بالعربي الكسيح
محمد الطيب الأمين
خسر (٥٥) ألف دولار لأنو (أشتر) !!
* (الأشتر) هو ذلك الذي (يرقص) برقبته في أغنية تستحق الرقيص بالكتف.
* هذا هو تعريف (الأشتر) في اللغة .
* أذكر في حلتنا كان في واحد بقوم (يبشر) بين الأغنية والأغنية.
* لما يكون في (فاصل) هو بقوم يبشر .
* ولما الغنا يبدأ بيمشي يقعد في كرسيه .
* هذا يسمى (اشتر تربيع) .
* اما تعريف الأشتر إصطلاحا فهو (إقالة مدرب قبل أن يدرب) .
* ولعل المريخ هو أول نادي في العالم (يقيل) مدرب والنشاط واقف بسبب كورونا.
* كما أن المريخ هو أول نادي في العالم (يعيد) المدرب الذي تمت إقالته والنشاط واقف وبرضو بسبب كورونا .
* هذا يسمي (اشتر تكعيب) .
* هو عليك الله لو ما فريق اشتر بيلبس (أحمر بأصفر) ؟
* لو ما اشتر بيخسر في الأردن بسبب (البرد) .
* حاجة تكسف .
* ما لم يفعله الكاردينال في ست سنين لن يفعله في ثلاثة شهور .
* وبما أن ذلك كذلك فإن التمديد للكاردينال لا هو من مصلحة الهلال ولا هو من مصلحة الكاردينال .
* وفي كل الأحوال نحن بتهمنا التسجيلات ولابد من حسمها مبكرا .
* الهلال في الساحة وحيدا وبمقدوره أن (يكاوش) على كل نجوم التسجيلات وبأسعار هادئة .
* ونصيحتي ليكم لما تلقوا فرصة في المريخ اعملوا على (تشليعه) .
* كده كده المريخ ما بمشي قدام .
* المريخ فيهو بكري والغربال طار من التمهيدي.
* والمريخ فيهو التش ورمضان عجب وبرضو طار من التمهيدي .
* بقت عادة عندهم .
* عادات وتقاليد .
* عشان كده (شلعوهو) وخلونا نشيل منهم النافع .
* والكرة في ملعبك يا محمد الرشيد .
* وتبكو بس .. عين قطرة وعين مس .
* من الأخبار السعيدة جدا أن حالات الكورونا في السودان ظلت في تناقص خلال الأسبوع الماضي .
* نحن لن نسئ الظن ونقول (ما في كورونا) ، ولكن سنحسن الظن ونقول أن الله كان لطيفا بهذا الشعب الكريم .
* لطف الله هو وحده الذي جعلنا نعبر مراحل المرض الصعبة فهو يعلم أن هذا البلد (قاعد في السهلة) وبالتالي خفف علينا فله الحمد حتى يرضى وله الحمد بعد الرضا .
* وثقة بالله سنعبر .
* المواصفات التي يتمتع بها نجم الأمل عطبرة كابتن بشير تؤكد أن خانته في الهلال فاضية .
* كابتن بشير (لياقة بدنية طبيعية) وحركة لا تهدأ وحرارة قلب وإمكانيات جيدة .
* نتمنى أن نرى كابتن بشير في كشف الهلال إن شاء الله .
* وذات المنى يمتد ليشمل مؤيد عابدين ظهير التبلدي الأيمن.
* الهلال مطالب بأن يبحث عن بديل مميز لاطهر الطاهر لأن أطهر وحتى بعد أن يجدد عقده سيخوض تجربة احتراف (طال الزمن ولا قصر) .
* عابدين لاعب ظهير متمكن وسيفيد الهلال كثير بإذن الله .
* نجاح التسجيلات وإضافة مواهب حقيقية سيجعل من الهلال قوة ضاربة .
* محليا الهلال ما عندو مشكلة ، كأس الممتاز حقنا من باب (العادة) ، كل مشكلتنا افريقية وهي مشكلة حلها يمكن في التسجيل الصاح والأجانب الذين يصنعون الفارق .
* بمناسبة الاجانب.
* قبل أيام لاعب المريخ المحترف البنيني اشتكى المريخ مطالبا بمبلغ (٥٥) ألف دولار .
* ودي ما المشكلة .
* هل تصدق إنو اللاعب ده ما جا السودان أصلا؟
* هل تصدق إنو اللاعب ده ما عارف المريخ بيلبس شعار لونو شنو ؟
* هل تصدق إنو اللاعب ده ما سمع بالمريخ قبل كده ؟
* يسمع بيهو من وين وإذا المريخ كل سنة طاير من التمهيدي ؟
* (لاعب ما لعب) واشتكى داير حقو .
* ومدرب ما درب وتمت اقالتو .
* انا قلت ليكم (الإصيفر) ده اشتر .
* والله صحي .
* وبكرة يظهر ليك حارس مرمى صومالي يقول ليك المريخ سجلني وما اداني حقي .
* ونحن غايتو السنة دي بالذات يا متنا من الضحك ويا كمان الضحك كتلنا .
* وانت كمريخابي أنا ما داير احبطك لكن دايرك تعرف معلومة واحدة بس : (جمال الوالي تاني ما برجع) .
* لازم تعرف الحقيقة دي .
* عشان ما تقعد فاتح خشمك ومنتظر جمال الوالي الشهير ب(عزو) .
* ما برجع يا ولدنا .
* تأكل نارك بس .
* تجيب سوداكال ، تجيب سوداتيل دي مشكلتك .
* تجيب عصام قدالة ، تجيب حامد غزالة دي مشكلتك .
* عندي ليكم إقتراح.
* جيبوا عماد الطيب رئيس للمريخ (إعارة) .
* هكذا أقترح.
* وأي زول طبعا حر في (اقترحاتو) .
* و..و..
* وجيت اهنيك واصافحك وجيت اقول ........ (بعد ده كلو صحبة راكب) .
محمد الطيب الأمين
خسر (٥٥) ألف دولار لأنو (أشتر) !!
* (الأشتر) هو ذلك الذي (يرقص) برقبته في أغنية تستحق الرقيص بالكتف.
* هذا هو تعريف (الأشتر) في اللغة .
* أذكر في حلتنا كان في واحد بقوم (يبشر) بين الأغنية والأغنية.
* لما يكون في (فاصل) هو بقوم يبشر .
* ولما الغنا يبدأ بيمشي يقعد في كرسيه .
* هذا يسمى (اشتر تربيع) .
* اما تعريف الأشتر إصطلاحا فهو (إقالة مدرب قبل أن يدرب) .
* ولعل المريخ هو أول نادي في العالم (يقيل) مدرب والنشاط واقف بسبب كورونا.
* كما أن المريخ هو أول نادي في العالم (يعيد) المدرب الذي تمت إقالته والنشاط واقف وبرضو بسبب كورونا .
* هذا يسمي (اشتر تكعيب) .
* هو عليك الله لو ما فريق اشتر بيلبس (أحمر بأصفر) ؟
* لو ما اشتر بيخسر في الأردن بسبب (البرد) .
* حاجة تكسف .
* ما لم يفعله الكاردينال في ست سنين لن يفعله في ثلاثة شهور .
* وبما أن ذلك كذلك فإن التمديد للكاردينال لا هو من مصلحة الهلال ولا هو من مصلحة الكاردينال .
* وفي كل الأحوال نحن بتهمنا التسجيلات ولابد من حسمها مبكرا .
* الهلال في الساحة وحيدا وبمقدوره أن (يكاوش) على كل نجوم التسجيلات وبأسعار هادئة .
* ونصيحتي ليكم لما تلقوا فرصة في المريخ اعملوا على (تشليعه) .
* كده كده المريخ ما بمشي قدام .
* المريخ فيهو بكري والغربال طار من التمهيدي.
* والمريخ فيهو التش ورمضان عجب وبرضو طار من التمهيدي .
* بقت عادة عندهم .
* عادات وتقاليد .
* عشان كده (شلعوهو) وخلونا نشيل منهم النافع .
* والكرة في ملعبك يا محمد الرشيد .
* وتبكو بس .. عين قطرة وعين مس .
* من الأخبار السعيدة جدا أن حالات الكورونا في السودان ظلت في تناقص خلال الأسبوع الماضي .
* نحن لن نسئ الظن ونقول (ما في كورونا) ، ولكن سنحسن الظن ونقول أن الله كان لطيفا بهذا الشعب الكريم .
* لطف الله هو وحده الذي جعلنا نعبر مراحل المرض الصعبة فهو يعلم أن هذا البلد (قاعد في السهلة) وبالتالي خفف علينا فله الحمد حتى يرضى وله الحمد بعد الرضا .
* وثقة بالله سنعبر .
* المواصفات التي يتمتع بها نجم الأمل عطبرة كابتن بشير تؤكد أن خانته في الهلال فاضية .
* كابتن بشير (لياقة بدنية طبيعية) وحركة لا تهدأ وحرارة قلب وإمكانيات جيدة .
* نتمنى أن نرى كابتن بشير في كشف الهلال إن شاء الله .
* وذات المنى يمتد ليشمل مؤيد عابدين ظهير التبلدي الأيمن.
* الهلال مطالب بأن يبحث عن بديل مميز لاطهر الطاهر لأن أطهر وحتى بعد أن يجدد عقده سيخوض تجربة احتراف (طال الزمن ولا قصر) .
* عابدين لاعب ظهير متمكن وسيفيد الهلال كثير بإذن الله .
* نجاح التسجيلات وإضافة مواهب حقيقية سيجعل من الهلال قوة ضاربة .
* محليا الهلال ما عندو مشكلة ، كأس الممتاز حقنا من باب (العادة) ، كل مشكلتنا افريقية وهي مشكلة حلها يمكن في التسجيل الصاح والأجانب الذين يصنعون الفارق .
* بمناسبة الاجانب.
* قبل أيام لاعب المريخ المحترف البنيني اشتكى المريخ مطالبا بمبلغ (٥٥) ألف دولار .
* ودي ما المشكلة .
* هل تصدق إنو اللاعب ده ما جا السودان أصلا؟
* هل تصدق إنو اللاعب ده ما عارف المريخ بيلبس شعار لونو شنو ؟
* هل تصدق إنو اللاعب ده ما سمع بالمريخ قبل كده ؟
* يسمع بيهو من وين وإذا المريخ كل سنة طاير من التمهيدي ؟
* (لاعب ما لعب) واشتكى داير حقو .
* ومدرب ما درب وتمت اقالتو .
* انا قلت ليكم (الإصيفر) ده اشتر .
* والله صحي .
* وبكرة يظهر ليك حارس مرمى صومالي يقول ليك المريخ سجلني وما اداني حقي .
* ونحن غايتو السنة دي بالذات يا متنا من الضحك ويا كمان الضحك كتلنا .
* وانت كمريخابي أنا ما داير احبطك لكن دايرك تعرف معلومة واحدة بس : (جمال الوالي تاني ما برجع) .
* لازم تعرف الحقيقة دي .
* عشان ما تقعد فاتح خشمك ومنتظر جمال الوالي الشهير ب(عزو) .
* ما برجع يا ولدنا .
* تأكل نارك بس .
* تجيب سوداكال ، تجيب سوداتيل دي مشكلتك .
* تجيب عصام قدالة ، تجيب حامد غزالة دي مشكلتك .
* عندي ليكم إقتراح.
* جيبوا عماد الطيب رئيس للمريخ (إعارة) .
* هكذا أقترح.
* وأي زول طبعا حر في (اقترحاتو) .
* و..و..
* وجيت اهنيك واصافحك وجيت اقول ........ (بعد ده كلو صحبة راكب) .
