⚽⚽⚽ كاس جوى بطعم العسل :

ونحن اذا الوطن نادانا تلقانا فى الاول

وكاس جوى جميل محمول على الاكتاف الزرقاء

واسياد بلد جوه بره

وابطال بلد جوه وبره

وزعماء بلد جوه وبره

وهزيمه للحاقدين جوه وبره

وقد رفضوا احتفال الهلال بالدورى فاحتفل بهم كل العالم

وقد تطاولوا على الهلال طويلا

و اساءوا للهلال طويلا

و قبحوا سماوات الامارات وملؤها بالاكاذيب كثيرا

وارغدوا وازبدوا فى القنوات وبخطل القول ودون حياء

وقريش ومزمل واسماعيل حسن وابوبكر عابدين

فجاءهم رد الهلال مزلزلا وقويا

وانتصر الهلال على مريخهم الضعيف

فعادوا الى ديارهم يولولون

واقبل بعضهم على بعض يتلاومون

وهلال زى ده اصلو ما معقول

ودورى ودورى ودورى ودورى ودورى .... و.... وكاس

فبكى اهل المريخ على ارض الامارات

وسيطول بكاءهم وهم عائدون الى الديار

وستتواصل احزانهم وسيموتون الف مرة ومرة

ومعقول زول يقد عينو بيده

ديل هم ناس المريخ

وهذا هو نعسانهم الذى جاء نائما

ومن قبل كان سقوطهم الدواى فى الدورى رغم نقاط الفيفا التى سلبت

وها هم الآن يسقطون امام الهلال وامام العالم

فبحضرة جلالك ايها الهلال يطيب الجلوس

مهذب امامك يكون الكلام

لانك محنك عميق الدروس

مجيد المهابه مديد القوام

فعفوا ايها الوصيف الواهن

فأنت امام الهلال العظيم

ومن زمان قلناها

ما ممكن الامير يبقي زي الملك

وما احلاها رائعة ابن الباديه

وحذارى على اهل الوصيف ان يقتربوا من سور الملك

لان الملك ملك عظيم ويا زول

ويا ملك عايزنك ديمه تكون ملك

ملك عظيم يا زول

عايزين ديمه نشوف الملك

ده سور العالي المنشبك

يحمينا يا زول

حراسو بتمسك ما بتفك

بالموت دايرين نشوف الملك

لو جيت بعيد سور الملك

ده عبيرو بجيك فايح المسك

احذر حبو لا تنشبك

ده كتير الحباهو وهلك وما بهموا

الما قادرين يصلو الملك

قالوا الأمير زي الملك

ده كذب يا زول

كيفن أمير يعادل ملك

ده بعد الهلال من المسك

بكتير يا زول

لو شفتو مره بترتبك

انوار جلال و حرس ملك

تشيلك ي زول عفه وبراءة

وطيب خصال ودلال وجمال ملك

ده ملك عظيم يا زول.

وحفظ الله الملك

فكلما انتصر الهلال اتذكر قول البحترى:

علاقة حب كنت اكتم بثها :: الى ان اذاعتها الدموع الهوامع

فهنيئا شعب الهلال هذا النصر الجميل

وافرحوا كثيرا اهل الهلال فلا احزان بعد اليوم

وشكرا كثيرا جمهور الهلال الرائع فى امارات الخير

وشكرا كثيرا لاعبي الهلال فردا فردا

وشكرا كثيرا كاردينال الهلال هذا الحضور المميز

وشكرا كثيرا جهازنا الفنى المتزن

وشكرا كثيرا شبشه الوالد

وشكرا كثيرا امارات زايد الخير

وشكرا كثيرا يعقوب السعدى وكل الاعلام

وهيا بنا ايها الاهله ننطلق الى افريقيا لنحكم عرشها

هلموا

الى مجد يعانق الآفاق

لقد سئمنا الدورى وشبعنا محليته المقيته

وكفانا اسقاطا لهذا الند الجميل

وقد وجب علينا تصغيره ( مريريخا )

وعلى وزن (يا غليم) التى اطلقها الرسول صلى الله عليه وسلم على ابن عباس رضى الله عنه وقد اراد به التمليح

فلقد توالت عليه الهزائم الهلاليه جوه وبره

ولا يكاد يقوى على مجاراة الهلال فى جميع المناسبات

ورغم لجوءه للتحكيم واستمالة التحكيم وضربات الجزاء المهداة من بعض الحكام والدواعى وما ادراك ما الدواعى والشكاوى وما ادراك ما الشكاوى والتواطؤ وما ادرام ما التواطؤ


مبروك كل الاهله

⚽⚽⚽ من هنا وهناك :

⚽⚽نصر هلالى مستحق وكاس جوى محمول يدحض كل اكاذيب الدلاقين وحقدهم الاعمى

⚽⚽ مبروك كردنه هذا التكريم الانيق كأول رئيس نادى يكرم بمثل هذه الجائزه والتى سخر منها بعض الحاقدين -

⚽⚽ ياربى هل فرحت المعارضه حقيقيا بفوز فريق الهلال على المريخ ام انها كالعاده تبحث عن ما يعكر افراح الجمهور الهلالى ومثل تلك الاحاديث الجوفاء التى تعودنا تبخيسا فى انجازات النادى وحتى يعود عرابهم ويعودوا

⚽⚽ سؤال برئ : هل كان المريخ طبيعيا فى الشوط الثانى ؟ ظنى ان الامر غير طبيعى فى ظل انتشار المنشطات فى الملاعب ومن اين استمد بكرى المدينه كل هذه القوة والجرى - وفعلا صديقى قال لى ده ما جرى فول فلقد سقط بكرى ومسك بطنه وكانه يريد الاستفراغ وهكذا التش

⚽⚽ شكرا الحكم الاماراتى المونديالى الذى لم تخدعه حركات لاعبى المريخ فى المنطقه المحرمه طلبا لضربة جزاء تعودوا عليها ومن فضلك لن تخدعنى ايها التش فأنت فى الامارات

⚽⚽ اتفاءل كثيرا بمهاجم الهلال الجديد امبومبو وظنى انه سيكون كرتا رابحا للهلال فى قادم المباريات وجاكم مهاجم خطير ايها الاهله

محمد الحسن شوربجى