• ×
الإثنين 17 مايو 2021 | 05-16-2021
بابكر سلك

حرقوا قمحنا

بابكر سلك

 0  0  3114
بابكر سلك
: في السلك
بابكر سلك
حرقوا قمحنا

*كلنا سمع بالناس الحرقوا القمح بعد نجاح الموسم الزراعي

*تفتكروا حرقوهوا ليييه؟

*ياربي يكون عشان يوفروا حق الخيش علي المزارعين!

*ولا عشان يريحوا المزارعين من عناء التعبئة؟؟؟

*تتعدد وتختلف الاسباب

*ولكنها لن تكون باي حال حرائق لصالح الوطن

*المهم

*موضوع كوكو موضوع الساعة

*بصرف النظر عن اسباب الحريق

*هناك حقيقة واضحة امامنا لاتحتاج لنقاش ولا تبرير

*خسران المريخ

*الخاسر الاكبر

*اتحرق قمحنا في موضوع مارسيال

*واتحرق قمحنا في موضوع شيبوب

*حيث فقد العقد ولم يظهر الا بعد مهلة الفيفا

*فهل اتحرق قمحنا في موضوع كوكو بنفس طريقة حرقه في موضوع شيبوب؟اي بفقدان اصل المستند؟؟؟؟

*وليه مكتبنا التنفيذي ده هامل لدرجة اي شئ ممكن يتفقد منو عااادي

*حتي الإيميل اتسرق

*عقد شيبوب يتفقد

*اصل مخالصة كوكو مايتلقي

*الحاصل شنو؟؟؟

*ولماذا يتم حرق قمحنا دائما بنفس الصورة؟؟؟

*ان وجدنا العذر للخطأ الاداري في مخالصة مارسيال بعدم اجرائها امام الاتحاد العام

*العذر شنو في مخالصة كوكو التي تمت امام الاتحاد العام والذي وقع وختم عليها؟؟؟؟

*زيكو قام بالاجراء الصحيح امام الاتحاد

*وصدرت تلاتة نسخ اصل من المخالصة

*واحدة حقت المريخ

*اتحرق قمحها

*وواحدة عند اللاعب حرق قمحها براهو ودساها ثم انكرها

*وواحدة عند الاتحاد

*لكن زيكو الذي قام بانزال عقد كوكو بالسيستم

*لماذا لم يقوم بانزال المخالصة المنهية لنفس العقد بالسيستم؟؟؟؟

*وهل اخطر زيكو المكتب التنفيذي بوجود اصل مودع للاتحاد بعد سؤاله عن نسخة المريخ الاتحرق قمحها؟؟؟

*ام لم يخطرهم الا من خلال تصريحه بعد العقوبة؟؟؟

*ولييييه؟؟؟

*الاتحاد زاتو

https://m.facebook.com/story.php?story_fbid=3932339556806217&id=1894375497269310
*بتجيهو صور خاصه بيهو من مخاطبات الفيفا للمريخ

*لماذا لم يخطر الفيفا بشهادته علي العصر وتوقيعه علي المخالصة بل والاستدانه منه مبلغ المخالصة؟؟؟؟

*في دي الاتحاد شارك في حرق قمحنا

*ايها الناس

*سألت مدثر خيري عن عدم استعانته بالاصل المودع لدي الاتحاد

*ذكر لي بالحرف الواحد انه لم يسمع بذلك الايداع برغم مناقشته الامر مع منسوبي الاتحاد الا بعد تصريحات زيكو الاخيرة بعد الحكم

*ايها الناس

*مكتب تنفيذي يسمح لكل من هب ودب دخول مكاتبه

*ثم يفقد مستندات ماحبابو

*وان كان لايسمح بذلك تبقي المستندات والمعلومات بطلعها الجقر

*اصلو المنطقة ديك مليانة جقور

*والجقر الاكل كبرينا

*ماكتير عليهو يحرق قمحنا

*الاندية الكبيرة مابتعرف فوضي زي دي في مكاتبها التنفيذيه ولا بتسمح بيها

*المهم

*قصة كوكو حسب علمنا كالآتي

*وقع اللاعب عقد مع المريخ قام المريخ بانزاله بحسب موجهات الفيفا

*كرت اللاعب وصل كيف

*دي بعرفها الاتحاد

*رشحو الزولفاني وطالب بالاستغناء عنه الزولفاني نفسه

*تمت مخالصة مع اللاعب امام الاتحاد بالتاريخ المبين عليها ١٩ اغسطس

*ورد بالفقرة الاولي منها المرقمة بالرقم(١) ان اللاعب نال ٨٠٠ الف دولار

*ورد ذلك بالارقام وكتابة

*تاريخ المخالصة هو نفسه

*تاريخ توقيع وخاتم الاتحاد هو نفسه

*توقيع كوكو يوجد تعديل علي التاريخ الي جانبه في الشهر(٨)

*يبقي مافي تعديل في الدولار

*يعني التمنية الف دولار الفوق دي صحيحة

*لكن تمسك المحامي التونسي بالتشكيك في صحة المستند

*يجعلنا نستنتج انه واثق من عدم وجود الاصل

*وبالتالي يثق في ان المريخ لن يقدم اصل للمستند

*الثقة دي جاتو من وين؟؟؟؟

*الهام ياربي؟؟؟؟

*الخلاصة

*مافي شئ يتعمل

*فقط محاولة تسوية مع كوكو للجدولة او النقيصة

*وفي الحالتين قمحنا اتحرق

*فهل اعدنا النظر في طريقة عمل المكتب التنفيذي والتعامل معه؟؟؟؟

*وهل استفدنا من اخطائنا واتعلمنا بحقنا زي ما استفاد زيكو من خطأ مخالصة مارسيال؟؟؟؟

*ولازلت اجزم

*مخالصة مارسيال طالما جمال قال دفعتها يبقي دفعها

*وطالما الحبيب حاتم عبدالغفار قال سلمتها يبقي سلمها

*لكن وكلاء اللاعبين لاقين جنينة الضعف الاداري عندنا وحارقين قمحنا

*سنعود للموضوع

*ايها الناس

*ان تنصروا الله ينصركم

*اها

*نجي لي شمارات والي الخرتوم

*والينا

*قلت لي كلي؟؟؟

*وعقوبات؟؟؟

*الكلام لينا المنططين عينينا؟؟؟

سلك كهربا

ننساك كيف والكلب قال لو متنا بالجوع اهون من نموت بالكورونة…. كلي يعني كلي

شحتفت الروح وخمت النفس ياها الكورونة زااالتها

والي لقاء

سلك.
امسح للحصول على الرابط
بواسطة : بابكر سلك
 0  0
التعليقات ( 0 )
أكثر

للمشاركة والمتابعة

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019