ادوكم النادي 14 سنة سويتو ليهو شنو؟
انجازاتكم شنو ؟
الخسارة 7 من الوحدات ..فقدان بطولة الممتاز 11 بطولة من 14 بطولة للهلال..والله السويتوهو للهلال صلاح والبرير وكردنة وسعادة الفريق ما سوهو!!
الخسارة جوة استادنا 5 اهداف من التبلدي هذا هو انجاز 14 سنة !!
الهلال في عهدكم فاز بـــ(11) بطولة ونحن نفوز بكاس السماية !!
الدخلتوهو في المريخ ما بيغلسو الصابون
كان العشاق يهتفون للاعبين والابطال وتحول الهتاف للرجال عيب و الله عيب !!
تتفاصحو على شنو .. تغزلتو في ونسي وقلتو ودالشيخ المنقذ والآ تبحثون عن سبيل لابعاده عن النادي ؟
ودالشيخ استاذ الاجيال لن يبعد على كيف كيفكم !!
لن نحرق الرجال لاجل الصغار!
ود الشيخ الذي وقع على شيك الغربال لن تبعدوهو عشان مزاج شخص عصبي و متعصب !!
كنتو وين ونادينا يخسر بالسبعات ويهدي للهلال البطولات كنتو وين؟
اي زول عامل فيها قطب !!
سكتنا 14 سنة تقديرا وحبا للنادي لكن تان لن نسكت سنشعلها نار !!
سنكشف المخالصات الوهمية والتي اوصلت النادي الي الحرمان من التسجيلات !!
وحكاية كاس السد الما بنهد فضيحة لا تحصى او تعد !!
ديون وفضائح جوة الملعب !!
تغشونا بكاس السودان الليلة الواحدة والهلال يسيطر على الممتاز وبعد ده كلو جايين ساكين التعيين !!
كفاية اذهبوا ودعوا نادينا و شأنه!!
اخيرا
قمة زايد قمة اللاعبين والذي اضاعوا علينا كاس الممتاز !!
المناسبة عظيمة ولابد ان يعود الابطال بالكاس !!
فهو ليس امنية بل افعال وحرارة قلب !!
كل الدلائل تؤكد ان اللقاء سيكون قويا !!
حديث محمود صالح بعد ثبوت ناديه حديث إفتقد للكياسة وكان عليه ان يقول سنتعاون لاجل الكرة في البلاد وليس الهجوم على الشيخ وشداد !!
الاهلي في محنة وهو نفس 14 سنة يعيش في وضعية صعبة !!
الهياج والحديث الساخن لا يعني الفوز بالبطولات !!
الذين يحاربون المريخ لن يحصلون على الهدف الذي بسببه دخلوا الغابة !!

قمر 14 قام ليهو شوك!!