد ما كنا قنبلة متماسكة يهابها الجميع
*في قصة الانتماء دي الدين هو المريخ
*بعد داك كلو زول وعبادتو وتقربو من دينو
*القصة ما محتاجة شيخ وسيط محبة
*ولا العشق محتاج شيخ يشرح للناس كيفية اعتناق المريخ
*لذا ولكل ذلك
*شيلوا الصبر
*لا تيأسوا من التأهل
*تناسوا الصغائر لأجل انجاز كبير
*ولو مادايرين تحبوا بعضكم
*حبوا المريخ مباشر وسيبادلكم حبكم
*المهم
*قصة صرف الرجل الواحد ورأي الرجل الواحد دي ما بتنتهي من أنديتنا
*طالما بنفكر نجيب منو رئيس يكون مقتدر ماليا
*طبيعي البصرف هو الوحيد البتصرف
*إذا تطور مفهومنا في مواصفات أعضاء المجلس الدايرنو
*بالتأكيد حا نختار مجلس يرضي الطموحات ويقودنا نحو الأحلام
*وإلى ذلك الحين
*لا تستنكروا فعل من يدفع منفردا إذا قرر منفردا
*اللهم زد عجائب الدنيا واحدة
*واعملن تمنية
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*صحي شحدوا الزول يقدم الدعم لينا؟؟؟؟؟
سلك كهربا
ننساك كيف والكلب قال معقولة بس والكمساري يكورك ثورة ثورة!!!!
وإلى لقاء.
بابكر سلك
ده ماوكتو
*الناس فتحوا ملفات المجلس
*نحن نقول يا الله والناس تقول استغفر الله
*مليانيييين مشاكل
*والظرف ما بتحمل
*نحتاج للتركيز
*عسانا بل لعلنا نخطف بطاقة التأهل
*يبقى فتح الملفات في هذا التوقيت لمحاسبة المجلس ده ماوكتو
*المجلس ذاتو عمرو كم؟؟؟
*ضف إلى ذلك ظروف العجالة والإعداد والاستعداد والتنافس الكابست المجلس منذ توليه المسؤولية
*والمجلس ذاتو شاعر بعدم الاستقرار والديمومة
*فالصيرورة لا تعني الديمومة
*طالما الملف الكبير لسه قدام كاس
*اصبروا لما تصدر كاس قرارا بتحول الصيرورة لديمومة
*وبعد داك نبدأ في فتح الملفات
*وفتح الملفات بحسن نية
*بحيث لا يكون الهدف منه إدانة المجلس بالفشل
*بقدر ما يكون هدفه تقويم الاعوجاج وتقديم النصح
*ده المريخ يا ناس، ما شي تاني
*عليه نلتمس من السادة الأعضاء وأعضاء اللجان المساعدة أن يصفوا النية
*وأن يتعاملوا بقدر الإمكان مع بعضهم ويتعاونوا على خدمة الكيان ولو بالحد الأدنى
*ده المريخ ما شي تاني
*أيها الناس
*اعتناق المريخ على طريقة الما عندو شيخ ما عندو دين
*ده سبب الخلاف والاختلاف والتحزب الحاصل في المريخ
*وده البقودنا لمزيد من التشرزم
*وده البخلينا شظايا متناثرة بعد ما كنا قنبلة متماسكة يهابها الجميع
*في قصة الانتماء دي الدين هو المريخ
*بعد داك كلو زول وعبادتو وتقربو من دينو
*القصة ما محتاجة شيخ وسيط محبة
*ولا العشق محتاج شيخ يشرح للناس كيفية اعتناق المريخ
*لذا ولكل ذلك
*شيلوا الصبر
*لا تيأسوا من التأهل
*تناسوا الصغائر لأجل انجاز كبير
*ولو مادايرين تحبوا بعضكم
*حبوا المريخ مباشر وسيبادلكم حبكم
*المهم
*قصة صرف الرجل الواحد ورأي الرجل الواحد دي ما بتنتهي من أنديتنا
*طالما بنفكر نجيب منو رئيس يكون مقتدر ماليا
*طبيعي البصرف هو الوحيد البتصرف
*إذا تطور مفهومنا في مواصفات أعضاء المجلس الدايرنو
*بالتأكيد حا نختار مجلس يرضي الطموحات ويقودنا نحو الأحلام
*وإلى ذلك الحين
*لا تستنكروا فعل من يدفع منفردا إذا قرر منفردا
*اللهم زد عجائب الدنيا واحدة
*واعملن تمنية
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف علينا
*صحي شحدوا الزول يقدم الدعم لينا؟؟؟؟؟
سلك كهربا
ننساك كيف والكلب قال معقولة بس والكمساري يكورك ثورة ثورة!!!!
وإلى لقاء.
