بالعربي الكسيح
محمد الطيب الأمين
تابيتا في تكريم الكاردينال وين نافع علي نافع طيب ؟
* أكثر ما كنت أخاف منه أمس وأنا أتابع تكريم الكاردينال عبر شاشة قناة الهلال ، خفت أن يتحدث (التقرير المصور) الذي تم عرضه عن إن الكاردينال هو الذي يشتري (الموز) للاعبين في التمارين .
* والحمدلله ربك رب الخير ما جابوا سيرة الموز .
* الكاردينال في كل حواراته التلفزيونية يحدثنا عن أنه (شيد الجوهرة ودفع قروش المحترفين وجاب الموز) .
* يفرد الكاردينال مساحة مقدرة للحديث عن (الموز) في حواراته حتى تحس بأن نجوم الهلال لم يأكلوا الموز إلا بعد رئاسة الكاردينال للهلال .
* بالأمس سعدنا جدا أن سيرة الموز لم تأتي في حفل التكريم وهذا ربما من باب إحترام الضيوف .
* اجتهدت كثيرا أمس لمعرفة أسباب وأهداف تكريم الكاردينال .
* وللأمانة فشلت في الوصول لاجابة .
* بالجد كده هو كرمو لشنو ؟
* في شنو يعني جديد ؟
* تكريم من غير مناسبة ولكن ربما له أهداف .
* الأسباب مجهولة والأهداف واضحة .
* اتخيل لو أن تكريم الكاردينال بالأمس كان بمناسبة فوز الهلال ببطولة دوري أبطال إفريقيا ؟
* اتخيل بس حجم الروعة والإحساس ؟
* اتخيل لو أن هذا التكريم جاء لأن الكاردينال حقق للهلال كأس العالم للأندية ؟
* وأنا أتابع في التكريم سرحت بخيالي (كأس أفريقيا في المنصة ونجوم الهلال بقيادة ساماتا وجيان والثعلب وقوميز وبشة الصغير وجمال سالم) جالسين في الصف الأول .
* سرحت واتخيلت ممثل (الكاف) موجود ومشارك في حفل فوز الهلال بالاميرة السمراء .
* اتخيلت جمهور الهلال (الاغبش العاشق) وهو يأتي (غير محشود وغير مشحود) .
* سرحت ولكن سرعان ما رجعت للواقع وسألت نفسي تاني : (الكاردينال كرموه لشنو) ؟
* عشان عمل الجوهرة الليها تلاتة سنين ؟
* طيب الجوهرة دي مش الرئيس المخلوع البشير افتتحها وكرم الكاردينال ورقص معاهو ؟
* التكريم لشنو ؟
* عشان عمل مسجد ؟ ولا عشان إختار عدد من المسنات ووداهم (عمرة) ؟
* عشان دعم ناس الجيلي والفيضان والسيول ؟
* تكريم من غير مناسبة .
* عمل الخير الذي قدمه الكاردينال خلال الخمس سنوات الماضية قدمه بدرجات متفاوتة كل رجال الأعمال السودانيين .
* للبرير أعمال خير ولطه علي البشير وصلاح إدريس وغيرهم .
* كل سوداني مقتدر عمل لنفسو عمل عشان يلقاهو قدام .
* عادي جدا .
* بس الفرق بينهم والكاردينال أنهم يعملون في الخفاء وبعيدا عن الفلاشات .
* في السعودية الوليد بن طلال له من أعمال الخير ما يدهشك .
* في قطر الشيخة موزا أعطت ولم تستبقى شئ .
* ما شفنا ليهم تكريم .
* ولا سمعنا إنو الوليد بن طلال عمل تكريم لنفسو عشان هو عمل عمل خير .
* ما يحدث مع الكاردينال هو ما محتاج ليهو وبيخصم منو .
* زول كرم نفسو تحت لافتة (الهيئة الإستشارية) .
* معقولة ناس الهيئة الإستشارية بيقدروا يجيبوا أحمد شوبير بمبلغ (عشرة ألف دولار) ما يعادل مليار إلا هبشة ؟
* معقولة !؟
* لشنو نحن كده ؟
* ليه بنخت نفسنا في حتة بايخة كده ؟
* قبل كده جمال الوالي في إفتتاح نجيلة استاد المريخ قام جاب مصطفى الأغا .
* لشنو نحن بنتعامل باعتبارنا ناقصين .؟
* هسه الكاردينال ده جاب أحمد شوبير عشان يوصل رسالة لمنو يعني ؟
* الهدف شنو من حضور شوبير ؟
* عشان يكسر تلج مثلا ؟
* يعني الكاردينال قنع من التلج المحلي وبقى يستورد التلج ؟
* والله شوبير يكون مستغرب .
* قبض الدولار وضربته الحيرة .
* شوبير بيكون ما سمع بالكاردينال إلا لحظة دعوته .
* وحقيقة حفل التكريم بالأمس ذكرني بالرئيس المخلوع البشير .
* والله صحي .
* طريقة الحشد والطرق الصوفية والسفراء وتابيتا بطرس وقاعة الصداقة .
* والله أنا لما شفت تابيتا بطرس قاعدة في التكريم اتوقعت أشوف جنبها نافع علي نافع وبكري حسن صالح وبدرية سليمان .
* اتوقعت اسمع (سير سير يا البشير) .
* التكريم الامبارح ده ناقص (هي لله لا للسلطة ولا للجاه) .
* والله بحضر في التكريم طوالي اتذكرت البشير أيام المحكمة الجنائية وقرار اوكامبو .
* واضح جدا إنو الكاردينال خايف من حاجة .
* الحاجات البتحصل دي ما طبيعية .
* غايتو نحن في الهلال ما شايفين في حاجة بتستاهل التكريم ده والهيلمانة وقاعة الصداقة والسفير السعودي وتابيتا وشوبير .
* عمل الجوهرة يشكر عليها وما قصر .
* لكن كمان إنتهى من فريق الكرة وضرب مجتمع الهلال وأدخل كثير من السيئات .
* التكريم لا علاقة له بالهلال وحتي الحضور معظمهم لا تربطهم علاقة قوية بالهلال وكرة القدم .
* عموما ما قدمه الكاردينال من أعمال خير الجزاء عند الله وليس عند شوبير .
* ومع هذا كله نبارك له ونقول له نحن بيهمنا الهلال والبيربطنا بيك ومعك هو الهلال .
* تجيب شوبير تجيب الطرق الصوفية تجيب تابيتا بطرس نحن دايرين فريق كرة.
* تعمل فريق كرة زي الناس نشيلك في الرأس .
* شوبير أمبارح أتحدث عن إنو الكاردينال عمل وعمل ولكنه لم يجد حاجة مميزة عملها الرجل لفريق الكرة .
* فريق الكرة وليس الجوهرة .
* وفعلا تعيش كتير تشوف اكتر .
* و..و..
* والله في .
محمد الطيب الأمين
تابيتا في تكريم الكاردينال وين نافع علي نافع طيب ؟
* أكثر ما كنت أخاف منه أمس وأنا أتابع تكريم الكاردينال عبر شاشة قناة الهلال ، خفت أن يتحدث (التقرير المصور) الذي تم عرضه عن إن الكاردينال هو الذي يشتري (الموز) للاعبين في التمارين .
* والحمدلله ربك رب الخير ما جابوا سيرة الموز .
* الكاردينال في كل حواراته التلفزيونية يحدثنا عن أنه (شيد الجوهرة ودفع قروش المحترفين وجاب الموز) .
* يفرد الكاردينال مساحة مقدرة للحديث عن (الموز) في حواراته حتى تحس بأن نجوم الهلال لم يأكلوا الموز إلا بعد رئاسة الكاردينال للهلال .
* بالأمس سعدنا جدا أن سيرة الموز لم تأتي في حفل التكريم وهذا ربما من باب إحترام الضيوف .
* اجتهدت كثيرا أمس لمعرفة أسباب وأهداف تكريم الكاردينال .
* وللأمانة فشلت في الوصول لاجابة .
* بالجد كده هو كرمو لشنو ؟
* في شنو يعني جديد ؟
* تكريم من غير مناسبة ولكن ربما له أهداف .
* الأسباب مجهولة والأهداف واضحة .
* اتخيل لو أن تكريم الكاردينال بالأمس كان بمناسبة فوز الهلال ببطولة دوري أبطال إفريقيا ؟
* اتخيل بس حجم الروعة والإحساس ؟
* اتخيل لو أن هذا التكريم جاء لأن الكاردينال حقق للهلال كأس العالم للأندية ؟
* وأنا أتابع في التكريم سرحت بخيالي (كأس أفريقيا في المنصة ونجوم الهلال بقيادة ساماتا وجيان والثعلب وقوميز وبشة الصغير وجمال سالم) جالسين في الصف الأول .
* سرحت واتخيلت ممثل (الكاف) موجود ومشارك في حفل فوز الهلال بالاميرة السمراء .
* اتخيلت جمهور الهلال (الاغبش العاشق) وهو يأتي (غير محشود وغير مشحود) .
* سرحت ولكن سرعان ما رجعت للواقع وسألت نفسي تاني : (الكاردينال كرموه لشنو) ؟
* عشان عمل الجوهرة الليها تلاتة سنين ؟
* طيب الجوهرة دي مش الرئيس المخلوع البشير افتتحها وكرم الكاردينال ورقص معاهو ؟
* التكريم لشنو ؟
* عشان عمل مسجد ؟ ولا عشان إختار عدد من المسنات ووداهم (عمرة) ؟
* عشان دعم ناس الجيلي والفيضان والسيول ؟
* تكريم من غير مناسبة .
* عمل الخير الذي قدمه الكاردينال خلال الخمس سنوات الماضية قدمه بدرجات متفاوتة كل رجال الأعمال السودانيين .
* للبرير أعمال خير ولطه علي البشير وصلاح إدريس وغيرهم .
* كل سوداني مقتدر عمل لنفسو عمل عشان يلقاهو قدام .
* عادي جدا .
* بس الفرق بينهم والكاردينال أنهم يعملون في الخفاء وبعيدا عن الفلاشات .
* في السعودية الوليد بن طلال له من أعمال الخير ما يدهشك .
* في قطر الشيخة موزا أعطت ولم تستبقى شئ .
* ما شفنا ليهم تكريم .
* ولا سمعنا إنو الوليد بن طلال عمل تكريم لنفسو عشان هو عمل عمل خير .
* ما يحدث مع الكاردينال هو ما محتاج ليهو وبيخصم منو .
* زول كرم نفسو تحت لافتة (الهيئة الإستشارية) .
* معقولة ناس الهيئة الإستشارية بيقدروا يجيبوا أحمد شوبير بمبلغ (عشرة ألف دولار) ما يعادل مليار إلا هبشة ؟
* معقولة !؟
* لشنو نحن كده ؟
* ليه بنخت نفسنا في حتة بايخة كده ؟
* قبل كده جمال الوالي في إفتتاح نجيلة استاد المريخ قام جاب مصطفى الأغا .
* لشنو نحن بنتعامل باعتبارنا ناقصين .؟
* هسه الكاردينال ده جاب أحمد شوبير عشان يوصل رسالة لمنو يعني ؟
* الهدف شنو من حضور شوبير ؟
* عشان يكسر تلج مثلا ؟
* يعني الكاردينال قنع من التلج المحلي وبقى يستورد التلج ؟
* والله شوبير يكون مستغرب .
* قبض الدولار وضربته الحيرة .
* شوبير بيكون ما سمع بالكاردينال إلا لحظة دعوته .
* وحقيقة حفل التكريم بالأمس ذكرني بالرئيس المخلوع البشير .
* والله صحي .
* طريقة الحشد والطرق الصوفية والسفراء وتابيتا بطرس وقاعة الصداقة .
* والله أنا لما شفت تابيتا بطرس قاعدة في التكريم اتوقعت أشوف جنبها نافع علي نافع وبكري حسن صالح وبدرية سليمان .
* اتوقعت اسمع (سير سير يا البشير) .
* التكريم الامبارح ده ناقص (هي لله لا للسلطة ولا للجاه) .
* والله بحضر في التكريم طوالي اتذكرت البشير أيام المحكمة الجنائية وقرار اوكامبو .
* واضح جدا إنو الكاردينال خايف من حاجة .
* الحاجات البتحصل دي ما طبيعية .
* غايتو نحن في الهلال ما شايفين في حاجة بتستاهل التكريم ده والهيلمانة وقاعة الصداقة والسفير السعودي وتابيتا وشوبير .
* عمل الجوهرة يشكر عليها وما قصر .
* لكن كمان إنتهى من فريق الكرة وضرب مجتمع الهلال وأدخل كثير من السيئات .
* التكريم لا علاقة له بالهلال وحتي الحضور معظمهم لا تربطهم علاقة قوية بالهلال وكرة القدم .
* عموما ما قدمه الكاردينال من أعمال خير الجزاء عند الله وليس عند شوبير .
* ومع هذا كله نبارك له ونقول له نحن بيهمنا الهلال والبيربطنا بيك ومعك هو الهلال .
* تجيب شوبير تجيب الطرق الصوفية تجيب تابيتا بطرس نحن دايرين فريق كرة.
* تعمل فريق كرة زي الناس نشيلك في الرأس .
* شوبير أمبارح أتحدث عن إنو الكاردينال عمل وعمل ولكنه لم يجد حاجة مميزة عملها الرجل لفريق الكرة .
* فريق الكرة وليس الجوهرة .
* وفعلا تعيش كتير تشوف اكتر .
* و..و..
* والله في .
