• ×
الأربعاء 30 سبتمبر 2020 | 09-28-2020
مازري

ارحكم النقعة يا حلاة الصقعه!!!

مازري

 4  0  2745
مازري






*والمريخ كان منتظر شيء ومالقي أي شيء

*وكل شيء وليهو شيء والمريخ الما عندو شئ

*احلي ما في انتظار الامس ذلك الهمس وامل المريخاب الاوكتاب الما انقطع

*فحتي وهم منهارين من احفاد السلاطين كانوا متجهين بكلياتهم لكردفان الغرة ام خير جوه بره

*فسبحان مغير الاحوال من حال الي حال ناس كانوا منتظرين الاحتفال بقوا يفتشوا في الشكاوي ونتائج الغير

*الما اكلتو بايدك بمشي ويسيبك

*لكن ياشمسنا الضوايه وقناة الملاعب حزنكم ظاهر وعملتوها ظاهرة وين الساعه وعم سمساعه

*وهلالنا ده الما متلو شيء بقي قريب من اللقب وعندما يداعب الهلال اللقب يادوب الكان مؤمل بيتعب

*غايتو مباراة المريخ دي زي الشافعه المشوا قدوا ليها اضانه وما لقت الحلق

*يعني تاني نقول ياحليلم المريخاب في زول بركب الوتد وما عندو حق الخروف

*وناس الهلال ديل امبارح دوروا ليك في الوسائط شغل عجيب والجماعة لبدوا

*وصاحبنا امير الخليفه عبر حسابه اصلوا ما جامل وو ما احلي تغريدو عندما قال صدق الكاردينال عندما قال ستعود الستة نقاط !

* قال ايه ::نحن من نبعث الحياة للهلال من جديد ، و نحن من نضخ فيهم العزيمة .محمد الشيخ مدني .. امشي شوف مدارسك مع عبد الصمد ، مال اوكتاي وحده لا يخلق فريق ولا يحقق بطولات .

*وجمال سالم مخترق !! ياربي الاخترقوا منو والوصل لي منو !!

*ونقول سمح الغنا من خشم سيدو..

*والليله لا عندنا كلام مع لامين ولا عن هلال الملايين اصلوا الموضوع منتهي ومن راهن علي الاقمار ما خاب رهانه

*لامين ده ما اظن نصيح او طبيعي زول بلعب اربعة باكات في مباراة! حير ليك الزولفاني لمن غير فنيلتو

*غايتو لامين اشتغل شغل عجيب بشه دخل المباراة ما نفذ المطلوب طوالي غيرو ! ما عندو كبير يعني موعودين بمدرب تكتيكي من الطراز الفريد

*لكن اطهر الليلة غير والعمله سكتتنا وقفلة خشمنا ! اتاري كان عندو رأي ورايو براهو ! يا اخي تاني خليك قدام اوعك ترجع وراء ما دام دي خانتك المفضلة

*بويا وحسين الجريف عشرة علي عشرة خاصة في الكرات العالية وتناسق وتفاهم وفدائية

*الصورة اتغيرت

*وكسبنا الجولة وفي انتظار اللقب ونحنا ماشين بلد السلاطين

*نحنا ماشين بلد السلاطين ومنتصرين ما مهزومين ولا مضروبين

*والهلال بمباراة الامس حقق مكاسب عدة ! الشعلة هدافا للدوري الممتاز وسيد البلد علي بعد خطوات من الاحتفاظ باللقب

*وتاني نرجع للمريخ ومرسي الفاشر لو ما فاطر ما تخاطر

*وكأس السودان حافظوا علي السمعة ما يبقي زي قصة النقعة وحلاته الصقعه اصلوا اولاد كردفان ديل حارين ومن خمسة ولي فوق

*تبلدينا لي قدام والقادم احلي وفي انتظار التتويج اليوم كنا سلاطين وغدا سنكون علنا جهارا نهارا مع اولاد التبلدي مش اولادنا وكده

*الوضع الطبيعي ان يكون الهلال سيد اللقب ولا عجب

*في امدرمان في الواق واق في فاشر السلطان سيد اللقب

*ومازال الجماعة في رحلة البحث عن لقب !! ملحوظة الرجاء ابلاغ الاعلامية ميرفت بقناة النيل الازرق التغير الي البحث عن لقب بدل هدف!

*القصة والتفوق الهلالي ليست اسماء والقاب ! انها قصة روح وجماعية والفه وسحر خاص يتمتع به لاعبو الازرق

*قبل مباراة اليوم طاردت الاصابات نجوم الهلال واعمدته بشه الكبير والشغيل وجيوفاني ورغم ذلك تعامل لامين مدرب الهلال بواقعية وحقق المراد بما يملك من لاعبين

* لامين خلق من الهلال فريق جماعى وليس لاعبا واحدا أو لاعبين. ودون شك سيكون غياب الثلاثى مؤثرًا فى عمليات التغيير والتبديل أثناء المباراة إلا أن الفريق تعرض لغيابات سابقة ومضى منها بسلام وبنجاح.. لأنه فريق وليس لاعبًا.. !

*اكثر ما يطمئن الان ان الهلال قوته في الجماعية وفى قدرة لاعبيه على تنفيذ تكتيك المدرب الصارم.. هم جميعا يدافعون من أول نقطة إلى آخر نقطة. وهم جميعا يهاجمون بخطوطهم الثلاثة لتحقيق المطلوب

* مفتاح المباراة الأول ليس لاعبا أو ثلاثة. ولكنه الفريق وشخصية الهلال

*شكرا نجوم الهلال شكرا لامين ودوما منتصرين

كلمات حرة

*الو الزولفاني وين فارشين قصدي متي راجعين مضروبين ومقهورين

*وجود نمر في تشكيلة المريخ اكبر مكاسب الفرق الأخرى التي تعمد علي الاستفادة من وجوده

*واخونا الجعلي الحر فتحي الجعلي جنو رميات لكن ما رميه (النجمه ام ضنب البكاء والنويح مابفيدك...مابصح تتفلسفي وتمشي قدام سيدك ) (ديل ناسا كبار امشي قارعي نديدك....والفي (فاشر السلطان) كانت عواسة ايدك..

*مخير الله على عبادو .. المريخ إنضرب من اولادو

*اخر كلمة ملاريا غيبت الحكام قام انضرب الحمام

*كلمة حرة اخيرة ...الفاشر كيف ؟ وكيف

امسح للحصول على الرابط
بواسطة : مازري
 4  0
التعليقات ( 4 )
الترتيب بـ
الأحدث
الأقدم
الملائم
  • #1
    شمس الدين ريحان 10-05-2018 05:0
    يا السما الاصفر ولا الاحمر انت عارف هلال الابيض تعبان تعبان بس هم ها جاين يشيلو الكاس من حمام الوالي سابقا وحمام التركي حاليا فريق داخل بعشرين فرصه طلع ملوص
       الرد على زائر
    • 1 - 1
      السما الاحمر 10-05-2018 01:0
      ربحانه نحييكم هههه لا عتب عليكم فانتم شبعتم من الحرام لذلك لا تحسون بشي واصلا لما الضمير يموت الضرب على الميت حرام ومعلوم للجميع من افارقة وعرب من هو الفريق الذي يبلغ في الفوز بدعم الحكام وقالها القحطاني على العالم وين دفاعكم عن نتانة سوق العيش ..ههه خرج ٦ من لاعبي سوكرتا من المعسكر كيف تفسر ذلك ... طاف دراويش الكردافة الملعب خلال ١٠٠ دقيقة والتمثيل واضح لكل الناس وما جديد عليكم من زمن ٢ و١٣ واعارات وهمية وجنسية سيدك بيه لعب قبل استلامها ب ٦ شهور وشطحات الحكام من زمن الكورة الضربت في الماسورة وحتى لحظات جرح قرنية عين الحكم خالد يوسف وشداد يتفرج والنقاط ظلما ذهب للمدعوم اذا في قانون على وجه الارص مفروض المدعوم يمسح من الدنيا ويطبق فيه عادات الهندوس وتحرق رفاته وتنثر من اعلى نقطة ارتفاع على المحيط حتى ترتاح الدنيا من قذارة ونتانة سوق العيش التي ازكمت الأنوف وبعد دا عندك طولة لسان والله عالم ما بتخجل ادمنت الحرام عدييل كدا واتحداك وشكلكم معجبين بالفاقد التربوي شوربجي وهلال وروشا ومازري والعربي المسيخ وباقي االموتورين اضافة لدعم كفر ووتر زرقاء سوق العيش التي تحيد التشفي في المربخ.
  • #2
    السما الاحمر 10-04-2018 03:0
    يلا لشيكان نضحك في التمثيل وبيع الضمير بالمجان ههه انت يا مازري صدقت انو المدعوم بطل ونسيت خروج ٦ من لاعبي سوكرتا من المعسكر ونسيت تمثيل هلال التبلدي وعدم اقناع الناس بان ما قدمه منافسة شريفة حقيقة لقد سقط هلال الكردافة سفطة مدوية وبدون شك الجمكم مربخ الفاشر واهداكم درس في الاخلاق والشرف ... انتو معروفين من زمان قبل ما يجي كردنة الذي لم يترك شي في سبيل الحصول على النقاط لكن عارف المحصلة التخيرة حاتستمر معكم الى يوم القيامة وان شاء الله يدوم الصفر الى يوم يقوم الناس لرب العالمين .
       الرد على زائر
    • 2 - 1
      السما الاحمر 10-05-2018 01:0
      ابو المستعار منو يا Hajjam من انت حتى تصنف الماس وانت اول واكبر ابو مستعار بل انت الموتور الذي شبع من الحرام مسكين فاكر انه المدعوم بطل والجن الاحمر منتظرك ان شاء الله ساذكرك في قادم الايام ان حيبنا.انت انسان بسبط جدا وفاكر كلام دا بغير الحقائق قوم لف وخليك في الفرح الزايف ومزور وخليكم مع كردنة الذي لا يميز بين المافسة الشريفة وبين ما هو محرم .غدا لناظره قريب وحانشوف.
    • 2 - 2
      Hajjam 10-05-2018 12:0
      ابو المستعار ركبو الجن الأحمر ومسكين البدأ يأمل.
  • #3
    حسين 10-04-2018 02:0
    دي شنو العوارة دي كلام الطير في الباقير . والله مافهمت اي شئ ياجماعة الصحفيين الرياضيين ديل بجيبوهم من وين . خاصة صحفين الهلال والمريخ
  • #4
    saif 10-04-2018 01:0
    وبعديت المحصله شنو عادى كاس الدورى الناس عايز كاس افريقيا
أكثر

للمشاركة والمتابعة

جميع الأوقات بتوقيت جرينتش +3 ساعات. الوقت الآن هو 01:0 الأربعاء 30 سبتمبر 2020.

تصميم وتطوير  : قنا لخدمات الويب

Powered by Dimofinf CMS v5.0.0
Copyright© Dimensions Of Information.

جميع الحقوق محفوظة لـ "كفر و وتر" 2019