هل يعتقدون فينا وعشاق نادي المريخ الغباء والسذاجة ؟
يتلاعبون بالمفردات (الجلاد القاتل القناص الملهم والاخطبوط ) قبل كل تسجيلات ولكن نحصد نتيجة سالبة .. 14 سنة ثلاثة بطولات .. يسجلون القاطرات والهلال يشيل في البطولات !
اثبتت التجارب ان المريخ لا يحتاج الي قاطرات ولكنه في حاجة الي ارباب وبرير وكردنة!!
يضحكون على قادة نادي الهلال ولكن حصادهم صفر !!
نفقد البطولات ..نختها في اصحاب الصافرات !!
فرق .. بشه يفاوض لاجل الهلال وامير يطلب المليار لنفسه.
هل امير كابتن وبشه كابتن ؟
في سنة واحدة كابتنيه جاب بطولة وزولنا ست سنوات ازية .
بشه يلعب للهلال بـــــ(700) الف جنيه وزولنا يشيل 5 مليار والحصاد لا بطولة حتى الان .
انتو بتلعبو لعب .. العايز يمش الباب يفوت جمل !!
نعود الي الضحك على قادة الهلال والسخرية منهم .. فالارباب شال 5 بطولات توالي والباقي نخليهو .. البرير شال 2 تواليا .. كردنة شال 4 بطولات 3 توالي وواحدة بعد الانتخابات !!
بعد ده نضحك في قادة الهلال .. مين يضحك على مين ؟
لاعبونا يلعبون في الصحف لاننا نحن نريد ذلك ..فلان قفل هاتفه وعايز حقوا طيب هو ادانا شنو ؟!!
17 سنة ونفس الاسطوانات !!
قلنا عايزين ننقذ الجاب وجبنا ودالشيخ .. قبل ان يجلس كويس في الكرسي طالبوه بالاستقالة وديل نفس الناس الــــــ(دقو ليهو الدلوكة واحتفلوا بكسر الطبل ) انتوا ما عندكم وش ..نخجل ليكم يا اخوانو احترموا استاذ الاجيال ولا عايزين تجيبوا لينا جوكي يقود النادي ؟!!
المشكلة ليست في المحبين ولكن في بعض الذين يقودون النادي !!
14 سنة سويتو شنو عشان تتلاعبو بنا ياخي اختونا كفاية قفلتوا النادي وقفنا الفيفا ..خجلة مافي نخجل ليكم!! عيب والله عيب !!
الهلالاب يقفون خلف قائدهم لوكان ضعيف هش لا يقوي حتى على السير لكننا ندمر الكفاءات !!
هوي يا انت هناك وصفت عصام الحاج بالاستاذ وافضل سكرتير وتاني اصبح جعجاع هوي يا زول هوي !!
نغني للذين نود ان يكون وحين نود التخلص منهم ساهل جدا نقول فيهم اي حاجة !!
سبق وان قلت لودالشيخ استاذ الاجيال عليك ان تلعب دور القائد فلا تكن سلم يتسلق به الانتهازين ولكن كن سيفا يقطع سيقانهم .
اين اوكتاي الذي فلقونا به فهل انتهي دوره في المسرحية؟!!
يعلم هؤلاء ان الــــــ(9) عينوا بخطاب من مجلس سوداكال وقع عليه شداد ..ديل تعيين يعني كان في استقالة جيبوها!!