*بالعربي الكسيح*
*محمد الطيب الأمين*
*مجنون إلا ربع !!*
______________________
* في الدين الإسلامي يجوز لك أن (تغير المنكر) بقلبك وذلك أضعف الإيمان.
* إن فشلت في تغييره بيدك ثم لسانك فيمكن أن تنكره بقلبك .
* وفي عالم التدريب هنالك مدربين نرفضهم (باليد واللسان والقلب) .
* أما الذي نرفضه بالقلب وذلك (أضعف الإيمان) فهو الفاتح النقر .
* نرفضه بالقلب تقديرا لتاريخه (لاعبا ومدربا) ، ثم لحساسية المرحلة .
* من غير المنطقي أن يتم إعفاء النقر في هذا التوقيت .
* يكمل النقر هذا الدوري بخيره وشره ثم يتم التعاقد مع مدرب أجنبي لقيادة الفرقة اعتبارا من الموسم القادم .
* النقر بيدربنا حاليا بالبركة بس .
* بالبركة اااي بالبركة .
* لكن ما في حل غير نصبر عليهو لحدي نهاية الدوري الذي إنتهى اصلا .
* أما المدرب الذي نرفضه (باليد واللسان) فهو غارزيتو .
* غارزيتو .. (لا أهلاً ولا سهلاً به) .
* مدرب بخلاف أنه (نصف مجنون) أو قل (مجنون إلا ربع) فهو قد تجاوز الثمانين من عمره.
* لا بشوف ولا بسمع .
* غارزيتو بشوف بعيون إبنه الذي لا يفارقه .
* غارزيتو ده يا السوباط لو فعلا دايرين تجيبوا تكونوا بالغتوا.
* والزول الرشحو ليكم بالغ جدا.
* غارزيتو تاني إلا يدرب ب(النية) وذلك أضعف الإيمان .
* والله صحي .
* مدرب بالنية بس .
* النقر بيدرب بالبركة وغارزيتو بيدرب بالنية .
* لا أتوقع أن تواصل اللجنة في هذا الخيار .
* غارزيتو مدرب تنقصه الأخلاق ولا يقدر العشرة وبخلاف هذا (بتاع ناسات) وما بيعرف يعيش في جو معافى .
* في المريخ حارب نصف الفريق وطرد بلة جابر عشان (ما سلم عليهو في يدو) .
* طبعا ناس المريخ قالوا غارزيتو (باع الكورة أمام مازيمبي) .
* ومع إنو هو ببيع وأي حاجة لكن المريخ في اليوم داك ضبحو ساماتا .
* ساماتا باعكم واشتراكم.
* أي غارزيتو مدرب بلا ضمير لكن النصيحة الضربكم ساماتا بدون أي مساعدة من غارزيتو .
* هو مازيمبي في الكنغو داير ليهو مساعدة كمان؟
* انت ما عندك موضوع ولا شنو ؟
* ما في فريق ضرب مازيمبي في بلدو غير الهلال .
* وتعال أناقشك.
* ما تقول لي اداك خمسة ولا عشرة .
* الهلال هو الوحيد الذي غلب مازيمبي في عقر داره ووسط جماهيره .
* والله العظيم وكتابه الكريم يا جماعة أنا لحدي الآن لما أتذكر مباراة المريخ ومازيمبي بضحك بصوت عالي .
* ودائما بحب أحكي القصة دي بمناسبة وبدون مناسبة.
* الطيارة كانت خاصة ، أجرها جمال الوالي الشهير ب(عزو) .
* وفي الطيارة ساقوا معاهم عشرة بودي قارد وأربعة طباخين واتنين فنيين لفحص هواء المكيف.
* المكيف مالو بفحصو؟
* قالوا احتمال مازيمبي يعمل ليهم مخدر في المكيف !!
* مخدر ب(الفاء) ؟
* شوف الناس ديل الوهم وصل بيهم لياتو مرحلة ؟
* هو المريخ ده داير ليهو مخدر كمان ؟
* اخوان شلباية ادوك ليها سبعة وجيت تبكي البرد وما عارف شنو .
* الوحدات برضو عمل ليكم مخدر ؟
* في الكنغو خدركم ساماتا وفي الأردن خدركم شلباية .
* وفي السودان الموسم الجاي بيخدركم جيسي .
* أنت بتشارك في الأبطال (صحبة راكب) بفضل الهلال ، مالك ومال مخدر وكلام فارغ .
* أنت خسران حاجة ؟
* ألعب كورتك واخسر خسارتك والسنة الجاية تاني بتشارك في الأبطال وبرضو صحبة راكب.
* المهم .
* هسه الهلال لو اتصل على غارزيتو وجا وصرف النظر بكرة ح تسمع يقول ليك غارزيتو يشكو الهلال للفيفا .
* ليه ؟
* يقول ليك عشان اتصلوا علي وأنا جهزت شعوري وقاموا صرفوا النظر .
* ده زول مستهبل وجنو شكاوي .
* حتى لو شاطر عمايلو دي ما بتخلي شطارتو تشفع ليهو .
* مش هسه نحن فرحانين بجيسي وأفريقيا كلها مقتنعة بيهو ؟ غارزيتو لو جا ممكن يطلع ليك الزول ده أي كلام.
* ضر كده بس .
* ابعدوا غارزيتو من خياراتكم وما تسرقوا فرحتنا بجيسي .
* خلينا نستمتع بدهشة جيسي .
* نستمتع بالطريقة العالمية التي قدم بها الهلال هذا النجم الكبير .
* صفقة جيسي تستاهل (الصفقة) وسنعود لها إن شاء الله .
* ونركب صافنات ونجيبة (بديرية) واصلو الزول بيموت والذكرى تفضل حية .
* و..و..
* قال مخدر في المكيف قال !
*محمد الطيب الأمين*
*مجنون إلا ربع !!*
______________________
* في الدين الإسلامي يجوز لك أن (تغير المنكر) بقلبك وذلك أضعف الإيمان.
* إن فشلت في تغييره بيدك ثم لسانك فيمكن أن تنكره بقلبك .
* وفي عالم التدريب هنالك مدربين نرفضهم (باليد واللسان والقلب) .
* أما الذي نرفضه بالقلب وذلك (أضعف الإيمان) فهو الفاتح النقر .
* نرفضه بالقلب تقديرا لتاريخه (لاعبا ومدربا) ، ثم لحساسية المرحلة .
* من غير المنطقي أن يتم إعفاء النقر في هذا التوقيت .
* يكمل النقر هذا الدوري بخيره وشره ثم يتم التعاقد مع مدرب أجنبي لقيادة الفرقة اعتبارا من الموسم القادم .
* النقر بيدربنا حاليا بالبركة بس .
* بالبركة اااي بالبركة .
* لكن ما في حل غير نصبر عليهو لحدي نهاية الدوري الذي إنتهى اصلا .
* أما المدرب الذي نرفضه (باليد واللسان) فهو غارزيتو .
* غارزيتو .. (لا أهلاً ولا سهلاً به) .
* مدرب بخلاف أنه (نصف مجنون) أو قل (مجنون إلا ربع) فهو قد تجاوز الثمانين من عمره.
* لا بشوف ولا بسمع .
* غارزيتو بشوف بعيون إبنه الذي لا يفارقه .
* غارزيتو ده يا السوباط لو فعلا دايرين تجيبوا تكونوا بالغتوا.
* والزول الرشحو ليكم بالغ جدا.
* غارزيتو تاني إلا يدرب ب(النية) وذلك أضعف الإيمان .
* والله صحي .
* مدرب بالنية بس .
* النقر بيدرب بالبركة وغارزيتو بيدرب بالنية .
* لا أتوقع أن تواصل اللجنة في هذا الخيار .
* غارزيتو مدرب تنقصه الأخلاق ولا يقدر العشرة وبخلاف هذا (بتاع ناسات) وما بيعرف يعيش في جو معافى .
* في المريخ حارب نصف الفريق وطرد بلة جابر عشان (ما سلم عليهو في يدو) .
* طبعا ناس المريخ قالوا غارزيتو (باع الكورة أمام مازيمبي) .
* ومع إنو هو ببيع وأي حاجة لكن المريخ في اليوم داك ضبحو ساماتا .
* ساماتا باعكم واشتراكم.
* أي غارزيتو مدرب بلا ضمير لكن النصيحة الضربكم ساماتا بدون أي مساعدة من غارزيتو .
* هو مازيمبي في الكنغو داير ليهو مساعدة كمان؟
* انت ما عندك موضوع ولا شنو ؟
* ما في فريق ضرب مازيمبي في بلدو غير الهلال .
* وتعال أناقشك.
* ما تقول لي اداك خمسة ولا عشرة .
* الهلال هو الوحيد الذي غلب مازيمبي في عقر داره ووسط جماهيره .
* والله العظيم وكتابه الكريم يا جماعة أنا لحدي الآن لما أتذكر مباراة المريخ ومازيمبي بضحك بصوت عالي .
* ودائما بحب أحكي القصة دي بمناسبة وبدون مناسبة.
* الطيارة كانت خاصة ، أجرها جمال الوالي الشهير ب(عزو) .
* وفي الطيارة ساقوا معاهم عشرة بودي قارد وأربعة طباخين واتنين فنيين لفحص هواء المكيف.
* المكيف مالو بفحصو؟
* قالوا احتمال مازيمبي يعمل ليهم مخدر في المكيف !!
* مخدر ب(الفاء) ؟
* شوف الناس ديل الوهم وصل بيهم لياتو مرحلة ؟
* هو المريخ ده داير ليهو مخدر كمان ؟
* اخوان شلباية ادوك ليها سبعة وجيت تبكي البرد وما عارف شنو .
* الوحدات برضو عمل ليكم مخدر ؟
* في الكنغو خدركم ساماتا وفي الأردن خدركم شلباية .
* وفي السودان الموسم الجاي بيخدركم جيسي .
* أنت بتشارك في الأبطال (صحبة راكب) بفضل الهلال ، مالك ومال مخدر وكلام فارغ .
* أنت خسران حاجة ؟
* ألعب كورتك واخسر خسارتك والسنة الجاية تاني بتشارك في الأبطال وبرضو صحبة راكب.
* المهم .
* هسه الهلال لو اتصل على غارزيتو وجا وصرف النظر بكرة ح تسمع يقول ليك غارزيتو يشكو الهلال للفيفا .
* ليه ؟
* يقول ليك عشان اتصلوا علي وأنا جهزت شعوري وقاموا صرفوا النظر .
* ده زول مستهبل وجنو شكاوي .
* حتى لو شاطر عمايلو دي ما بتخلي شطارتو تشفع ليهو .
* مش هسه نحن فرحانين بجيسي وأفريقيا كلها مقتنعة بيهو ؟ غارزيتو لو جا ممكن يطلع ليك الزول ده أي كلام.
* ضر كده بس .
* ابعدوا غارزيتو من خياراتكم وما تسرقوا فرحتنا بجيسي .
* خلينا نستمتع بدهشة جيسي .
* نستمتع بالطريقة العالمية التي قدم بها الهلال هذا النجم الكبير .
* صفقة جيسي تستاهل (الصفقة) وسنعود لها إن شاء الله .
* ونركب صافنات ونجيبة (بديرية) واصلو الزول بيموت والذكرى تفضل حية .
* و..و..
* قال مخدر في المكيف قال !
