قزاز ورذاذ
محمد الطيب الأمين
عندهم كورونا وشوية (بُرجُم) !!
_______
* لأول مرة أحس أن لوباء كورونا فائدة .
* كورونا غير الموت والخوف والمحاذير لم يعرف لها أحد فائدة أو حسنة .
* ولكن بالأمس ظهرت فوائد هذا المرض .
* فوائد تمثلت في تأكيد أن لكل ظالم نهاية .
* بلعبة طبية قذرة أخرج الاشانتي الغاني بطل موريتانيا من دوري أبطال أفريقيا.
* الاشانتي في تلك المباراة خرج عن الخلق الرياضي والإنساني وهو يقوم بتزوير نتائج فحوصات الموريتاني .
* تأهل الاشانتي لهذه المرحلة بطريقة غير أخلاقية والحمد لله ها هو يشرب من ذات الكأس.
* نفس (الكوز) السقيتوا بيهو الموريتاني أهو شربتوا بيهو أنتو ذاتكم.
* مع إختلاف طفيف طبعاً .
* الإختلاف يكمن في أن نتائج فحوصات الاشانتي بالخرطوم صحيحة .
* الهلال عندما ذهب إلي غانا أجرى الفحوصات بطريقته الخاصة ، قبل أن يأتي ويحتكم للكشف الطبي الأخير تحت إشراف الكاف ممثلاً في مراقب المباراة .
* وحتى الكشف الطبي الذي تم تحت إشراف الكاف لعب عليه الاشانتي وقال أن اثنين من الهلال حالة اشتباه (الطيب عبد الرازق والسموأل) .
* والاشانتي عندما وصل الخرطوم أجرى أيضاً الفحوصات بطريقته الخاصة .
* عملوا فحوصات بطريقتهم وبدعم ووقفة مخجلة من بعض السودانيين .
* في سودانيين مننا وفينا اتبرعوا للاشانتي بالمعمل وربما رسوم الفحص.
* يعني الفحوصات التي أطاحت بالغاني لم تتم بواسطة الهلال.
* تمت بعيداً عنا ومع ذلك أثبتت أيجابياتها.
* عشان تعرفوا الرياضة أخلاق.
* ألصق الاشانتي المرض تزويراً في الموريتاني وها هو المرض يلتصق فيه حقيقة وليس تزويرا.
* كنا نتمنى والله أن تلعب المباراة .
* ما في هلالابي كان بتمنى تتلغي المباراة.
* أي هلالابي قابلتو كان زعلان للالغاء.
* فزنا على الاشانتي بمعقله وفوزنا عليه هنا لم تحرمنا منه إلا كورونا.
* كل نجوم الهلال دخلوا في حالة من الإحباط فقد كانوا يخططون لتقديم مباراة كبيرة يمسحون بها الصورة المهزوزة التي ظهر بها الفريق في المباريات الدورية المحلية.
* كما أن الحافز المالي الكبير الذي رصده معالي المستشار قد حمس اللاعبين بصورة أكبر.
* صحيح الهلال تأهل للمجموعات ولكنه تأهل لم يعجبنا.
* الأسد ما بيأكل الميتة .
* لكن ما مشكلة .
* في سبيل أن يعي الغاني الدرس نقول مبروك والقادم أجمل.
* أما بالنسبة لحديث إدارة الاشانتي وتشكيكهم في نزاهة الفحوصات فهذا حديث مثير للضحك والدهشة .
* فحوصات عملتها أنت براك .
* بل أن الهلال ما كان يعلم مكان وزمان الفحوصات التي أجراها الغاني .
* يعني المعمل حقكم والنتائج حقتكم .
* الهلال لو داير يلعب في الفحوصات أو لو داير يتعامل معاكم بما تستحقوا من معاملة لما إختار سبعة لاعبين.
* كنا بنختار تلاتة لاعبين بس .
* عشان نبعد الشبهات بنختار أتنين تلاتة .
* لكن سبعة عديل .
* ده شغل طب بعد كده .
* أعتقد الآن أن المشكلة ليس في حقيقة نتائج الفحوصات وتأهل الهلال ، المشكلة في أن هذا العدد الكبير من الإصابات له مؤشرات خطيرة يجب أن تنتبه لها الحكومة الغانية .
* نحن ما فارقة معانا .
* كورونا ولا حصبة ولا بُرجم كنا ح نتأهل يعني ح نتأهل.
* يعني أنا غالبك في بلدك داير تجي تتفاصح لي هنا ؟
* امشوا الكونفدرالية وياريت تبطلوا الأساليب القذرة دي .
* الاشانتي داير يواصل السير في درب البطولة (حنك ساكت) .
* أي فريق سيذهب إلي غانا سيكون مصيره مصير الموريتاني.
* ولو ما كانت مباراة الذهاب حقتنا بغانا لما تأهل الهلال.
* كان ثبتوا فينا كورونا من أول لاخر لاعب .
* لكن الحمد لله الذهاب كانت عندهم والإياب عندنا .
* والحمد لله الهلال ترقى للمرحلة المحببة له .
* لن نفرح بهذه المرحلة لأن العادي لا يدهش .
* نقول مبروك والقادم أصعب.
* ونركب صافنات ونجيبة (هلالابية) واصلو الزول بيموت والذكرى تفضل حية .
* و..و..
* والله في .
محمد الطيب الأمين
عندهم كورونا وشوية (بُرجُم) !!
_______
* لأول مرة أحس أن لوباء كورونا فائدة .
* كورونا غير الموت والخوف والمحاذير لم يعرف لها أحد فائدة أو حسنة .
* ولكن بالأمس ظهرت فوائد هذا المرض .
* فوائد تمثلت في تأكيد أن لكل ظالم نهاية .
* بلعبة طبية قذرة أخرج الاشانتي الغاني بطل موريتانيا من دوري أبطال أفريقيا.
* الاشانتي في تلك المباراة خرج عن الخلق الرياضي والإنساني وهو يقوم بتزوير نتائج فحوصات الموريتاني .
* تأهل الاشانتي لهذه المرحلة بطريقة غير أخلاقية والحمد لله ها هو يشرب من ذات الكأس.
* نفس (الكوز) السقيتوا بيهو الموريتاني أهو شربتوا بيهو أنتو ذاتكم.
* مع إختلاف طفيف طبعاً .
* الإختلاف يكمن في أن نتائج فحوصات الاشانتي بالخرطوم صحيحة .
* الهلال عندما ذهب إلي غانا أجرى الفحوصات بطريقته الخاصة ، قبل أن يأتي ويحتكم للكشف الطبي الأخير تحت إشراف الكاف ممثلاً في مراقب المباراة .
* وحتى الكشف الطبي الذي تم تحت إشراف الكاف لعب عليه الاشانتي وقال أن اثنين من الهلال حالة اشتباه (الطيب عبد الرازق والسموأل) .
* والاشانتي عندما وصل الخرطوم أجرى أيضاً الفحوصات بطريقته الخاصة .
* عملوا فحوصات بطريقتهم وبدعم ووقفة مخجلة من بعض السودانيين .
* في سودانيين مننا وفينا اتبرعوا للاشانتي بالمعمل وربما رسوم الفحص.
* يعني الفحوصات التي أطاحت بالغاني لم تتم بواسطة الهلال.
* تمت بعيداً عنا ومع ذلك أثبتت أيجابياتها.
* عشان تعرفوا الرياضة أخلاق.
* ألصق الاشانتي المرض تزويراً في الموريتاني وها هو المرض يلتصق فيه حقيقة وليس تزويرا.
* كنا نتمنى والله أن تلعب المباراة .
* ما في هلالابي كان بتمنى تتلغي المباراة.
* أي هلالابي قابلتو كان زعلان للالغاء.
* فزنا على الاشانتي بمعقله وفوزنا عليه هنا لم تحرمنا منه إلا كورونا.
* كل نجوم الهلال دخلوا في حالة من الإحباط فقد كانوا يخططون لتقديم مباراة كبيرة يمسحون بها الصورة المهزوزة التي ظهر بها الفريق في المباريات الدورية المحلية.
* كما أن الحافز المالي الكبير الذي رصده معالي المستشار قد حمس اللاعبين بصورة أكبر.
* صحيح الهلال تأهل للمجموعات ولكنه تأهل لم يعجبنا.
* الأسد ما بيأكل الميتة .
* لكن ما مشكلة .
* في سبيل أن يعي الغاني الدرس نقول مبروك والقادم أجمل.
* أما بالنسبة لحديث إدارة الاشانتي وتشكيكهم في نزاهة الفحوصات فهذا حديث مثير للضحك والدهشة .
* فحوصات عملتها أنت براك .
* بل أن الهلال ما كان يعلم مكان وزمان الفحوصات التي أجراها الغاني .
* يعني المعمل حقكم والنتائج حقتكم .
* الهلال لو داير يلعب في الفحوصات أو لو داير يتعامل معاكم بما تستحقوا من معاملة لما إختار سبعة لاعبين.
* كنا بنختار تلاتة لاعبين بس .
* عشان نبعد الشبهات بنختار أتنين تلاتة .
* لكن سبعة عديل .
* ده شغل طب بعد كده .
* أعتقد الآن أن المشكلة ليس في حقيقة نتائج الفحوصات وتأهل الهلال ، المشكلة في أن هذا العدد الكبير من الإصابات له مؤشرات خطيرة يجب أن تنتبه لها الحكومة الغانية .
* نحن ما فارقة معانا .
* كورونا ولا حصبة ولا بُرجم كنا ح نتأهل يعني ح نتأهل.
* يعني أنا غالبك في بلدك داير تجي تتفاصح لي هنا ؟
* امشوا الكونفدرالية وياريت تبطلوا الأساليب القذرة دي .
* الاشانتي داير يواصل السير في درب البطولة (حنك ساكت) .
* أي فريق سيذهب إلي غانا سيكون مصيره مصير الموريتاني.
* ولو ما كانت مباراة الذهاب حقتنا بغانا لما تأهل الهلال.
* كان ثبتوا فينا كورونا من أول لاخر لاعب .
* لكن الحمد لله الذهاب كانت عندهم والإياب عندنا .
* والحمد لله الهلال ترقى للمرحلة المحببة له .
* لن نفرح بهذه المرحلة لأن العادي لا يدهش .
* نقول مبروك والقادم أصعب.
* ونركب صافنات ونجيبة (هلالابية) واصلو الزول بيموت والذكرى تفضل حية .
* و..و..
* والله في .
