صابنها
محمد عبدالماجد
مباراة مع (الكورونا) قبل السفر الى كمبالا
• زمان كان جني سفر.
• لو لقيت لي عربية قدامي او قطر ..طوالي بركب فيه.
• عشان كدا تسمية عمودي الاول كان يحمل عنوان (وان طال السفر).
• حتى الآن لا ادري ان كنت سوف ارافق الهلال الى اوغندا في مهمة صحفية من اجل التغطية لانطلاقة الهلال الافريقية ام لا؟
• كثرة الاجراءات – ما بين التأشيرة من السفارة اليوغندية وحتى تأشيرة الخروج من الداخلية السودانية تحتاج الى جهد ومثابرة وصبر . يمكن ان تبعدك الاجراءات في أي لحظة رغم اجتهاد الاخ بابكر مختار رئيس التحرير في انجاز المهمة على اكمل وجه.
• اكتب في هذا العمود في وقت متأخر من ليلة امس ولم استلم حتى كتابة هذه الاحرف نتيجة فحص كورونا.
• يعني ممكن (الكورونا) تنفضك في الادوار النهائية للسفر.
• الكورونا ما مضمونة.
• على العموم اذا طالعت هذا العمود اليوم ، اعلم اني بين طيات السحاب ملاحقة للعبة هلالية او هدف ازرق.
• ان شاء الله نتيجة الكورونا تكون (سلبية) في نفس الوقت تكون نتيجة الهلال في اوغندا (ايجابية).
• غايتو ما بنرجع ليكم ساكت.
• الذي اريد ان اشير له ، وحتى لا تفهم سفريتنا مع الهلال فهم اخر – في ظل الذين ينتظرون لمثل هذه السفريات حتى يطعنونا في (التذكرة) ، نقول اننا نسافر على حساب صحيفة (ريمونتادا) وان الهلال لا علاقة له بسفرنا مع البعثة.
• قرأت لي تقرير بقول محمد عبدالماجد زول السوباط ومنزلق نحوه.
• وهذا الكلام كانوا يقولونه ايضا عندما كان صلاح ادريس رئيسا للهلال.
• وعندما اصبح الكاردينال رئيسا للهلال برضو بقوا يقولوا نفس الكلام.
• ونحن مع الهلال – ولو في الصين.
• ناهيك عن اوغندا.
• مع الهلال دون مجاملة او تملق او منفعة خاصة.
• سعيد ان تعود الصحافة الورقية الى مثل هذا الحراك وان تبعث مناديبها مع الهلال بدلا من ان تكتفي برسالة موفد الهلال الاعلامي ، رغم انها تقدم خدمة كبيرة.
• نحتاج ان نقدم للقراء الكريم اكثر من رؤية – هذا في صالح الصحافة وفي صالح الرياضة ايضا.
• في نهائيات كاس العالم وفي غيره من البطولات – العالم كله يشاهد مباراة واحدة ، لكن تبقى الاختلافات في التغطيات.
• يحدث ذلك رغم التكلفة العالية للسفر الى الخارج في مهمة لا تتجاوز 5 ايام يمكن ان تدفع فيها الصحيفة اكثر من نصف مليار جنيه.
• حصلنا على تأشيرتنا من السفارة اليوغندية بعيدا عن الهلال وعملنا فحص الكورونا بعيدا عن الهلال ، وسوف نسافر بكلفة نقل وإقامة في اوغندا ايضا بعيدا عن الهلال واتمنى ان تجبرنا البعثة لشيء غير ذلك (عشان الامور تبقى واضحة).
• علما ان الهلال اعلن استعداده للمساعدة في هذا الجانب وتقديم العون – لكن من اجل رسالة صحفية صادقة ، وجدنا ان الرسالة الصادقة والمهنية لا يمكن ان تأتي من خلال خدمة (مدفوعة القيمة).
• الصحافة الورقية تعود الآن بصورة اقوى وهى تبعث مناديبها مع الهلال من اجل تقديم خدمة مختلفة للقراء.
• متعة كرة القدم ليس في (الملاعب) فقط – متعة كرة القدم في (الورق) ايضا ، هناك متعة في هذا الجانب لا تقل عن المتعة التى تكون في المستطيل الاخضر.
• جرى تعريف الكتابة على انها (اسلوب)…وهي عندي (رؤية).
• سعداء ان نكون مع الهلال في اول رحلاته الافريقية بعد تسجيلات ناجحة وقوية وفريق جديد.
• كنت مع الهلال في عام 2007 عندما عسكر في الدوحة وكانت انطلاقة الهلال الافريقية بعد ذلك.
• اذكر في تلك التسجيلات ان الهلال سجل اللاعب علاءالدين يوسف الذي احدث نقلة كبيرة في الهلال.
• سعداء ان نحاول ونعمل من اجل ان ننقل لكم (انفاس) الهلال بالخارج – حركاته ، همساته ، نبضاته ، سوف نعمل من اجل ان نضعكم في الصورة.
• نتحرك مجموعة من الصحفيين من اجل رؤية الهلال بالنهار.
• رؤية الهلال معكم وهو في اوغندا.
• اوغندا قالوا (مكركبة) – لكن ما مشكلة.
• قالوا كورونا.
• برضو ما مشكلة.
• ليس هناك اجمل من رؤية الهلال.
• برؤيته تصوموا وتفطروا وتعيدوا …(هلال السماء).
• نسأل الله ان نوفق في ذلك ، وان ننقل لكم (الحدث) من اوغندا وكأنه امامكم في ام درمان.
• بصورة عامة اشعر ان (الاسفار) هي الاقدر على نقل الثقافات ونقل الاحداث بصورة ادق.
• تكتشف عالم جديد ، وثقافة حديثة عندما تنتقل الى منطقة جديدة وبيئة مختلفة.
• في اعتقادي ان يوغندا دولة (جامدة) وان الاشياء لا تتحرك فيها إلّا بحاسب.
• احمل انطباع عن الشعب اليوغندي على انه شعب (صامت) – هكذا هي انطباعاتي عنه.
• سوف ارى ان كانت هذه الانطباعات حقيقية ام لا؟
• اريد ان انظر الى فيني كومبي من قرب – كيف يلعب؟ ..وبجيبها كيف؟
• عاوز اشوف اوتارا.
• رؤية ابوعشرين بشعار الهلال متعة كبيرة بالنسبة لنا نحن الهلالاب.
• انتظرت كثيرا لكي ارى بوجبا بشعار الهلال ، وقد حان الوقت ان اراه بشعار الهلال في اوغندا.
• تشكيلة الهلال من الذي سوف يلعب في الدفاع.
• اذا لعب الهلال دفاعا من الشمال الى اليمين بفارس عبدالله واوتارا والطيب عبدالرازق والسمؤال ميرغني من الذي سوف يلعب في الوسط.
• اسماء عديدة في الوسط.
• اشطر مدرب لن يستطيع ان يضع تشكيلة الهلال في الوسط.
• هل يلعب صلاح عادل ومجاهد فاروق ام بوجبا ام ابوعاقلة والشغيل؟
• من سوف يلعب في الوسط الهجومي بوجبا عبدالرؤوف ام جيسي.
• اذا كان هجوم الهلال سوف يلعب فيه فيني كومبي من يكون بجوار فيني.
• عاوزين نشوف اول تشكيلة للهلال امام فايبرز اليوغندي.
• الاكيد ان كل جماهير الهلال سوف تكون في شوق وترقب لمعرفة تشكيلة الهلال امام فايبرز.
• الاحتياطي ذاتو فيه منو؟
• من الذي يجلس في الاحتياطي.
• والله نحن ما عارفين أي حاجة.
• لكن ان شاء الله سوف ننقل لكم الصورة من هناك.
• المباراة تلفزوها او لم يتلفزوها سوف ننقلها لكم (حرفيا).
• الكواليس والتفاصيل كلها ان شاء الله تكون بطرفكم.
• سوف نجتهد من اجل ذلك ان شاء الله (النت) ما يكون تقيل …والكورونا تكون خفيفة.
• طبعا انا بكتب ليكم ولغاية الآن نتيجة كورونا ما ظهرت.
• وكورونا دي ما عندها ضمان.
• اليوم كله ترقب وانتظارا للنتيجة.
• تمشي هنا.
• وتمشي هناك.
• تلف اليوم كله.
• الدول التى لا يمكن ان تزورها إلّا للكورة اكون سعيد بزيارتها اكثر من الدول التى يمكن ان تزورها من غير مناسبة كورة.
• يوغندا ما في شيء بتودينا ليها غير الكورة.
• قبل انفصال الجنوب كان يمكن زيارة اوغندا باعتبارها دولة مجاورة للسودان.
• الآن اوغندا يفصلنا منها دولة جنوب السودان.
• عشان كدا ما في حاجة بتودينا لاوغندا في الظروف دا.
• والله (الكورونا) دي لو ماشي ليك عزاء …ما تخليك تمرق …أهو هسع ح نسافر مع الهلال.
• بابكر مختار بضرب.
• النتيجة ظهرت.
• نتيجة الكورونا.
• يا زول.
• والله نحن امتحانات الشهادة السودانية ما جهجهتنا كدا.
• هسع نتيجة الكورونا ظهرت.
• النتيجة طلعت (سلبية) الحمدلله.
• باقى نتيجة الهلال.
• وان شاءالله – وعد بينا وبيناتكم تطلع (ايجابية).
• ونغلب عديل كدا.
• فيني كومبي سوف يظهر في اوغندا.
• بوغبا.
• ومجاهد فاروق.
• بالمناسبة اشكر الاخوة في معمل استاك …ابوقرجة وعاطف وكل العاملين هناك رجالا ونساء.
• دكاترة وفحصين.
• في الحقيقة هذا المعمل كان يستقبل في اليوم اكثر من الف حالة.
• الف شخص يعملوا فحص.
• يفعلون ذلك بنشاط وحيوية ومودة.
• والله السودان دا خير.
• أي حتة تمشى – تلقى الناس في همة ونشاط.
• كأنك من بقية اهلهم.
• يفتحوا مكاتبهم.
• يفتحوا بيوتهم.
• ما في باب مقفول.
• ما في تلفون ما برد.
• كلهم في الخدمة.
• شكرا لمعمل استاك على هذا التحدي الذي تقدموه وتنتصرون به على الكورونا.
• للامانة قبل الفحص كان عندي (شك).
• قلت يمكن (النزلة) دي تطلع (كورونا).
• ويمكن تتشابه عليهم (النزلات).
• لكن ناس معمل استاك …ما بتفوت عليهم حاجة.
• ما في حاجة بتمر منك.
• لكن والله الواحد بقى يشك في (نزلتي).
• يا زول بقى ما في ضمان.
• الزول مرات يكون متل الحصان ويقولوا ليه عندك كورونا.
• ……………..
متاريس
• سعيد ان الحيوية عاد للصحافة الورقية من جديد.
• رغم الغلاء.
• ورغم التكاليف العالية.
• ورغم الكورونا.
• الصحافة الورقية حاضرة بكل الوانها الهلالية مع الهلال في اوغندا.
• ان شاء الله سوف تقدم الصحافة الورقية مائدة دسمة للقراء في السودان.
• كونوا معنا.
• ………
• ترس اخير : كدا بعد كدا نقوم نشوف الشنطة وقت النتيجة طلعت (سلبية).
محمد عبدالماجد
مباراة مع (الكورونا) قبل السفر الى كمبالا
• زمان كان جني سفر.
• لو لقيت لي عربية قدامي او قطر ..طوالي بركب فيه.
• عشان كدا تسمية عمودي الاول كان يحمل عنوان (وان طال السفر).
• حتى الآن لا ادري ان كنت سوف ارافق الهلال الى اوغندا في مهمة صحفية من اجل التغطية لانطلاقة الهلال الافريقية ام لا؟
• كثرة الاجراءات – ما بين التأشيرة من السفارة اليوغندية وحتى تأشيرة الخروج من الداخلية السودانية تحتاج الى جهد ومثابرة وصبر . يمكن ان تبعدك الاجراءات في أي لحظة رغم اجتهاد الاخ بابكر مختار رئيس التحرير في انجاز المهمة على اكمل وجه.
• اكتب في هذا العمود في وقت متأخر من ليلة امس ولم استلم حتى كتابة هذه الاحرف نتيجة فحص كورونا.
• يعني ممكن (الكورونا) تنفضك في الادوار النهائية للسفر.
• الكورونا ما مضمونة.
• على العموم اذا طالعت هذا العمود اليوم ، اعلم اني بين طيات السحاب ملاحقة للعبة هلالية او هدف ازرق.
• ان شاء الله نتيجة الكورونا تكون (سلبية) في نفس الوقت تكون نتيجة الهلال في اوغندا (ايجابية).
• غايتو ما بنرجع ليكم ساكت.
• الذي اريد ان اشير له ، وحتى لا تفهم سفريتنا مع الهلال فهم اخر – في ظل الذين ينتظرون لمثل هذه السفريات حتى يطعنونا في (التذكرة) ، نقول اننا نسافر على حساب صحيفة (ريمونتادا) وان الهلال لا علاقة له بسفرنا مع البعثة.
• قرأت لي تقرير بقول محمد عبدالماجد زول السوباط ومنزلق نحوه.
• وهذا الكلام كانوا يقولونه ايضا عندما كان صلاح ادريس رئيسا للهلال.
• وعندما اصبح الكاردينال رئيسا للهلال برضو بقوا يقولوا نفس الكلام.
• ونحن مع الهلال – ولو في الصين.
• ناهيك عن اوغندا.
• مع الهلال دون مجاملة او تملق او منفعة خاصة.
• سعيد ان تعود الصحافة الورقية الى مثل هذا الحراك وان تبعث مناديبها مع الهلال بدلا من ان تكتفي برسالة موفد الهلال الاعلامي ، رغم انها تقدم خدمة كبيرة.
• نحتاج ان نقدم للقراء الكريم اكثر من رؤية – هذا في صالح الصحافة وفي صالح الرياضة ايضا.
• في نهائيات كاس العالم وفي غيره من البطولات – العالم كله يشاهد مباراة واحدة ، لكن تبقى الاختلافات في التغطيات.
• يحدث ذلك رغم التكلفة العالية للسفر الى الخارج في مهمة لا تتجاوز 5 ايام يمكن ان تدفع فيها الصحيفة اكثر من نصف مليار جنيه.
• حصلنا على تأشيرتنا من السفارة اليوغندية بعيدا عن الهلال وعملنا فحص الكورونا بعيدا عن الهلال ، وسوف نسافر بكلفة نقل وإقامة في اوغندا ايضا بعيدا عن الهلال واتمنى ان تجبرنا البعثة لشيء غير ذلك (عشان الامور تبقى واضحة).
• علما ان الهلال اعلن استعداده للمساعدة في هذا الجانب وتقديم العون – لكن من اجل رسالة صحفية صادقة ، وجدنا ان الرسالة الصادقة والمهنية لا يمكن ان تأتي من خلال خدمة (مدفوعة القيمة).
• الصحافة الورقية تعود الآن بصورة اقوى وهى تبعث مناديبها مع الهلال من اجل تقديم خدمة مختلفة للقراء.
• متعة كرة القدم ليس في (الملاعب) فقط – متعة كرة القدم في (الورق) ايضا ، هناك متعة في هذا الجانب لا تقل عن المتعة التى تكون في المستطيل الاخضر.
• جرى تعريف الكتابة على انها (اسلوب)…وهي عندي (رؤية).
• سعداء ان نكون مع الهلال في اول رحلاته الافريقية بعد تسجيلات ناجحة وقوية وفريق جديد.
• كنت مع الهلال في عام 2007 عندما عسكر في الدوحة وكانت انطلاقة الهلال الافريقية بعد ذلك.
• اذكر في تلك التسجيلات ان الهلال سجل اللاعب علاءالدين يوسف الذي احدث نقلة كبيرة في الهلال.
• سعداء ان نحاول ونعمل من اجل ان ننقل لكم (انفاس) الهلال بالخارج – حركاته ، همساته ، نبضاته ، سوف نعمل من اجل ان نضعكم في الصورة.
• نتحرك مجموعة من الصحفيين من اجل رؤية الهلال بالنهار.
• رؤية الهلال معكم وهو في اوغندا.
• اوغندا قالوا (مكركبة) – لكن ما مشكلة.
• قالوا كورونا.
• برضو ما مشكلة.
• ليس هناك اجمل من رؤية الهلال.
• برؤيته تصوموا وتفطروا وتعيدوا …(هلال السماء).
• نسأل الله ان نوفق في ذلك ، وان ننقل لكم (الحدث) من اوغندا وكأنه امامكم في ام درمان.
• بصورة عامة اشعر ان (الاسفار) هي الاقدر على نقل الثقافات ونقل الاحداث بصورة ادق.
• تكتشف عالم جديد ، وثقافة حديثة عندما تنتقل الى منطقة جديدة وبيئة مختلفة.
• في اعتقادي ان يوغندا دولة (جامدة) وان الاشياء لا تتحرك فيها إلّا بحاسب.
• احمل انطباع عن الشعب اليوغندي على انه شعب (صامت) – هكذا هي انطباعاتي عنه.
• سوف ارى ان كانت هذه الانطباعات حقيقية ام لا؟
• اريد ان انظر الى فيني كومبي من قرب – كيف يلعب؟ ..وبجيبها كيف؟
• عاوز اشوف اوتارا.
• رؤية ابوعشرين بشعار الهلال متعة كبيرة بالنسبة لنا نحن الهلالاب.
• انتظرت كثيرا لكي ارى بوجبا بشعار الهلال ، وقد حان الوقت ان اراه بشعار الهلال في اوغندا.
• تشكيلة الهلال من الذي سوف يلعب في الدفاع.
• اذا لعب الهلال دفاعا من الشمال الى اليمين بفارس عبدالله واوتارا والطيب عبدالرازق والسمؤال ميرغني من الذي سوف يلعب في الوسط.
• اسماء عديدة في الوسط.
• اشطر مدرب لن يستطيع ان يضع تشكيلة الهلال في الوسط.
• هل يلعب صلاح عادل ومجاهد فاروق ام بوجبا ام ابوعاقلة والشغيل؟
• من سوف يلعب في الوسط الهجومي بوجبا عبدالرؤوف ام جيسي.
• اذا كان هجوم الهلال سوف يلعب فيه فيني كومبي من يكون بجوار فيني.
• عاوزين نشوف اول تشكيلة للهلال امام فايبرز اليوغندي.
• الاكيد ان كل جماهير الهلال سوف تكون في شوق وترقب لمعرفة تشكيلة الهلال امام فايبرز.
• الاحتياطي ذاتو فيه منو؟
• من الذي يجلس في الاحتياطي.
• والله نحن ما عارفين أي حاجة.
• لكن ان شاء الله سوف ننقل لكم الصورة من هناك.
• المباراة تلفزوها او لم يتلفزوها سوف ننقلها لكم (حرفيا).
• الكواليس والتفاصيل كلها ان شاء الله تكون بطرفكم.
• سوف نجتهد من اجل ذلك ان شاء الله (النت) ما يكون تقيل …والكورونا تكون خفيفة.
• طبعا انا بكتب ليكم ولغاية الآن نتيجة كورونا ما ظهرت.
• وكورونا دي ما عندها ضمان.
• اليوم كله ترقب وانتظارا للنتيجة.
• تمشي هنا.
• وتمشي هناك.
• تلف اليوم كله.
• الدول التى لا يمكن ان تزورها إلّا للكورة اكون سعيد بزيارتها اكثر من الدول التى يمكن ان تزورها من غير مناسبة كورة.
• يوغندا ما في شيء بتودينا ليها غير الكورة.
• قبل انفصال الجنوب كان يمكن زيارة اوغندا باعتبارها دولة مجاورة للسودان.
• الآن اوغندا يفصلنا منها دولة جنوب السودان.
• عشان كدا ما في حاجة بتودينا لاوغندا في الظروف دا.
• والله (الكورونا) دي لو ماشي ليك عزاء …ما تخليك تمرق …أهو هسع ح نسافر مع الهلال.
• بابكر مختار بضرب.
• النتيجة ظهرت.
• نتيجة الكورونا.
• يا زول.
• والله نحن امتحانات الشهادة السودانية ما جهجهتنا كدا.
• هسع نتيجة الكورونا ظهرت.
• النتيجة طلعت (سلبية) الحمدلله.
• باقى نتيجة الهلال.
• وان شاءالله – وعد بينا وبيناتكم تطلع (ايجابية).
• ونغلب عديل كدا.
• فيني كومبي سوف يظهر في اوغندا.
• بوغبا.
• ومجاهد فاروق.
• بالمناسبة اشكر الاخوة في معمل استاك …ابوقرجة وعاطف وكل العاملين هناك رجالا ونساء.
• دكاترة وفحصين.
• في الحقيقة هذا المعمل كان يستقبل في اليوم اكثر من الف حالة.
• الف شخص يعملوا فحص.
• يفعلون ذلك بنشاط وحيوية ومودة.
• والله السودان دا خير.
• أي حتة تمشى – تلقى الناس في همة ونشاط.
• كأنك من بقية اهلهم.
• يفتحوا مكاتبهم.
• يفتحوا بيوتهم.
• ما في باب مقفول.
• ما في تلفون ما برد.
• كلهم في الخدمة.
• شكرا لمعمل استاك على هذا التحدي الذي تقدموه وتنتصرون به على الكورونا.
• للامانة قبل الفحص كان عندي (شك).
• قلت يمكن (النزلة) دي تطلع (كورونا).
• ويمكن تتشابه عليهم (النزلات).
• لكن ناس معمل استاك …ما بتفوت عليهم حاجة.
• ما في حاجة بتمر منك.
• لكن والله الواحد بقى يشك في (نزلتي).
• يا زول بقى ما في ضمان.
• الزول مرات يكون متل الحصان ويقولوا ليه عندك كورونا.
• ……………..
متاريس
• سعيد ان الحيوية عاد للصحافة الورقية من جديد.
• رغم الغلاء.
• ورغم التكاليف العالية.
• ورغم الكورونا.
• الصحافة الورقية حاضرة بكل الوانها الهلالية مع الهلال في اوغندا.
• ان شاء الله سوف تقدم الصحافة الورقية مائدة دسمة للقراء في السودان.
• كونوا معنا.
• ………
• ترس اخير : كدا بعد كدا نقوم نشوف الشنطة وقت النتيجة طلعت (سلبية).
