■ صابنها | محمد عبدالماجد |
عندما تصبح كل الاماني (فلّ تنك)
الحصة الصباحية
واقف من الصباح في الطلمبة يتزحزح من مربع لي مربع، لمن بقى زي (المسواك) – يتر من شبر لي شبر – اول ما وصل (المسدس) ، وخلاص عاوزين يكبوا ليه بنزين – ضربوا ليه قالوا ليه : مبروووووووووك ..زوجتك جابت (ولد).
قال ليهم : الحمدلله – كدا (السماية) تكون في يوم واحد!!!!.
......
• الفرق بين الملاريا العادية والملاريا الخبيثة – الاخيرة بتحاول تخرب بينك وبين الدواء.
• بتنقل الكلام من المرض للدواء.
• بتلخبط بيناتهم.
• عشان كدا أي حاجة بتبلعها بتستفرقها في وقتها.
• والعلاج ما بنفع معاها.
• الملاريا العادية ما عندها قضية مع زول – (عرديب) ممكن يشيلها.
• الملاريا الخبيثة لو ما جابت اجلك ..ما بترتاح.
• هدفها دايما توصلك ود اللحد.
• بعدين الملاريا الخبيثة – عندها (خبث) غريب – في بداية الفحوصات ما بتعرفها.
• ما بتظهر.
• اعملوا شير.
• ما بتخلي ليك معمل – او تحليل – وبرضو ما بتظهر ليك في نتيجة الفحص.
• خبث غريب.
• ناس يقولوا ليك تايفود.
• وناس حمى صفراء.
• وناس يقولوا ليك فشل كلوي.
• في البداية ما بتتعرف.
• في خبث اكتر من كدا.
• المهم....(ما عاوز ادخل ليكم في التفاصيل).
• واطول ليكم في الموضوع.
• عندنا واحد من جماعتنا الفوق – الملاريا طارت ليه فوق رأسو.
• زولنا بقى أي حاجة يشوفها ليك عشرة – عشرة.
• زوجتو في الفطور تجيب ليه الصينية فيها صحن واحد بتاع فول – يعاين لي زوجتو كدا – ويقول ليها يا ولية انتي جنيتي ..في الظروف الصعبة دي جايبة الفطور فيه (10) اصناف.
• انتي جنيتي؟.
• شيلي ..شيلي الاكل دا – وخلي لي (الفول) دا بس – كفاية عليّ.
• اعملوا شير.
• تديه مية جنيه برجع ليك (900) جنيه.
• عادي.
• المروحة تشغلها في اتنين ..يشوفها شغالة في 5.
• العيد الصغير ، بشوفو العيد الكبير.
• وهكذا.
• بضبح في عيد الفطر.
• ولو ما بمسكوه كان بمشي يحج.
• الزول دا مرة جابو ليه (ولد)...افتكروا توأم.
• وبقى عايش على كدا.
• التوأم بتشابهو طبعا...ولد اسمو حسين ..كل ما يشوفو يقول ليه الله يخليكم لي يا حسن وحسين.
• بقول لولده انا مبسوط منك – عشان انت واخوك دا اصلو ما قاعدين تتفارقوا.
• اعلموا شير.
• يكون نازل المحطة التانية – بنزل في المحطة الاخيرة.
• عادي عندو.
• يفتح قناة السودان – بفتكر نفسو بحضر في قناة ام بي سي 2.
• عايش على كدا.
• على كل حال ليكم ولي غيركم اعملوا فيها ما سمعتوا حاجة.
• ما تشتغلوا بي كلامي دا.
• احفروا ليه قبلو.
• وادفنوه.
• نحن مالنا.
• الخبث كعب.
• لمن تلاقى ليك زول خبيث (والكلام دا بمناسبة الملاريا الخبيثة يا عالم) ...اول حاجة بقول ليك مالك ضعفت كدا؟.
• ولو جاملك بقول ليك كبرت كدا متين؟.
• يا زول عجزت عديل كدا.
• اصلو ما بقول ليك حاجة حلوة.
• وشوية شوية بدخل في الغريق وبقول ليك : مالك انت الحاصل عليك شنو؟.
• يشكك في نفسك.
• يوهمك.
• يخليك تكلم نفسك.
• الزول الخبيث – لو ركب معاك في عربيتك – قبل ما تدور العربية بقول ليك عربيتك دي فيها صوت غريب.
• اوعك لو قال ليك كدا تفتح ليه الكبوت.
• لو فتحت ليه الكبوت – بطلع ليك مية عيب في العربية – وكان جاملك ..واتعامل معاك بي احسان – بقول ليك انت العربية دي سائقها كيف؟.
• وعشان يصلح كلامو – بقول ليك اخر مرة غيرت ليها زيت متين؟.
• ده حنكو بس.
• عشان يعمل فيها ظريف.
• وعارف أي شيء.
• وناقش أي حاجة.
• الزول الخبيث لو عطست قدامو – بطلعك عندك (كورونا).
• ولا بجامل في الحتة دي.
• والعجب لو قال ليك كدا افتح عينك.
• خلاص عاوز ينتهي منك.
• ما تشتغل بيه.
• المهم....(ما عاوز ادخل ليكم في التفاصيل).
• واطول ليكم في الموضوع.
• الزول الخبيث لمن يمشي ليه عرس – قبل ما يدخل الصالة – بقول ليك الناس ديل مالهم عشاءهم اتأخر كدا؟.
• يا زول قول باسم الله.
• وطبعا عندو عادي يقول ليك في أي حفلة الفنان دا ما بعرف يغني – حتى لو كان فنان الحفلة الاستاذ محمد الامين.
• العريس لمن يظهر لو جاء لابس كرفتة حمراء – بقول ليك اهلو ما عاوزين العروس.
• لو جاء لابس كرفتة سوداء – بقول ليك اهل العروس ما عاوزنو – جبرتهم العروس.
• لو ما كان لابس كرفتة – بقول ليك العريس دا اخر قرش دفعو للحلاق – وجاء الحفلة عشمان في الاصحاب.
• المهم....(ما عاوز ادخل ليكم في التفاصيل).
• واطول ليكم في الموضوع.
• الزول بقى وقت يكب بنزين – بشوف نفسو عمل حاجة.
• يلاقيك صاحبك راجع المساء – تقول ليه وين الليلة ؟..يقول ليك والله الليلة كنت في الطلمبة.
• كأنو كان في مهمة رسمية.
• ولمن يكب – بكون فرحان – تقول حضّر الماجستير.
• انا اول مرة اعرف الوقوف في الطلمبة طول اليوم (شغلة).
• الناس بقت شغالة كدا – وقوف في الصفوف.
• كل الاماني بقت تكب (فلّ تنك).
• لمن تعمل كدا – بتشوف نفسك ما قصرت.
• وممكن اسبوع ما تمشي الشغل.
• خلاص كبيت (فلّ تنك).
• زمان الصفوف دي الواحد بقيف فيها يمشي لوتري.
• تقيف في الصف تمشي عمرة.
• تقيف في الصف تتعين في وظيفة كبيرة.
• تعال شوف هسع دي.
• الواحد بيقيف في الصف عشان يشيل (الرغيف).
• عشان يكب (جاز).
• غايتو الكيزان ديل علمونا حركات ما كويسة.
• الصفوف دي نحن الله واعلم نمرق منها قريب.
• كلو من (الكيزان).
• والله زمان الواحد لو بالغ بقيف في صف الكورة.
• صف السينما.
• ما اكتر من كدا.
• بعدين بقى في جشع عجيب.
• هسع (الكمامات) دي علاقتها بالدولار شنو؟.
• علاقتها بالنفط ايه؟.
• عشان تطير كدا.
• الناس عاوزة تتاجر في (الازمات).
• يا جماعة انتوا ما بتخافوا الله.
• الازمات دي مفروض تتعلموا منها.
• مفروض تخافوا الله فيها.
• انتوا عاوزين تغنوا من (الازمات).
• عاوزين تعملوا ليكم (صفوف) للكمامات.
• الله يستر.
• الله يشوف البلد دي.
• على كل حال ليكم ولي غيركم اعملوا فيها ما سمعتوا حاجة.
• ما تشتغلوا بي كلامي دا.
• احفروا ليه قبلو.
• وادفنوه.
• ...........
متاريس
• الحمدلله – عبدالروؤف ما اجنبي.
• الحمدلله – عبدالرؤوف ما محترف من برة البلد.
• لو عبدالرؤوف (اجنبي) – الكاردينال هسع كان انهى التعاقد معاه.
• كان شاف ليه طريقة واتخلص منو.
• والفاتح النقر ذاتو كان ح يقول ليك طريقة عبدالرؤوف ما بتنفع مع طريقة الهلال.
• الكاردينال أي حاجة فيها (دولار) ، اقنع منها.
• انا ما عارف نايل سات الكاردينال بدفع ليها شنو؟.
• الدولار من الكاردينال ما بنشوفو إلّا لنايل سات.
• على كل حال ليكم ولي غيركم اعملوا فيها ما سمعتوا حاجة.
• ما تشتغلوا بي كلامي دا.
• احفروا ليه قبلو.
• وادفنوه.
• الكاردينال لقي ليه سبب يتخلص فيه من جمال سالم.
• ح يقولوا ليك اغلاق المطارات.
• الزول دا ما عندو زول بيصمد مع (الدولار).
• ولا بكضب.
• ............
• الصبة الاخيرة – قطوعات الكهرباء دي عندها علاقة بي كورونا؟.
عندما تصبح كل الاماني (فلّ تنك)
الحصة الصباحية
واقف من الصباح في الطلمبة يتزحزح من مربع لي مربع، لمن بقى زي (المسواك) – يتر من شبر لي شبر – اول ما وصل (المسدس) ، وخلاص عاوزين يكبوا ليه بنزين – ضربوا ليه قالوا ليه : مبروووووووووك ..زوجتك جابت (ولد).
قال ليهم : الحمدلله – كدا (السماية) تكون في يوم واحد!!!!.
......
• الفرق بين الملاريا العادية والملاريا الخبيثة – الاخيرة بتحاول تخرب بينك وبين الدواء.
• بتنقل الكلام من المرض للدواء.
• بتلخبط بيناتهم.
• عشان كدا أي حاجة بتبلعها بتستفرقها في وقتها.
• والعلاج ما بنفع معاها.
• الملاريا العادية ما عندها قضية مع زول – (عرديب) ممكن يشيلها.
• الملاريا الخبيثة لو ما جابت اجلك ..ما بترتاح.
• هدفها دايما توصلك ود اللحد.
• بعدين الملاريا الخبيثة – عندها (خبث) غريب – في بداية الفحوصات ما بتعرفها.
• ما بتظهر.
• اعملوا شير.
• ما بتخلي ليك معمل – او تحليل – وبرضو ما بتظهر ليك في نتيجة الفحص.
• خبث غريب.
• ناس يقولوا ليك تايفود.
• وناس حمى صفراء.
• وناس يقولوا ليك فشل كلوي.
• في البداية ما بتتعرف.
• في خبث اكتر من كدا.
• المهم....(ما عاوز ادخل ليكم في التفاصيل).
• واطول ليكم في الموضوع.
• عندنا واحد من جماعتنا الفوق – الملاريا طارت ليه فوق رأسو.
• زولنا بقى أي حاجة يشوفها ليك عشرة – عشرة.
• زوجتو في الفطور تجيب ليه الصينية فيها صحن واحد بتاع فول – يعاين لي زوجتو كدا – ويقول ليها يا ولية انتي جنيتي ..في الظروف الصعبة دي جايبة الفطور فيه (10) اصناف.
• انتي جنيتي؟.
• شيلي ..شيلي الاكل دا – وخلي لي (الفول) دا بس – كفاية عليّ.
• اعملوا شير.
• تديه مية جنيه برجع ليك (900) جنيه.
• عادي.
• المروحة تشغلها في اتنين ..يشوفها شغالة في 5.
• العيد الصغير ، بشوفو العيد الكبير.
• وهكذا.
• بضبح في عيد الفطر.
• ولو ما بمسكوه كان بمشي يحج.
• الزول دا مرة جابو ليه (ولد)...افتكروا توأم.
• وبقى عايش على كدا.
• التوأم بتشابهو طبعا...ولد اسمو حسين ..كل ما يشوفو يقول ليه الله يخليكم لي يا حسن وحسين.
• بقول لولده انا مبسوط منك – عشان انت واخوك دا اصلو ما قاعدين تتفارقوا.
• اعلموا شير.
• يكون نازل المحطة التانية – بنزل في المحطة الاخيرة.
• عادي عندو.
• يفتح قناة السودان – بفتكر نفسو بحضر في قناة ام بي سي 2.
• عايش على كدا.
• على كل حال ليكم ولي غيركم اعملوا فيها ما سمعتوا حاجة.
• ما تشتغلوا بي كلامي دا.
• احفروا ليه قبلو.
• وادفنوه.
• نحن مالنا.
• الخبث كعب.
• لمن تلاقى ليك زول خبيث (والكلام دا بمناسبة الملاريا الخبيثة يا عالم) ...اول حاجة بقول ليك مالك ضعفت كدا؟.
• ولو جاملك بقول ليك كبرت كدا متين؟.
• يا زول عجزت عديل كدا.
• اصلو ما بقول ليك حاجة حلوة.
• وشوية شوية بدخل في الغريق وبقول ليك : مالك انت الحاصل عليك شنو؟.
• يشكك في نفسك.
• يوهمك.
• يخليك تكلم نفسك.
• الزول الخبيث – لو ركب معاك في عربيتك – قبل ما تدور العربية بقول ليك عربيتك دي فيها صوت غريب.
• اوعك لو قال ليك كدا تفتح ليه الكبوت.
• لو فتحت ليه الكبوت – بطلع ليك مية عيب في العربية – وكان جاملك ..واتعامل معاك بي احسان – بقول ليك انت العربية دي سائقها كيف؟.
• وعشان يصلح كلامو – بقول ليك اخر مرة غيرت ليها زيت متين؟.
• ده حنكو بس.
• عشان يعمل فيها ظريف.
• وعارف أي شيء.
• وناقش أي حاجة.
• الزول الخبيث لو عطست قدامو – بطلعك عندك (كورونا).
• ولا بجامل في الحتة دي.
• والعجب لو قال ليك كدا افتح عينك.
• خلاص عاوز ينتهي منك.
• ما تشتغل بيه.
• المهم....(ما عاوز ادخل ليكم في التفاصيل).
• واطول ليكم في الموضوع.
• الزول الخبيث لمن يمشي ليه عرس – قبل ما يدخل الصالة – بقول ليك الناس ديل مالهم عشاءهم اتأخر كدا؟.
• يا زول قول باسم الله.
• وطبعا عندو عادي يقول ليك في أي حفلة الفنان دا ما بعرف يغني – حتى لو كان فنان الحفلة الاستاذ محمد الامين.
• العريس لمن يظهر لو جاء لابس كرفتة حمراء – بقول ليك اهلو ما عاوزين العروس.
• لو جاء لابس كرفتة سوداء – بقول ليك اهل العروس ما عاوزنو – جبرتهم العروس.
• لو ما كان لابس كرفتة – بقول ليك العريس دا اخر قرش دفعو للحلاق – وجاء الحفلة عشمان في الاصحاب.
• المهم....(ما عاوز ادخل ليكم في التفاصيل).
• واطول ليكم في الموضوع.
• الزول بقى وقت يكب بنزين – بشوف نفسو عمل حاجة.
• يلاقيك صاحبك راجع المساء – تقول ليه وين الليلة ؟..يقول ليك والله الليلة كنت في الطلمبة.
• كأنو كان في مهمة رسمية.
• ولمن يكب – بكون فرحان – تقول حضّر الماجستير.
• انا اول مرة اعرف الوقوف في الطلمبة طول اليوم (شغلة).
• الناس بقت شغالة كدا – وقوف في الصفوف.
• كل الاماني بقت تكب (فلّ تنك).
• لمن تعمل كدا – بتشوف نفسك ما قصرت.
• وممكن اسبوع ما تمشي الشغل.
• خلاص كبيت (فلّ تنك).
• زمان الصفوف دي الواحد بقيف فيها يمشي لوتري.
• تقيف في الصف تمشي عمرة.
• تقيف في الصف تتعين في وظيفة كبيرة.
• تعال شوف هسع دي.
• الواحد بيقيف في الصف عشان يشيل (الرغيف).
• عشان يكب (جاز).
• غايتو الكيزان ديل علمونا حركات ما كويسة.
• الصفوف دي نحن الله واعلم نمرق منها قريب.
• كلو من (الكيزان).
• والله زمان الواحد لو بالغ بقيف في صف الكورة.
• صف السينما.
• ما اكتر من كدا.
• بعدين بقى في جشع عجيب.
• هسع (الكمامات) دي علاقتها بالدولار شنو؟.
• علاقتها بالنفط ايه؟.
• عشان تطير كدا.
• الناس عاوزة تتاجر في (الازمات).
• يا جماعة انتوا ما بتخافوا الله.
• الازمات دي مفروض تتعلموا منها.
• مفروض تخافوا الله فيها.
• انتوا عاوزين تغنوا من (الازمات).
• عاوزين تعملوا ليكم (صفوف) للكمامات.
• الله يستر.
• الله يشوف البلد دي.
• على كل حال ليكم ولي غيركم اعملوا فيها ما سمعتوا حاجة.
• ما تشتغلوا بي كلامي دا.
• احفروا ليه قبلو.
• وادفنوه.
• ...........
متاريس
• الحمدلله – عبدالروؤف ما اجنبي.
• الحمدلله – عبدالرؤوف ما محترف من برة البلد.
• لو عبدالرؤوف (اجنبي) – الكاردينال هسع كان انهى التعاقد معاه.
• كان شاف ليه طريقة واتخلص منو.
• والفاتح النقر ذاتو كان ح يقول ليك طريقة عبدالرؤوف ما بتنفع مع طريقة الهلال.
• الكاردينال أي حاجة فيها (دولار) ، اقنع منها.
• انا ما عارف نايل سات الكاردينال بدفع ليها شنو؟.
• الدولار من الكاردينال ما بنشوفو إلّا لنايل سات.
• على كل حال ليكم ولي غيركم اعملوا فيها ما سمعتوا حاجة.
• ما تشتغلوا بي كلامي دا.
• احفروا ليه قبلو.
• وادفنوه.
• الكاردينال لقي ليه سبب يتخلص فيه من جمال سالم.
• ح يقولوا ليك اغلاق المطارات.
• الزول دا ما عندو زول بيصمد مع (الدولار).
• ولا بكضب.
• ............
• الصبة الاخيرة – قطوعات الكهرباء دي عندها علاقة بي كورونا؟.
