بالعربي الكسيح
محمد الطيب الأمين
بالشوق والخبرة !!
* بالمنطق .. خسارة الهلال أمام الخرطوم الوطني مبررة جداً .
* قد تكون غير مقبولة .
* قد تكون غير مبلوعة .
* هي غير متوقعة استناداً على تاريخ مواجهات الفرقتين .
* ولكن هذا لا ينفي إنها خسارة واقعية ومبررة بحسابات المنطق وواقع الحال .
* الهلال بعيد كل البعد عن (لعب كرة القدم) .
* بعيد .. لأسباب تتعلق بالإعداد.
* الفريق ما جاهز ، وهذا الذي يجب أن يفهمه كل هلالي في الوقت الراهن .
* قبل أيام وفي هذه المساحة وتحديداً بعد مباراة حي الوادي نيالا كتبنا وقلنا أن الهلال سيظل بعيد عن مستواه ويكفيه فقط كسب النقاط .
* لا يمكن لفريق تدرب عشرة أيام فقط قبل إنطلاقة الدوري أن يتساوى (شكلاً ومضمونا) مع فرق ظلت في حالة تدريبات تجاوزت الخمسين يوماً .
* ما في منطق في الكلام ده .
* فاز الهلال على أهلي مروي (بالشوق والخبرة) .
* اللاعبون كانوا مشتاقين للعب الكورة .
* بالخبرة والشوق .
* وجاء وفاز على حي الوادي نيالا (بالخبرة والحماس) .
* كان في حماس لأن حافز المباراة الأولى أمام أهلي مروري تسلمه نجوم الفريق مضاعفاً وقبل أن يجف عرقهم .
* بالخبرة والحماس .
* وفاز الهلال برباعية على هلال كادوقلي (بالخبرة والتوفيق) .
* لاحظ .. كل أسباب فوز الهلال في المباريات الثلاث التي سبقت مباراة الخرطوم الوطني كل الأسباب ما فيها سبب (فني) .
* القاسم المشترك في الأسباب هو (الخبرة) أضف لها الحماس والتوفيق .
* وبما أن أسباب انتصارات الهلال ليس هي فنية في المقام الأول فكان من الطبيعي أن (تخذل) هذه الأسباب الفريق يوما ما .
* وقد حدث .
* الخرطوم الوطني فريق جيد وظل في حالة إعداد اقترب من الشهرين وتخللته عدد من المباريات الودية .
* يتمتع الفريق بمخزون بدني عالي جداً رفع من مخزونه الذهني وبالتالي قدم الفريق مباراة محترمة وبتكتيك محترم .
* ناس الخرطوم الوطني لما كانوا بيلعبوا في المباريات الودية ناس الهلال كانوا نايمين نوم .
* ديل بيلعبوا في المباريات الودية وناس محمد موسى الضي يضربوا في الباكمبا ونايمين .
* عشان كده تعثر الهلال منطقي.
* وتاني الهلال ح يتعثر عشان ما تشطحوا ساي .
* لكن في النهاية بنشيل الكأس.
* كده لعبنا أربع مباريات ، وبعد مباراتين على الأقل حتى يبدأ الهلال يستقر بدنيا وفنيا .
* يعني مع نهاية الدوري حتى الهلال يبدأ يلعب كويس .
* ما في فريق بيدخل الفورمة ب(١٨) تدريب مقسمة على عشرة أيام.
* ما في .
* أقل شئ يفترض تعمل حوالي (٨٠) تدريب في ٣٥ يوم قبل بداية الدوري .
* عشان كده استحملوا ساااكت.
* لا الشتيمة بتجيب نتيجة ولا الكواريك.
* دي قدرة اللاعبين .
* شوفوا الزول الكان سبب في تأخر إعداد الهلال قبل تعيين لجنة السوباط .
* شوفوا النقر الكان مركز على إلغاء الدوري ، وكل ما نقول ليهو نزل الفريق الميدان يعمل لينا فيها غمران .
* استحملوا الهلال فيما تبقى من مباريات وانتظروا (الحلو) في الموسم القادم .
* الموسم القادم موعدنا مع هلال السوباط .
* الموسم ده أنا شخصيا ما مركز معاهو شديد رغم قناعتي بأن الهلال (وبحالو ده) بيشيل الكأس.
* لجنة التطبيع ما عندها في الهلال الحالي ده إلا موية الصحة والموز والحوافز .
* ده هلال العهد السابق .
* ما فيهو جديد .
* كلو قديم .
* ومن هسه اعرفوا إنو كل مباريات الفريق القادمة خطيرة جدا.
* وعلى رأسها المباراة القادمة أمام الأهلي الخرطوم .
* اعملوا حسابكم .
* وبطلوا أحلام في الوقت الراهن .
* نحن عارفين محمد موسى وزنو زائد ومستواه عادي، عارفين الشعلة متواضع وكذلك أطهر.
* عارفين النقر عاجز عن فعل أي شئ .
* لكن ما عندنا خيار غير نصبر .
* لا في تسجيلات هسه ولا ده وقت يشيلو فيهو مدرب.
* والله كان علينا التمرين حق الليلة ما يشرف عليهو النقر .
* كان علينا النقر تتم إقالته اليوم قبل بكرة .
* لكن ده ما حل .
* الناس تصبر .
* نصبر على متبقي المباريات وموعدنا الموسم القادم .
* أي فريق داير نقطة من الهلال يلحق يشيلها هسه لانو من الموسم القادم شغلنا ح يكون صعب عليكم .
* والله صحي .
* ح يرجع الهلال هلال وكل قرد يطلع شجرتو .
* ونركب صافنات ونجيبة (كاهلية) واصلو الزول بيموت والذكرى تفضل حية .
* و..و..
* وما تهتموا للأيام ظروف بتعدي.
#لا_للعضوية_المستجلبه
محمد الطيب الأمين
بالشوق والخبرة !!
* بالمنطق .. خسارة الهلال أمام الخرطوم الوطني مبررة جداً .
* قد تكون غير مقبولة .
* قد تكون غير مبلوعة .
* هي غير متوقعة استناداً على تاريخ مواجهات الفرقتين .
* ولكن هذا لا ينفي إنها خسارة واقعية ومبررة بحسابات المنطق وواقع الحال .
* الهلال بعيد كل البعد عن (لعب كرة القدم) .
* بعيد .. لأسباب تتعلق بالإعداد.
* الفريق ما جاهز ، وهذا الذي يجب أن يفهمه كل هلالي في الوقت الراهن .
* قبل أيام وفي هذه المساحة وتحديداً بعد مباراة حي الوادي نيالا كتبنا وقلنا أن الهلال سيظل بعيد عن مستواه ويكفيه فقط كسب النقاط .
* لا يمكن لفريق تدرب عشرة أيام فقط قبل إنطلاقة الدوري أن يتساوى (شكلاً ومضمونا) مع فرق ظلت في حالة تدريبات تجاوزت الخمسين يوماً .
* ما في منطق في الكلام ده .
* فاز الهلال على أهلي مروي (بالشوق والخبرة) .
* اللاعبون كانوا مشتاقين للعب الكورة .
* بالخبرة والشوق .
* وجاء وفاز على حي الوادي نيالا (بالخبرة والحماس) .
* كان في حماس لأن حافز المباراة الأولى أمام أهلي مروري تسلمه نجوم الفريق مضاعفاً وقبل أن يجف عرقهم .
* بالخبرة والحماس .
* وفاز الهلال برباعية على هلال كادوقلي (بالخبرة والتوفيق) .
* لاحظ .. كل أسباب فوز الهلال في المباريات الثلاث التي سبقت مباراة الخرطوم الوطني كل الأسباب ما فيها سبب (فني) .
* القاسم المشترك في الأسباب هو (الخبرة) أضف لها الحماس والتوفيق .
* وبما أن أسباب انتصارات الهلال ليس هي فنية في المقام الأول فكان من الطبيعي أن (تخذل) هذه الأسباب الفريق يوما ما .
* وقد حدث .
* الخرطوم الوطني فريق جيد وظل في حالة إعداد اقترب من الشهرين وتخللته عدد من المباريات الودية .
* يتمتع الفريق بمخزون بدني عالي جداً رفع من مخزونه الذهني وبالتالي قدم الفريق مباراة محترمة وبتكتيك محترم .
* ناس الخرطوم الوطني لما كانوا بيلعبوا في المباريات الودية ناس الهلال كانوا نايمين نوم .
* ديل بيلعبوا في المباريات الودية وناس محمد موسى الضي يضربوا في الباكمبا ونايمين .
* عشان كده تعثر الهلال منطقي.
* وتاني الهلال ح يتعثر عشان ما تشطحوا ساي .
* لكن في النهاية بنشيل الكأس.
* كده لعبنا أربع مباريات ، وبعد مباراتين على الأقل حتى يبدأ الهلال يستقر بدنيا وفنيا .
* يعني مع نهاية الدوري حتى الهلال يبدأ يلعب كويس .
* ما في فريق بيدخل الفورمة ب(١٨) تدريب مقسمة على عشرة أيام.
* ما في .
* أقل شئ يفترض تعمل حوالي (٨٠) تدريب في ٣٥ يوم قبل بداية الدوري .
* عشان كده استحملوا ساااكت.
* لا الشتيمة بتجيب نتيجة ولا الكواريك.
* دي قدرة اللاعبين .
* شوفوا الزول الكان سبب في تأخر إعداد الهلال قبل تعيين لجنة السوباط .
* شوفوا النقر الكان مركز على إلغاء الدوري ، وكل ما نقول ليهو نزل الفريق الميدان يعمل لينا فيها غمران .
* استحملوا الهلال فيما تبقى من مباريات وانتظروا (الحلو) في الموسم القادم .
* الموسم القادم موعدنا مع هلال السوباط .
* الموسم ده أنا شخصيا ما مركز معاهو شديد رغم قناعتي بأن الهلال (وبحالو ده) بيشيل الكأس.
* لجنة التطبيع ما عندها في الهلال الحالي ده إلا موية الصحة والموز والحوافز .
* ده هلال العهد السابق .
* ما فيهو جديد .
* كلو قديم .
* ومن هسه اعرفوا إنو كل مباريات الفريق القادمة خطيرة جدا.
* وعلى رأسها المباراة القادمة أمام الأهلي الخرطوم .
* اعملوا حسابكم .
* وبطلوا أحلام في الوقت الراهن .
* نحن عارفين محمد موسى وزنو زائد ومستواه عادي، عارفين الشعلة متواضع وكذلك أطهر.
* عارفين النقر عاجز عن فعل أي شئ .
* لكن ما عندنا خيار غير نصبر .
* لا في تسجيلات هسه ولا ده وقت يشيلو فيهو مدرب.
* والله كان علينا التمرين حق الليلة ما يشرف عليهو النقر .
* كان علينا النقر تتم إقالته اليوم قبل بكرة .
* لكن ده ما حل .
* الناس تصبر .
* نصبر على متبقي المباريات وموعدنا الموسم القادم .
* أي فريق داير نقطة من الهلال يلحق يشيلها هسه لانو من الموسم القادم شغلنا ح يكون صعب عليكم .
* والله صحي .
* ح يرجع الهلال هلال وكل قرد يطلع شجرتو .
* ونركب صافنات ونجيبة (كاهلية) واصلو الزول بيموت والذكرى تفضل حية .
* و..و..
* وما تهتموا للأيام ظروف بتعدي.
#لا_للعضوية_المستجلبه
