في السلك
بابكر سلك
كبسولة لكل كبسور
*أداء المريخ أمام الأهلي كان غير
*إلى وقت قريب مباريات زي دي كنا بنلعبها بطريقة كبسولة لكل كبسور
*يعني مان تو مان
*يعني كلو زول يموت مع زولو
*ندافع بس
*ما كان عندنا أدنى طموح لرؤية وجه حارس الأهلي
*لأن عدم الثقة في أنفسنا إدارات وأجهزة فنية وإعلام ولاعبين وجماهير
*كان بجبرنا على الخروج بأقل الخسائر ولو على ارضنا
*القصة دي في المباراة الأخيرة كانت غير
*دفاع بطريقة منطقة عسكرية وإن وجدت به بعض الهنات
*ودوريات تمشيط أفلحت في التجوال علي أرض العدو وأصابت شباكه مرتين
*كان يمكن أن تكون أربع مرات
*ولكن تسرع رمضان وعدم تركيزه
*وحظ الصيني في الدوشكا التي أطلقها في الشوط الأول
*حصرت الغنائم في غنيمتين
*مباراة الأهلي السنة الفاتت اللعبناها بإستاد الهلال
*لو خضناها بنصف الثقة التي خضنا بها لقاء أمس الأول
*كان الأهلي اتفرتق
*عموما
*الإيجابيات كتيرة يجب التركيز عليها
*والسلبيات نقصت
*والحقيقة كانت من أجمل مباريات المريخ في السنوات الأخيرة من حيث الانضباط وفهم أي زول لي دورو
*المهم
*الكبسولة لغير الناطقين بها
*هي ذلك الجسم الأسطواني الذي تم توزيعه على الأحياء كمركز للشرطة الشعبية بالحي
*عشان يمنع الجريمة ويكون قريب للأحداث ويحمي الحي
*ناس حلتنا استفادوا من الكبسولة لأنو كانوا ببيتوا جمبها عرباتهم
*أما كبسور
*فهو تلك الشخصية الكوميدية التي لعبها الرائع دكتور فيصل سعد
*وكبسور بدا شكاوي
*قال أهلي الخرطوم مدعوم من مناوي
*وقونو بتاع أهلي مصر الشناوي
*ناس الكبسولة قالوا ليهو شناوي مناوي أهلاوي قاااااااعد الصاوي
*المهم
*عودتنا إلى أرض الترس أضحت ضرورة
*الأهلي ده لو نقابلو في تقاطع التيجاني الماحي ما بنقابلو في القاهرة
*وعلى المجلس أن يصر على نقل المباراة
*لازم يتشفتن عشان ما نتبشتن
*حرام يرافق الأهلي صن داونز
*ونرافق نحن ناس عملوا جمعية النظام الأساسي بالكراسي
*حبة تركيز وشفتنة حا نمشي لي قدام بأمانة وغيرنا يمشي الحتانة
*أيها الناس
*ليه النظام الأساسي المتماشي مع نظام الاتحاد الأساسي المستمد من نظام الفيفا الأساسي المرتكز على الميثاق الأولمبي الدولي
*ليه بعمل مشاكل قدر ده في البلد دي؟؟؟..
*عالم تعشق الفوضي
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*المرة دي الكبسولة دخلونا فيها يا أخينا
سلك كهربا
ننساك كيف والكلب قال قول دخلوكم الكبسولة كبسوركم بخليكم؟؟؟؟
وإلى لقاء...
بابكر سلك
كبسولة لكل كبسور
*أداء المريخ أمام الأهلي كان غير
*إلى وقت قريب مباريات زي دي كنا بنلعبها بطريقة كبسولة لكل كبسور
*يعني مان تو مان
*يعني كلو زول يموت مع زولو
*ندافع بس
*ما كان عندنا أدنى طموح لرؤية وجه حارس الأهلي
*لأن عدم الثقة في أنفسنا إدارات وأجهزة فنية وإعلام ولاعبين وجماهير
*كان بجبرنا على الخروج بأقل الخسائر ولو على ارضنا
*القصة دي في المباراة الأخيرة كانت غير
*دفاع بطريقة منطقة عسكرية وإن وجدت به بعض الهنات
*ودوريات تمشيط أفلحت في التجوال علي أرض العدو وأصابت شباكه مرتين
*كان يمكن أن تكون أربع مرات
*ولكن تسرع رمضان وعدم تركيزه
*وحظ الصيني في الدوشكا التي أطلقها في الشوط الأول
*حصرت الغنائم في غنيمتين
*مباراة الأهلي السنة الفاتت اللعبناها بإستاد الهلال
*لو خضناها بنصف الثقة التي خضنا بها لقاء أمس الأول
*كان الأهلي اتفرتق
*عموما
*الإيجابيات كتيرة يجب التركيز عليها
*والسلبيات نقصت
*والحقيقة كانت من أجمل مباريات المريخ في السنوات الأخيرة من حيث الانضباط وفهم أي زول لي دورو
*المهم
*الكبسولة لغير الناطقين بها
*هي ذلك الجسم الأسطواني الذي تم توزيعه على الأحياء كمركز للشرطة الشعبية بالحي
*عشان يمنع الجريمة ويكون قريب للأحداث ويحمي الحي
*ناس حلتنا استفادوا من الكبسولة لأنو كانوا ببيتوا جمبها عرباتهم
*أما كبسور
*فهو تلك الشخصية الكوميدية التي لعبها الرائع دكتور فيصل سعد
*وكبسور بدا شكاوي
*قال أهلي الخرطوم مدعوم من مناوي
*وقونو بتاع أهلي مصر الشناوي
*ناس الكبسولة قالوا ليهو شناوي مناوي أهلاوي قاااااااعد الصاوي
*المهم
*عودتنا إلى أرض الترس أضحت ضرورة
*الأهلي ده لو نقابلو في تقاطع التيجاني الماحي ما بنقابلو في القاهرة
*وعلى المجلس أن يصر على نقل المباراة
*لازم يتشفتن عشان ما نتبشتن
*حرام يرافق الأهلي صن داونز
*ونرافق نحن ناس عملوا جمعية النظام الأساسي بالكراسي
*حبة تركيز وشفتنة حا نمشي لي قدام بأمانة وغيرنا يمشي الحتانة
*أيها الناس
*ليه النظام الأساسي المتماشي مع نظام الاتحاد الأساسي المستمد من نظام الفيفا الأساسي المرتكز على الميثاق الأولمبي الدولي
*ليه بعمل مشاكل قدر ده في البلد دي؟؟؟..
*عالم تعشق الفوضي
*أيها الناس
*إن تنصروا الله ينصركم
*أها
*نجي لي شمارات والي الخرتوم
*والينا المكلف بينا
*المرة دي الكبسولة دخلونا فيها يا أخينا
سلك كهربا
ننساك كيف والكلب قال قول دخلوكم الكبسولة كبسوركم بخليكم؟؟؟؟
وإلى لقاء...
