⚽ وهلالنا فوق فوق فوق :
وزرزرنا الزنزباريين فى زنزبار
وبسته اهداف نضيفه
وكل هدف يحكى عن نفسو وليهو قصه وليهو عنوان
واياك اعنى واسمعى يا جاره
وبل راسك ايها الافريقي العنيد
وما تعمل لينا فيها كبير وخطير واوربى وصنديد
فالتاريخ لا يعرف سوى الهلال كبيرا
والهلال ايها الافريقى صعب المراس فى البطوله الافريقيه
وهو صعب المراس فى جوهرته التى يقبر فيها كل المنافسين
واذا كنتم تفاخرون باسامه الدراجى والخفيفي فنحن نفاخر بصهيب الثعلب وبشه الصغير وجيوفانى وفارس والسمؤال
ولو عندكم سيف الشرفى فحراسنا جمال سالم ويونس الطيب وجمعه جينارو
ولو عندكم العيفه عندنا بويا وعندنا الشعله وامبومبو وابوبكر ديارا وايمانويل وبشه والشغيل ونزار وشيبوب واطهر والجريف والدمازين
فلن تتأهل ايها الافريقى على حساب ابطالنا الا بعد ما تشوف حلمة ودنك
فلا تحلم

⚽⚽ وطار المريخ فاشهد يا تاريخ :
ومن خلى عادتو قلت سعادتو
والظاهر المريخ قد اصيب بمرض فقدان التحكيم ومشتاق شديد لضربات الجزاء التى لا تتوفر الا فى دكان العم عامر عثمان
وفعلا خروج المريخ من التمهيدى بقت عادات وتقاليد لاهل المريخ
وفى الحقيقه الفريق لا يستحق لقب الزعيم
ولابد من تجريده وقد سرقه من الهلال
وما تقولوا لى الاداره وقريش وصمدو واسد
وما تقولوا لى اكتاى ومحمد الشيخ مدنى والاستقاله
فالاعذار اقبح من الذنب الذى اقترفه الفريق فى حق جمهوره المسكين
وظنى ان المريخ سيجلب على السودان سخريه لا نريدها
وخوفنا ان يضحك علينا العرب حين يسقط فى بطولتهم القائمه
فمازالت السباعيه الوحداويه الاردنيه مصدر تندر اخوتنا الاردنيين
وخوفى ان يتكرر المشهد ثانية
وقد كان من قبل وحين خرج المريخ بالعديد من الهزائم فى بطوله سابقه
وقد شاهدت يومها تلك المباراة الاستفزازيه التى لعبها المريخ ضد الهلال السعودى الصغير
وكاد ذلك الفريق ان يسقط المريخ لولا تدارك المريخ للتعادل وبصعوبه شديده
وهذا العام يشارك الكثير من الفرق الكبيره فى هذه البطوله
ولا اظن ان المريخ سيكون قادرا على الصمود فى تلك البطوله
والنصيحه ان لا يلعب المريخ الا محليا وتصفقوا ليهو بشده مع اهلى عطبره و مريخ كوستى


⚽⚽ من هنا وهناك :
⚽ اخرس الله تلك الالسن التى تريد ان تبخس تأهل الهلال . فهؤلاء للاسف لهم اجندتهم الخاصه وهم بالتأكيد اعداء كل نجاح

⚽ وهنا لابد ان نهنى الكاردينال الذى تفوق على الارباب وعلى لجنة تسيير المريخ باكملها وعلى قريش وعلى محمد الشيخ وحتى على جمال الوالى الما رئيس ولو كان بعيدا فالهلال قد تأهل وسقط المريخ وسقط اهلى شندى وطاروا جميعا

⚽ وسارع الزلفانى بتقديم استقالته وفعلا هذا المدرب اتت به الصدفه الى المريخ وساعده الحظ فى انتصارات المريخ وكلما اذكر تصريحه الغريب العجيب حين قال انه قد كشف خطط فريق الهلال من قناة الهلال اضحك واضحك

⚽ ماذا سيقول كابتن المريخ السابق بشاره عبد النضيف عن خروج المريخ من التمهيدىوقد كان دفاعه مستميتا حين كان فى الاستديو التحليلى وفى جدال مع محلل بحرينى قال ان فوز المريخ على اتحاد العاصمه هو فوز صدفه وفعلا المريخ مره فوق ومره تحت خالص

⚽ الآن وبعد ان فرحنا كثيرا بالتأهل المستحق . علينا العمل بشده والاستعداد لمباراة الافريقى فلابد من حسم للقاء رادس ان اردنا ارتياحا فى الجوهره وعلى الزعفورى وهو تونسى الجنسيه ويعرف كل نقاط وضعف الافريقى .عليه ان يجهز الفريق ويحل المشكل الانسجامى للهجوم وان يجند امبومبو خير تجنيد واختيار اللاعب المناسب فى المكان المناسب حتى يأتى النصر

⚽ كثيرا وكثيرا جدا قلنا ان قناة الملاعب قناة تعبانه . حيث يريد صاحبها نجاحا عبر المريخ . بالامس فشلت القناة فى نقل مباراة المريخ من يوغندا القريبه. يعنى هذه القناة تعانى من ضعف الامكانيات الماديه وقال ايه عملوا للمريخ قناة فضائيه وسموها قناة المريخ

⚽ وبدأ التشاؤم يغطى كل دنيانا الزرقاء وكأن الهلال سيخرج امام الافريقى التونسى الذى اوقعه حظه العاثر امام الهلال .وفى تونس بدأ الاعلام التونسى حملتة القويه لمناصرة الافريقى وفى السودان مازال الاعلام الازرق نائما ومنقسما على نفسه ما بين اربابى وكاردينالى وضعف شديد للآلة الاعلاميه التى كانت الاقوى فى السودان وتبخيس وخوف ورجفه وفقدان للثقه يا اخى ناصروا هلالكم ثم عودوا للارباب والكاردينال وصفقوا لهم

⚽ مارأى البكايين الذين ظلوا يذرفون الدموع طويلا على محمد عبد الرحمن وتيرى وبكرى والتش - هل توافقون ان نسجلهم فى الهلال وكل انجازاتهم تحكى لنا فشلا ذريعا وفى كل المواسم والمريخ قابع فى ركن قصى كتب عليه بالخط العريض ( الوصيف الدائم )

⚽ ضحكت وانا اقرأ خط التماس فاطمه الصادق حيث كتبت تقول :
*علي بالطلاق وطلاق نسوان فريقكم ده في التلفزيون ما أضيع زمني اشوفو .
*فريق ياخ ملطشة جوه البلد وبره البلد .
* كل سنه ده حالكم ،،تتفاصحو وتقدو راسنا بالتسجيلات ونفخ اللاعبين وفي الآخر تركبو التونسية .
*فريق فيه النعسان راجين منه شنو ؟؟ .
*نعسان بالخاء .
*واهلي المسجون علي ذات الدرب .
*النيه زامله سيدا ياهناي ولن يكون اهليك هلالا في يوم من الأيام كان سجلت كل المشاطيب .*

محمد الحسن شوربجى