مابين قبلية وجهوية وعنجهية وفئوية ضاع وطن .. نسكن شمبات عشانك ترحلي كافوري يا احلي جارة!!!
*اكتر زول بكره القبلية في الدنيا دي انا
*والغريبة الجهوية
*دي مابطيقها
*لانو القبلية لاتعترف بالآخر اطلاقا
*وكذلك الجهوية لاتعرف باي اتجاه معاكس
*في الاتنين الحق والاعتراف بود القبيلة وارض القبيلة فقط
*وحديثا جاء مصطلح للقبلية او الجهوية اسمه الفئوية
*كلها معان لمعني واحد لايعترف بالآخر اطلاقا
*وكلها تؤدي لفهم واحد اسمه العنجهية
*وديل كلهن سببن للوطن الازية
*حتي الشمولية هي احدي تلك المعاني
*فالنظام الشمولي لايعترف الا بنفسه فقط
*يفرض نفسه علي الجميع
*ولا يقبل الآخر الا من يتبع فقط
*والشمولية هي سبب اساسي في ظهور الحرامية في الانظمة السياسية المختلفه
*ولا يوجد دليل علي ذلك اعمق من حرامية الشمولية الاخيرة
*ديل اكلوا وطن كامل
*ولم يشبعوا
*وشربوا عرق امة ودماء شعب
*ولسة عطشانين
*بياكلوا بخلعة تشبه خلعة القرد لما ياكل
*شفتوا القرد لما ياكل بكون مخلوع كيف؟؟؟
*تلقاهو منطط عيونو
*وبياكل بايدينو الاتنين
*مخزن في كضومو
*ومالي قدومو
*وببلع بدون مايمضغ
*والغريبة مابرضي زول ياكل معاهو
*ولا ككو زيو
*وبي خشمو المليان ده ممكن يعضيك لو حبيت تشاركو الاكل
*وباقي الاكل تلقاهو مكومو تحتو وقاعد فوق ليهو
*دي كانت طريقة اكل الوطن شموليا
*ووطن اتأكل بالطريقة القردية دي تلتين سنة وما كمل
*يبقي وطن خيرو باسط
*وبمحاربة الشمولية بحراميتها و القبلية والجهوية
*ووضع الشعارات الثورة موضع التنفيذ
*صدقوني في خمسة سنين حانغنا ونغني للبلد بريدك كل يوم اكتر
*الدنيا تطورت
*والقبلية والجهوية تقوداننا للعصر الحجري
*عصر الانسان الاول
*عصر القوة
*وهي القوة شنو؟
*ماياها الشمولية بالبندقية؟؟؟
*ولولا الثورة
*كنا ماشين في درب الانسان الحجري كويس
*قربنا نصل عصر الاسرة الامية
*الاسرة التي كانت الام فيها هي الكل في الكل
*لانو الوكت داك الرجال ما كانوا قوامين علي النساء
*لانهم في سد المال مابنفقوا
*كانت الام تزرع وتحصد وتربي وتحلب
*والرجال متشنقلين مرتاحين ومتجدعين
*كانوا لايملكون قوتهم
*وبالتالي لم يمتلكوا قرارهم
*لكن بعد ده كلو افتروا
*قالوا دايرين اغلبية في المجلس السيادي الاسري
*ودايرين نص مقاعد برلمان الاسرة
*ودايرين رئاسة وزراء البيت ونص الوزارات
*وقالوا هم قوامين ومابرضوا غير الوضع ده
*قالوا ليهم قوامين بما انفقتم
*قبلوا بشرط الانفاق
*واستراحت حواء
*وتفرغت عازة لجيهتها
*وقست عليك الدنيا يا بلد الامل
*ووصل الرجال في العصر الشمولي الاخير لدرجة ياكلوا في بطونهم دي ما انفقنه النساء
*بدون خجله كمان
*فالرجالة طارت مع الرغيفة ام الف جنيه دي
*وطارت مع كيلو الضان ابو اربعمية الف ده
*وطارت الرجالة طارت
*مع المضاد الحيوي ابو سبعمائة الف
*وكورس الملارية
*تقول كورس لغات
*طارت الرجالة مع رسوم المدارس واجرة المثل وكيلو الطماطم ابو ميتين وخمسين الف ده
*وعاد كيفن الرجالة ماتطير والدولار وصل تمنين الف يا صديقتي داليا الياس؟؟؟
*اذن الانظمة الشمولية بتخلي الرجالة تطير
*وبتخلي النسوان يضحكن فينا وعلينا
*عشان كده
*حافظوا علي الديمقراطية ان كنتم ترغبون بالتمتع برجالتكم ايها الشباب
*والحفاظ علي الديمقراطية يكمن في البعد عن القبلية والجهوية والعنجهية التي تقود لشمولية تجعل نون النسوة تضحك علي واو الجماعة الضكر
*المهم
*نعزي اخوتنا التوانسه في رحيل السبسي
*اخواننا المصرين تمنوا لو تتغير باء السبسي بياء
*لكن تقول شنو
*انا اريد وانت تريد والله يفعل مايريد
*السيرة الذاتية للسبسي مشرفه جدا ومشرقة
*ولعل مايلفت النظر فيها
*ان الفقيد هو زميل دراسة لمدافع الهلال التونسي الجديد
*وصديق شخصي له
*لذا يمتد العزاء ليشمل اخوتنا الاهله
*والسؤال الذي يطرح نفسه
*كردنة عارف بزمالة المدافع للفقيد السبسي ولا سجلو ساي؟
*والسؤال القبل كده
*كردنة جا؟؟
*طيب الحكاية دي ساي ولا فيها ان؟؟؟
*اها
*سكنت شمبات عشان اجاور احلي جارة
*نسكن شمبات عشانك
*ترحلي كافوري يا احلي جارة؟؟؟
*طيب خلي صورتك جمبي ساي علي اخيرة الاسياد لو مابية الرجعة الا مع رجعة كردنة يافطومة
*ايها الناس
*المتأمل لمسيرة السودان الاقتصادية
*يجد انها فاشلة فشل الانظمة السياسية التي عاصرتها
*فالتدهور الاقتصادي بدا بعد خروج الانجليز بثانية واحده واستمر ليومنا هذا
*وتدهور الخدمة المدنية بدا منذ اعلان سودنتها
*والسبب في ذلك ايماننا بالمثل القائل
*كان فاتك الميري اتدردق في ترابو
*ومقولة حقك؟ماحق الحكومة مالك ومالو
*لو ما اتغيرت المفاهيم دي مابننفع
*لو ما اقتنعنا بانو حق الوطن علينا مقدم علي حقوقنا الشخصية ماببنفع
*ولو ما اقتنعنا باننا واموالنا ملك لهذا البلد ولهذا الشعب
*لن نقدم لهذا الوطن ولن نقدمه
*وبرغم كل ماحدث
*الا ان العشم في هذا الجيل كبير وكبير جدا
*فجيل لايؤمن بالقبلية هو جيل يعترف بالآخر
*ومن يعترف بالآخر يعترف بسودانويتنا التي تميزنا
*ومتي ما اعترفنا بسودانويتنا صدقوني ستكون لحظة الانطلاق للامام
*روح الانتقام والثأر لاتقدمنا
*وهذا لايعني ان لا يكون الحساب ولد
*ولكن التعايش برغم كل ماحدث
*تسارع خطانا نحو سودانويتنا
*وهذا ماصعد برواندا
*تناسوا امسهم المظلم
*وقبروا احقادهم من شهدائهم
*لاجل غد مشرق
*فاشرقت رواندا صاحبت الامكانات المحدودة
*مشروع الجزيرة بس اقيم من رواندا كلها
*ولكن تمسكهم بروانديتهم قتلت القبلية عندهم فنهضوا
*فهل نتمسك بسودانويتنا لننهض ونحن اصحاب الرقعة الزراعية الاوسع
*ونحن اسياد المعادن المقبورة والمسروقة الاوفر
*ونحن ناس التعليم الاقدم
*ونحن اسياد الجلد والراس
*ام نتمسك بقبليتنا القاتلة وجهويتنا الفارغة
*لمن يجي يوم الداير يزور خالتو في بحري الا يؤشر دخول من سفارة بحري لدي جمهورية امدرمان؟؟؟
*ايها الناس
*معسكر الدمازين ده بذكرني معسكر تركيا ابو فندقين داك
*المجانية سببا في قبول مكان المعسكر
*معسكر تركيا بتاع حريم السلطان لو تتذكروا
*كان في تلج زي البرد
*لدرجة ان الكثير من التمرينات تم الغاؤه بسبب الثلوج
*لكنه كان ملح
*ياخ الفرق التركية في الوقت داك بتطلع بره تركيا عشان تجد مكان دافي تتمرن فيهو
*ولكن الملحية قادتنا ليهو
*وهاهو مجلسنا الحالي يقبل بالملحية مجددا بقبوله لمعسكر الدمازين
*بس بدل تلج تركيا بمطر الدمازين
*وان كان الامر كذلك
*يكون لافرق بين شمولية المريخ وديمقراطية المريخ
*و قبول المجلس المنتخب بالاضافة عليه في ذلك الوقت
*يشبه العراك بين المجلس العسكري وقوي الحرية
*وكانه كان تنازعا حول السلطة
*وفي الآخر الحاكمية للشعب
*ان كان المجلس شمولي
*الحاكمية للشعب
*وان كان المجلس منتخب ياسوداكال
*فدي حاكمية الشعب المن امها ذاتها
*يا تسحب دفتر شيكاتك وتكتب
*يانسحب دفتر الثقة ونكتب
*وشيك سحب الثقة مابرجع
*المهم
*الاسعار حيرت البضاعة زاتها
*عبدالله جبص صاحب بقالة جمبنا
*قلت ليهو اديني كيلو رز
*قال لي مافي
*لكن في المكيس جاهز
*قلت ليهو الكيس بي كم؟
*قال لي بخمسطاشر وفيهو ميتين جرام
*قلت ليهو يعني الكيلو ابو تلتين يطلع بخمسة وسبعين؟
*قال لي تلتين؟ هو في كيلو حاجة بتلتين؟ تلتين والله كيلو فاضي مابتجيب ليك
*الكلام ده عندكم ليهو حل يا برهان وحميدتي
*ولا ننكوي كده لمن تجي المدنياااااااو؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*يا والينا
*اعتصام الاسعار الفينا
*مابتقدروا تفضوهوا لينا؟؟؟
*نجيب كتائب ظل يعني يا والينا؟؟؟
سلك كهربا
ننساك كيف والكلب قال مابصدق القدر يفض داك غالبو يفض ده…وحك اضانو بي رجلو الورا وقام جاري
والي لقاء
سلك
*اكتر زول بكره القبلية في الدنيا دي انا
*والغريبة الجهوية
*دي مابطيقها
*لانو القبلية لاتعترف بالآخر اطلاقا
*وكذلك الجهوية لاتعرف باي اتجاه معاكس
*في الاتنين الحق والاعتراف بود القبيلة وارض القبيلة فقط
*وحديثا جاء مصطلح للقبلية او الجهوية اسمه الفئوية
*كلها معان لمعني واحد لايعترف بالآخر اطلاقا
*وكلها تؤدي لفهم واحد اسمه العنجهية
*وديل كلهن سببن للوطن الازية
*حتي الشمولية هي احدي تلك المعاني
*فالنظام الشمولي لايعترف الا بنفسه فقط
*يفرض نفسه علي الجميع
*ولا يقبل الآخر الا من يتبع فقط
*والشمولية هي سبب اساسي في ظهور الحرامية في الانظمة السياسية المختلفه
*ولا يوجد دليل علي ذلك اعمق من حرامية الشمولية الاخيرة
*ديل اكلوا وطن كامل
*ولم يشبعوا
*وشربوا عرق امة ودماء شعب
*ولسة عطشانين
*بياكلوا بخلعة تشبه خلعة القرد لما ياكل
*شفتوا القرد لما ياكل بكون مخلوع كيف؟؟؟
*تلقاهو منطط عيونو
*وبياكل بايدينو الاتنين
*مخزن في كضومو
*ومالي قدومو
*وببلع بدون مايمضغ
*والغريبة مابرضي زول ياكل معاهو
*ولا ككو زيو
*وبي خشمو المليان ده ممكن يعضيك لو حبيت تشاركو الاكل
*وباقي الاكل تلقاهو مكومو تحتو وقاعد فوق ليهو
*دي كانت طريقة اكل الوطن شموليا
*ووطن اتأكل بالطريقة القردية دي تلتين سنة وما كمل
*يبقي وطن خيرو باسط
*وبمحاربة الشمولية بحراميتها و القبلية والجهوية
*ووضع الشعارات الثورة موضع التنفيذ
*صدقوني في خمسة سنين حانغنا ونغني للبلد بريدك كل يوم اكتر
*الدنيا تطورت
*والقبلية والجهوية تقوداننا للعصر الحجري
*عصر الانسان الاول
*عصر القوة
*وهي القوة شنو؟
*ماياها الشمولية بالبندقية؟؟؟
*ولولا الثورة
*كنا ماشين في درب الانسان الحجري كويس
*قربنا نصل عصر الاسرة الامية
*الاسرة التي كانت الام فيها هي الكل في الكل
*لانو الوكت داك الرجال ما كانوا قوامين علي النساء
*لانهم في سد المال مابنفقوا
*كانت الام تزرع وتحصد وتربي وتحلب
*والرجال متشنقلين مرتاحين ومتجدعين
*كانوا لايملكون قوتهم
*وبالتالي لم يمتلكوا قرارهم
*لكن بعد ده كلو افتروا
*قالوا دايرين اغلبية في المجلس السيادي الاسري
*ودايرين نص مقاعد برلمان الاسرة
*ودايرين رئاسة وزراء البيت ونص الوزارات
*وقالوا هم قوامين ومابرضوا غير الوضع ده
*قالوا ليهم قوامين بما انفقتم
*قبلوا بشرط الانفاق
*واستراحت حواء
*وتفرغت عازة لجيهتها
*وقست عليك الدنيا يا بلد الامل
*ووصل الرجال في العصر الشمولي الاخير لدرجة ياكلوا في بطونهم دي ما انفقنه النساء
*بدون خجله كمان
*فالرجالة طارت مع الرغيفة ام الف جنيه دي
*وطارت مع كيلو الضان ابو اربعمية الف ده
*وطارت الرجالة طارت
*مع المضاد الحيوي ابو سبعمائة الف
*وكورس الملارية
*تقول كورس لغات
*طارت الرجالة مع رسوم المدارس واجرة المثل وكيلو الطماطم ابو ميتين وخمسين الف ده
*وعاد كيفن الرجالة ماتطير والدولار وصل تمنين الف يا صديقتي داليا الياس؟؟؟
*اذن الانظمة الشمولية بتخلي الرجالة تطير
*وبتخلي النسوان يضحكن فينا وعلينا
*عشان كده
*حافظوا علي الديمقراطية ان كنتم ترغبون بالتمتع برجالتكم ايها الشباب
*والحفاظ علي الديمقراطية يكمن في البعد عن القبلية والجهوية والعنجهية التي تقود لشمولية تجعل نون النسوة تضحك علي واو الجماعة الضكر
*المهم
*نعزي اخوتنا التوانسه في رحيل السبسي
*اخواننا المصرين تمنوا لو تتغير باء السبسي بياء
*لكن تقول شنو
*انا اريد وانت تريد والله يفعل مايريد
*السيرة الذاتية للسبسي مشرفه جدا ومشرقة
*ولعل مايلفت النظر فيها
*ان الفقيد هو زميل دراسة لمدافع الهلال التونسي الجديد
*وصديق شخصي له
*لذا يمتد العزاء ليشمل اخوتنا الاهله
*والسؤال الذي يطرح نفسه
*كردنة عارف بزمالة المدافع للفقيد السبسي ولا سجلو ساي؟
*والسؤال القبل كده
*كردنة جا؟؟
*طيب الحكاية دي ساي ولا فيها ان؟؟؟
*اها
*سكنت شمبات عشان اجاور احلي جارة
*نسكن شمبات عشانك
*ترحلي كافوري يا احلي جارة؟؟؟
*طيب خلي صورتك جمبي ساي علي اخيرة الاسياد لو مابية الرجعة الا مع رجعة كردنة يافطومة
*ايها الناس
*المتأمل لمسيرة السودان الاقتصادية
*يجد انها فاشلة فشل الانظمة السياسية التي عاصرتها
*فالتدهور الاقتصادي بدا بعد خروج الانجليز بثانية واحده واستمر ليومنا هذا
*وتدهور الخدمة المدنية بدا منذ اعلان سودنتها
*والسبب في ذلك ايماننا بالمثل القائل
*كان فاتك الميري اتدردق في ترابو
*ومقولة حقك؟ماحق الحكومة مالك ومالو
*لو ما اتغيرت المفاهيم دي مابننفع
*لو ما اقتنعنا بانو حق الوطن علينا مقدم علي حقوقنا الشخصية ماببنفع
*ولو ما اقتنعنا باننا واموالنا ملك لهذا البلد ولهذا الشعب
*لن نقدم لهذا الوطن ولن نقدمه
*وبرغم كل ماحدث
*الا ان العشم في هذا الجيل كبير وكبير جدا
*فجيل لايؤمن بالقبلية هو جيل يعترف بالآخر
*ومن يعترف بالآخر يعترف بسودانويتنا التي تميزنا
*ومتي ما اعترفنا بسودانويتنا صدقوني ستكون لحظة الانطلاق للامام
*روح الانتقام والثأر لاتقدمنا
*وهذا لايعني ان لا يكون الحساب ولد
*ولكن التعايش برغم كل ماحدث
*تسارع خطانا نحو سودانويتنا
*وهذا ماصعد برواندا
*تناسوا امسهم المظلم
*وقبروا احقادهم من شهدائهم
*لاجل غد مشرق
*فاشرقت رواندا صاحبت الامكانات المحدودة
*مشروع الجزيرة بس اقيم من رواندا كلها
*ولكن تمسكهم بروانديتهم قتلت القبلية عندهم فنهضوا
*فهل نتمسك بسودانويتنا لننهض ونحن اصحاب الرقعة الزراعية الاوسع
*ونحن اسياد المعادن المقبورة والمسروقة الاوفر
*ونحن ناس التعليم الاقدم
*ونحن اسياد الجلد والراس
*ام نتمسك بقبليتنا القاتلة وجهويتنا الفارغة
*لمن يجي يوم الداير يزور خالتو في بحري الا يؤشر دخول من سفارة بحري لدي جمهورية امدرمان؟؟؟
*ايها الناس
*معسكر الدمازين ده بذكرني معسكر تركيا ابو فندقين داك
*المجانية سببا في قبول مكان المعسكر
*معسكر تركيا بتاع حريم السلطان لو تتذكروا
*كان في تلج زي البرد
*لدرجة ان الكثير من التمرينات تم الغاؤه بسبب الثلوج
*لكنه كان ملح
*ياخ الفرق التركية في الوقت داك بتطلع بره تركيا عشان تجد مكان دافي تتمرن فيهو
*ولكن الملحية قادتنا ليهو
*وهاهو مجلسنا الحالي يقبل بالملحية مجددا بقبوله لمعسكر الدمازين
*بس بدل تلج تركيا بمطر الدمازين
*وان كان الامر كذلك
*يكون لافرق بين شمولية المريخ وديمقراطية المريخ
*و قبول المجلس المنتخب بالاضافة عليه في ذلك الوقت
*يشبه العراك بين المجلس العسكري وقوي الحرية
*وكانه كان تنازعا حول السلطة
*وفي الآخر الحاكمية للشعب
*ان كان المجلس شمولي
*الحاكمية للشعب
*وان كان المجلس منتخب ياسوداكال
*فدي حاكمية الشعب المن امها ذاتها
*يا تسحب دفتر شيكاتك وتكتب
*يانسحب دفتر الثقة ونكتب
*وشيك سحب الثقة مابرجع
*المهم
*الاسعار حيرت البضاعة زاتها
*عبدالله جبص صاحب بقالة جمبنا
*قلت ليهو اديني كيلو رز
*قال لي مافي
*لكن في المكيس جاهز
*قلت ليهو الكيس بي كم؟
*قال لي بخمسطاشر وفيهو ميتين جرام
*قلت ليهو يعني الكيلو ابو تلتين يطلع بخمسة وسبعين؟
*قال لي تلتين؟ هو في كيلو حاجة بتلتين؟ تلتين والله كيلو فاضي مابتجيب ليك
*الكلام ده عندكم ليهو حل يا برهان وحميدتي
*ولا ننكوي كده لمن تجي المدنياااااااو؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*يا والينا
*اعتصام الاسعار الفينا
*مابتقدروا تفضوهوا لينا؟؟؟
*نجيب كتائب ظل يعني يا والينا؟؟؟
سلك كهربا
ننساك كيف والكلب قال مابصدق القدر يفض داك غالبو يفض ده…وحك اضانو بي رجلو الورا وقام جاري
والي لقاء
سلك
