بالعربي الكسيح
محمد الطيب الأمين
خبر مُفرح .. سوداكال يتحصل على موافقة السلطات بإستيراد لقاح كورونا !!
* في علم الطب يقولون أن (وجع البطن) سببو سيدو .
* وجع بطنك سببو أنت .
* ما بتنفع معاك (الشطة) ما في داعي تأكل شطة .
* ما بنفع معاك اللبن يبقى ما في داعي تشربو.
* العسل بعمل ليك وجع ، طوالي تخليهو .
* وجع البطن مرض علاجه في يدك ، طبعاً بإستثناء (أمراض البطن الكبيرة) والتي لا علاقها لها بالأكل والشراب .
* واحد تلقاهو لو أكل (بلح) إلا يرقد مستشفى ، ومع ذلك (يتعمد) ويأكل (نص ملوة) بلح .
* شروع في الإنتحار.
* لما تأكل الما بنفع معاك يبقى لازم تستحمل تبعات (وجع) الأكلتو وما نفع معاك .
* وبما أن ذلك كذلك فإن (وجع سوداكال) سببو أهل المريخ .
* بتشكي من سوداكال؟
* قال : أي.
* ما بنفع معاك ؟
* قال : أي.
* واكلتو مالك ؟ أقصد جبتو مالك ؟
* سوداكال ده وقت ما بنفع معاكم جبتوا يبقى رئيس لشنو ؟
* وياريتو لو في زول اترشح معاهو .
* زول فاز بالإجماع السكوتي.
* اترشح براهو وفاز براهو .
* سوداكال لما اترشح لرئاسة المريخ كل المريخاب المفترض يترشحوا للرئاسة (عملوا رايحين) .
* باركوا ليهو الرئاسة بالإجماع .
* جاء بالانتخابات.
* لا جابتو الحكومة ولا جاء على (ضهر دبابة) .
* حالياً لو بطنك بتوجعك يبقى غلطان أنت ، سوداكال ما غلطان.
* تبكي ، تشكي ، تدردق المهم الزول ده قاعد .
* تشتُم شداد ، تقول شداد مُخرف ، تقول شغال لصالح الهلال ما عندنا بيك شغلة .
* تستحمل بس .
* رئيس أنت جبتو وفوزتو ، شداد يعمل ليك شنو ؟
* شداد دخلو شنو ؟
* داير تأكل شطة وأنت عارفها ما بتنفع معاك ولما بطنك (تقرصك) تشتُم الدكاترة؟
* هو على كيفك هو ؟
* ده وجعك انت تستحملو وانت ساكت وشداد ما عندو دخل في الموضوع .
* وتعال أناقشك.
* الكاردينال قال ما داير يواصل في الرئاسة .
* وشداد اجتمع بيهو تلاتة مرات وقعد ينحس فيهو عشان يواصل .
* قال ليهو واصل عشان كورونا .. رفض .
* واللجنة الإستشارية قعدت مع الكاردينال و(حنستو) وبرضو رفض .
* بعد الكلام ده شداد عمل لجنة التطبيع الهلالية.
* سوداكال رئيس منتخب وما عندو عوجة ، داير شداد يشيلو ليك عشان سواد عيونك مثلاَ؟
* لا شداد ولا فيفا ولا أمم متحدة بتقدر تشيل سوداكال.
* يقعد بس .
* وأنا والله مبسوط جداً من سوداكال .
* وبتمنى إنو يجهز حالو وينزل الانتخابات الجاية .
* أنت صبرت على جمال الوالي الجابتو ليك الحكومة ، صبرت عليهو (١٤) سنة ما داير تصبر على سوداكال يكمل فترتو؟
* ليه الفقوس والخيار ده ؟
* تصبر على الشطة دي بس .
* إن شاء الله سوداكال يخزن ليكم (شطة) في مكاتب النادي.
* تستحملوا بس .
* وابشركم .. لو موضوع كورونا ده أستمر سوداكال تاني ح يقعد سنة .
* عشان كده البينقذكم من سوداكال هو (وصول لقاح كورونا للسودان) .
* اللقاح ده لو ما جاء على بالنعمة سوداكال ده يجرها كده لحدي (٢٠٢٠) .
* وبحقو .
* لا جابتو حكومة ولا جا بقوة السلاح .
* ولذلك أنا شايف بدل تنتقدوا شداد وتتجاروا على (الفيفا) أفضل تركزوا مع (اللقاح) .
* أنا شايف كده .
* وأي زول طبعاً حر في (شوفو) .
* وغايتو السنة دي بالذات يا متنا من الضحك ويا كمان الضحك كتلنا .
* و..و..
* وما قلنا ليك الحب طريق قاسي وصعيب وما رضيت كلامنا وجيت براك أهو ده ...........(وجع البطن استحملو) .
محمد الطيب الأمين
خبر مُفرح .. سوداكال يتحصل على موافقة السلطات بإستيراد لقاح كورونا !!
* في علم الطب يقولون أن (وجع البطن) سببو سيدو .
* وجع بطنك سببو أنت .
* ما بتنفع معاك (الشطة) ما في داعي تأكل شطة .
* ما بنفع معاك اللبن يبقى ما في داعي تشربو.
* العسل بعمل ليك وجع ، طوالي تخليهو .
* وجع البطن مرض علاجه في يدك ، طبعاً بإستثناء (أمراض البطن الكبيرة) والتي لا علاقها لها بالأكل والشراب .
* واحد تلقاهو لو أكل (بلح) إلا يرقد مستشفى ، ومع ذلك (يتعمد) ويأكل (نص ملوة) بلح .
* شروع في الإنتحار.
* لما تأكل الما بنفع معاك يبقى لازم تستحمل تبعات (وجع) الأكلتو وما نفع معاك .
* وبما أن ذلك كذلك فإن (وجع سوداكال) سببو أهل المريخ .
* بتشكي من سوداكال؟
* قال : أي.
* ما بنفع معاك ؟
* قال : أي.
* واكلتو مالك ؟ أقصد جبتو مالك ؟
* سوداكال ده وقت ما بنفع معاكم جبتوا يبقى رئيس لشنو ؟
* وياريتو لو في زول اترشح معاهو .
* زول فاز بالإجماع السكوتي.
* اترشح براهو وفاز براهو .
* سوداكال لما اترشح لرئاسة المريخ كل المريخاب المفترض يترشحوا للرئاسة (عملوا رايحين) .
* باركوا ليهو الرئاسة بالإجماع .
* جاء بالانتخابات.
* لا جابتو الحكومة ولا جاء على (ضهر دبابة) .
* حالياً لو بطنك بتوجعك يبقى غلطان أنت ، سوداكال ما غلطان.
* تبكي ، تشكي ، تدردق المهم الزول ده قاعد .
* تشتُم شداد ، تقول شداد مُخرف ، تقول شغال لصالح الهلال ما عندنا بيك شغلة .
* تستحمل بس .
* رئيس أنت جبتو وفوزتو ، شداد يعمل ليك شنو ؟
* شداد دخلو شنو ؟
* داير تأكل شطة وأنت عارفها ما بتنفع معاك ولما بطنك (تقرصك) تشتُم الدكاترة؟
* هو على كيفك هو ؟
* ده وجعك انت تستحملو وانت ساكت وشداد ما عندو دخل في الموضوع .
* وتعال أناقشك.
* الكاردينال قال ما داير يواصل في الرئاسة .
* وشداد اجتمع بيهو تلاتة مرات وقعد ينحس فيهو عشان يواصل .
* قال ليهو واصل عشان كورونا .. رفض .
* واللجنة الإستشارية قعدت مع الكاردينال و(حنستو) وبرضو رفض .
* بعد الكلام ده شداد عمل لجنة التطبيع الهلالية.
* سوداكال رئيس منتخب وما عندو عوجة ، داير شداد يشيلو ليك عشان سواد عيونك مثلاَ؟
* لا شداد ولا فيفا ولا أمم متحدة بتقدر تشيل سوداكال.
* يقعد بس .
* وأنا والله مبسوط جداً من سوداكال .
* وبتمنى إنو يجهز حالو وينزل الانتخابات الجاية .
* أنت صبرت على جمال الوالي الجابتو ليك الحكومة ، صبرت عليهو (١٤) سنة ما داير تصبر على سوداكال يكمل فترتو؟
* ليه الفقوس والخيار ده ؟
* تصبر على الشطة دي بس .
* إن شاء الله سوداكال يخزن ليكم (شطة) في مكاتب النادي.
* تستحملوا بس .
* وابشركم .. لو موضوع كورونا ده أستمر سوداكال تاني ح يقعد سنة .
* عشان كده البينقذكم من سوداكال هو (وصول لقاح كورونا للسودان) .
* اللقاح ده لو ما جاء على بالنعمة سوداكال ده يجرها كده لحدي (٢٠٢٠) .
* وبحقو .
* لا جابتو حكومة ولا جا بقوة السلاح .
* ولذلك أنا شايف بدل تنتقدوا شداد وتتجاروا على (الفيفا) أفضل تركزوا مع (اللقاح) .
* أنا شايف كده .
* وأي زول طبعاً حر في (شوفو) .
* وغايتو السنة دي بالذات يا متنا من الضحك ويا كمان الضحك كتلنا .
* و..و..
* وما قلنا ليك الحب طريق قاسي وصعيب وما رضيت كلامنا وجيت براك أهو ده ...........(وجع البطن استحملو) .
